18
1
1
開飯介紹
Arte by Padaria將傳統的烘焙技術融入現代設計，將平凡的蛋糕變得不平凡，打造出一系列別具一格如藝術品般的蛋糕，歡迎大家一起踏上這充滿驚喜的味覺旅程。
繼續閱讀
營業時間
星期一至五
07:00 - 19:30
星期六至日
全日休息
以上資料只供參考, 請與餐廳確認詳情
相關文章
走進這家店，首先係受到滿滿的熱情款待，店員面帶笑容，熱情介紹佢哋嘅招牌蛋糕 "流心巧克力蛋糕"。一打開盒蓋，蛋糕賣相就已經攞盡眼球，做得精緻得滴，真係好誘人！初一啖試，外皮微微嘅酥脆，一啲都唔硬，輕咬落去就融入嗮巧克力嘅海洋。流心嘅巧克力漿流出嚟，溫熱嘅感覺配合濃郁香濃嘅巧克力味，簡直係絕配！😍然後，我再試下佢哋嘅 "水果撻"，一睇就知用咗新鮮嘅水果，啲果粒瑩潤閃亮，好吸引！底部嘅撻皮香脆得嚟又唔會太厚，啖啖都食到水果同餅底，酸酸甜甜嘅滋味簡直係太對味！💥最後，唔可以唔提下佢哋家嘅 "檸檬凍芝士餅"，餅身滑嫩，檸檬味正中夏天消暑之選，同埋芝士香味唔會過於濃重，食落去唔會覺得膩口。每一啖都係涼快嘅享受，真係食嗰刻令人停唔到口啊！🍰總括而言，這家店嘅甜品真係做到外形同味道兼備，而且感覺得到佢哋對每件甜品都用心製作，真心推介俾大家試下！下次有機會，我一定會再黎，尋找更多嘅驚喜！
繼續閱讀
行過上環，有間店「Arte by Padaria」，做嘅蛋糕令人心思思。今次選咗【月兔】嚟試，一啖落去，啲慕絲輕柔得嚟香甜得黎，芒果同菠蘿夾心，真係酸酸甜甜，一咬落去，個多層次感覺就彷彿月兔喺舌尖上跳躍，逗你開心😋。轉個角度試埋呢款【Fireworks】，濃郁朱古力、布朗尼碎，每啖都係一個煙花表演🎉。特別啲係個流心設計，一刀切落去，朱古力漿流出嚟，真係錦上添花！朱古力控一定要試！顆粒布朗尼食落嘴，個口感真係正👍。最後試埋【Aroma】，見到有啲高雅，金箔令蛋糕閃閃發光，內裡嘅焙茶味又香又濃，仲有流心設計，想捉緊每一刻嘅美味👀。每次食，都覺得心情靚晒，冇得頂💖！下次仲要再黎，味覺同視覺都滿足晒。
繼續閱讀
過時過節、生日慶祝都需要有個蛋糕，但去邊買蛋糕好？好食又靚嘅蛋糕難求🫠 直至我搵到Arte by Padaria🫶🏻 佢哋嘅蛋糕高質又有心思，好值得推介💕🎈72% Chocolate Brownies Lava Cake朱古力布朗尼蛋糕相當特別😍 簡約嘅朱古力蛋糕外表，以金箔、金logo作點綴，像似要流下來嘅朱古力醬更係非常誘人🤤蛋糕嘅朱古力外層，軟滑香濃，唔太甜嘅味道令口感變得輕盈💘 有著布朗尼嘅蛋糕口感亦好實在，而且蛋糕以朱古力與布朗尼層層相隔，好有層次，朱古力味更濃厚✨ 蛋糕嘅軟心cream亦有驚喜❣️ Arte by Padaria嘅蛋糕果然高質，已經開始期待緊下次打算試嘅口味啦💓
繼續閱讀
蛋糕篇🍰呢間店係同K11嘅Arte by Padaria係姊妹店‼️地理位置超方便☺️上環地鐵站一出就係,有好多唔同嘅打卡蛋糕🎂顏色好鮮艷😍.黑芝麻提拉米蘇巴斯克芝士蛋糕＄220一打開個盒就已經聞到好大陣嘅黑芝麻味😳面層鋪滿咗好多黑芝麻粉😍呢個巴斯克蛋糕好滑身，亦都做咗層次感‼️上層就係提拉米蘇😳下層就係巴克斯😍放落雪櫃個蛋糕都唔會變硬.⚠️近期好興嘅燒乳豬蛋糕係依間店呀😇好啱拎嚟打卡同埋氹長輩開心🥳
繼續閱讀
這間位於上環地鐵站E出口內的蛋糕店，是本地人氣蛋糕網店Arte by Padaria的實體店，主打極具創意且充滿玩味的甜品，注重食材、味道及外觀三方面。店內的蛋糕設計款款獨特，適逢家人生日，正好試一試它們的4.5吋招牌LAVA CAKE流心蛋糕系列。火山(焦糖布丁流心香蕉蛋糕) - $520大大片金箔相當吸睛，整個焦糖布丁絲滑軟嫩，入口即化，亦有一塊香甜的朱古力牌；蛋糕外圍凝結成一層滿瀉的焦糖醬，切開蛋糕流出濃濃的布丁及雲呢拿醬，營造出如火山湧現岩漿的畫面；入裡有四層香蕉海綿蛋糕，濕潤綿密帶淡淡的香蕉香，不膩口又清爽，層與層之間更有幼滑的輕忌廉。店員建議室溫存放20分鐘切開方有流心效果。除了慶祝的大蛋糕外，更有迷你原個蛋糕系列，適合戀人或朋友間分享甜蜜滋味。同時，每日新鮮製造的歐式風味麵包、英式三文治非常健康，亦有美式軟心曲奇和杏仁脆條等作零食或送禮亦十分不錯。
繼續閱讀