193
4
8
港鐵石門站 C 出口, 步行約2分鐘 繼續閱讀
電話號碼
23509116
營業時間
今日營業
12:00 - 02:00
星期一至日
12:00 - 02:00
付款方式
Visa Master AlipayHK 支付寶 現金 八達通 微信支付
其他資料
深夜營業
電話訂座
加一服務費
當面支付
食評 (211)
等級4 2020-07-20
53 瀏覽
💛#支持良心餐廳💰香煎三文魚扒伴薯菜$98💰法式紅酒燉牛肉飯$85三文魚扒都算大舊 肉質唔會過鞋 跟住薯菜份量都幾多下😆 薯格好香脆 抵讚!紅酒燉牛肉飯個味就同平時有啲分別 醬汁偏酸 牛肉軟硬度適中 但份量可以再多啲食物質素都係正正常常 唔需要專登入去食~不過呢度最正係個環境幾chill~幾有格調 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-10
1392 瀏覽
今日Mothers Day 試左Golem, 正日Eatigo都有9折, 或者happy hour 半價, 都算係抵。叫左杯手工啤,果味濃郁🍻試左明太子蟹肉意粉,多蟹肉,夠濃味!跟餐有飲品同沙律,另叫左清酒牛油煮蜆,都好好味,媽咪仲飲哂d湯,好正!叫左份羊架配薯角,質素都好好!但美中不足係牛柳同慢煮豬都賣哂!少少失望但待應好nice, 仲幫我計eatigo 定happy hour 抵d而且上菜都吾慢。係值得支持下既黃店! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-05
887 瀏覽
前言:本身預約20:00 4位,結果早到19:15直接入座。我地一行四人,叫咗德國脆皮豬手配洋蔥圈, golem x gweil lo啤酒雞配薯格,明太子蟹肉意大利粉,水牛城雞翼,牛油清酒煮蜆.味道:德國脆皮豬手- 唔錯幾好味,水準正常。外皮夠脆,肉入味,膠質好好味! 推薦!golem x gweil lo啤酒雞- 成隻雞都好入味,餐廳會提供廚剪俾客人分雞用。明太子蟹肉意大利粉-蟹肉和明太子都好足料,推薦!水牛城雞翼- 我覺得幾好味! 不過同行友人意見好壞參半, 我食到舊唔係太多酸辣汁既,覺得好味。另外一位朋友夾到舊勁多汁既,覺得好酸。 推薦!牛油清酒蜆- 賣相ok,味道都好味,優點係蜆無沙!飲料方面點了8杯cocktail,4杯craft beer. Cocktail選擇比較少,因為餐廳菠蘿汁缺貨,所以好幾款都無得飲。Cocktail口味人人唔同,我就不便評價。Craft beer方面我飲既係machine men果味好香,適合女士飲。環境:可以同朋友到bar檯揀beer,其間侍應會主動介紹。氣氛燈光ok, 檯和坐位略嫌窄服務:服務正常,收碟也快。可是食到最後飲野既時候,侍應無主動收拾乾淨檯面和空杯,讓客人舒服傾談。衛生:衛生ok,杯碟餐具乾淨。 繼續閱讀
(以上食評乃用戶個人意見 , 並不代表OpenRice之觀點。)
呢間店出名上菜上得慢,所以預先打電話book位,打去一個年輕女生聽電話,問下今日menu,竟拋下一句:咪同平時一樣。好,落了4個雞扒薯菜,一入到餐廳即上,竟來了4個雞扒意粉,仲屈我哋落單係全部都轉意粉,唔通我哋4個客一黎就玩你餐廳?我哋堅持係薯菜,仲同我哋講本身轉意粉要加錢,依家唔收你加錢,要唔要硬食,自己落錯單仲焗個客硬食,算,為左唔浪費先勉強硬食3個凍冰冰意粉,一食意粉又硬乾爭爭又凍,似擺咗好耐,勁難食。1份堅持薯菜,即話要等15分鐘,問佢可唔可以上住個雞朳食住先啦,即刻勁串話我本身果塊已俾左人。再講野食太咸,上飲品,勁大力放下4杯飲品係中間要我哋自己分,凍檸茶無甜味,叫佢俾糖漿,3個人要分一小shot杯,叫佢比多d,話係超濃縮糖水黎架,唔夠先再比你啦!點知一加,係勁淡的糖水,廢事再睇班侍應面色,由佢,食完埋單走人,我哋喺位show張員工證拎個折扣,竟然用勁西的態度話:下次你大叫自己係xx員工就得架喇,反光我哋睇唔到。連行過嚟收錢都懶,我心諗,大叫?我哋依家係西餐廳定茶餐廳?咁唔想serve客人不如改自助形式唔好收人加1服務費啦!總結,打著黃店旗號請班後生無禮貌嘅後生女,成餐飯食到成肚氣,因為啲野食太咸而頂住個胃成日,飲品無味,下次永不幫襯! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-04
931 瀏覽
同幾個酒鬼同事喺食完晚飯 覺得唔夠喉 就去左附近呢間bar度吹多陣水😀同事們都系雞翼控 所以試左兩款雞翼💁🏽‍♀️水牛城雞翼($85)惹味得黎帶點辣🌶點他他醬食 味道都好夾👍🏽黃金流沙雞翼($88)我地睇menu見到有呢個選擇 對眼已經發左光🤩不過期望越大就... ...略嫌不夠黃金 亦不夠流沙 整體味道不足 炸粉都比較多呢🤨不過呢度既雞翼肉質都唔錯👍🏽小遺憾系未試過好多食家推介既泡菜豬肉雞翼🙁 已經無左..另外我地仲有嗌左呢d小食💁🏽‍♀️烤蘑菇($28@1)燒汁幾襯大啡菇 大啡菇好juicy😋👍🏽煙肉芝士薯條🍟($78)個人鐘意食幼薯條多d 薯條比較脆身 香口d😛咦呢度嘅薯條就比較扁闊 外脆內’淋’d~~飲品方面💁🏽‍♀️左一: Mojito ($108) 酒味最重的一杯~左二: Lemon Juice($45) 外表、味道都唔似檸檬汁🍋 唔建議試⚠️右二: Long Island($128) 酒味唔重 滿足唔到酒鬼同事🙈右一: Bartender特調($108) 因為原本想試甜甜地既All arould the world但係店員話無 所以就麻煩Bartender幫我地調杯有果香又甜甜地既酒💁🏽‍♀️酒味唔多 有檸檬🍋青檸既酸 又甜甜地 好易入口👍🏽 整體黎講💁🏽‍♀️環境唔錯 系個好適合沙田友飯後黎飲酒🍻同吹水既地方~~ Bartender特調最有驚喜 最岩我自己口味☺️補寫呢篇食評既時候 政府要求酒吧暫停經營14日😔 希望所有酒吧都撐得過呢個時期💪🏽 繼續閱讀
(以上食評乃用戶個人意見 , 並不代表OpenRice之觀點。)