616燒肉酒場

營業中

休息中

下班時間到！辛苦了五天終於迎來放假的週末想好要吃什麼來犒賞自己了嗎？對我來說～最能滿足我口腹之慾的就是滿滿的肉你們跟我一樣也是牛肉控嗎？餐廳設有三款和牛的拼盤價錢為$788-$988，分三個級數醬汁配有蘋果汁，燒肉汁，岩鹽菊·和牛御宴 分別有澳州和牛及黑毛和牛多達六種不同部門先從味道較淡黑毛和牛食先，再食澳州和牛 光是那個燒肉視覺效果，就讓人口水直流啊黑毛和牛極上牛小排油脂比例高，入口即溶，很優秀黑毛和牛肉眼上蓋肉眼牛肉之筋膜所切下的上蓋肉，比較稀有而且花紋分布均勻，肉質滑嫩黑毛和牛牛肋條長條形的黑毛和牛牛肋條，像極了五花肉，有咬口，牛肉味濃郁最後當然是最期待的黑毛和牛西冷 色澤好靚，油脂分佈非常平均燒完滿滿肉汁跟我同樣愛吃肉的你們，是不是也準備好來肉一波了呢！

聽個名都知道跟616牛肉火鍋有關係，兩者屬同一集團，牛肉質量有保證。以櫻花、日本燈籠和鳥居作裝飾，充滿濃厚的日式風味。壽司盛配烏冬定食牡丹蝦彈性十足，爽彈中帶軟糯。海鰻口感柔軟細緻，香甜可口。三角肉刺身選用日本A5和牛三角肉配上柚子和蔥花，肉質鮮嫩軟腍，充滿油香，柚子能中和油膩感。黑毛和牛極上牛小排油花紋路清晰，肉質細膩嫩滑，口感油潤柔軟，充滿油香。黑毛和牛肉眼上蓋肉質軟腍中有嚼勁，牛味濃郁。燒白鱔肉厚，爽彈有嚼勁，魚油充分散發出來，肥美香口。

最近同朋友仔試左呢間超抵食燒肉，環境好靚，天花好多花瓣裝飾，野食大份又高質，難怪好受歡迎。我地叫2人餐先$888，但就包左前菜、茶碗蒸&刺身、燒肉拼盤、溫泉玉子丼+飲品，晚市仲送埋柚子雪葩，好豐富食到超飽😝⁂⁂⁂雪．二人特盛⁂⁂⁂❀蕃茄沙律配芥末沙律汁❀蕃茄切成薄片，配上生洋蔥，酸酸甜甜好開胃。❀野菌蟹肉茶碗蒸❀係蟹肉唔係蟹柳覺得好好😆蟹肉鮮甜，茶碗蒸個蛋蒸到好滑溜。❀刺身三點❀有油甘魚、三文魚+赤蝦，當中油甘魚油分高，食落淡淡甘甜；赤蝦好彈牙；三文魚夠新鮮，肉質細嫩。❀燒肉拼盤❀有6款唔同部位既牛肉，包括：4款澳洲和牛、1款黑毛和牛+牛肋肉。進食次序係：黑毛和牛-》澳洲和牛-》牛肋肉，由淡味食到濃味。黑毛和牛呈雪花狀，脂肪分佈均勻，燒完後油香四溢，牛味濃郁，質地柔軟，入口即溶。澳洲和牛當然冇和牛咁多油花，但脂肪平均又夠肉汁。另外仲有白鱔，燒到邊邊位金黃色，魚皮脆卜卜，鱔肉有彈性，倒少少醬汁落去好好味。❀溫泉玉子丼❀好大碗飯，完全食唔哂，我食哂上面既紫菜+溫泉蛋，蛋汁好香🥺❀巨峰提子、白桃味梳打❀食燒肉燒到口乾，黎返杯酸酸甜甜既凍飲，好大杯，一邊食一邊飲超爽😋晚市食到最尾侍應會送上柚子

原來616有日式燒肉食 唔食過都唔知原來咁高質以後想食燒肉又多一個選擇🔸菊 和牛御宴 $888▪️黑毛和牛肉眼 180g▪️黑毛和牛極上牛小排 x 4▪️黑毛和牛友三角肉 x 4▪️澳洲和牛牛肋條▪️澳洲和牛肉眼上蓋▪️澳洲和牛牛腹肉賣相好吸引 每款牛上面都有標記等食客知道食緊咩部位 黑毛和牛嘅雪花紋好靚 呢啲真係無得呃真係靚牛 望見都流晒口水黑毛和牛入口溶化 肉質嫩滑 牛味濃 無得頂澳洲和牛牛肋條份量好勁 超級大條燒到半熟再剪開食 肉質口感好好 澳洲和牛同樣好出色最亮點嘅係黑毛和牛肉眼 好大一塊 又厚身 雪花紋好靚 店員會主動上嚟幫手燒 加分位燒到半生熟 食落好有口感 牛味極濃 口感軟嫩 認真回味無窮～～呢盤份量再加兩碗白飯完全足夠兩個人食食到尾聲仲有一客柚子雪芭清甜解膩 夠哂refreshing

🥩616牛肉火鍋就聽得多，估唔到佢連燒肉都有😍 係大圍站行五分鐘就到！今日我就試一試佢嘅牛變成燒肉style 會如何🤪😋入面全部都ipad 落單，好方便，餐牌上都有啲set 可以叫，lunch 去食仲有八折！抵呀😂我地叫左🍅自家製冰話梅小蕃茄自家製冰話梅小蕃茄去左皮，酸酸甜甜幾好食🍣刺身五點盛有三文魚，帶子，大蝦，吞拿魚，油甘魚，全部都好厚身，吞拿魚入口即溶！🍙獅子王飯卷上面有鰻魚，中間卷內有牛，一個卷物食到兩個層次同兩種味道🦀蟹肉茶碗蒸好多蟹肉！真係足料的！🥩日本和牛定食大部分都好淋，有啲更入口即溶🥩澳洲和牛定食味道因有醬汁醃製過，所以食落偏甜🥩黑毛和牛西冷薄燒呢個燒完放落蛋漿，再加飯食！好好食！高高高級版牛肉飯🥩澳洲和牛牛肋條呢個都好惹味，包生菜加飯有點似韓式😂😂

之前去了616打邊爐覺得不錯，今次就來這間位於大圍的616燒肉店！餐廳佈置好有日本的感覺！餐牌上不少肉類可以選擇，亦有套餐可以揀！雪·二人特盛套餐，這個二人套餐有前菜、蒸物、刺身、燒肉拼盤、飯和飲品！蕃茄沙律配芥末沙律汁，蕃茄切到一片片，味道鮮甜，配上沙律醋加芥末的醬汁，上面再加有生洋蔥絲，非常開胃！刺身拼盤，每人有一個刺身拼盤，包括有三文魚、油甘魚和赤蝦！刺身都好新鮮和厚切，不錯呢！野菌蟹肉茶碗蒸，蒸蛋好嫩滑，蛋面有大量蟹肉，味道鮮甜！拼盤，這個燒肉拼盤有多款牛的部位，包括有黑毛和牛特選牛小排、澳洲和牛肉眼上蓋、澳洲和牛牛腹肉、澳洲和牛牛肩芯、澳洲和牛橫膈膜、牛肋肉！當中黑毛和牛入口即溶，非常鬆化！而肉眼上蓋味道較濃，肉質都鬆軟！而牛腹肉因有醃製，所以肉質會較腍！拼盤還有蔬菜和白鱔，鱔肉爽身鮮甜，再點埋秘製醬汁味道更美味！麒麟沙冰啤酒，啤酒面頭有沙冰，能夠令啤酒keep住冰凍的溫度，十分正！最後還送上柚子雪葩，味道清新，十分滿足！

今日係嚟試佢哋嘅和牛，就叫咗午市澳洲和牛同日本和牛各一set，再散叫其他嘢。自家製冰話梅小蕃茄🍅呢個必叫，酸酸甜甜，連皮都去埋，一流嘅前菜。刺身五點盛有三文魚、帶子、油甘魚、赤蝦、拖羅，估唔到質素都咁高日本和牛定食有牛小排粒、牛肋條、三角肉、牛肩肉，一半燒汁，一半原味。見到牛肩肉啲花紋已經知道幾高質。餐已經包括蟹肉茶碗蒸同埋白飯。澳洲和牛定食包括肉眼上蓋、橫隔膜、牛肋條、牛腹肉。油份冇日本和牛咁多，但係都係好淋滑黑毛和牛西冷薄燒薄切就可以快燒，加埋醬油蛋汁同飯團真心正。澳洲和牛牛肋條醬漬原條牛肋條，有𠝹花紋令佢容易啲熟。之後再用鉸剪剪開食。獅子王飯卷唔夠叫埋壽司食，呢個卷啲木魚碎好似獅子毛咁，入面有鰻魚、忌廉芝士、芒果、牛肉。最後午市加$5可以有個雪糕清一清個口。原來宜家午市套餐有八折，記得早啲去唔洗等位呀。

有幾款和牛Set，簡左個初入門$788試下先。職員上菜時講解牛肉由淡到濃既食法，由黑毛和牛開始食，更加可以品嘗到肉汁。♦️頂級21日乾式熟成牛肉眼100G乾式熟成既做法令到牛肉肉質變得軟嫩，牛肉的甜度增加同多汁。如果怕自己燒得唔好，可搵職員幫手燒。🔸澳洲和牛牛腹肉肉質結實同濃郁😍🔸澳洲和牛肋條推介牛肋條，滿滿既肉汁，好惹味。🔹黑毛和牛特選牛小排🔹黑毛和牛肉眼上蓋 🔹黑毛和牛友三角友三角好驚艷，油花較多，牛肉味勁濃郁，口感都好正😍😍😍▪️牛舌心厚切，口感軟滑😋▫️日本產鹽味雞腿肉▫️鹿兒島黑豚五花肉🐔同🐽都唔錯，配飯一流🍧柚子雪葩好似雪糕既沙冰，唔會太甜，搭配柚子肉，幾fresh。

616燒肉酒場係日式燒肉嘅良心店，最近推出咗幾款燒肉二人套餐，份量豐富，各式食材均高質，仲包埋酒精飲品，必須大力推介！雪．二人特盛套餐 $888套餐包括前菜、蒸物、刺身、拼盤、主食、飲品同埋甜品飲品 - 麒麟沙冰啤酒沙冰啤酒泡，杯啤酒keep住凍，一路燒一路暢飲，爽！另可選清酒或無酒精飲品！前菜 - 蕃茄沙律配芥茉沙律汁酸爽開胃！蒸物 - 野菌蟹肉茶碗蒸絲絲蟹肉為香滑蒸蛋提供源源不絕嘅鮮味！刺身三點赤蝦大大隻軟糯甘甜！三文魚口感柔嫩，魚味突出！油甘魚肉質細嫩富魚油香！拼盤店員會介紹肉品，建議食用次序同埋燒烤方法，勁細心！先食油脂含量豐富嘅黑毛和牛，特選牛小排入口極為柔軟，油脂甘香可口，好滿足！再嚟係肉香比較出眾嘅澳洲和牛，有肉眼上蓋、牛腹肉、牛肩芯、橫隔膜四個部位，輕輕漬過嘅牛腹肉，肉香油香醬香同時兼備，令人印象深刻！牛肋肉嘅油花亦相當漂亮！最後嘅白鱔很有驚喜，輕易燒至魚皮香脆，魚肉juicy夾Q彈，配專用鰻魚汁，正！主食 - 溫泉玉子丼一戳即爆出濃厚蛋醬嘅溫泉蛋，加埋美味嘅紫菜，同埋甜甜哋嘅醬汁，配搭燒肉食用，真係好正！甜品 - 柚子雪葩輕盈兼入口即溶，清甜可口！

好耐冇食燒肉，呢日放工之後約咗朋友去大圍呢間燒肉店食dinner。呢度嘅環境幾靚，好岩一路慢慢燒肉，慢慢嘆。呢間燒肉有幾款套餐可以選擇。今次揀咗呢款最高級嘅燒肉，佢有唔同部位嘅和牛，包括和牛西冷、牛小排、肉眼上蓋、牛肋條、橫膈膜同埋牛腹肉，勁豐富，岩哂食肉獸！和牛西冷好大塊，牛肉上面有好靚既雪花紋，牛肉油脂豐富，拎去燒完之後勁香，肉味香濃，配白飯食一流！餐廳依家仲會送甜品給食客，好窩心！今日有柚子雪葩，好refreshing。

楓 和牛盛宴 $788份量夠2人食，除番CP值都高，又食到靚牛。上菜時，職員會細心講解下食法，由黑毛和牛開始食，之後到澳洲和牛。頂級21日乾式熟成牛肉眼100G21日乾式熟成牛，因為乾式熟成，令內部的水分唔會散之外保持鮮嫩，有口感之餘，又幾Juicy。黑毛和牛有特選牛小排、肉眼上蓋同友三角友三角好有驚喜，就咁睇肉質已同其他好唔同，食落口好鮮嫩😍肉眼上蓋油脂分佈均勻，都唔錯🤗澳洲和牛有牛腹肉同牛肋條，牛肋條肉味香濃同肉汁豐富。厚切牛舌心🥰好軟腍仲有雞腿肉同黑豚五花肉，配埋飯，兩個人食都幾飽肚。最後有甜品送，柚子雪葩，清甜解膩。雖然佢冇好似韓式燒肉咁有個排煙管，但燒完之後，d衫都冇一陣燒肉味。

大圍燒肉616除咗打邊爐，仲有燒肉分店😍環境好有feel，店員服務好。#楓。和牛盛宴 💰788總共有十種既配料，每款既肉都有個牌仔標明係邊一款既肉，所以可以清楚知道邊款肉係特別好食。黑毛和牛特選牛小排，肉味好濃好香，好食。啲雪花紋見到係特別靚，望到已經覺得吸引。食燒肉重點係要配飯，有三款既醬料可用，但完全唔洗用任何既醬都覺得好食。每枱客人都會送每人一客既雪葩，可以食完燒肉解下膩。下次會再同朋友試下其他既set。除咗晚餐，午市仲有啲燒肉set可揀。

一直都好想試依啲高質燒肉今日黎到616燒肉酒場😋佢有幾個set menu今次試左菊·和牛御宴一上菜 擺盤已經100分每款肉都有明確既名牌店員仲會介紹食用嘅次序由淡味去到濃味我最鍾意就係依款牛小排油脂分布非常平均入口即化當食哂前面啲肉店員仲會幫你燒塊大肉眼非常貼心醬汁方面有蘋果/燒肉汁同岩鹽整體用餐體驗幾好唯獨係座位比較少，全場只有七至八台

616聽到呢個名都只會聯想到火鍋，但原來佢哋喺大圍開咗間燒肉店，店內嘅裝修好有日本風格，有種去咗日本嘅居酒屋嘅感覺。雪•二人特盛套餐包括有前菜、蒸物、刺身、牛肉拼盤、溫泉玉子丼、飲品。前菜係番茄沙律，酸甜清新嘅番茄加埋帶酸嘅沙律汁，食落有清爽嘅感覺，仲令胃口大開。刺身有三款，都用上厚切，大件夾抵食。蒸物係野菌蟹肉茶碗蒸，入面嘅蛋嫩滑無比，熱辣辣勁好食，加埋有咬口嘅野菌同鮮甜嘅蟹肉，令味道層次都昇華不少。牛肉拼盤-入面有六款嘅牛肉，其中一款係牛肋肉，同埋一款黑毛和牛，其餘都係澳洲和牛，每款部位嘅肉味都好濃，而店員建議先食黑毛和牛再食澳洲和牛，由淡味食到濃味。黑毛和牛油脂較澳洲和牛多，所以油香較重，相反澳洲和牛油香同肉味均勻，食落更多肉味同埋無咁油膩。而拼盤入面仲有野菜同埋白鱔。白鱔大大塊，先燒肉後燒皮，見到金黃色就食得，皮脆肉嫩，肉質彈牙，加埋佢哋嘅醬汁就更好味。溫泉玉子丼大大碗，份量十足，將溫泉蛋拌勻加入埋秘製醬汁，配埋燒肉一齊食就更滋味。飲品有啤酒、清酒或者無酒精飲品。我哋揀咗無酒精飲品，一款係乳酸飲品，另一款係果味梳打。兩者都有生果嘅鮮甜，都係好清新嘅飲品，有效減低燒肉所帶嘅油膩感

我同朋友都係食肉獸，今日特登黎試吓呢間燒肉鋪😚門口同環境都裝修得好有日本風味，令人錯覺去左旅行咁有幾款套餐，我地叫左櫻•和牛響宴有黑毛和牛西冷 180G、黑毛和牛極上牛小排 x4、黑毛和牛肉眼上蓋 x4、黑毛和牛牛肋條、澳和横隔膜×4、澳和牛腹肉×4同野菜包括翠玉瓜，青椒同香菇。店員建議我地先食和牛，再食澳牛，呢個次序可食到各款牛最滋味嘅版本🤤🤤我地左牛小排同牛肉眼上蓋，呢兩個位置脂肪比例較高，食落牛香四溢，有種牛味溶化喺嘴邊既感覺，好好味😋跟住店員好好人咁幫我哋小和牛西冷，因為比較大塊，店員將佢燒得7成熟，口感鬆軟，最鮮嫩多汁，跟香甜煙un嘅珍珠飯一齊食真係好惹味最後仲有檸檬雪葩做甜品，refreshing