Café laimė

營業中

休息中

小店一間，座位比較少，有不同味道的炒意粉，午餐平均價錢$7X，本人今次叫的墨汁海鮮炒意粉，味道唔錯，海鮮味道亦唔差但海鮮分量較少，而意粉方面質感啱啱好不太淋，蜜汁份量及味道亦正常，咖啡亦唔錯沒有苦澀味，可能附近有多間茶餐廳及此店價錢偏高的關係，午餐時段不太見到有人，如果食厭咗普通的碟頭飯，想轉下口味，不妨到此店一試。

火龍果吞拿魚沙律比想像的好吃，清爽開胃，火龍果大小合適！凍檸茶不加糖，熱奶茶不那麼醇。但老闆nice，看得出有用心在做食物，也關照小朋友，帶小朋友和貓老闆玩。地方也清靜。

呢間喺尖東嘅小店 最正就係有可愛嘅貓貓店長🐱而且食物價錢都唔貴🤑上次就試咗個蜂蜜熱香餅卷餐💕真係好特別 係將熱香餅卷埋一舊 再加埋煉奶、朱古力粉同蜜糖 真係夠晒sweet!!

😻 貓貓店長陪你共進晚餐食物能傳遞情感、意念和精神。除色、香、味外，我們吃到的，更可能是人情味。在朋友的推介下，來到一間位於尖東的餐廳，品嚐了各款特式美食外，更意外發現餐廳充滿小驚喜，提供創新獨特的隱藏餐單。🥗 紅肉火龍果金槍魚沙律這是一款不得不試的沙律，光是沙律的顏色已非常吸引，奪目的桃紅色相當吸睛，紅肉火龍果味道一般會較白肉的香甜多汁，配搭金槍魚，配搭新穎，味道清新怡人，讓人一試難忘。✧.*•. ✧ * ✧.*•. ✧ * ✧.*•. ✧ * ✧.*•. ✧ * ✧.*•.現在來介紹一下隱藏餐單的款式。為何有隱藏餐單呢？ 店主考慮到不時不食的道理，會採購最時令的新鮮食材來製作料理，有時亦會忽發其想，創作新菜式。由於食材的限制，並不能以量產形式呈現給大家，所以大廚有時會推介當日的隱藏餐單，讓客人隨時品嚐到最時令的菜式。🐟 烤比目魚配龍蝦湯意大利飯餐 $160（轉蒟蒻意大利飯 +$25，跟餐配熱飲）沒錯! 是蒟蒻飯 ! 餐廳有提供正常的意大利飯。但大廚靈活多變，明白到蒟蒻系列的食材在市場上大有需求，餐廳為吸引附近一眾注重健康的OL，推出燴蒟蒻意大利飯，味道方面，蒟蒻意大利飯的質感煙煙韌

小店舖大驚喜平時lunch經常幫襯下是日精選都唔使諗食乜啦見到平安夜聖誕二人套餐就同另一半試吓啦超好食清新之選 - 蜜糖牛油果醬鮮果沙律沙律嘅醬汁好大驚喜呀又唔會太甜，好清新羅宋湯老細話用咗六個鐘頭去整㗎好足料連湯嘅牛尾都清埋烤羊架➕豬肘骨羊架整得一啲都唔騷原隻烤雞好有心思好有誠意嘅製作老細已經將隻烤雞切好用手輕輕撕開就可以食有啲似日本嘅風味雞好嫩擺到好似一隻聖誕節嘅小火雞感覺黑松露醬帶子白汁意粉意粉保持水準整體來說好滿足嘅聖誕大餐老細每次都會用心去製作每一道嘅菜式值得推介

老細很有心思解釋每道菜，當日食咗一個煙肉白桃意大利飯，味道出奇的配合。另外還吃了一個日式冬陰功烏冬，湯底沒有傳統冬陰功辣和濃味，反而多了一點日式的清淡。極度推薦!!!!!!!!!!!!!!!!!!!!!!!!!!

原本想中午來食個意粉，原來店舖轉了手，開了一間食日式又意粉的餐廳。橫掂來到，都要試一下，支持小店。看完餐牌後，待應都好有禮貌問我食乜。其實，原本想食意粉的，但見牛肉烏冬蜆肉湯也很吸引，就試下吧！一來到，看到咁多洋蔥也心心眼😍。湯也不錯，仲食倒一粒粒蜆肉。牛肉也很大塊，$60這個價錢，包一杯熱飲還是可接受的。下次再試埋個啲意粉先得

呢間舖轉過幾手，還記得上兩手有喺路邊派過雪糕🍦🍧。呢個位雖然方便，但舖位窄長，所以完全擺唔倒大檯嘅，多數都係一兩個人嚟食。今日早，行過見倒轉咗手，所以坐低食個早餐。menu 幾多選擇，除咗中英仲有日文，好貼心，亦不禁令人諗起去旅行嘅日子🎏，想起一句歌詞🎵如何回到當時……點咗個鰹魚湯烏冬36蚊加5蚊配mocha, 好快有得食，用個盆上嘅，有日本feel , 鰹魚湯較清👍，有少少芝麻幾香，除此之外我仲好似食倒有啲薑，有兩片日式魚蛋，仲有隻蛋，蛋有煎過嘅，半熟。mocha 就唔係咖啡機嗰啲，係即溶咖啡😅, 朱古力味好濃，無乜咖啡味嘅。payment 收現金同Ali pay.

今日工作途經尖東噴水池旁的東海商業中心，看見這間小店，點了這客茄汁海鮮意粉。等了數分鐘，殷勤有禮的店員把一碟香噴噴、熱騰騰的意粉送來，份量十足！我正苦惱小食的我，會否浪費食物呢。誰知一吃，鮮茄汁味超濃，不是水流流那種！內有墨魚、青口、鮮蝦，胃口一開，我竟然一口氣掃光！😆😆😆加上我最愛的凍齋啡，好喝！埋單才是$71！忍不住向靚仔廚師稱讚，原來此店剛剛新開，日後還有新菜式陸續推出！疫情下難得仍有服務卓越的特色小店開業，值得鼓勵！希望繼續加油！