27
2
0
港鐵土瓜灣站A出口, 步行約7分鐘
繼續閱讀
電話號碼
46413666
營業時間
今日營業
11:30 - 23:30
星期一至日
11:30 - 23:30
以上資料只供參考, 請與餐廳確認詳情
-
網上訂座服務暫停
真係特登睇地圖去搵來食，去到個鋪頭，門口好細，屬小店。入到去真係相當細，我哋叫左兩個妹豬湯飯（雞、花膠、冬瓜湯飯），滿心期待食物的到來，可惜我地見人介紹得咁好食，但來到明顯有落差。湯飯的湯唔夠熱、味道還好，但食湯飯唔夠熱感覺真係有些唔知點咁，可能個湯係即滾，但放切雞時只係放雞無再刻意加熱，所以湯來到時已無（辣）嘴的感覺，菜脯野味。整體感覺一般，如果下次來食會刻意叫佢滾耐少少。店內只有三至四張枱，座位好迫，服務方面係無，樓面女士唔係好想郁…… 全店得一個牙簽筒，我請佢幫忙，佢面有難色，我諗我左到佢休息，btw當時只有我一枱客。大致上體驗一般，如果想試，可以考慮外賣。
繼續閱讀
小店地方不大, 一邊放了3張4人桌, 另一邊則放了雪櫃。蠔門不碎 $58蠔門不碎賣相頗一般, 飯如山般放在碗中, 面頭放上蔥蒜是小心思, 但湯水過多, 蓋過湯料, 令整件事很孤寡。把湯料集中在一邊, 其實湯料也不少, 有蠔仔, 冬瓜和冬菇。但肉碎呢? 實在少得沒有存在感。飯粒粒分明, 有咬口, 不會過軟和黏口。蠔仔脹卜卜, 飽滿肥美, 味道濃郁。唯湯底味道偏淡, 略為失色, 需自行加胡椒粉調味。菜脯味濃, 辣遍口腔, 沖擊味蕾, 與湯底造成頗大對比。
繼續閱讀
先起九龍城賣越式法包，近排開到嚟土瓜灣專賣湯飯同滷味小食 (滷味小食多到成個櫃都係）餐牌有九款湯飯選擇，雞牛豬羊海鮮都有，梗有款啱 佢啲名改得好搞笑，有個外賣叫鹹濕仔，跟住個姐姐同廚房講”喂，差個鹹濕仔啊”😂▶️ 海底奇兵 ($68)原來可以揀飯/米線/河粉，我就當然試湯飯啦🍲湯底用豬骨、上等老雞同瑤柱熬製，零味精👍🏻食完唔口渴，飲晒啲湯都仲得有老火湯嘅味道，海鮮料令佢偏鮮甜材料甚豐富：兩隻青口、兩隻海蝦、兩件魷魚、幾隻蜆、肉碎、冬瓜海鮮好無論口感定味道都唔覺似雪藏🦐兩隻蝦連殼要自己搣，證明新鮮，肉質爽口唔老尤其鍾意魷魚🦑食落爽彈唔難吞青口都唔錯🦪蜆肉就一般不過冬瓜太生硬，可能需要熬耐啲，肉碎份量亦少咗啲🤏🏻🍚白飯加咗些少紅米，飯質好食，浸起湯都唔會變爛飯，反而粒粒分明飽滿，保持到質感，仲好索湯面頭落咗蔥同蒜呢啲天然調味料，令湯飯味道豐富又惹味啲另外仲可以加店舖自家製嘅辣菜脯，食落辣喉嚨🌶️但係覺得佢菜脯切得太碎，欠缺脆卜卜嘅口感▶️ 還原妹豬湯 ($78)朋友叫嘅湯飯，材料係花膠、滑雞同姬松茸，養顏滋補之選🐔滑雞似白切雞，有皮有骨，味道正常，唔係特別滑嫩朋友話花膠太薄同偏軟，唔係太啱佢口味，不過湯底好香雞味▶️ 滷水糖心蛋 ($18)一盒兩隻，呢隻雞蛋特別巨型，外型呈深啡色，明顯滷咗好耐切嘅時候感覺到有啲「阻力」，有少少台式鐵蛋feel (不過當然冇咁硬)果然味道超入味，鹹中帶些少甜🤤連蛋黃都夠鹹香，用嚟配清淡嘅湯飯一流佢個蛋黃除咗晶瑩剔透之外，有啲gel 黏黏地嘅感覺，好正！有趣地蛋白有兩層🥚有層次口感呢個非一般嘅滷水糖心蛋一定要試❗️食完好驚喜，同拉麵店食到嘅唔同-湯飯冇令我失望，湯底鮮甜健康，鍾意佢用真材實料🫶🏻滷水蛋尤其正，會有興趣試埋其他滷味，見佢啲醉蝦醉雞唔錯😍價錢亦唔貴舖頭位置吊腳，地鐵站行出嚟行一陣先到入面環境亦比較細，只係得四張枱，容納到10個食客左右，所以晏晝嚟都坐滿姐姐服務幾好，主動問客人食唔食辣然後介紹辣菜脯，又會同啲熟客傾吓計 (聽到有個熟客話聽日再嚟食）上菜速度快，落完單唔使5分鐘就嚟，賣相仲要唔求其價錢雖然貴過茶餐廳，但有呢個質素絕對值得，冇得比較～難怪一路食見到唔少人嚟買外賣🥡佢啲外賣都裝得好有心思，唔係普通發泡膠，冇咁容易倒瀉大家嚟土瓜灣區不妨支持下呢間隱世小店🥰
繼續閱讀
蠔仔飽滿又新鮮，湯底同飯作為皇牌真係實至名歸，湯底清甜之餘帶好濃金華火腿香，鮮味之餘又唔會好鹹，泡飯用上珍珠米，拌入辣菜脯，帶有微微辣味之餘，菜脯同珍珠米爽脆煙韌口感並存，又係另一種風味。胡椒粉都唔係一般貨色，比起平時常見嘅更嗆辣刺激海鮮款式齊全，海蝦肉質好結實，蜆肉雖然唔算大隻但係品質同分量搭夠，魷魚爽甜飯餐可以優惠價配自家製冷泡茶，今次試菊花杞子決明子，入口真係只有天然菊花味， 冇乜甜味同冇任何添加劑嘅味道，成餐飯感覺都好清新
繼續閱讀
經過店舖，外賣了10盒小食回家加料。麻辣鴨舌🦆👅38麻辣汁好惹味，份量很多，有10枝，食不停口。👍👍麻辣爆膏魷魚🦑 58呢個係店舖熱賣，用上同一款麻辣汁，有4隻不同大小的魷魚，內裏真係有膏，但其中一隻未有處理沙膽，食到成口沙🥲薯仔絲🥔 20酸醋薯仔絲，開胃爽脆，非常解辣蔥油手撕雞🐔 38超好味，雞肉嫩滑，配上香葱，食到停唔到口醉鴨舌🦆👅 38醉鴨舌好入味，同麻辣汁截然不同，兩種口味各有捧場客醉雞翼🐔 38呢個同預期有啲出入，雞翼煮得過老，醉汁不入味，可以不試👎皮蛋🥚 25流心皮蛋配上醬汁，好好味魚皮🐟 48必食推介，魚皮係薄身但做得非常爽脆，微辣，配上雲耳，個個都讚👍沙薑豬手🐷🤚 38豬手處理得好乾，無毛，特別切到一口size，方便進食，沙薑味道不算太突出但都好味爽口辣滷鮑魚 58鮑魚非常軟稔，配上麻辣汁，非常好味，但一盒得兩細隻，有啲唔抵
繼續閱讀
您可能會有興趣的...