COSMOS

營業中

休息中

第一次到 Cosmos, 和朋友吃晚餐，730到接待處 取房間 ，由接待處 開始到房既感覺都係良好。，環境都唔錯。接待員給了我們 可以唱k的房， 之後問題就出現， 音樂冇得較大細聲， 要叫服務員佢過黎較。房冇提供咪，冇speaker音響，全部係電視機聲直出。冷氣唔夠， 要自己拎d風扇仔出黎吹。。歌冇字幕，純粹mv入面既字幕 坐得後完全睇唔到。我相信Netflix 房會比較好d,起碼唔會期望音響效果。到食物方面， 240蚊人頭最低消費，但係 黎既 餐 全部都係 凍 既。 4個人，叫左 牛扒 ， 豬胺，韓式炸雞，墨魚意粉。最後頂唔順投訴， 經理先入黎換過曬d熱既野食黎。熱既餐係好食既， 不過要去到投訴完先整返熱比我地就爭d。。。份量係細既， 4個女仔去係冇人食得飽。。最後經理送左個特別既甜品黎 燒棉花糖西多🤭結論係 食物同音響 需要改進，如果唔係就當千幾蚊包間房傾計🤪

K房變奏體驗🤓K 房食飯唱k試得多，食飯睇Netflix 就第一次😆·🍝 和風牛肉漢堡扒.黑蒜蘑菇意粉（$118）同事點的.賣相吸引！不過諗住漢堡扒大大塊，點知係粒上😂·🐟和風慢煮三文魚茶漬飯（$138）好愛茶漬飯～見到就點左🤓味道中規中矩，最好味估唔到係漬物蒜頭😂😂（本身我唔會成粒蒜咁食）但呢信甜甜地又幾易入口🤓·🍠s’mores ($108) 點呢份甜品真係一言難盡…本身係🍫點知無貨變紫薯😮‍💨綿花糖同紫薯夾嗎？😮‍💨·📍Cosmos.hk銅鑼灣謝斐道482號2樓

有日係銅鑼灣附近急住要外賣lunch見呢間堂食好貴 但外賣價錢可接受 就透過open rice 外賣落單嗌咗慢煮三文魚茶漬飯 🥰免費配一杯果汁🍹原價$138 宜家$78 💰外賣佢會卑個厚實既紙袋你裝住個飯配咗秋葵 蟹味菇 同埋一d 紫色既昆布(?)中加有3塊三文魚三文魚外脆內軟 幾好食 👍🏻配埋個鰹魚味濃既湯食 鮮味十足堂食收百幾蚊都正常 因為質素都高不過外賣就更加抵 😍果汁就普通橙汁🍊無咩特別唔鍾意果汁 都好似可以揀汽水有機會再試下其他嘢食先！

以前覺得唱k啲野食就一定唔方好食，自從嚟過呢間之後，先知原來可以一路唱k一路食cafe級水準嘅野食。雖然宜家冇咪可以唱k,不過仍然有大電視俾你同朋友睇netflix或者睇youtube。單睇野食價錢可能比出面cafe貴啲，不過有獨立房間同埋娛樂設施俾你同朋友hea兩三個鐘，相比起就咁唱k都幾抵。同埋叫套餐加十蚊就有埋餐湯同甜品，真係抵到爛，埋單每人都唔洗二百蚊。卡邦尼意粉 $108上碟幾靚，味道唔錯夠creamy，都幾多餸不過份量比較細温泉蛋汁燒牛小扒丼飯 $138食落冇乜特別，普通燒肉汁，質素好過吉野家，k房有咁嘅水準已經唔錯。最鐘意佢夠多紫菜同埋温泉蛋熟度啱啱好👍

友人生日想搵個可以食下嘢打下卡，又可以chill下唱下K嘅地方，於是就嚟咗呢間位於銅鑼灣嘅Cosmos✨✨1️⃣ 漢堡扒香蒜欖欖油炒意粉🌩漢堡扒比想像中好食，有肉汁又有口感，味道上友人話有啲似ikea肉丸🤣🌩炒意粉偏硬，如果再煮多一陣會更加好食。成份意粉整體唔錯，蒜香十足，推薦比鍾意食蒜嘅朋友仔✨2️⃣ All day breakfast $139🌩成個set嘅配料都幾豐富，咁大到隻碟都裝唔囇🤭🌩炒蘑菇有驚喜，黑椒配得蘑菇一齊炒得好香幾惹味😋🌩其他配料都不過不失，唯一係炒蛋味道上有啲偏淡🥺因疫情關係唔可以攞mic唱k😔但係有免費netflix睇🎞亦都有唔同主題嘅房間可以打卡📸假日去又唔會好多人所以夠個2個鐘都冇叫我地離開xd平均$1xx一個人好扺玩😋✌🏽

RedMr啲食物質素一向都相當好 而COSMOS都keep到水準 但係好可惜疫情而家其實K房係開唔到 所以今次去都唱唔到K不過佢都可以供應到Netflix 同 Prime Video 咁幾個鐘響入邊都可以係一個私人戲院睇幾個鐘戲嘅 😂 見到其他人話佢哋冇供應到Netflix帳戶 但係我地一入去嘅時候見到有一啲好乾淨嘅Profile冇人用嘅 我哋可以好直接咁樣睇Netflix 所以我諗COSMOS而家係應該提供埋Netflix Account 至於Prime Video 我就冇check到佢有冇Account 供應喇而另外佢星期一至四更加冇限人哋坐幾多個鐘 所以每人計埋服務費大概比2-300蚊左右都算幾抵玩嘅😎等到K房可以正式開返嘅時候再去我諗應該更加過癮🥳

想搵間有私人空間既餐廳食飯，呢間Red.Mr旗下嘅Cosmos係一個唔錯嘅選擇，cafe除左有公共空間之外，仲有獨立房間提供，可以一路食飯一路睇Netflix或者唱k，不過疫情關係就冇得唱k，但都可以就咁聽下歌🎶平時唱k通常食物質素都麻麻，但呢度嘅食物好高質，而且私隱度夠高，想同朋友仔一齊睇場戲又得，傾下密計都得👭🍝和風牛肉漢堡扒黑蒜蘑菇意粉 $118個樣普普通通但味道唔錯，好香蒜味，意粉口感幾彈牙🍟黑松露炸薯條 $78薯條炸到熱辣辣好香口，配埋黑松露蛋黃醬一齊食好正👍🏻🍵Dirty Matcha Latte $58呢杯滿到瀉，飲嗰陣要好小心，抹茶味係有嘅，但唔算好濃，整體偏甜

第一次寫食評，覺得呢間整體都不錯所以寫下好評。如果唔當佢係K房來睇，能夠提供私人空間比食客真係好大嘅賣點，所以就約埋朋友來試下。餐廳企企理理，都幾舒服，同朋友不知不覺就坐左兩個幾鐘😂。食物方面，水準都不錯，本人覺得同一般cafe差不多，以有包廂來講，都算抵食。特別值得提一下店員服務態度，佢地都好nice、有禮貌。我地想校細啲冷氣都友善回應我地嘅要求，之後仲問返我地仲溫度o唔ok。真係好少餐廳有呢種服務態度，值得一讚！

一開始係睇youtuber介紹 比佢地既signature coffee同包廂吸引 但係點知原來咖啡係7pm之後就唔供應 有少少失望🙂 不過佢地都有提供其他mocktail或者alochol drinks比我地揀 仲有happy hour - buy one get one free🍹不過作為一個有包廂 又可以睇Netflix既地方係舒服同埋chill既 (不過如果間房大d會更好🤤 如果唔想咁有壓迫感 可以揀有窗既房）Overall 服務態度都幾好 合理既min. charge最緊要係我地由7pm坐到就黎閂門都冇人趕😚

本后又出巡銅鑼灣, 呢餐飯局擺明要傾到天荒地老, 見Cosmos有獨立房間, 又可以睇Netflix, 最緊要係唔限時, 即刻book房！本身係Red Mr., 疫情下唔可以唱K, 本后欣賞佢將K房變成小包箱, 真係講嘢大聲啲都唔驚嘈到人！一入房望下menu, 全日Happy Hour買一送一！我哋唔飲酒, 叫左杯Popping Candy. 本身好重菠蘿味, 有趣嘅係加左爆炸糖, 驚唔夠可以加埋附送個一包, 飲入口冇爆炸嘅感覺, 但就不停聽到啪啪聲, 好攪笑！晚餐我哋叫set dinner, 包前餐湯菜主菜甜品, 前菜揀左蕃茄水牛芝士沙律, 以為係一片片咁上, 原來加埋火箭菜成兜上. 水牛芝士細細粒, 愛好芝士嘅我就有點唔夠喉, 不過加埋沙律醋都好味嘅. 主菜係澳洲厚切肉眼扒, 個扒煎得唔錯, 做到medium效果, 亦唔太乾仲有少少肉汁. 甜品可以加錢轉蛋糕, 我哋已經食得太飽就要跟餐嘅奶凍, 本身奶凍嘅味道好淡, 但topping嘅紅豆就好甜, 加埋一齊係做唔到混和嘅效果, 可能落番個少甜嘅cream會仲襯啲. 整體上好滿意, 三個女人坐足四個鐘, 由於傾到雞啄唔斷, 基本上冇睇

隨著新式咖啡店、派對房間等興起，加上不少人對於K房的印象，還是停留在窄小黑暗房間的感覺，令唱K這個活動的吸引力逐漸變小。是次到訪的「COSMOS」結合休閒風咖啡店及卡拉OK的概念，食客可以在獨立房間一邊享受食物，一邊放鬆唱歌或煲劇。餐廳屬 RED MR. 旗下產業，可說是以新式流行元素包裝的舊式產業。公共空間以太空元素為主調，房間以水泥風格配搭白色及雲石檯，盡顯時下熱門裝修風格。登記取房時，職員說有兩種房間可選擇，第一種是有窗戶沒有 Netflix 電視，另一種則是沒有窗戶有Netflix電視。順提一下 Netflix 帳戶要自備的，餐廳並不提供。這次就選了有 Netflix 電視的房間，但空間不大可用「一眼睇哂」來形容。🚩 前菜✣  越式米網蝦春卷✣  香煎帶子配芒果莎莎 ＋HK$15春卷不過不失，芒果沙沙用上辣椒，帶有微微的辛辣感。🚩 主菜✣  香草牛油烤法國春雞配炸薯條✣  燒澳洲厚切肉眼扒, 燒薯 ＋HK$40前者足足有四件烤雞，份量超足夠，可惜雞肉烤得過火比較嚡口，醃料不足味道較淡。後者不可以用厚切形容，比茶餐廳質素略好，比較咸一點。🚩 甜品✣ 朱古力慕絲✣ 伯爵茶珍珠慕絲蛋

依間餐廳都幾鐘意落奶煮野食，個炒蛋重奶味， 但雞肉腸又乜冇味，好一般既all day breakfast,不過百幾蚊，有歌聽有Netflix睇又有獨立房，環境又唔錯，算係咁拉不得不讚依個牛牛飯，雖然牛小排丼飯周圍食到，但佢係煎到岩岩好，面層仲要帶d脆，正俾多$10可跟餐湯同甜品， 餐湯奶味濃，好采份量唔多，但已經飽左一節店員細心提我小心攪拌易起泡，我已經好細力，只係攪左兩下，杯裡既梳打即刻從杯底穿過中間層咖啡直湧上黎，最終我都搞到一獲泡

前排係instagram留意到呢間餐廳，一間好特別既cafe / party room, 有獨立房間, 入面有電視機, 點唱機，可以唱k,因為疫症關係所以吾提供咪不過間房吾錯， 打卡呃like一流講到食物！個軟殼蟹溫泉蛋蟹肉飯超級讚軟殼蟹好大隻，有手掌咁大，好好味！！！個飯都好多蟹肉，價錢吾貴，覺得可以再調高價位另外，飲品也做得相當出色，不但有賣相，好靚，味道仲要吾差！好好飲粉紅色房間充滿少女心朋友聚會好地方，值得再去！！

🎤🎵☕️已經超久沒去唱K了🥺 所以早前和朋友提議不如到這間較特別的cafe🤪 邊吃邊唱 超有趣的是要帶著耳機才聽到聲音 太有趣太搞笑 (聽到自己完全無修飾的聲線😂 不喜歡唱K的也可以靜靜的看看netflix🎥原本對食物質素不期待 但出奇地有驚喜👍🔻🔻🔻🔻🔻✨和風蟹籽三文魚意粉 ($88)掛汁能力不錯 三文魚份量適中 好豐富的醬汁✨酥炸雞軟骨 ($68)香脆可口 說不出很特別 可點可不點～✨炸物拼盤 ($158)熱騰騰即炸 喜歡當中的蝦卷和麥樂雞🥰✨牛油果芝士雞蛋吐司 ($78)這款很像韓國某品牌的吐司 蛋份量滿滿的 唯獨是吃到底時已沒什麼醬汁/餡料 但好吃的🤪✨忌廉南瓜湯 有驚喜 綿滑濃郁的南瓜湯🎃🔺🔺🔺🔺🔺⭐️加份位: 由於疫情關係 進場時職員會再在你面前消毒一次咪及耳機 用噴霧噴房間👍⭐️這次是慶祝生日🎂 職員很有經驗的 幫你拍照及調較角度燈光 受竉若驚了🤓 但也是一個很好的體驗🥳然後。。。本人偏心播放BTS Dynamite MV🧨一起來支持他們吧💜💣🤣-📍 COSMOS (銅鑼灣)🗺 銅鑼灣謝斐道482號2樓-

格局同食物都充滿Cafe味道的Cosmos, 環境十分寧靜，其實是Red Mr旗下可唱k的獨立房間食物偏cafe style, 味道同價錢都不錯，可以加配餐湯甜品和咖啡, 性價比黎講幾高，午餐系列有all day breakfast, 低卡路里的雞胸牛油果飯之類的主菜，飲品仲可以轉成拉花咖啡，加少少錢可以加布丁等甜品。唱歌設備反而令人有點不習慣，每人都要戴耳機用咪唱歌，耳機就是唯一聽到人聲的設備，令人不可以大叫😂