Athena

營業中

休息中

💁‍♀️💁‍♂️ 30/12/2023(Sat), Dinner🍽💁‍♀️為食妙妙、💁A先生同🧑👧兩位小朋友一行四人喺樓上食完飯之後，行咗一陣又玩咗一陣夾公仔機之後，就落到嚟Athena呢度買現場調配嘅無酒精mocktail🍹飲。佢哋每杯飲品都靚到好似酒吧嘅雞尾酒🍹咁，但實情係無酒精嘅，所以大人小朋友都岩飲。呢度每款飲品都係大約三十幾蚊，同買杯珍奶🧋差唔多，飲得多珍奶🧋轉嚟飲返杯mocktail🍹都唔錯。而今晚我地order咗：🔆 雜果笨豬茶（白）/ Spanish Style Tea (White)（$38）店家特別放咗個牌喺收銀處介紹呢杯係佢哋signature，主要有桃🍑蓉、菠蘿🍍、ginger ale同埋茉莉茶，上面再放咗啲生果。整杯飲品由製作到成品都好靚、好賞心悅目，店員喺bar枱後面好似整cocktail咁落材料，再用調酒器搖勻，最後再喺杯上面另外放一個膠容器盛載住擺得靚靚嘅生果，好睇之餘又方便食埋啲生果。呢杯飲落清新，甜度剛好，茉莉茶同ginger ale嘅味道唔會太突出，而互相配合得幾好，邊飲邊食上面嘅生果都唔錯。🔆 Pen-Pinapple Apple-Pen（$36）睇完

在網上媒體看過介紹，今日路過葵廣想買嘢飲，上一樓在樓梯口就看見這間mocktail 小店晚上8點幾，人流少，即叫即做5分鐘都唔駛就有得飲成個過程睇住靚仔有型mocktail 師傅點整，好似睇一場表演咁，唔知係咪因為影住呢，師傅動作好瀟灑 😎最後師傅仲悉心為佢裝扮一下然後一杯又靚又stylish 又好好飲嘅passionfruit punch 就完成啦😍師傅仲好似真係响酒吧咁講一句，‘enjoy!’我覺得呢度真係好唔似葵廣呀拎住杯mocktail 招搖過市去搭巴士都覺得自己型過人為辛苦工作的一天劃上完美句號✨️仲有唔少食肆係有心做，好需要大家支持鼓勵💪希望多啲人留港消費啦♥️

呢間叫Athena Hong Kong嘅手搖果汁店，聽聞係有真嘅Bartender主理，自從朋友帶我黎過嚟呢度飲過一次之後，就成日黎飲，每次經過葵廣都一定要叫番杯，就算唔飲企喺隔離睇嗰兩個巴tender去搖呢啲真正手搖嘅特色果汁都非常吸引眼球，算係少有嘅真正手搖果汁店！雖然知道佢好似都有開分店，但我始終覺得葵涌廣場呢一間比較正宗，而且非常方便同埋好近我返工嘅地方，佢位於葵涌廣場2樓大家樂對面非常搶眼嘅十字路口位，大家經過都不妨可以試吓叫一杯！

葵廣最近新開了一間以mocktail為主題嘅手搖飲品店。手搖飲品店就飲得多，但係以mocktail為題的還是第一次見。餐牌嘅名稱亦非常搞鬼。最後我同朋友叫了以下兩杯飲品。兩杯嘅賣相都非常之精緻，同時亦非常好飲，非常清新。1.莓莓愛收兵2.傻 西柚（$39）

我係第一次想即刻寫食評誤打誤撞試咗呢間嘅飲品超級超級超級好飲正當我同老公食完pre-新年餐之後想周圍行搵珍珠奶茶朋友嘅時候見到呢間咁疑似酒吧嘅物體望吓餐牌唔係賣酒個喎跟住見到啲嘢飲個名好搞笑然後望到呢個乳酪T1想試吓我哋個杯飲品叫做打波先嚟乳酪😆😆😆好得意呀佢個底有脆脆跟住係自家製乳酪仲有面頭有一浸疏乎厘物體配埋有三塊橙片，仲有Oreo同埋脆脆條疏乎厘物體仲燒下嘅佢杯乳酪唔甜唔漏以為好肥，又完全唔係噃仲有帶少少橙味超好飲呀不過見到調飲品師係咁搖都真係好攰值呀

葵廣多茶飲店大家都知但有時唔想飲台式飲品都有其他選擇1樓有一間幾特別嘅mocktail外賣店齋睇相以為係某酒吧嘅出品唔止好飲，睇佢整嘅過程都係視覺享受😂飲品嘅名亦都好有趣上次試過“莓莓開心但莓莓不說”😂其實係mixed berries soda酸酸甜甜勁fresh今次再去老闆推薦我試下 “傻 西 柚”一開始就落咗新鮮橙、西柚同檸檬然後就係睇bartender表演😍齋睇都覺得30幾蚊比得好值😂成品當然都好靚仔！老細有介紹埋啲生果係食得仲可以食埋嗰塊燒過嘅西柚乾不過我覺得太苦😂飲品好好飲我好鍾意新鮮嘅西柚味下次再嚟掃街會試下其他飲品

Athena葵芳葵富路7號葵涌廣場1樓88B號舖Score 分數： A佢地主打 “無酒精mocktail”特色飲品。講堅，飲開酒嘅你一定要試試，因為佢地D特飲突出晒水果+mocktail，完全唔使再被酒精佔據嗅覺啦～ 真係有新嘅一番體驗！而唔飲開酒嘅你就一定要試下啦，因為真係全港唯一，又有特色又好飲喎。點都要試下，不枉此生！（誇張左）加上，佢地位於電梯口附近，好醒目位置，除非盲左，否則大家唔難發現佢地。又加加上，葵廣一向係 “掃街天堂”，買完野飲又可以掃下街，人生一大樂事（唔使迫 或 唔使等 就更好啦～）最後，大家記得關注 小弟 啦～飲勝！E!!!!! 冇酒精嘅！

我好少嚟葵芳，但今日放假，朋友提意不如嚟掃街，佢話葵涌廣場宜家已經有好多美食同埋特別既野飲，朋友主力推介左呢間全港唯一主打mocktail嘅飲品店俾我😃我知道mocktail係無酒精飲料但通常顏色都勁靚，好吸引！我今日就叫左杯:‘’能成為蜜柚，大概總帶著愛‘’ $34聽個名都已經玩味十足😂， 而且飲落去酸酸甜甜，顏色又好靚，蜜糖味同茉莉花茶味好香，飲落好清新，而且價錢都合理，性價比好高，果然係唔錯嘅推介😋

街知巷聞小食掃街場葵涌廣場最近新開咗一間只賣Mocktail的專門店 《Athena》@athenahk ,小店位於葵廣的1樓轉角位,扶手電梯直上就見到,裝修以開放酒吧的形式,雖然有點與葵廣的環境格格不入,不過就係呢一種嘅對比令小店更加突出,以酒吧的set up排場,一支支調酒放喺牆上面,就咁睇個裝修擺設都已經好吸睛啦！ 小店的老闆是兩位非常富有經驗的Bartender,每整一杯mocktail 都好似睇住佢哋即席表演咁,尤其是shake杯果吓,真係好有型 ,盡顯其功架！絕對冇因為喺葵廣呢個場而用料馬乎,每杯的材料份量都都會量過度過,再試味,然後擺上各種靚靚ganish再serve俾客人,而且完成作品時還會向客人介紹mocktail的成份和味道,真係好似喺一間酒吧入面享受 mocktail咁 而我最欣賞的不單是兩位老闆的才藝,而是看得出他們的用心,小店的Mocktail種類雖然不多,但是每款飲品都是他們的自家創作,而每杯飲品的名字亦都非常搞笑,應該咁講,可以話只有香港人先會明白的共鳴字句,重點係價錢相當實惠, $40幾蚊左右就飲到一杯真材實料即叫即整的Mocktail,我真係覺得抵過飲

最近葵廣新開唔少特色嘢，今次黎試轉角位呢間無酒精雞尾酒mocktails小店🍹風格似足bar枱，相當吸晴。桃桃可恥，但好飲 Frozen Peach $42雖然呢杯飲品等的時間頗長，足足30分鐘或以上，但見店主落足心機調製每杯mocktail，睇得出佢嘅認真、有要求。桃桃可恥即係桃味沙冰，消暑解渴，好啱配咸辣辛口野食🤭店主仲會細心地為每位客人介紹用的材料、水果👍🏻沙冰上面有大大粒珍寶藍莓同酸甜的cranberry，值得一試😄

葵涌廣場有各式各樣既手搖店，但呢間賣Mocktail既成功吸引到🐻去幫襯。⭐️熱情啫•犯法啊！？ $36因為”酒吧”係開放式，所以望到晒用咩食材去整，係新鮮熱情果!! 連裝飾既檸檬同橙都係即刻切。飲落酸酸甜甜好清新，同係酒吧飲到既基本上係冇分別。設計亦好用心，用個杯仔裝住d冰同裝飾既生果，打卡一流，因為冇蓋，所以一路飲一路聞到檸檬同橙既香味，完全係視覺、嗅覺同味覺既享受。⭐️世事嘅野•你識塊葉咩 $36重薄荷葉味，果種香係要用新鮮黎形容。呢杯就好似飲緊Virgin mojito咁，熱辣辣既天氣飲杯冰凍得黎又有氣既mocktail真係正到暈🤭💬因為杯仔係裝住冰同生果，冇蓋，所以拎住果陣要小心，太斜會倒濕自己。

勁中意去葵芳掃街！珍珠奶茶就成日飲，上網見到新開左一間飲Mocktail既，價錢仲要好實惠，專登過黎試下🤩一去到，個店舖裝修得好靚，一支二支飲品放哂係陳列櫃度，有酒吧既感覺👍🏻飲品方面都好多選擇，花多眼亂，而且三十零蚊就可以飲到杯Mocktail，勁抵！最後我地揀左沙冰，Frozen Peach，因為太受歡迎關係，都需要等一段時間，岩哂！上三樓醫飽個肚再去拎，時間就岩岩好🥰一見到杯飲品，好靚！好有心機去裝飾杯飲品，岩哂打卡！除左賣相靚之外亦都好好飲，酸酸地，好fresh 好解渴， 夏天熱辣辣飲沙冰一流！

每次到葵涌廣場總會買一杯飲料再吃點小食是不變的定律，但有時會覺得喝台式飲品變得太公式化想來點特別的嗎？想來最近成為人氣新寵兒的mocktail 專門店所售的無酒精飲料應該會帶給人新鮮感特調椰香紅桑子（諗唔到名） $30首先我是因為這個定價而吃驚的，價格是比台式飲品或連鎖咖啡店售賣的價錢還要便宜，最重要的是這杯是現製啊！店主熟練的先將新鮮的紅桑子，指定份量的檸檬汁、椰子特調糖漿、冰粒等加到調酒杯手搖到將各種食材混合起來，然後會先試試味道如何，未如預期的話會再將缺少的食材加入再拌勻，滿意的話才倒進杯內再進入下一步驟～ 這杯的裝飾比其他mocktail看似來得簡單沒太大華麗感，但其實同樣無比用心，用檸檬皮把杯邊都擦一下使之留有檸檬的清新香氣，再放上新鮮的薄荷葉及灑上椰絲就大功告成啦！店主告訴我這杯特地做到如啤酒一樣的層次：下層是飲料上層則是飲品拌勻得出的泡沫，不需飲管直接飲用就最好～這杯我是蠻期待的畢竟椰子跟紅桑子這兩種配搭不常見，喝一口味道極好！酸甜的飲料帶椰子香氣，飲料中有檸檬的味道加上杯邊抹過檸檬皮的香氣，雖然有點甜，不過沒想到椰子跟紅桑子意想不到的好喝～ 是預期以外的味道啊！店家是全

相信大家都去過好多次葵涌廣場 而最近就新開左一間小店 亦係葵涌廣場唯一一間有Bartender駐守 以調酒形式製作飲品🥤 提供無酒精雞尾酒 (Mocktail)🍸 沙冰飲品🍧 酸甜飲料及咖啡☕️ 係等候飲品期間 仲可以睇到調酒師嘅功力 將超過十年嘅調酒經驗 技術都展現晒出黎🤩 依間小店嘅加入 更加可以令大眾了解到依類型飲品嘅文化☺️🍀因住・啡爆你條脷飲品名稱都特登設計過 除左有趣搞笑之外 仲有啲香港人先明白嘅共鳴感😛 咁依杯係沙冰飲品黎 材料有即磨咖啡☕️ 朱古力🍫 焦糖爆谷🍿️ 最後再係飲品表面灑上爆炸糖💥 增添口感層次感👍🏽 飲完一啖咖啡嘅微苦酸味 再食一粒焦糖爆谷 甜甜地中和返 令味道更有層次感🤤 相信係經過多番嘅設計同改良 先調配出恰到好處嘅味道👅 所花嘅心思好值得欣賞💛

有日同男友去葵廣掃街比我地發現左呢間‘水果吧’ 真係好正😂值得支持下.__. .__. .__.🐥🐥🐥.__. .__. .__. 《Athena》 🐥莓莓開心 • 但莓莓不說 $36睇住佢由壓爛啲水果到shaking到裝飾 成個過程，好正👍🏻杯野靚就大家都睇到仲要好好飲 見到佢用左新鮮藍莓，紅莓，士多啤梨整佢地仲每杯都會試味 以確保質素莓味好出好自然 酸酸甜甜咁 新鮮既野真係唔同啲大推❣️ .__. .__. .__.🐥🐥🐥.__. .__. .__. 總結：又有得睇表演 用料又新鮮 無可挑剔 真係麻煩大家去葵廣人手一杯！ 環境：🐥🐥🐥🐥🐣/5服務態度：🐥🐥🐥🐥🐥/5食物質素：🐥🐥🐥🐥🐣/5 性價比：🐥🐥🐥🐥🐥/5 回頭率：🐥🐥🐥🐥🐥/5