影片
港鐵灣仔站 B2 出口, 步行約4分鐘
繼續閱讀
電話號碼
23826588
61269424
開飯介紹
供應正宗印度美食，並以德里的街頭小吃和菜餚為主，款款香氣十足，定價相宜，適合喜歡異國口味的朋友。
繼續閱讀
營業時間
今日營業
11:00 - 23:00
星期一至六
11:00 - 23:00
星期日
全日休息
以上資料只供參考, 請與餐廳確認詳情
有關獎賞計劃
煙雨季節，一直下著綿密的雨，不禁使人納悶，一於食咖哩去衝衝刺。小店日間是家餐廳，晚上就改營酒吧，故此食物都較為濃味。金色的餐具充滿王氣，予人高貴的感受。頭盤乃印度脆筒，配有兩款蘸醬：一個是薄荷醬，一個是甜辣醬。未蘸醬前先咬一口，脆筒本身也帶著微微的鹹味，蘸了不同的醬之後，果然各有風格；兩者之間，甜辣醬略勝一線。印度咖哩角通常以酥皮作為外層，用蔬菜做餡，而大部份以薯仔為主。這道小食咖哩角，沒有浮遊於口腔的油膩，反而夠乾爽。薯仔粒處於半蓉不蓉之間，一款實際簡單的咖哩角也可以令美味程度直達極致！接著的印度烤肉拼盤，有雞有魚有羊：Chicken Tikka、Fish tikka、Lamb Seekh Kebab，更有廚師臨場加插的Chicken Masala。無論是那一種肉俱非常細嫩，散發出獨特的香料味，香而不膩，佐酒一流！咖哩的肉選擇了羊，咖哩跟羊肉充分融合，香氣四溢；咖哩竟沒有絕對掩蓋掉羊的原味，當中蘊含著羊肉獨有的臊味，小人身為羊肉的究極愛好者，當然享受得暢快淋漓！有咖哩又焉能無薄餅？炸薄餅乃此餐廳之獨家出品，可選的夾心有薯仔、印度芝士或馬沙拉。我們要了芝士餡，一出場是熱得燙手的，炸過的薄餅仍保持本身的厚糯，中間的芝士不特別鹹，用來沾咖哩汁，豐腴可口。廚師能靈活發掘食材的潛質，技高一籌！
繼續閱讀
很想食印度薄餅，所以搵下印度餐廳，點知比我搵到呢間係灣仔開張左一個月既「Delhi 6 restaurant & Bar」，餐廳會播英文歌和印度歌，餐具非常精緻，用心配搭過。今晚餐廳有印度人及香港人的客人，菜式味道也適合香港人食。印度烤肉拼盤 $228（烤雞、烤魚、烤羊肉串）香料的味道剛好，不會過於濃烈，好啱我食。魚都幾滑，羊肉好淋且有羊羶味，雞肉係最驚喜，因為一啲都唔鞋，整體來說呢度菜係好好食😋正宗咖哩雞 $118雞肉大約有5、6件，咖哩辣度可調教，我哋點了正常，好彩冇叫辣啲，因為對我嚟講已經夠辣。烤餅 （大蒜）$28因為叫咗咖哩雞，點可以缺少絕配烤餅，很香蒜茸味，餅底係香脆的，太愛了。😆Delhi 6 印度炸薄餅（馬薩拉） $38有點似煎薄餅，裡面有餡，我覺得似薯仔，朋友說似豆茸，味道唔錯，店長說這餅只有他們這間印度餐廳有。Mango Lassi $38似芒果奶，但沒有冰，少少酸，幾開胃Chiaro Prosecco DOC $68買一送一酒味比較淡
繼續閱讀
環境位於灣仔地鐵站利東街隔離, 交通非常方便, 地方舒適而且環境極好, 服務態度同食物都一流!前菜係印度胡椒脆餅, 超級濃味既胡椒味, 而且脆卜卜, 配上兩款特色醬汁, 好開胃!Garlic Naan&Butter Naan($28)身為一個Naan 既愛好者, 對質感, 口感, 批邊非常講究既我, 會覺得呢間係既烤餅係做得非常之出色, 或者係我食過最好食既印度烤餅,批邊脆邊, 而烤餅係鬆軟, 另外今次叫左兩款, 一款係較濃味既蒜味, 另一款係牛油, 我個人覺得蒜味係非常出色, 不過因為佢地係即整既關係, 所以都要等大約15分鍾左右先有.Chinken Kadhai($110)呢款係鑊仔香雞, 超級惹味, 同樣地可以加落Naan到, 醬汁香濃而且雞肉唔會好鞋身, 仲要勁入味! 帶上少少香辣, 超級推介Gosht Rogan Josh($130)呢款都係必叫既, 印式咖哩羊肉,份量唔會小, d汁可以食到兩份大烤餅到, 而且咖哩好濃郁, 食到有好多唔同既香料, 同港式咖哩完全唔同層次,配上烤餅一流! 羊肉都已經煮到好腍 , 好惹味!MANGO LASSI$28好香濃既芒果味, 而且打得好滑, 唔會死甜! 非常岩配合咖哩一齊食!提外話, 佢地非常熱情, 而且服務非常之出色, 好適合同一班朋友上黎聚會或者吃飯.
繼續閱讀
最近個個星期都黎呢間印度餐廳食午餐。灣仔黎講六七十蚊午餐仲要無加一，真係唔貴。樓上舖路過都唔係好覺眼，環境都好乾淨。店主好nice，會介紹餐點（有啲唔講真係睇唔出係唔係咩）。重點係款款午餐都唔錯。naan 又大件又熱辣辣。第一次去無咩人，之後再去就次次都full house. 果然好食嘅嘢始終都會被發現。今次叫左芝士, 同雞Masala. 兩樣都唔錯。整體來講唔會太辣，或者太咸。係午餐既好選擇。P.S. 睇過餐牌，晚餐係會貴好多。可能係讚得太多，過唔到審批，我一個level 2 既OpenRice 會員，何德何能被請試食呢？硬要說有咩唔好，就係佢出品好似唔係咁穩定，琴日（13-5-2024）再去食既時候，咖喱好似唔一樣味。
繼續閱讀
晚上放工時間發掘一間少為人知的上樓餐廳，一間非常印度特色裝潢，濃厚咖喱味道餐廳！🍴Butter Chicken雞肉烹調得恰到好處，肉質鮮嫩，濃郁的牛油咖喱及其香料溶入雞肉，配搭Naan惹味非常。🍴Lamb Masala感覺大部分都係羊腩味道，烹調得易於咀嚼。馬薩拉的香辣味道與羊肉的香鬚鮮都完美融合，食Masala最重要真係香料味道。Garlic Naan 及 Cheese Naan最重要主食都非常出色，尤其芝士真係有拉絲效果，大蒜以生蒜形式上，非常香口，配搭任何咖喱都真係絕配！
繼續閱讀