Aussie Grill By Outback (已結業)

中環食lunch一向都好具挑戰性，呢間又冇得book位，盡量早D去揾位啦，好彩只係搵兩個位，行咗3個圈終於揾到位了。雖然係快餐，但其實都可以share嚟食，點了一份經典牛肉burger配沙律，再點了一份ribs 配薯條，飲品也可加錢，點了coke & ice lemon tea. 份量俾預期少，幾小時後有肚餓感覺。

2:30pm $78下午茶，雖然主食得兩個選擇，signature burger or ribs 加個配菜(有五至六款嘅選擇）同一杯飲品 /加錢升級做特飲，真係好抵又飽肚👏🏼最啱一個人嚟食，去cashier 落order, 自己拎嘢飲、餐具先，再找位坐（大把位），放個感應器喺枱嘅感應位上，跟住店員就會送餐俾你😊以下就係我order嘅 ribs 加 炒雜菜 + 熱茶一杯Ribs 好入味，肉質好「軟腍腍」(冇牙都食到🤣🤣）炒雜菜鮮甜份量足夠，我揀咗Earl Grey tea，overall 我對呢個Tea Set好滿意。👏🏼👏🏼👏🏼

個薯條係新鮮熱辣炸出黎！🍟香噴噴仲要係熱既！香脆加上好夠味道之餘又唔會食到令你覺得成口鹽但係！原來個薯片更好食！！🥔本來已經超重BBQ味！再加多個BBQ醬比你任點👍🏻 點完之後令成件事昇華左🤩 因為佢係個種好西式既薯片所以會較本地薯片硬但係硬得黎係脆小編平時都唔鐘意食硬薯片但呢個真係出色！愛上左🙆🏻‍♀️然後因為lunch 食得太急所以我地都打包左薯片同薯條番去擺到夜晚凍左再拎出黎食都仲係好好食！雖然專業既食評家會覺得外賣係浪費左件食物但係呢次用餐真係加分 出乎意料🤤香脆火山脆蝦意大利包$108 好啦講番啲正經野先！佢個辣醬其實幾好食係有少少香辣蝦香味然後個脆蝦外脆內彈牙👍🏿意大利包預左硬但食落都易咬又唔會話完全咬唔落經典美國牛肉芝士漢堡$88一場嚟到點都要食返啲傳統嘅味道 麵包搽過牛油再焗香 所以食落有一陣牛油嘅香味 牛肉漢堡好juicy唔乾身 最鍾意舊煙肉煎到微焦 外邊脆脆嘅 亦唔會乾身🍔

終於試到喇～呢間開喺中環嘅outback主打美式快餐漢堡為主，新開張比較亂，因為始終員工對啲器材不太熟識。睇睇個menu，價錢喺中環區黎講係平價野。一個包可以免費揀一個配菜，沙律/薯條/手工薯片，呢個冇包飲品，要另外加十幾蚊，我就覺得出面便利店買都唔使10蚊，所以我唔跟飲品。我叫左敢食脆蝦牛肉芝士漢堡，$108，抱住一試，我真係冇揀錯！脆蝦係小炸蝦，混埋啲芝士度超惹味！牛肉漢堡乾左啲啲，不過都仲係Juice嘅。呢個我超推介！個包比平時出面食嘅大份量同足料，質素係超值同埋價錢係好合理，唯一美中不足係冇包飲品啫。另一個係下午茶set嘅經典美國牛肉芝士漢堡跟沙律，$78包飲品。下午茶餐係非常非常平！份量比正價嘅細不過都仲係好大件，我食呢個已經飽到撐😂推介佢嘅沙律，一大盒，食完已經塞左半個胃，好清新，佢個沙律醬有幾隻味揀，我揀左classic，另外飲品我揀左凍檸茶，唔使另外加錢，$78真係勁抵！正價個包大好多不過食下午茶都好飽。我已經回購左幾次喇，真心呢間值得推介，葵芳都有分店。在港島嘅朋友可以來中環幫襯下。

今日落長洲前去咗中環呢間Aussie grill by outback試下佢地的包包和自家製嘅薯片薯條。咁我哋就叫咗個煙肉大爆炸芝牛肉漢堡和手撕豬肉意大利包，咁佢哋都可以選擇自家製薯條或者自家製薯片，不過汽水就要加錢，就冇套餐的。呢個煙肉大爆炸芝牛肉漢堡，個包都幾Juice同埋都幾有牛肉味，但係佢話叫煙肉大爆炸但煙肉唔算多，個薯條熱辣辣和脆口。手撕豬肉意大利包就口味比較淡，適合鍾意食淡口嘅人，而佢自家製薯片就燶咗啲食落有浸燶燶哋嘅味，咁佢就有個芝士醬果醬都唔錯不過個薯片炸得冇咁燶就更好啦。

烤挪威三文魚扒 $108 + salad $0烤三文魚下面放左好多火箭菜，三文魚面煎到少少脆，魚質都幾嫩滑，吾會好鞋😋沙律菜配左酸甜的乳酪醬，同沙律菜幾夾，吾錯 7.0/10醬燒牛肉層層疊漢堡 $108 + fries $0漢堡夾左漢堡肉、仲有幾塊厚牛肉、墨西哥辣椒同青椒，醬汁有車打芝士醬同bbq醬，啲醬超多，啖啖都係肉，牛肉塊重肉味但硬身，吾錯😝薯條係粗身，表面灑左少少鹽同黑胡椒，咪道正常，份量岩岩好，夠女仔食 7.0/10

Outback開咗好多年就係人都知，但係近年開咗兩間以輕鬆快餐為主打就唔係咁多人知道。 除咗葵芳一間之外，今年開始進駐中環，難得今日喺附近，於是同埋個女上去食個lunch。 一入門口就有條電梯上一層，由於樓底高，感覺好寬敞，加上星期六，人流唔多， 所以都唔使排隊好耐就可以買到嘢食。 搵咗位坐低之後，就會有服務員主動將啲食物拎畀你，我覺得呢個服務唔錯。 今次主打兩個漢堡包同埋一個沙律，整體味道算唔錯，又未至於話好突出，可能我較為期望個漢堡包會有多啲芝士 hahaha。「澳洲式沙律菜配烤雞」$98諗住沙律當係輕食，點知嚟到大大份， 啲烤雞肉亦唔少，下次嚟淨係叫呢一樣都ok! 「手撕豬肉意大利包」$98我幾欣賞呢一個包，手撕雞就聽得多，手撕豬肉仲要係跟埋個意大利包，再配車打芝士、蕃茄火箭菜，真係好好味。「煙肉大爆炸芝牛肉漢堡」$98漢堡配薯條，上面條大青辣椒完全唔辣而且有啲酸酸地，食落口係會有啲開胃咗。麵包好軟熟，牛肉味亦好香又多汁，而且個汁好好味道，可惜芝士好似唔夠多，感覺唔到有大爆炸種feel haha...「朱古力布朗尼新地」$46分量唔細，又有三粒布朗尼喺裏面，食完飯又唔怕甜嘅話，呢

突然好想食 burger 🍔 咁啱又行過中環見到有間 Aussie Grill By Outback, 啱晒! 最簡單直接叫左個 "經典美國牛肉芝士漢堡", 份量都唔算細, 另外可以免費揀一款配菜 (薯條 / 手工薯片 / 烤雜菜 / 雜菜沙律), 我揀左薯條!🍟🍟薯條份量都幾多, 粗薯條有口感, 新鮮炸起, 好味道!😋🍔經典 burger 牛肉非常 juicy, 配上脆卜卜煙肉, 好食! 另外漢堡包有烘過, 外脆內軟又香牛油味, 好好食!😋飲品要另外叫, 但 soft drink 可以無限 refill, 咁好就抵飲呀!

2021年8月18日 晴今晚去中環個戲院睇戲, 樓下就係一間食burger ge 快餐店。 餐包左一份配菜, 但冇包野飲的, 所以如果想飲野就要再加錢。湯 $22, 係好濃ge 羅宋湯, 入面有大量料: 牛肉, 薯仔, 洋蔥, 紅青椒, 超濃味 凍檸茶 $18, 本身冇糖, 要自己拎糖漿Bacan Bomb Burger 配手工薯片 $98, 上面個椒唔辣的, 少少酸酸地。面包烤到有d 脆邊, 好香牛油味, 食落都鬆軟。至於個牛, 個味比包個牛油香搶左, 而家唔夠多肉汁, 但又唔係乾。個汁好香好食, 食落唔會好膩 另外個手工薯片超好食偏硬身但好脆, 味道唔會好咸, 再配佢個醬(覺得似燒烤味乳酪醬)食到停唔到口Aussie Ribs 配烤雜菜 $98, Ribs 個醬超香, 肉質好淋, 烤得好夠入曬味, 正烤雜菜都好好食, 會部都烤到好淋, 好香好食食飽飽上兩層就到戲院超方便, 爽

I had not been to central for a while ~ visited this new restaurant and ordered a seasoned and grilled salmon fillet served with arugula. The salmon fillet was very juicy and the size was just enough for me. They have a lot of other choices on the menu, perhaps I will try their famous burgers the next visit.

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️新開嘅呢間位於中環中心地段嘅快餐店非常吸睛，淨係門面都非常之有氣勢同埋活力🤩得知原來係outback嘅副線，主打漢堡包快餐，今次就因為冇乜時間嘅關係就買咗外賣返公司試試佢：⭕️ Classic Bacon Cheese Burger -個漢堡包充滿好香嘅牛油味，牛肉雖然唔係好厚，但係幾重牛味，口感鬆軟又juicy，配埋煙肉芝士係好食嘅👍🏻⭕️ Aussie Ribs - BBQ醬調得幾好味，肉又燒得啱啱好保持到肉質，唔會過硬過乾。不過略嫌細份，每條骨唔係好多肉。⭕️ Sides - 揀咗Fries同Kettle Chips各一。佢嘅薯條偏肥，唔係唔好食，只不過我個人比較鍾意食skinny fries🙃 我比較推介手工薯片，夠晒厚，炸得乾脆，搞到我食唔停口！🙋🏻‍♀️⭕️ Crispy Cajun Shrimp - 三個人驚唔夠食所以嗌多咗呢個snack。每隻蝦都沾滿醬汁，雖然啲蝦應該都係用冰鮮貨，不過我鍾意佢個醬，好惹味又夠辣🌶

噚日 (10-7-2021 Sat)趁好天,同老公去西營盤打咭前食個晏,之前電視介紹過呢間,我哋就嚟試吓啦.嚟到睇完menu後,就決定要:1. $88.00嘅經典美國牛肉芝士漢堡配手工薯片,要凍檸茶($18.00)手工薯片厚身,唔蘸醬食都已經好濃味,有啲就脆有啲腍晒;白色嘅醬酸酸地,係乳酪,但超鹹,好唔掂.蘸茄汁就夾味道: 0.5分經典美國牛肉芝士漢堡,漢堡口感鬆軟同juicy,個包甜甜地,正常冇問題.味道: 4分凍檸茶我冇加糖漿,味道唔太濃.味道: 2.5分 2.$118.00嘅狂野脆洋蔥植物肉漢堡配烤蔬菜,要凍咖啡($28.00)烤蔬菜全部口感都腍.味道: 3分狂野脆洋蔥植物肉漢堡啲配菜係好鹹.味道: 2分服務:買完後就拎個感應器返埋位等送餐,送到差唔多齊只欠凍檸茶時,店員就將個感應器收走,我就拎將單走出去同佢講我杯凍檸茶未到,佢指住去收銀嗰邊,用英文叫我去嗰喥攞.凍檸茶要自己攞?重要去收銀嗰邊而唔係出餐嗰邊咁奇特?正當我徬徬徨徨之際,疑似女店長嘅走嚟同我講,話佢拎俾我.我心諗,佢知我坐邊張枱?不過佢都跟手即刻拎俾我.其他:呢喥有部出泡洗手機,唔錯,客人唔使去廁所洗手.

I had a chicken arugula salad. The chicken is well seasoned and juicy and the arugula is quite fresh. Quite generous portion and drink you can refill (although if you are having soda, you will be full after a whole cup). the only suggestion I have is the dressing. The dressing seems very thick and not very fresh. Perhaps they could work on it?

Happy Friday 約左同事一齊試新嘢，其實佢都開左係中環好一陣子了，唔似主線outback咁有各種類型嘅食物，主打快餐式漢堡，openrice 評價都唔錯架～敢食脆蝦牛肉芝士漢堡 $118 （free sides : 手工薯片）大大隻脆蝦夾左係漢堡度，醬汁帶少辣，令成個漢堡更惹咪，但牛肉的確比人搶左味😂可能因為價錢相宜所以質素都比唔到太高？手工薯片一試就即刻彌補到呢方面嘅遺憾，新鮮炸出嚟，薯仔味極濃配埋蛋黃醬真係100分👍🏻👍🏻經典美國牛肉芝士漢堡 $88 （free sides :薯條）漢堡水準其實唔差，牛肉同配料都Juicy，係牛肉味比較少，同麵包兩邊唔夠脆。薯條落左黑胡椒夠哂惹味，一樣薯仔味重，令人食到停唔到口😜不過個人都係覺得手工薯片好食+特別啲～總結：e間漢堡招牌並非係漢堡，絕對係手工薯片❗️❗️暫時未食過一間漢堡嘅side dishes 係咁令人回味同出色，仲要漢堡嘅價錢已經包埋佢，CP值極高。未試過嘅朋友絕對推介去試！但係食飯時間就要記得早啲攞位呀～評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow我地

平時返工見佢新開左都未食 經過都係好香終於有日lunch去食喇以為個到得burger食原來都有沙律因為個日想輕食d 都係揀左沙律估唔到黎到都幾大份雞胸都好食 好夠飽估唔到黎依到都有減肥餐可以食個細佢成2兜 但係只係用一兜都夠因為好多肉 食完都唔覺得話好空虛 真係好唔錯價錢上都幾合理👍🏻👍🏻以後同fd黎依到除左食burger野 仲可以食d健康野