影片
電話號碼
28030310
28030313
附加資料
we got some extra for each day from week
Monday: seafood night special price
Tuesday :Steak night special price
Wednesday : Ladies night ,champagne glass for ladies
Everyone is welcome to la mensa
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
有關獎賞計劃
位於荃灣plaza88地下有間chill爆食墨西哥野既餐廳，裝潢富麗，原來價錢卻抵到爆。當日去到已經全場機乎爆滿，但都搵到卡位！台上有水自助斟！Lunch set抵到癲！！！🤭🤭🤭叫左個新西蘭肋眼排配烤蔬菜和沙律，前菜可揀餐湯或沙律，包飲品同甜品。兩個人叫左一個新西蘭肋眼排（$125）+ 牛油咖哩雞配大蒜烤餅（$110）。前菜叫左一湯一沙律，轉配latte加 $20、埋單先$200+👍🏻👍🏻餐湯係蔬菜即打死的忌廉湯，豐富口感，不會草青味，鮮甜！前菜既沙律都勁大兜，配上橄欖油同烤雞肉粒，非常之開胃！牛油咖哩雞勁好味！咖啡少辣，但易入口！雞肉超級鮮嫩！撈埋大蒜烤餅一齊食正到癲！！！😋😋仲要熱辣辣上，超級超級惹味！！唔配烤餅可配白飯，但老闆都強烈推介配大蒜烤餅！仲有青瓜同蕃茄，食食下可以用來中和一下！新西蘭肋眼排配烤蔬菜和沙律係兩塊超大塊牛排，揀左medium熟，岩岩好，嫩滑口感，配埋醬汁同芥辣醬，超正！飲品揀soft drink唔洗加錢，轉配拉花咖啡加$20。用來打卡一流啦！總結：性價比超級強！！！
繼續閱讀
平時好少喺荃灣食lunch，難得今日放假，約咗朋友出嚟行街食飯，經過見到呢間多國菜，見到其他人食決定入去試吓🤪Set lunch都幾多選擇，基本嘅意粉同牛扒都有，最特別係有印度咖喱同pizza 揀，而且仲包埋餐湯/沙律，甜品、飲品，呢個價錢包咁多野都唔錯☺️✨餐湯 西蘭花忌廉湯蒜蓉包夠脆！西蘭花忌廉湯綿密幼滑，每啖都好多西蘭花蕾，夠哂飽肚暖胃✨沙律🥗煙三文魚沙律菜，沙律菜新鮮配搭酸甜沙律醬非常開胃✨新西蘭肋眼扒我地嗌咗medium 但黎到既時候變咗全熟咁上下 無血水😂不過都唔緊要 我地照食，食落都多肉汁，但肉質有點乾，整體還好唔算太出色✨牛油咖喱雞配大蒜烤餅估唔到印度咖喱反而更出色，因為香料味唔算太多食落更岩香港人口味，咖喱微辣香甜非常惹味真係食到唔停口👅大蒜烤餅熱辣辣又鬆脆，只係蒜味唔算突出✨芝麻吞拿魚魚塊平時餐廳既吞拿魚魚塊比較粉紅色，而依家望落就比較熟，食落都不錯 芒果莎莎醬微酸甜甜地都幾match ✨甜品 布朗尼平時嘅布朗尼外脆內軟好似朱古力咁，尼間整法似布朗尼蛋糕偏鬆軟，甜度適中不錯
繼續閱讀
大家好今日去了荃灣88 Plaza 一間幾靚既餐廳食野呢間餐廳叫做La Mensa Grill & Bar店內的裝修好靚 有幾幅意大利風景既油畫包括了五魚村和威尼斯既景色我就點左佢既Seafood Paella 海鮮飯這款海鮮飯係即叫即做上桌時還熱辣辣非常之香個飯有多款海鮮 包括青口 蜆 蝦 魚 魷魚等等店員話我知呢個飯是用意大利飯來做食過飯都真係幾煙韌不過飯都係要煮得岩岩好先有甘既效果同埋佢都有好重既番茄味既湯汁配合海鮮都係幾搭令到成個飯好惹味跟住我再點了自製提拉米蘇這個味道自製提拉米蘇都好正宗忌廉有朱古力粉仲可以食到手指餅係吸左有咖啡酒伴碟仲有朱古力醬和士多啤利醬不僅美觀仲可以點餅食總括這間餐廳既出品都係好正宗
繼續閱讀
專程入荃灣探朋友，朋友介紹去屋企附近 La Mensa Grill & Bar 晚飯，仲話要早啲落去食，驚一到 peak hour 會好多人攞唔到位（下次預先 book 定就唔駛怕）！入到餐廳，餐廳氛圍好 chill！樓底好高、播住輕快流行音樂，地方闊落，好啱親友暢聚放鬆放鬆☺️餐牌上有好多海鮮類選擇，亦有大路嘅肉食、主食。考慮緊食咩嘅時候，後面枱食客已經食完個生蠔連酒拼盤，仲同侍應講，生蠔好肥美要 encore！不過最後我哋決定嗌light light地嘅吞拿魚同 pizza 🥰芝麻吞拿魚魚塊 Crusted Sesame Crusted Tuna Chunks ($135)呢味吞拿魚實屬健康之選，鐵質同各種礦物質極豐富🤩 吞拿魚鮮味至極，外面包住嘅烤香黑白芝麻脆皮更令成道菜嘅香美提升高一個層次！拼埋 生洋蔥、蕃茄同香芒嘅果味，喺口裏面拌住吞拿魚爆出嚟，精彩絕倫😘意大利辣香腸披薩 Pepperoni Thin Crust Pizza ($165)辣肉腸 pizza，材料經典簡單，只要係鍾意蕃茄、芝士同辣肉腸嘅朋友，都無法抗拒！個 pizza 出爐熱辣辣香噴噴，薄批底脆卜卜唔韌，芝士更可以拉絲😆 好在佢材料香得嚟又唔滯，好啱襯啤酒/cider 一齊食❤️今晚餐廳更有播生日歌慶祝食客生日，氣氛好好！環境好，價錢又合理，朋友真係冇介紹錯！六點入座一陣，餐廳即 full-house！受歡迎程度唔講得少 😇📌 La Mensa Grill & Bar 📍 荃灣楊屋道88號Plaza 88地下5-7號舖#westernfood #hkfoodie #hongkongfood#tseunwan #eatwithr #香港美食 #foodporn #lamensagrillandbar #lamensa #cheese #pizza #tuna #fruit #oyster #foodlover #barfood #bar #sangria #beer #draughtbeer #happyhour #chill #chillvibes
繼續閱讀
位於商場底轉角位，方便而且幾大間，坐得舒適，自在👍🏻蘑菇瑞士漢堡🍔有勁大個蘑菇、牛肉、芝士🧀️，配左好大份炸薯條好吸引🤩牛肉夠林，蘑菇彈牙好好咬口👍🏻火腿菠蘿🍍Pizza🍕揀左厚底，芝士味甚濃Mango smoothies & Cold lemon tea特別推介smoothies ，係用雪糕shake出黎，超好味😋整體黎講，係一間幾悠閒、幾好坐既西餐廳兩個人以上賣單大約五百幾蚊，還可接受
繼續閱讀