影片
電話號碼
60126241
營業時間
今日營業
08:15 - 23:00
星期一
08:15 - 18:00
星期二至日
08:15 - 23:00
以上資料只供參考, 請與餐廳確認詳情
本身打算食𝖯𝗂𝗓𝗓𝖺但原來要五點開發現附近有間𝖢𝖺𝖿𝖾咁就坐低飲杯咖啡食件𝖢𝖺𝖪𝖾我叫咗杯𝖲𝗂𝗀𝗇𝗎𝖺𝗍𝗎𝗋𝖾 𝖢𝗈𝖿𝖿𝖾𝖾 𝖬𝗂𝗌𝗍𝗒 𝖿𝗈𝗋𝖾𝗌𝗍味道偏𝖭𝗎𝗍𝗍𝗒 但就好一般件芝士蛋糕仲要唔係我中個隻仲要係檸檬芝士蛋糕總括來說呢間嘢係無咩好特別
繼續閱讀
之前係灣仔分店試過正餐，意粉同咖啡都表現不錯。今日黎到跑馬地就一於嘆番杯咖啡同食件cake😋跑馬地分店行復古懷舊路線，有上下層，下層座位唔多，樓底極高，空間感十足，適合同三五知己坐低閒聊！到訪個日仲撞到明星同朋友黎飲野添！😂🍰Basque Burnt Cheesecake高身大件，芝士味🧀️重，口感細膩順滑。外層實淨，中間夾心層半流心，消濟同減低重乳酪帶黎既負擔☺️唔會太過乾，保留到芝士蛋糕獨有既濕潤度，唔錯唔錯！甜度適中，同苦澀甘香既咖啡☕️一齊享用最合襯！📍Coffeelin跑馬地昌明街8號地舖
繼續閱讀
距離萬聖節還有數天，跑馬地洋溢着一片節日氣氛，可愛的小嘩鬼挨家挨戶討糖果，商戶們紛紛響應。區內的睦鄰關係真令人羨慕，真可惜我不是跑馬地街坊(笑)。那天本想拜訪Little Napoli，奈何店家太有性格，尋味要吃點苦頭。瞥見街角綠調咖啡店，佇立在斜巷之上，早就慕名這家的咖香了。本身不太喜歡水管粉，但其他已經賣完，只有Duck Ragu($128)可選。這道屬重口味意粉，香口惹味微辣，較大眾的味道，未有令人印象深刻。芝士薯條($63)是老麥風幼身薯條，但凡新鮮薯條加上芝士，都不會令人失望的。咖啡和特飲選擇眾多，簡約的White($40)並不簡單，唯美的拉花足見實力，啡味偏向Nutty十分喜歡。店家寵物友善以外，對小朋友都很親切，在萬聖節可見一斑。年輕的男店員笑容可恭，歡迎可愛的娃鬼們Treat or thicks，難得可以感受萬聖節氣氛，那就欣然接受比刻的喧鬧。甜點看起來不錯，但當天沒有試，埋下再訪的伏線。希望下次試到Little Napoli，也許順道過來喝啡？
繼續閱讀
689 瀏覽
週二請咗假充當柴可夫，陪同家人睇醫生及遠赴新界探望舅父。忙咗一個早上，眼見只剩九個字食晏就要揸長途車車，所以就勞煩蕃薯uncle喺跑馬地搵定位兼點埋野食黎個快速午餐，結果就試咗「Coffeelin」。位於昌明街斜路頂嘅咖啡室座位不多，只有門口幾張散枱，不過樓底勁高。合共由兩人打理：男主外，負責樓面工作、管理水吧同收銀。女廚師則主內。雖然名為咖啡店，架上最多嘅明顯係酒樽。原來每日最旺場係下午歡樂時光，指定飲品買一送一，標價為$88/杯，即平均$44/杯，講真唔算特別優惠。另外有一點好奇怪，貼於門外上下兩個牌寫上嘅歡樂時間不一，所以唔知係一點定兩點開波，可歡樂到八點。或許跑馬地少人飲啤酒，歡樂酒牌上並冇啤酒選擇。散點餐牌有三頁之多。另外黑板上仲有幾款是日推介項目。Caesar Salad（$88）：細佬都係第一次要用刀食凱撒沙律，因為主材羅馬生菜係成樖就咁一開二，喺面灑上脆卜卜嘅麵包碎粒及火腿薄片雖可添上咸香，食落都算爽脆，不過新派得黎感覺有點兒馬虎而已。Italian Omelette（$78）：意式奄列煎煮時間控制得恰到好處，賣相金黃，無奈餡料偏少，且淡而無味，唔係咁啱自己口味。Truffle Mushroom（$128）：意粉粒粒煙韌軟彈，菇粒都好清潤，個人只係略嫌菜式嘅蒜蓉松露調味過份輕手，食落落過份清淡，唔夠香濃。跑馬地小店「Coffeelin」環境企理，西餐菜式尚算簡單不油膩，可惜令小肥頗為反感嘅就係黑面哥哥仔所發出嘅負能量，搞到用餐後心情都灰埋，情緒咖啡屋絕非人人接受到。
繼續閱讀
偏遠酒吧餐廳，地點似乎只考慮招待跑馬地區內客為主，到咗電車總站仲要再行5-10分鐘。。。價錢同港島市區睇齊，Mocktail $68起，Cocktail $88起，紅白酒約$90杯Virgin Mojito薄荷、青檸、梳打水、糖水薄荷味道出，唯青檸汁非常重手，味道偏酸Antipasti $ 88意式頭盤，有多士、火腿、橄欖同芝士釀燈籠椒，非常豐富，餸酒一流Caesar Salad $ 88非一般擺盤，少有切半上碟嘅凱撒沙律，非常特別，亦非常新鮮爽脆，凱撒沙律醬偏少，但羅馬生菜本身已經好甜，加上烘脆嘅麵包糠代替脆包粒，更加脆同好食，口感特別Mushroom Truffle Gnocchi $ 128一上枱已經聞到濃郁黑松露同雜菌香氣，味道偏鹹少少，菇菌味重，薯糰唔夠煙韌，煎香咗但未夠脆，可以接受Basque Cheese Cake $ 53大大件，芝士味濃，邊位硬啲，個心非常幼滑，唔太甜，完美嘅句號地點太遠，試一次就夠😅 食物款式唔多，但價錢係正常合理，飲品反偏貴，不過酒吧主打酒水可以理解。
繼續閱讀