影片
營業時間
今日營業
10:00 - 05:30
星期一至日
10:00 - 05:30
以上資料只供參考, 請與餐廳確認詳情
平日放假時，唱卡拉OK來消磨時間是一個不錯的選擇。這次兩個人被安排了一所八人房間，真的很舒適。兩星期前曾來過這裡，沒想到現在已經換上了新的餐牌，真是抵讚！洋葱黑椒元蹄煲配白飯這道菜的元蹄份量十足，一點也不吝嗇。口感雖然不像我們想像中那麼軟嫩，但豬皮卻非常甘香，富含豐富的膠原蛋白。洋蔥的味道很入味，而且配料的汁料也很可口。唯一的遺憾是黑椒汁稍微有點不夠讓我們撈飯，如果可以多一些黑椒汁就更好了。總括來說，這道菜非常美味，物超所值。紅酒慢煮燴牛尾配白飯牛尾帶有一點肥羔，入口即溶，口感軟嫩且十分入味。配菜有西芹、紅蘿蔔和洋蔥，它們的口感都非常嫩滑且味道鮮美。這道菜搭配蔬菜一起食用，不會感到油膩，而且肉汁豐富，非常適合搭配白飯享用。飯吃完後還有很多汁料剩下，我們還想再多點一個白飯來享受剩下的汁料。來到卡拉OK不僅僅是唱K這麼簡單，這裡的食物水準非常出色，讓人既能品味美食，又能享受娛樂，帶來雙重的滿足感。
繼續閱讀
好耐冇唱K啦，差唔多年尾同朋友一齊去。以往唱K都係比較鍾意去ceo多啲，因為比較乾淨同埋食物比較OK。今次叫咗呢個三文魚扒配薯菜，其實好抵，因為有餐食同包埋唱K。三文魚扒煎得好香，點埋個汁都幾正！包埋餐湯、餐飲同埋沙律幾抵！打去Booking嘅時候話可以由12點唱到3點，好少可可以唱咁耐！兩個人嚟講間房仲要唔細添！有意外驚喜
繼續閱讀
平日夜晚5個人想話近近地去尖沙咀唱下k挽下 一入到去 態度已經麻麻 招呼無句 做野慢半拍 都唔緊要 唱k最忌係咁俾人望 依家俾錢入黎唱比你班經理員工聽咩 唱左4個鐘望足幾十次 你話經過望下有無需要幫手都算 直頭個頭對埋對門度望 成個感覺非常之差 （如果你鍾意俾錢買難受 歡迎去）再黎 5個人比間豆潤咁細嘅房 （如果要撞彩先有大房 咁我唔洗比錢佢賺啦）夠膽講其他分店一定好體驗好多 至少唔會豆潤房先 得一部電視 四支咪有一支仲要壞壞地 啲歌完全唔update 唔好expect有咩新歌 仲要逼你睇廣告睇完以上呢啲 想唱k建議book過第二間 真心🙏🏻
繼續閱讀
大年初三一行四人去尖東唱K食Lunch，載歌載舞渡過一個愉快的下午😋我們到達登記後店員帶我們入房間，房間很大還有兩部電視機，我們自行消毒完後便開始點歌及點餐，我們點了三份紐西蘭肉眼扒，兩份跟薯菜西湯餐包，一份跟飯西湯沙律，肉眼扒幾大塊幾淋配燒汁唔錯，薯條唔夠脆，白飯如果熱啲就好，沙律菜幾清新，羅宋湯及餐包再熱些更好😋栗子炆排骨煲配白飯，排骨及栗子都幾淋幾入味😋進餐期間我們播演唱會歌曲聽，吃飽後大家盡情唱K😋
繼續閱讀
嚟Neway唱好K好似已經過時，呢幾年好多人去Party Room唱甚至大家屋企都有套唱K系統，啲歌仲齊仲多仲新！不過K房音響同氣氛始終唔同既，今次去唱K先留意下，原來Neway執淨10間，港晶升格做CEO但無左獨立廁所，$259人頭包兩杯飲品，唔使加果盤或零食，可以唱通宵。不過宜家已經無左K Buffet，而且散叫食物都貴左好多，一個炒粉麵飯都$90！① 羊腩煲配唐生菜 $198本身見佢寫1-2人份量都驚份量細，不過凍冰冰食羊腩煲又好吸引，就一心諗住試伏。一開門，職員放低個Gas爐，一大煲羊腩煲捧入黎，好足料，羊腩夠腍夠入味，仲有支竹，冬菇，筍等等，全部都好好味。加埋個飯撈汁真係好滿足，三個人都夠食。.今次真係嚟Neway，食好西！完全無期望過Neway食物會有水準，本身諗住求其填飽個肚，但呢個羊腩煲真係有驚喜。
繼續閱讀