Golem Craft Beer (已結業)

今晚同班沙田校友聚會，以前搵食通常都係去新城市，或者禾輋大排檔。而家石門係新興既餐廳集中地，仲要吾係連鎖店，各有特色。大家都無帶小朋友，所以係石門揀左間有得飲返杯，又可以開餐既酒吧。🍻🍻 啤酒1664呢度有多款啤油，有咖啡味，朱古力味，果味等等，我揀左飲開既1664🍻 墨汁海鮮意粉簡單用橄欖油炒，突出墨汁意粉及海鮮既味道，墨汁意粉好彈牙。🍻 香濃鮮茄大蝦意粉蕃茄辣味汁好惹味，大蝦好新鮮。🍻 海膽汁帶子意大利飯海膽汁煮意大利飯好配合，吾腥。🍻 美式燒烤豬仔骨好大塊豬仔骨好抵食，不過煮得乾左D。🍻 炸辣味雞鎚外面香脆入面嫩滑。🍻 和牛粒串燒和牛好林好有牛味。🍻 炸薯角炸得好香脆，送酒一流坐得舒適，食物又有水準🍻🍻🍻

今日去咗同朋友飲酒！位於沙田石門！都幾高質要同大家分享一下 晚上嘅氣氛都好唔錯首先我地點左兩支啤酒，分別係Golem lager ，酒精濃度都OK，飲落去唔會好夾。朋友叫咗1664 ，果酒味好重！之後叫咗兩款小食，分別係美式燒烤豬仔骨，食落去好多醬，肉質保持嫩滑.係用心之作之後仲叫咗兩款小食㖭 就係煙肉芝士薯條70蚊 芝麻雞翼58蚊 個人好鍾意 煙肉芝士薯條,因為外皮炸得金香配上香噴噴嘅芝士,口感滑嫩,亦都好飽肚 根本係兩個人嘅份量一個人一定食唔曬 另一樣係芝麻雞翼炸得啱啱好, 唔會話好油膩, 加上外皮炸得香脆, 芝麻味道濃沃,超正 下次都會嚟食呀

現在嘅石門真係可以用「多姿多彩」嚟形容，不同類型嘅食店進駐，連我地幾個女仔想揾間靚靚酒吧飲酒傾計一樣冇失望。Golem Craft Beer靜靜地佇立在京瑞廣場2期外圍的地鋪，以黑色為主調，唔細心發現真係好容易就錯過。德國脆皮豬手 $188本人係德國豬手迷，見到就立即點了一份。豬手色澤粉嫩，最難得係外皮做到又脆又煙韌，而肉質卻能保持嫩滑，係名符其實「皮脆肉嫩」！點蜜糖芥末醬係永恆的美味！美式燒烤豬仔骨 $198豬仔骨一樣有驚喜，BBQ醬入味非常，豬肉肥美，拎住條骨可以吮好耐😋😋黑松露薯條 $70雖然主菜有薯條伴碟，但我哋仍然忍唔住嗌咗碟黑松露薯條，最鍾意呢種粗身現炸嘅薯條，真材實料！脆炸芝士粒 $58芝士粒飽滿，外脆內軟，的確有點邪惡。手工啤酒🍺作為酒鬼，嚟到又點可以唔試呢度嘅手工啤酒？我地一人點左一款口味，各有特色。🍻Hong Kong Bastard (7.2%) $88色澤漂亮，有微微甘苦。🍻Moon Goddess (Chocolate) (5.0%) $88朱古力味非常特別，絕對能夠瘋魔萬千女生！🍻Hong Kong YAU (Wheat) (5%) $85比較清，易入口，適

石門站附近酒吧 有好多唔同類型手工啤仲有好多野食揀 滿足到我愛酒 女朋友愛食兩大要求首先我叫左個tasting platter有6款唔同啤酒 有黑啤白啤mc啤都有齊口味有濃有淡 一定啱你口味呀 佢地仲有門神品版手工啤野食方面就叫左個黑松露薯條炸起就即刻上碟 黑松露醬味道黎濃郁炸魷魚圈都係剛炸好就即上碟魷魚都算彈牙 炸漿上得好平均啤酒雞雞肉都嫩滑 焗完仲係原雞 啱晒女友影相餐廳俾左把大較剪我地剪開佢黎食入面仲放左啲啤酒花釀隻雞食落都有啲酒香味

星期六同媽媽搭馬鐵去石門站搵食,我地推住BB車要搵個地方企企理理又要擺到BB車就行左去京瑞廣場搵下有咩岩食,又岩我地擺車仔發現到呢間BAR乾淨企理,於是就入去試下.由於餐廳岩岩開門無耐,所以未見有人.星期六都有LUNCH SET而且選擇都唔少,有飯/意粉同扒我地都叫左2款意粉試下,仲加左個薯角LUNCH SET包湯OR沙律,仲有杯飲品,重點飲LATTE都唔洗加錢!!我同媽媽要左1個湯,1個沙律SHARE媽媽就要左洛神花茶意粉係超大碟,男仕都唔洗擔心會唔夠食仲有大電視可以睇波，而且仲係收深夜！下次會同老公黎啤啤佢。

想不到在沙田的石門會有這種酒吧，幽暗的環境叫人很放鬆。牆上的大電視播着國際足球賽事，是不錯的娛樂。但重點當然是飲食的部份。餐廳的招牌啤酒，淡淡的味道很易入口，不錯。佐酒的食物當然少不了。唐揚雞塊外脆內軟，肉質嫩滑，肉汁也豐富。是一流的小食，也是佐酒佳品。黑松露薯條的黑松露醬也頗有特色，黑松露的味道不會立即嚐到，是慢慢滲出來的，不會太嗆，有自己的特色。主角是脆皮豬手，大大份的，很滿足。咸咸的肉味也不錯，只是外皮有點硬，要好好處理讓它變得更脆。

呢間酒吧係我屋企樓下🥳餐廳食物質素好高質 得閒飲返兩杯🍻講下從前幾過癮.#唐揚魷魚圈 $72先講小食 魷魚🦑圈一上枱勁香😳用唐揚方式 先用醬油蒜香調味後炸 特別香魷魚圈食落好脆 keep到魷魚味 有少少鹹 用嚟佐酒一流🍻🥳.#黑松露薯條 $70唔知豬仔骨其實係配薯條不過嗌呢個主要係超愛黑松露醬😍😍其實薯條本身係配黑松露醬唔係配茄汁🤣薯條🍟口感幾脆 即叫即炸 又一佐酒小食.#美式燒烤豬仔骨 $198呢隻豬🐷超大隻！成排骨都大過人😱呢度有八條骨 但每條都係雙骨每條骨都勁厚肉😳啖啖肉 而且燒到好juicy 好多BBQ醬 啱晒鍾意哨骨嘅我🥳.其實石門開咗好多餐廳🍴屋企樓下多咗好多人🤣呢間係石門價錢偏貴 但係食物質素超哂班👍🏻

石門愈來愈多食肆，其實都幾方便，聽朋友介紹Golem Craft Beer 食物唔錯，最重要有手工啤飲，所以就去試下，果然無失望⋯⋯想同朋友傾計，慢慢飲下酒，呢度係不二之選今次比較早食晚餐，都已經有人飲緊野，真係日夜都岩去👍🏻裝修好有酒吧feel手工啤試了machine man 下圖右（適合唔鐘意濃味人飲，有水果味，似荔枝味，清清地，岩女仔飲）另外仲點左hero nimble macho 下圖左（鐘意濃既呢杯唔錯，好似有啲咖啡☕️味）最正係可以呢杯飲啖，另一半又飲啖☺️芝麻雞翼，有五隻咁多，好香口，配啤酒最岩，好味炸芝士： 芝士控必點，份量唔少，要配啤酒，否則食到第二件會覺得漏，好彩配少少沙律菜，平衡下主菜豬手：皮脆肉嫩，味道剛好，正，份量夠哂多今次都食左唔少熱氣野，下次要試下其他食物

今日星期五難得聽日無學翻無工開就同朋友仔去石門chill下🍻🍻✨難得朋友仔介紹石門呢間酒吧，我諗相信都唔會好差。門口一見就已經有好多波友一齊喺度睇波⚽️⚽️✨內裡環境超級chill，可以坐喺bar位飲手工啤。不過呢就似乎太黑啦，睇menu都有啲辛苦。✨除咗手工啤，我地仲嗌咗兩個dish 送下口。✨Ribs Supreme. 佢地嘅豬仔骨燒得好入味，barbecue sauce 落得好足，不過肉質就有少少韌。✨芝士薯條🍟係小妹最愛嘅cheddar cheese 😍😍，加埋煙肉脆片，真係會食極無停口咖✨最後一定唔少得小妹黎呢到嘅重點-手工啤。 🍻Gwei Lo NeiPa -淺色啲嗰杯，入口雖然無乜濃烈嘅苦澀味，但係飲落口會甜甜地，幾特別。🍻Moon Goddness (Chocolate)-深色嗰杯。 小妹嗌呢杯係因為openrice 好多人recommend😂 試落有淡淡嘅朱古力味，就好似飲梗淡版baileys.

星期五男朋友收工想飲杯啤酒食d野傾下計咁，所以就去咗依間啦，見佢環境幾好，又有唔少野食。環境闊落，不太嘈吵。我們點了豬仔骨，炸辣味雞鎚，和牛肉粒串燒和兩杯啤酒🍻身為香港友，當然要叫杯本地啤酒啦所以我叫了杯Hk yau wheat，而男友叫了rye on woodRye on wood是來自本地手工啤酒品牌「少爺麥啤」，摻雜裸麥和加入橡木塊釀製而成的，有別於一般大麥或小麥的啤酒。對於不太喝酒的我，入口會有一點嗆口。不過愛喝的人，會喜歡它微微的辛辣味、隱隱若現的木香。而hk yau wheat的味道較 rye on wood清爽，不會太濃烈。不太飲酒的女生都會覺得易入口。炸物和啤酒通常都是不會出錯的配搭炸雞鎚剛炸起，新鮮熱辣，啖啖肉。但又不會油膩，味道有點像麥當勞的香脆雞翼，所以，必須要沾上泰式辣醬才會更好吃！一口雞鎚一口啤酒，彷彿一週的工作壓力又逐漸散去這個豬仔骨和薯條的份量超多。表面塗滿了bbq醬汁，酸酸甜甜。肉質軟腍，吃肉吃到有點膩時，再喝啖酒解解膩，薯條香脆可口。至於和牛粒串燒價錢略貴，只有兩串。牛粒有牛味，上面撒了些黑椒，但味道可以更香濃。肉質很軟腍，面層有點焦香。服務方面也很好

以前喺我心目中，石門係好荒蕪，但自從有朋友搬左去果邊住，發現原來而家石門開左好多新餐廳，連酒吧都有，仲好近馬鐵站，趁住今次去探朋友，一於去飲飽食醉嘅～美式燒烤豬仔骨 $198 重要嘅野講左先，呢個豬仔骨實在太正!其實好少去要求酒吧嘅食物好好味，主要目的都係飲杯野，出乎意料之外，呢個豬仔骨超級好味!!!肉夠香口，夠惹味不在話下，最緊要係個火候剛剛好，d肉係好易拆得開，唔會痴實哂d骨，真心值得一讚!炸辣味雞槌 $88 送酒良伴，炸得好香，辣得滋味黑松露薯條 $70薯條偏幼身，唔會太油，除左黑松露醬仲附上茄汁，一次滿足兩種口味。Mandarin Saison $95有柑桔香味，層次豐富，少許偏苦，回甘清香。Machine Man $88容易入口嘅百香果味，新手入門之選。整體環境同食物都唔錯嘅酒吧，特別推薦豬仔骨，好近石門站，交通都好方便，推薦大家一試!

今日公司有野做要去石門，做完就係附近食埋野，行過見到間餐廳非常寬敞就入左去。環境非常舒服，再睇餐牌發覺一啲都唔貴，係學生價，種類都唔少，由於晏就，我同同事都冇叫到酒。於是我地就叫左個黑松露卡邦尼意粉，一個鮮茄大蝦意粉，仲包餐湯同包。先講湯，佢地把所有湯料變成蓉狀，令味道更強烈，更濃郁。之後講個黑松露卡邦尼意粉，擺碟非常靚，有一隻溫泉蛋，刺破後蛋汁流落意粉，令意粉味道更濃，而個汁非常香，配埋黑松露，一絕。再到鮮茄大蝦意粉，味道酸甜中帶有點辣味，惹味開胃。而蝦的肉質厚實，入味又好食。兩個意粉都定軟硬適中素哂啲汁，好好味。總結而言，餐廳地點唔難去，食物質素高，環境又舒適，價格合理，實屬不俗。

多時無黎過Golem, 原來MENU都改了, 依家有LUNCH SET, 有十多個不同的LUNCH SET可選~LUNCH SET包括了餐湯/沙律菜及熱飲, 凍飲要加錢.是日餐湯係蕃茄湯, 十分濃郁, 帶較重的酸味, 可刺激味蕾! 餐湯還會附上一片法包多士, 好香脆.沙律菜只輕輕加了OLIVE OIL, 比較健康~黑松露卡邦尼意粉 - 忌廉汁帶一點點黑松露香味, 有大量的蘑菇, 吸收曬忌廉汁, 好JUICY! 意粉有點咬好, 整體都好好味!香濃鮮茄大蝦意粉 - 茄汁一樣十分香濃, 大蝦又大隻又彈牙, 還有2隻大蜆, 完全無沙, 有鮮味!熱飲有不同的茶及咖啡可選, 試了Cappuccino及博士茶, Cappuccino較苦, 博士茶較淡, 2者都OK~中午黎Golem人流不多, 坐得舒服又休閒!

今日約咗幾個舊同學出嚟見吓面，吹下水同聚舊🤣🤣🤣喺舊校附近揀咗呢一間餐廳，貪佢環境清靜，裝修格調唔錯，加上枱與檯之間留有一定空間，有返咁上下私隱度，啱晒我哋傾計！我哋每人叫咗一杯手工beer🍻我個杯呢叫 HK Yau Wheat，感覺好清新而且易入口，我無飲開酒都完全無問題🍺🍺🍺👍🏻👍🏻👍🏻我哋叫食物都係以烤烤為主，因為適合送酒同埋邊傾計邊食😎😎😎我最鍾意係脆炸芝士粒，芝士多到漏出黎😍😍😍非常邪惡😈😈😈脆皮豬手，真係脆卜卜，好香口，忍唔住食完一件又一件美式燒烤豬仔骨，豬仔骨嘅醬汁非常惹味，同個豬仔骨好夾😍😍😍呢間餐廳無論係嘢食同beer嘅質素都非常唔錯，如果想約人靜靜坐低傾下計再食下好嘢，呢到絕對值得黎多幾次👍🏻👍🏻👍🏻

石門-一個我未去過嘅地方！印象中係比較荒蕪嘅地方！都係工廈為主！經過今2晚嘅經歷，我對呢個地方有絕對嘅改觀！一出港鐵閘已經見到商場！好多人，好多食肆！係！我的確有啲嚇親！陪朋友嚟做啲嘢！見都係晚餐時間就即刻搵間坐得舒服的餐廳食飯喇！朋友鍾意飲兩杯！好！就陪佢飲吓！入到呢間有裝修靚又有情調嘅酒吧，當然要點出名嘅手工啤同大量美食喇！左（黑）：Moon Goddess (HKD88) ~有朱古力味嘅手工啤！感覺好似係食緊帶苦嘅黑朱古力，好香朱古力味！好攪笑！右（黃）：Golem Lager (HKD80) ~朋友點了這款，他說口味帶清新，啱哂伴著炸物來飲！唐揚炸雞（HKD68）～雞件外層炸到香脆，但肉仍然很嫰喔！份量亦比想像中大！黑松露薯條（HKD70）～除咗黑松露醬，仲配埋茄汁，方便返唔同人嘅喜好！讚！我個人非常欣賞個黑松露醬！很強的黑松露味！配上脆卜卜又帶有薯香嘅薯條！正！美式燒烤豬仔骨（HKD198）~噢！一直以為呢個價錢，只會係得幾條骨！估唔到佢長到碟都裝唔哂！個汁仲要好有水準，完全合我胃口，而肉一啲都唔會痴牙！做得好出色呀！