Dazzling Cafe (The ONE)

營業中

休息中

因為去左THE ONE影姜濤生日太累 所以搵左間野食坐低見無咩人排隊太累 所以得門口位我地都坐低左身為港女 但第一次食呢間CAFE其實唔係好肚餓 叫左一個意粉一齊食意粉同飲品 都無太特別 正常發揮不過甜品幾好食叫左珍珠奶茶甜品 雪糕同個waffle都好好食

預約左2點，不過都等左大概10分鐘先有得入去。入面既環境好光猛好新淨，比想像中好好多，因為出面睇佢d顏色係略舊。極品可可冰沙，HKD 55。有兩款口味，呢一款係特濃巧克力口味。好豐富，上面有好多粒朱古力，有3塊Oreo，2條朱古力餅。野莓荔枝冰沙，HKD 50。飲落比較清新，好爽甜。之後，主食叫左明太子義大利麵。HKD 98。以前喺第二啲Cafe都食過明太子意粉，呢度嘅質感完全唔同，呢到意粉比較幼身，會比較乾身同黏住，各有千秋，我覺得都幾好食。不過上面嘅紫菜有少少搶味，加唔加就見人見志。小食嗌左松露薯條，HKD 58。一口入就知係新鮮即炸，好好食。佢本身條薯條唔點任何醬已經有松露味道，好入味，然後有松露醬同埋茄汁選擇，仲可以無限refill醬，必點之選，推薦！最後，到甜品出場。莓好時光蜜糖吐司，HKD 108。非常之高，有好多好多士多啤梨，你可以見到有兩層。之後有好多cream，一粒馬卡龍，兩條朱古力，仲有一個芋味雪糕。唯一少少扣分，就係佢入面嘅吐司，係長條型，太大條。個人認為應該再分細一半，無論點雪糕定Cream都會易入口d。埋單HKD 405。

前幾日食完，覺得佢個明太子意粉都幾好食，整體醬汁唔會太乾，調味剛剛好，加上飛魚子和明太子的粒粒感覺， 口感幾特別，唯獨都分量偏小。黑松露薯條都不錯，新鮮炸起，脆卜卜，但黑松味可以再加濃一點。

餐廳經理喎！態度差勁，擺明你要投訴也話知你，軟皮蛇死、蛇爛鱔的態度！絕對係飲食界之恥！三個朋友食飽飯興致勃勃，諗住搵個舒舒服服嘅地方坐低食個甜品飲杯嘢繼續傾吓計，晚上8:30低達餐廳外排隊，不到5分鐘，餐廳職員向正在排隊的客人説明餐廳最後落單時間是晚上9:00，當時我們前面只有3對客人，眼見餐廳裏裏外外均有吉枱，就繼續排隊啦！但唔明點解有枱，而且不斷有客人結帳離開，但總是不讓客人進入；作為食客嘅我們也十分識趣，為免阻礙餐廳最後落單時間，排隊期間我們已自行選定飲品及食物，希望一座低就立即落單，到大概8:55分時，餐廳經理帶領完我們前面的兩對食客進入餐廳後，就走出來説因為9:00截單，所以唔會再派枱給我們，我們等了差不多30分鐘，前面兩對客人進入餐廳也只是早數十秒前，難道你明明有枱又未到截單時間都唔做生意？想向餐廳經理反映下時，面前的那位原來正是，🤬🤬🤬 並擺明我地服務就係咁差劣㗎啦！你喜歡投訴、如何不滿我也不理會！我們也關上是這樣！你隨便吧！真係立時嬲到出煙😤😤😤其實餐飲業一直受疫情影響生意，政府才剛剛放寬限制，不是理應好好做，做好服務、做好食物，贏取口碑，為自己、為同事、為公司一同向走

Dazzling Cafe 2010年係台北開幕時因為「名媛下午茶」而紅極一時，長期排哂隊，就連香港人去台灣都要排隊潮聖～過江龍係香港屹立咗都好多年，其實都食過幾次了，雖然係台灣菜但啲嘢食都唔算係好傳統嘅台式💗明太子意大利麵 $98呢個真係一絕！！每次去食都必嗌！我身為女仔都可以自己食哂一碟😂因為實在太！好！味！明太子唔吝嗇，明顯地見到好多粒粒，再加上非常充足嘅忌廉汁撈均嚟食，啖啖充滿住明太子風味🤤🤤麵嘅質地都係好fit，不過要襯熱食！💗黑松露意大利麵 $118雖然呢個都係Dazzling有打星星，但相對明太子就遜色咗少少黑松露味係有但唔夠濃，成個汁亦偏淡味，唔係好夠咸，亦只有菇做配菜有啲Dry💗松露薯條 $58薯條幼身，炸得岩岩好！亦嬸咗啲黑松露粉最正最精粹嘅絕對係佢個黑松露汁，味道出眾，沾滿哂薯條都唔覺得誇張茄汁其實都唔需要用了😂💗水牛城辣雞翅佐藍紋起司醬 $75將4隻雞翼拆開為8隻單骨，食落有啲困難，因為用叉好難吉得一邊😂汁包滿哂每一隻，不過就咸咗少少💗100%現榨奇異果汁 $48因為一定要每人最低消費一杯嘢飲，又想飲得健康啲，都係揀果汁穩陣第一啖有小小酸，但飲落好開胃，飲到最後

見到d適應行黎行去就係唔出黎帶位安排入座，一個二個發緊夢咁，冇人排隊，非繁忙時間，企係門口差唔多15分鐘，至少提過3次安排帶位，d適應都係行行企企都唔知帶位，咁d隨便入去入座又唔得？即係想點啊？話就話台灣餐廳，連台灣服務質素嘅一成都冇

少女心粉紅色theme cafe 估唔到又幾好食 Dazzling Cafe推薦： 🍉🍉🍉🍉 (4/5)        味道： 🍉🍉🍉🍉 (4/5)價錢： 🍉🍉🍉 (3/5)              打卡： 🍉🍉🍉🍉🍉 (5/5)位置： 🍉🍉🍉🍉 (4/5)        回訪： 🍉🍉🍉🍉 (4/5)義式牛肝菌香菇意大利麵 $98 🍉🍉🍉食得出麵嘅蛋黃香，好creamy好滑，菇嘅份量雖然多，但係唔會搶哂成個麵嘅味，奶油同芝士嘅比例幾好，香得嚟唔會太油膩，略嫌湯汁有啲太多鹽酥雞拼盤 $98 🍉🍉🍉🍉有炸甜不辣、鹽酥雞、炸花枝丸，望落好似好的式，但係其實份量超多，雖然係拼盤，但係每款嘅份量都應該有其他餐廳單叫一個小食咁多，啲炸甜不辣係食足全餐都仲有淨😂最尾要每人分幾條食埋佢😂炸甜不辣同炸花枝丸嘅炸衣都唔算厚，花枝丸咬開入面仲有墨魚粒(希望真係墨魚)，超有咬口，好正! 甜不辣都係非常煙韌，面頭嘅椒鹽好惹味👍鹽酥雞係一口大小，有啲望落好細粒/好薄，以為係雞皮/炸粉，點知入面都有雞肉😂外層有啲硬，雞肉依然好嫩滑，仲有肉汁，亦食到雞肉香👍京都宇治抹茶紅豆鬆餅 $85 🍉🍉🍉呢個價錢嚟講算係有少

復活節假期The One果場都不旺，見到cafe好多位，兩大兩小就食咗2客意粉，一個飯，一個小食，當然唔少得試吓打卡甜品啦。因為唔想小朋友食太多糖，起初只叫兩杯特色飲品…結帳才知原來Menu有超細字：必須每人一杯飲品。職員很樂意再講可以唔食野，但一定要飲野😅我哋唯有超時，再落單，飲一肚糖水。其實可唔可以改每人最低消費，真係食物好食過d飲品好多喎。

間中都會來這間Cafe用膳, 很喜歡食他們家的意粉, 坐位寬敞舒適, 食物種類多, 台式風味、三明治、意大利麵、飯類、蜜糖吐司及鬆餅今日點了明太子意大利麵🍝是店的招牌人氣美食, 明太子份量多, 非常creamy、每啖意粉都滿滿濃郁醬汁, 意粉軟硬適中, 還配上脆身的紫菜, 香氣十足草莓繽粉冰淇淋鬆餅🧇新鮮草莓配上忌廉, 表層焗至金黃、口感鬆化帶微濕, 甜而不膩飲品🍹ᴅᴀᴢᴢʟɪɴɢ紅茶仲夏熱帶水果茶飲品滿滿新鮮水果粒及水果片, 清新又解渴, 又可以解油膩整體不錯, 水準還能保持, 服務態度很好, 用餐愉快

呢啲咁打卡性質嘅cafe就唔講咩性價比，而且店員嘅服務態度都麻麻地，真係一次就夠😂食物質素整體係唔錯，但叫咗甜品都唔計，仲要逼人一人一杯飲品真係誇張咗🥹比小編嘅感覺好似係撳住你黎搶錢咁🫠.🍨京都宇治抹茶紅豆鬆餅 $85呢個都真係好食嘅，鬆餅夠熱夠脆，抹茶味好香濃，紅豆蓉好甜😙份量都多，兩個人食一份一定夠😎.🍹芝士奶蓋玫瑰綠茶 $58個價錢就唔講啦🥹奶蓋好滑好香濃，茶味淡淡地好容易入口🥳真係幾好飲😋.🍹四水果茶 $48其實上面杯芝士奶蓋已經好大杯，兩個人飲一杯都夠，但係餐廳就要你一定要嗌多一杯，咁無計啦🥹水果茶就正正常常，冇乜特別，淨係記得飲唔曬，剩返¾壼😁.🍽味道: 3/5🏙環境: 3/5‍👨🏼‍🍳服務: 2.5/5💧衛生: 3/5💰價錢: 2.5/5

少女心大發cafe見到間cafe咁pink pink 就陪朋友嚟食下果然好味道wor1. 經典朱古力鬆餅 （加左麻薯）- 想講加咗麻薯之後嗰啲口感真係好食好多 冇諗過麻薯同埋窩夫可以咁夾 - 加上朱古力雪糕咁樣食真係一流2. 香草培茶歐蕾- 杯野本來不太甜 但紅豆就有啲甜 建議溝埋一齊飲坐喺呢度好舒服環境非常好 如果同朋友喺度傾偈絕對係一個唔錯嘅選擇價錢：🌟🌟🌟/5性價比：🌟🌟🌟🌟/5味道：🌟🌟🌟🌟/5衛生：🌟🌟🌟🌟/5回頭率：🌟🌟🌟🌟/5

朋友提議同我係位於The One嘅Dazzling Cafe補慶祝生日。 粉紅系的外觀，非常吸引。 諗住似以前拜訪過類似造型的餐廳：裝修美觀，食物一般。點知都有一些意外收穫😃😃疫情關係人流稀疏，本身只可以坐90分鐘，最後逗留了超過3小時。坐位及枱都寬闊，用餐時非常舒服👍🏻。叫了兩份午餐、兩個小食及一份甜品。我們的餐飲：仲夏熱帶水果茶（熱）及香桃薑綠茶。薑茶完全品嚐不到薑味😔。和朋友掛住傾偈，沒有問她水果茶好不好飲😅。黑松露薯條我哋兩個都鍾意食。香脆可口，有黑松露香味。不過要趁熱食，好快就林晒。地中海炒菌菇。味道一般，沒有什麼特色。青醬奶油雞意大利麵比想像中好食，好耐未食過pesto, 煮得不好會有臭青味。濃度啱啱好。雞肉比想像中好味，一啲都不柴。這個滷肉飯味道適中，肥瘦啱啱好。個麵豉蛋花餐湯比較鹹。雲耳沒有什麼特別。我最期待的甜品終於出場，之前見大家在Open Rice post 這裏的窩夫時，覺得非常吸引！可以在窩夫中加麻薯，但因為已經飽到九九十十，所以冇要到。綠茶雪糕是非常濃郁，同紅豆一齊食簡直係絕配👍🏻。馬卡龍亦不太甜。唯獨有些失望的是窩夫太硬，過了脆的階段吧。糖漿有些稀淡。總括

平日星期二下午在THE ONE食完午餐，朋友仲想食日式甜品及來杯抹茶咖啡作為一個下午完美的結束。環境不錯，好有甜品屋氣氛，在外見到已覺得十分開心。我們到達時其實食客也不少，但座枱距離寬闊，我們也放心入來。飲品及甜品分量大，價格合理。抹茶咖啡 - 朋友因腸胃問題不能飲太多奶，下單時已講明小奶，但仍有成八分滿，朋友都覺得過多奶，是好香滑，但抹茶味不夠濃，但我覺得可能她先食抹茶甜品受影響。黑旋風摩卡 - 朱古力同咖啡配合得剛好，不覺甜，香滑略帶少少朱古力嘅甘味，飲落也回味到微微咖啡味，我非常喜歡。抹茶紅豆鬆餅 - 朋友讚口不絕，茉茶雪糕十分美味，鬆餅夠香脆，配起濃抹茶味雪糕，軟滑嘅忌廉，甜甜嘅紅豆，食完十分滿足。

Dazzling cafe今日我約左閨蜜去左the one 既dazzling cafe打卡食野👭。一去到就見到一大塊花花牆，隔離仲有唔少裝飾，仲要大大隻獨角獸，打卡一流呀！❤️店內裝修都唔馬虎，主要粉紅色調，瞬間少女心爆發💕💕雖然我哋兩個女仔，食得唔多但見到唔少野食都好吸引😟😟極品可可沙冰（特濃朱古力味）$55沙冰整到好靚 面頭有忌廉上面仲插住oreo 再加上朱古力醬，即刻同佢影返張相先📸今次我叫左特濃味，朱古力味好出，唔會太苦或太甜，沙冰都好細緻，唔會食到冰碎👍🏻Pop pop $58其實依杯係海鹽焦糖黎，面頭都有忌廉、爆谷、曲奇等 加上焦糖醬 賣相一啲都唔輸可可沙冰🤤 入口有淡淡海鹽味加上焦糖，甜中帶點咸，兩者好夾有驚喜。明太子義大利麵 $98麵質唔會太冧太硬，加上明太子忌廉汁，十分creamy，明太子味好出，仲食到一粒粒明太子，口感豐富。松露薯條 $58薯片提供左茄汁同松露醬比客人，薯條分量都唔少，上枱都仲熱、脆身。松露醬比較濃好滿足，但食得多有啲濟，食返茄汁緩和一下。🤤🤤最後我地食得太飽都食唔落甜品，所以係叫到，不過我地對依間cafe反應都不錯，一致認同會再返黎試佢既甜品❤️❤️

Dazzling CafeDazzling Cafe係位於尖沙咀The One 入面每次經過都俾佢Pink Pink既外表吸引住眼球👀 今日同BBF 專誠過黎try try 佢 👭去到既時候都幾多人排隊開頭都擔心要等幾個鐘先入到去🙉, 最後我哋大概等咗半個鐘左右, 入邊嘅環境幾好, 又光猛同室內位置都闊落而且仲有一個位置係專誠俾人用黎打卡 📸👁‍🗨 🍝 明太子意大利麵 ♾ HK$98 ♾我好欣賞呢個明太子意粉😍本身我好鍾意食明太子只要有明太子我絕對可以用黎撈飯食🍚😂 所以佢呢個意粉真係冇得輸, 有勁足料嘅明太子同醬汁份量都好足👍🏻 上面再加再海菭❤️食落口啖啖都係明太子同醬汁, 好juicy同好match🤤 好愛明太子🙆🏻‍♀️👁‍🗨 🍟松露薯條 ♾ HK$58 ♾至於松露薯條一定少不了蛋黃醬同茄汁如果薯條上面再鋪多啲松露醬就更Perfect啦👁‍🗨 🥘 水牛城辣雞翅佐藍紋起司醬 ♾ HK$75 ♾水牛城雞翼一落枱就聞到好濃郁既水牛辣味, 食落去我略嫌佢有D鹹😰 可能係我期待太高😆 下次我會再試佢既柚子雞翼👁‍🗨 🍿海鹽焦糖 ♾HK$58♾ / 🍪極品可可 ♾ HK$55 ♾ 冰沙冰沙