Craft burger restaurant & bar (已結業)

喺旺角行街行到攰想食burger搵到家樂坊對面呢間Craft Burger，雖然店面細細，但入邊座位都算舒適❤️店內主打burger，種類頗多，雞、豬、牛、蝦、軟殼蟹都有，另外仲有一啲意粉餐。我同朋友都叫咗burger，賣相10分唔錯，未到有驚喜，價錢亦好抵食。✨烤菠蘿雞堡 ＄58 （配蕃薯條&飲品 +$25）經烘烤後的菠蘿依然鮮甜多汁，味道清新；雞肉多汁，味道恰到好處。另外值得讚嘅係番薯條好香脆內綿密，令人忍唔住口，密密食晒成兜。✨澳洲和牛芝士堡 ＄112 （配薯角+＄20）漢堡份量十足，除咗有牛肉之外，仲有洋蔥、蕃茄、芝士同生菜。牛肉好彈牙有肉香，食落juicy。另外個burger更特別係用黑糖包做，比起平時多咗一陣得淡淡嘅焦香味，甜甜地又好鬆軟，整體非常唔錯，好好食😋✨估唔到呢間價錢咁抵食，但係味道質素都頗出色，係會食過返轉頭嘅店 ❤️❤️❤️

估唔到旺角近廣華街附近，有間漢堡包店。見咁耐冇食過漢堡包餐就入去試下。餐廳環境闊落舒適，以工業風裝修。 仲有唔同款式既手工漢堡包選擇。菠菜BB雞肉意大利飯 $122鷄夠嫩滑、但啲飯比較硬、沙律十分好味，它用橄欖油同意大利醋做汁來吃。冰凍焦糖鮮奶咖啡 $46 （跟餐加$23）超多牛奶飲落似latte, 再帶一點淡淡嘅焦糖味，帶甜味嘅咖啡超好味。牛油果軟殼蟹堡 $102軟腳蟹牛油果漢堡包超級好味。蟹夠軟腍、蕃茄牛油果夾埋軟腳蟹真係絕配。沙律（跟套餐加$20）沙律使用新鮮蔬菜，蔬菜非常爽口，食落索索聲。再加上意大利醋周橄欖油混來吃，好好味。芒果梳打 $40 （跟套餐補$20）店主會比半杯芒果濃縮液及原瓶泰國出產既象牌梳打水，比你自己決定落嘅份量，去調配返個芒果梳打汁出來。

過開旺角見到一間漢堡小店就走去試下點知真係唔錯座位坐得闊落舒服澳洲和牛芝士堡和牛肉真係鮮嫩多汁麵包好鬆軟帶少少黑糖甜味加埋芝士口感豐富食得好滿足跟餐有薯條/雞翼/洋蔥圈唔同選擇個洋蔥圈炸得好靚仔大大個圈咬落好脆身羅勒白酒帶子蟹肉意粉帶子同蟹肉都好新鮮羅勒同白酒醬令到味道更加香濃開胃鐘意佢個意粉煮得啱啱好跟餐既法包有蒜蓉 值得一讚Oreo曲奇奶昔 花生奶昔奶昔嘅口感棉滑個人比較鍾意Oreo 有啲曲奇碎可以增加口感質素唔錯嘅旺角漢堡小店

旺角和油麻地不乏餐廳食肆，今次就去了廣華街的 Craft Burger。顧名思義，餐廳是漢堡專門店，試個澳洲和牛芝士堡，和牛漢堡扒香煎後，鎖住肉汁，手工製作漢堡，很是不錯。餐點可以配薯條，亦可改配蕃薯條，試一下，蕃薯條十分甜脆，一口接一口停唔到口。餐廳另有其他西式餐點，朋友怕熱氣，就點了羅勒白酒帶子蟹肉意粉。白汁撈入蟹肉拌意粉，十分入味，帶子亦有白酒調味，朋友給我試一口亦覺得爽甜。同樣跟餐除了飲品，亦有田園沙律。小店裝潢簡潔但有小巧思，我朋友行開附近，想搵夠地方開餐舒服地吹吹水，這小店絕對值得試試。

身為麵包控嘅我，當然都係好鍾意食Burger!!!😝而呢間位於旺角嘅漢堡小店我已經回訪咗第三次🤤餐廳嘅burger同其他美式漢堡包店唔同嘅地方係佢哋所有漢堡包都採用黑糖麥包😋而且價錢最平~$60就有交易，性價比都算高，仲有意粉/沙律/意大利飯可以叫🥰🌟澳洲和牛芝士堡🍔 $112 (+$20轉套餐)想講呢個和牛漢堡真係好好食！🥹burger超大個，包體係黑糖麥包，烘得好香脆，帶有淡淡嘅黑糖香😌中間夾住澳洲和牛、生菜🥬、蕃茄🍅同芝士🧀和牛漢堡扒好厚，而且煎得好香！一路食啲肉汁一路湧出嚟💦超Juicy😍而且牛肉味係好濃，又保留都牛肉嘅質感，好好食😋配埋生菜同蕃茄令成件事冇咁油膩，連👦🏻都話好好味！🥰🤤另外+$20就可以有薯條🍟同飲品，薯條份量好多添㗎🤤🌟羅勒白酒帶子蟹肉意粉 $102 (+$20轉套餐)餐廳用咗扁意粉，醬汁好creamy又好掛汁😚上面有幾粒香煎帶子同一絲絲嘅蟹肉！帶子爽口彈牙～蟹肉份量都幾多🥰而且幾鮮甜㗎！🌟花生奶昔🥜 (跟餐+$21)其中一個回訪咁多次嘅原因係因為佢有花生醬奶昔😍我的最愛haha😗餐廳係用明治牛奶🥛所以奶味好濃郁🥰而且花生味好出，餐廳冇用雪糕，所以飲落唔會好

“澳洲和牛芝士堡配薯條”($132)“羅勒白酒帶子蟹肉意粉配沙律”($122)“蜜桃烏龍茶”(+$19)“熱情果梳打”(+$20)廣華醫院對面有間漢堡包店🍔雖然主打漢堡包,但都有意粉,意大利飯提供每款食物都可以升級做套餐會包括薯條🍟/沙律🥗,仲可以加配小食😛我地就點咗一份漢堡包套餐,一個意粉餐share呢道嘅漢堡包特別之處係用上黑糖麥包食落超級鬆軟,帶輕輕嘅甜味☺️澳洲和牛芝士漢堡配有芝士,蕃茄,生菜當然唔少得超juicy嘅漢堡扒🐮😙薯條份量夠多,而且好香脆😋意粉表現都唔會比漢堡包差😇點咗羅勒白酒帶子蟹肉意粉🦀食落creamy,每啖都有滿滿嘅蟹肉好鮮甜😍帶子煎到表面微焦☺️十分出色☺️配上沙律可以解解膩🥰飲品方面都有加配優惠點咗蜜桃烏龍茶🍑,熱情果梳打2杯都夠哂清甜😚

放假訓到自然醒，覺得餓第一時間係腦海諗起🍔，就記得之前行街經過呢間餐廳，即刻去食🤤🍔澳洲和牛漢堡$112用上黑糖麵包，更香口，和牛漢堡扒半熟，肉味香濃又多汁，配搭蕃茄、芝士、炒洋蔥，口感豐富🍟番薯條$20炸到外脆內軟，好味到唔使蘸任何醬汁🥗沙律配意大利黑醋，清爽開胃🦀軟殼蟹蟹肉意大利飯$152原隻軟殼蟹上配蟹肉 risotto，一絲絲蟹肉鮮甜，軟殼蟹都大隻，炸得酥脆，蟹膏多又香濃，啖啖肉，risotto軟硬度剛好，口感濕潤🧊荔枝梳打$20🥭芒果沙冰$20兩款凍飲都係透心涼系列，尤其芒果沙冰，炎炎夏日飲番啖，真係舒服晒

-🍴🍽🍴🍽🍴🍽🍔🍔🍔🍔🍔🍴🍽🍴🍽🍴🍽🥢澳洲和牛芝士堡 $112 (配薯角+$20) 🆙漢堡份量十足，除咗有牛肉之外，仲有洋蔥、蕃茄、芝士同生菜。牛肉好彈牙香口，食落幾juicy。漢堡包同平時食開嘅包唔同，咬落好鬆軟同有黑糖味😋。薯角炸得幾脆口亦唔會好油膩。🥢榛子朱古力奶昔 $21 (原價$42, 跟餐半價) 🆙奶昔好大杯，飲落好幼滑同唔會好甜。榛子同朱古力味都算濃，有d nutella味👍🏻。🥢香草煙三文魚意大利飯 (配沙律) $112 🆗意大利飯軟硬度適中，三文魚肉質鮮嫩，加入咗香草同煙燻嘅風味，令成道菜更加豐富同特別。配菜嘅沙律好清新，醬汁份量適中唔油膩。🥢Suntory日本生啤酒 $60 (原價$70, 跟餐-$10) 🆗估唔到呢度都有啤酒飲，漢堡加清新嘅啤酒配搭冇得輸👍🏻。-🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.25/10 -🍴🍽🍴🍽🍴🍽🍔🍔🍔🍔🍔🍴🍽🍴🍽🍴🍽-🗺 Craft burger restaurant & b

Craft burger 位於旺角有burger有all day breakfast 有意粉選擇比想像多 環境舒適 乾淨烤菠蘿蝦堡 配 薯條沙律漢堡脹卜卜 雙面煎香 麵包軟 炸蝦餅厚實 十分脆 咬開後確實見到一粒粒蝦肉 菠蘿多汁 加上漢堡醬汁 整個漢堡包入口 唔會乾爭爭 沙律菜份量唔少紐西蘭烤羊扒 配 薯條及沙律嘩 好大份 三件羊扒加大量薯條 啖啖肉 羊扒無羊蘇味 亦唔鞋 粗薯條條條香口 十分滿足左邊係芒果沙冰即叫即製 沙冰打得幼細 芒果新鮮 甜甜的 消暑良物右邊係蜜桃梳打梳打水自行加入 氣泡十足 帶走悶熱 又唔會太甜

食盡旺角之西式 — Craft burger restaurant & bar————————————————旺角人多野食又多，係旺角行街完全唔洗擔心搵唔到野食，只係會怕多人要排好耐🤣 今日平日收工黎到呢間食burger既小店，未夠8點所以都唔洗等位就入得啦！🔸 軟殼蟹 x 蟹肉意大利飯軟殼蟹係原隻上，個身食落都多肉，而意大利飯係肉眼可見有蟹肉，唔會話偷工減料😄，而份量亦都適中🔸 蜜桃雞堡配薯角個burger都好大份，有4塊蜜桃，雞扒好大一塊，拎起上手食個陣要小心d，我唔小心整跌左塊蜜桃🥹而薯角水準中上，有熱度份量亦足😋💭Overall comment:鋪內環境唔會太過嘈雜，而收銀處仲掛左幾塊手畫既貓貓畫tim~溫馨提醒呢間只收cash哦😇

🐳在旺角廣華醫院附近有間平民價漢堡包西餐廳，特別中午時段，好多學生嚟幫襯，所以唔想同人迫，就要早少少嚟啦！🐳經典澳洲牛堡💰82牛肉漢堡十分多汁，麵包不是普通白色嘅麵包，係黑色架，原來以為係全麥麵包，但又好似唔係喎，因為十分鬆軟，有口感。而麵包入面就夾住厚厚嘅牛肉漢堡，又有雞蛋煙肉生菜。另外都好欣賞佢哋嘅炸薯條，油而不膩，非常脆口，炸得好好！🐳羅勒白酒帶子蟹肉意粉💰102個意粉都整得好好食，雖然材料簡單，但係佢個sauce 調校得好好，食到最後都仲有sauce剩下，再加上帶子和蟹肉的鮮味，令成個意粉更上一層樓！🐳菠蘿梳打💰40菠蘿味，酸酸甜甜，夠醒神🐳芒果沙冰💰40超級冰涼和勁大杯，夠凍夠爽！

📍Craft burger restaurant & bar🗺️旺角廣華街1號仁安大廈地下24B號舖喺旺角做完嘢經過呢間漢堡包店，見到有黑糖麥包幾特別就入去試下😆 佢除左漢堡包仲有salad、pasta、risotto等，幾多選擇～⚡️澳洲和牛芝士堡 $112牛肉漢堡都係用黑糖麵包，好特別🤩 咬落鬆軟，甜甜地，估唔到做漢堡包都幾夾幾正😋個自家製醬汁都好味，應該有落到mustard整～ 配我最喜愛嘅蕃薯條（+$5）蕃薯條好難整得好食，但係呢度嘅真係好香脆好好味‼️😍⚡️香煎帶子黑松露意大利飯 $132呢個會跟一份沙律🥗 黎到熱辣辣，黑松露味幾香🖤 估唔到呢度嘅risotto都好味🥰⚡️花生奶昔 $21奶昔好香滑，花生味濃郁，好似融左嘅花生味雪糕咁🥜 飲落又無想像中咁膩，鍾意花生味嘅朋友可以試🤤 ⚡️鮮青檸梳打 $20呢杯真係用左鮮青檸黎整，見到入面有青檸皮同肉，好足料！飲落好fresh又唔會太酸👍🏻整體黎講，食物同飲品都有驚喜啊😋 溫馨提示：要比現金

🧡 其實呢間漢堡包店我同🐼已經食過幾次了~ 除咗漢堡包呢度仲有飯同意粉😊 不過我哋都係食漢堡包多啲😆🧡 牛油果軟殼蟹堡 $102入邊有成隻軟殼蟹，好誇張！😳 食落口，都幾有鮮味，不過亦都偏鹹。好彩下便有啲蕃茄同牛油果🥑可以中和返。🧡 澳洲和牛芝士堡 $112呢一個漢堡就用上黑糖麥包。可以見到芝士份量都多，覆蓋晒成個漢堡😂 漢堡唔會太乾身，仲要好厚，我就唔可以一啖咬哂成個漢堡包，最後都係切嚟食🤣漢堡配上洋蔥,蕃茄,生菜,芝士，配搭埋一齊食都幾好食😊🧡 以上漢堡加$20就配薯條🍟/ 沙律🥗 + 飲品🥤，再 + $5 就可以將薯條轉薯角/蕃薯條/洋蔥圈/水牛辣雞翼~🧡 我哋最後就揀咗薯條同洋蔥圈😆份量都不少，兩款都係點上蕃茄醬食，食得好滋味😂🧡 嘢飲我哋就揀咗兩杯奶昔。分別係粒粒Oreo奶昔，同榛子朱古力奶昔😝 兩杯都好大杯，上面都唧左Cream~ 味道算濃郁榛子朱古力個杯真係有Nutella嘅感覺😆

平時去到旺角附近都有唔少款式既餐廳可以chill下😝，同朋友兩個都幾中意食burger🍔，今次經過廣華街，見到呢一間餐廳burger既款式都唔少🤩，而且賣相都幾靚，一場嚟到就去試一試先👍🏻🧊軟殼蟹x蟹肉意大利飯🦀 $152一嚟到見到個份量都唔少，上面鋪上炸香既軟殼蟹🤤，內臟都預先清理咗，更方便食用👍🏻，意大利飯嘅質地啱啱好，Creamy得嚟又有咬口🥳，間中會食到蟹肉鮮甜嘅味道，呢一個飯既味道都幾好食嫁，嚟到都值得一試😋🧊澳洲和牛芝士堡🐮配番薯條🍠套餐 $137漢堡用咗黑糖麵包，食落味道會更加香口🫶🏻，帶少少甜味，中間夾左一大塊牛肉、炒過嘅洋蔥🧅、蕃茄🍅同芝士🧀，牛肉重牛肉味而且都幾多汁💦，炒過嘅洋蔥增加咗甜味🥰，食完包都會有飽嘅感覺，番薯條炸到香脆夠晒乾身🤤，令番薯嘅味道濃郁，就咁食都已經好好味😍🧊花生奶昔🥜 餐配$21平時都比較少機會飲到花生奶昔🤤，質地幼滑，飲落花生味好香濃👍🏻，但飲品又唔會太甜，上面既忌廉增加左啲香味🫶🏻，飲完會有少少Heavy嘅感覺，但味道真係幾正，點都要試下先😋🧊芒果沙冰🥭 餐配$20冰打到夠哂幼滑，飲落唔會有一粒粒冰嘅感覺，芒果味都啱啱好，夏天飲夠哂冰爽舒服

應承了姪仔帶佢去食漢堡包，即刻去OP睇睇邊間好食，發現呢間水準不錯。見到餐牌有澳洲和牛芝士堡，便叫來試試，有驚喜，肉質鮮嫩多汁，外脆內嫩，充滿了和牛的濃郁香氣。麵包口感也非常好，鬆軟有彈性，搭配上新鮮生菜、蕃茄和自製醬料，相當出色，喜愛和牛的人可以來試試。幫姪仔叫了芝士雞堡，亦非常美味，熱騰騰的雞排和融化的芝士，口感豐富。雞排煎得剛剛好，鹹度適中，肉質鮮嫩，帶有淡淡的香料味，非常入味。芝士的味道濃郁，與雞肉完美融合。此外，生菜和蕃茄的加入更增加了口感的層次和清新感，值得一試。這裏的奶昔飲品好正，Oreo奶昔好好飲，百香果綠茶都不錯，生津解渴，有淡淡的百香果味。