Caffe Paradiso

營業中

休息中

今次我去咗間在梅窩有種家一樣舒服感覺嘅餐廳。餐廳環境好似一幅生動嘅畫，坐低咁靜享受，好有悠閒feel。首先，佢哋嘅煙燻三文魚軟芝士牛角包真係滿分！打開包一看，三文魚同軟芝士層層疊疊，澎湃得嚟又唔覺得膩口。啖啖芝士，啖啖三文魚，咬落去麵包嘅酥脆同海鮮嘅鮮味完美交織，頂級享受😋！嚟到一個咁靚嘅地方，唔飲杯特別啲嘅野怎得？今次我揀咗杯玫瑰花茶。雖然冇乜high tea嘅氣氛，但花香嘅滋味仲係襯得好好，令人百般滋味在心頭。嗌嘢飲坐喺戶外，吹吓海風，真係平易近人得滯！梅窩行山行得攰，嚟到呢間餐廳，可以話係行程中嘅小確幸。下次再嚟，一定會再試吓佢哋嘅牛角包，真係夠晒味！👍🌟

同小絲來到梅窩2日遊，去到梅窩，第一站當然要食飽飽先啦。本來一落碼頭就見到間M記，不如簡單食個早餐算啦。但想到不可以係小絲面前失威就豪爽一次食過豪爽的早餐。這裡的早餐和其他都差不多，但用料就會特別些，例如小絲吃的傳統英式早餐上面的煙肉就同小面上的有些許分別。我點的那個意大利香草夾餅亦都是比較少地方可以吃到。2份早餐+2杯飲品=$224。離島來說收費已非常合理。最重要是吃得開心同可以有足夠的食物和擺設做打卡的材料打卡啦。神級無味食評師-阿偉，

估唔到梅窩原來都有黃店cafe💛💛舖頭主要賣唔同款嘅咖啡、多士、三文治、牛角飽等等🥯自家制三文治餡料有4款可以選擇，👧🏻就揀咗煙三文魚、水瓜榴、西生菜、蕃茄及白汁，麵包就揀咗麥包，三文治好大份，好足料，成個配搭幾fresh、好健康😋😋🥯火腿、芝士及菠蘿多士芝士味好濃郁😋夾埋菠蘿一齊食，成個感覺唔會太膩，個麵包係烘咗底，所以都幾脆wor😋😋☕️印度馬拉巴爾牛奶咖啡☕️冰凍意大利焦糖泡沫咖啡咖啡好香味道濃郁，咖啡味就偏酸唔太苦😋 焦糖泡沫咖啡好邪惡🤤🤤甜甜地又唔會遮咗D咖啡味

⭐評分: 7/10——————————————————梅窩都有黃店！喺碼頭附近！戶外座位仲要望海，好舒服～——————————————————▪️煙三文魚忌廉芝士麥包三文治 $59 ▪️煙肉芝士麥包三文治 $59 呢度嘅嘢食主要係麵包+自選toppings，佢哋嘅白麵包／麥包／軟包都係自製！好有心～我哋兩款都揀晒麥包，非常鬆軟，食落有少少微酸，有麥芽黑包嘅錯覺，見隔離枱嗌軟包好似仲吸引！！煙三文魚+忌廉芝士真係不敗組合，creamy and rich 巧鬼幸福，但三文治無烘過，成件事好冷冰冰嗚嗚，煙肉芝士嗰個就好普通，唔建議叫～細路仔口味叫咗橙汁飲，真係鮮榨嘅感覺，開心仔～✨ Caffe Paradiso ✨​📍 梅窩銀運路3號梅窩中心地下8號​

我第一次來梅窩時有試過，記得老闆很有趣，還有大半個小時才有船，就決定來回憶中的咖啡店。➀ Monsooned Malabar Indian Caffe Latte 這杯喝起來跟普通的Latte沒有大分別，可能比平常的苦一點，香料味不突出。➁ Spiced Hot Cocoa (w/ nutmeg and cinnamon) 特色是有印度香料味道，聞起來很香，但不要期望是融掉巧克力的那種香濃巧克力。我的頭一口也喝到肉桂粉，男友喝到最尾也說喝到粉，口感有一點點奇怪。回憶中的咖啡比較好喝，我已經忘記了第一次喝的是什麼咖啡，依稀記得是有配曲奇的。即便這次喝的兩個飲料都很一般，我的整體體驗還是很好，因為老闆太Wholesome了，在狹窄的店裡，看著人與人的互動，有時是不諳英語的顧客，有時是梅窩的老顧客，有時是覺得老闆很亂來的店員，每個人都能放輕鬆。

難得閒日放假，就同朋友入梅窩行下。見到網上有人推介呢間cafe，可以望住個海歎咖啡。點知用咗唔少時間去搵，仲去到同期望有少少落差。因為間cafe其實好細間，仲要唔係正對住個海，門口只得2張細枱係可以側側地望到個海。雖然冇想像中咁chill，但啲嘢飲就令人喜出望外，總算彌望咗期望過高所帶來嘅失望。我哋坐喺門外嘅細枱，老闆就好親切咁走出嚟同我哋落單，結果就發生咗一件蝦碌事！我哋飲完嘢以為一早畀咗錢，於是直接拍拍籮柚走人，到醒起時鋪頭已關門！幸好拍門後仲有伙記未走，我哋畀返錢佢時佢都呆咗😂😂😂😂好好笑📍坦桑尼亞泡沫咖啡 (Small $35)有厚厚一層嘅泡沫，可以按個人喜好灑上朱古力粉，咖啡微酸而不太苦，完全正中我口味！📍濃縮咖啡沙冰 ($39)凍飲一樣咁正，第一次飲咖啡沙冰，估唔到咁好飲喎，微甜而且好夠咖啡味。

專登上網睇吓梅窩有咩黃店見到有呢間coffee shop見大家啲留言都讚不絕口專登過去食果然真係好好味最驚喜居然係佢隻煎蛋煎得啱啱好，個蛋黃汁喺口流返出嚟再配埋嗰多士好脆口好好食牛角包都好好味牛角包佢有好多隻味揀咁啱冇晒朱古力試吓個榛子醬都好好食嗰all day breakfast 都好味臨走前都要專登去個舖頭飲番杯嘢食返個煎蛋先走望住嗰海，天氣又涼，好舒服不過可能天氣唔好佢又一定要坐喺out door所以冇乜客下次再嚟梅窩一定會再嚟食

係隔離餐廳食完早餐，不過杯咖啡唔掂，所以想搵間靚d ge咖啡飲下，意外見到呢間餐廳一試，結果係超！正！highly recommend！首先話間舖頭，唔好睇佢細細間，但係其實坐落係好舒服嘅，室外位置，跟住望住啲海景，又可以隔離晒啲人群，係好chill因為我哋食咗早餐嘅緣故所以就淨係嗌左咖啡同cupcake（其實啲包睇落都好正下次早餐一定要試吓）呢度啲咖啡種類都好多，我哋就嗌左一杯坦桑尼亞嘅咖啡，因為被Menu度張相吸引咗Menu度介紹呢個係一杯比較strong嘅咖啡但係好香加埋上邊啲foam，自己鍾意可以再加少少朱古力粉，係好特別嘅一杯嘢飲另一杯我哋嗌咗有機冇咖啡因嘅秘魯咖啡，係我飲過最似咖啡嘅decaf！非常香，都好濃郁！一度以為老細比錯咖啡豆哈哈。之後當然係買多袋秘魯咖啡豆返回喇：pps 呢度係有咖啡豆賣㗎由於食咗早餐所以嗌多個cupcake送咖啡，本身係是但嗌個，點知都有意外驚喜！個lemon cupcake好香同埋有d香草籽係入邊，老細會幫手整熱先serve，所以出邊有小小脆，好好味臨走由於等個侍應幫手磨碎d豆，同老細吹左陣，問佢另一個indian latte係咩味道，佢講解左

呢間外國人開的小店，雖然面積好少，但食物種類同飲品都好多，一時眼花撩亂，問店員介紹咖啡或者呢杯藍莓乳酪沙冰，39蚊少貴，但賣相又幾靚，紫色閃閃一杯，上面係cream ，飲起來有乳酪味，好好飲。下次想試埋佢地杯咖啡，好似好出色咁。除左飲品豐富選擇，呢間有得食特色bread ，全日早餐，toast 等等，感覺都好好味，唔知係咪會好有外國特色，店員係外國人，唔知個廚師係咪都外國人，唔使加一個價錢都接受到。隨便一提，呢間黃店，外面放左連登革命的燈籠同公仔。

想不到在離島這個地方，竟然比我發現左一間很不錯的餐廳，座位雖然不算多，不過食物很有質量。可能因為咁，出餐就不算快，不要緊，放假就是要慢慢享受！今天點了一份英式早餐，一杯熱細朱古力莫卡。英式早餐有雞蛋🥚，番茄🍅，焗豆，煙肉，麥包；麥包上面有cream cheese嫁，味道好match嫁；至於煙肉又夠熱又夠脆，非常好味。咖啡很香，早知如此，我叫大杯會更完美。熱莫卡$35（細杯)英式早餐$75配麥包環境和氣氛也很好，相當舒服。廚師是外國人喔！

週末入到離島放鬆一下自己。好耐冇去過梅窩喇，呢到比以前改變了，印象中梅窩的居民就是原居民，今次入黎多左好多外國人。梅窩密度此終比較少，行起上黎完全有足夠的空間，唔使同人迫，如果想揀個地方安靜一下，沈澱一下，遠離煩囂，這裡絶對是一個好選擇。很喜歡這間餐廳的環境，牆壁佈滿了自己畫的畫。今日叫左煙燻三文魚軟芝士牛角包其實賣相就唔多靚，有些微失望。不過打開個包睇，真心足料，好好芝士，同厚身的三文魚。食落「啖啖芝士」、「啖啖魚」，配合埋牛角包，好好味呀！叫埋杯飲品，真係好休閒捨意。呢杯係玫瑰花茶，茶底。大家留意番，我唔係去high tea，所以唔好過份期望，以為有靚茶壺、茶杯咁上。雖說是小店，餐具及調味味都是按客人的訂單而每個預備。呢間小店應該有班熟客幫襯開。呢間小店仲有咖啡豆買嫁

20-11-2010落船已差不多 2:30pm, 未食 lunch 的 2 人好肚餓, 但為了留肚到大澳食糯米糍, 還是到呢間輕食店食少少嘢就算. 叫了一人一份 ham & cheese 的澱粉質各自食, 另加一杯 filter coffee of the day, 我飲. Filter coffee 賣相如涼茶 , 質地極稀, 飲落又苦又澀, 不過落糖落奶 (無味的, 疑似 skim milk...) 後就變得飲水一樣, 點呀 最後勉強飲了三份一, 還是放棄了.Ham & cheese croissant: 賣相不錯, 不過 croissant 濕濕韌韌, cheese 唔溶又好鹹及油膩, 百分百「把鬼」之作! 朋友就食 smoked ham & cheese toastie, 不過只係烘過的薄三文治, 係鬼 toastie? 不過麵包烘得鬆脆, 芝士無 croissant 的咁鹹, 連 ham 份量都好似比 croissant 的多, 呢個好食好多!唔滿意, 但勝在唔飽肚, 起碼未至於完全浪費 quota... 不過每人放低 $50, 唔會再來了.

本來前來離島參加天燈大會的節目，可惜所見的盡是hea爆的滑浪，被千人包圍著，狗毛也看不到一條的寵物表演，與及主辦單位突然才知道本屬自然季節現象的水退而取消比賽。夜未至，燈未點，但已知慘被老點。離開前找個地方坐坐，在友人S小姐介紹下來了一間細小的咖啡店，名叫「Caffe Paradiso」就在碼頭旁，如坐在門外更可看見大海。我點了杯Mocha，兩位友人也點了不同的飲品，再後加了一個朱古力Muffin。飲品送來時發現泡沫打得不太理想，入口即散。反而咖啡的味道不錯，濃郁的咖啡中滲著輕輕的朱古力味，這一著挽回不少分數。同屬朱系的朱古力Muffin，夠挺身，入口亦夠漿口，朱味濃郁，有水準。臨別秋波可品嚐一杯與及一件不錯的啡點，算是一點安慰吧。

My friend and i walked around on Mui Wo yesterday . As this is not the first time i entered this Caffe Paradiso, i wanna make a comment here to increase the hits in here. So we ordered Iced Caramel Coffee and Cappuccino for thirst relieve(later we ordered another round for that ). The drinks were pretty good. Next we had a Parma Ham pizza and it tasted very delicious! However my friend commented that it would be nicer if the pizza was thinner and crispy. Overall we recommend this cafe regardi

在梅窩周圍行，想停就停，想坐就坐，好不寫意∼∼原來我也沒有過這種生活很久了，實在是享受！行夠了，坐車入塘福、長沙等地方走一走。巴士還有半小時才開出，信步四圍走走，來了這裡，選了個室外對海的位置，坐低飲杯咖啡，平時喜喝熱的，是日想有點變化，來杯凍的。又見十時也未夠，就來杯泡沫咖啡。咖啡雖然凍，喝起來也滿有香味，泡沫豐富。這個環境，加上這杯涼飲，實在令人心怵曠神怡。埋單２５蚊，海風美景無價。