更多
2023-01-10
131 瀏覽
呢度有個幾抵食嘅二人餐,雜菜沙律,兩款主食,一個 pizza,連飲品同甜品都係二百蚊,細食嘅話其實三個人都夠食,難怪枱枱都叫。由於之後要行上大棠睇紅葉,唔想食得太飽,所以主菜叫咗兩個意粉。焗肉醬意粉面頭嘅芝士同肉醬都多,不過味道唔算濃,撈埋意粉食,剛剛好。蒜香海鮮雜錦意粉一上枱就知唔夠味,食一啖,果然淡出個鳥來😂,除咗冇咩蒜香味,連鹹味都欠奉,呢個真係要改善。另外揀咗芝士三重奏啡菇 pizza,呢個真心要讚:餅底香脆之餘,上面嘅芝士又多又濃,好食👍。甜品係 cheese cake,雖然係現成貨,但係比想像中大件,味道亦正常。
張貼