2+2 Café (已結業)

一家人慶祝母親節 嚟咗呢間食晚市自助餐，分兩個時間，頭段5:30 ，尾段8:00開始。我哋食尾段，成人606，有85折，未加一，價錢都合理。消費夠1000就有二小時免費泊車。上次來食都7年以上，呢到應該裝修過，食物款式好似少咗好多，可能係分開咗甜品區係門口個邊嘅原故啦。凍海鮮有龍蝦，蝦，生蠔，螺，青口。同近期食嘅自助餐一樣，冇一樣新鮮，全部都冇乜味，蠔我冇食，不過家人話好細隻。魚生都係大路款，唔吸引所以冇拎，家人話三文魚好一般，目測三文魚都係冇乜光澤。沙律有好多款，真係幾好味，有泰式同西式，全部水準以上。熱食有6-7款，見有魔鬼魚，以為好正，點知勁難食，嗰汁用甜酸醬，好奇怪，條魚好韌，肉好難離骨，冇任何魚味🙄。炸三文魚鰭，又係另一個伏，炸到硬過豬仔包。豬手就唔錯，中式熱食真係差。豬腳姜，人參雞湯味道ok。龍蝦湯夠濃味，小朋友喜歡。有切牛肉，一口牛，水準都係一般。咖喱做得唔錯，但係只有咖喱雜菜和咖喱雞，款式小。自選麵食區，唔吸引冇食。甜品區有雪糕同切件蛋糕，真係冇乜係吸引，小朋友都冇乜拎⋯唔怪得母親節都唔太full…。到你進步咗，我哋會再嚟嘅🤣。

今日和家人在沙田行街，屋企人突然想食自助餐，就打算近近地去帝都酒店個2+2cafe, 去到問職員價錢當晚有優惠價$608一個，我當堂嚇一跳，以前食過都係400幾，不過家人想食就無謂掃興啦，照Book。差唔多夠鐘就過去排隊等安排入去，嗰到啲職員都好有禮貌，入到去坐低，環境都唔錯幾舒服，行咗一圈睇下，嘢食種類比想像中多，冷盤有Parma ham，龍蝦，生蠔，估唔到仲有長腳蟹，熱盤有片皮鴨，葡式乳豬，鵝肝，斧頭扒，甜品就有個即制梳孚厘pancake 幾好食。同家人都食得好飽好滿意，雖然價錢比以前高，但食物種類和質素絕對對得起這個價錢，而且埋單時有張coupon俾我下次用，十分貼心，我會再來的。

朋友生日，近近地去沙田2+2中午自助餐，比想像中多人，生蠔keep住要排隊所以食咗一次，其他食物就唔需要排隊，麵包蟹好多膏新鮮同埋夠凍牛扒都好食嘅，刺身有幾款，大致上都係普通酒店刺身，不是好食也不會太難食，其他熟食一般，熟食好快冇晒主菜，每盤都剩返好多配菜,甜品以中午自助餐真係好多，今次我哋主要好似去咗食甜品放題咁，雪糕都好似有幾款選擇，可能都多人枱與枱之間其實都算逼，不過大約$300一位算係咁！

首先食咗蟹、蝦、青口和螺。蟹非常之唔新鮮，是臭毛巾味，吞都唔係好想吞。蝦和青口質素一般，螺每一隻都好多沙。魚生非常之唔新鮮，放咗入口吞唔落，吐咗出嚟。之後吃了牛肉眼，肉質非常粗糙。炸魚柳十分油膩。如果你問我有什麼食物是可以放進口內，就是沙律吧的生菜。沒有飲品提供，連最基本的橙汁和蘋果汁也沒有，只有水和咖啡。進去是看見有甜品吧，但是連甜品都可以炒車，只有甜味沒有質素。真是沒有理由到這吃自助餐。全部食物都是垃圾的味道。

又到聖誕又到聖誕🎅🏻🎄與家人共聚天倫之樂🥳今次揀2+2 cafe 真係絕對正確，以聖誕酒店自助餐來講，只係三百多元一位，食物質素吾錯，熱盤，甜品好多選擇，又有生蠔🦪，仲好鮮甜，燒牛肉🐂👌🏻，性價比的確高👍🏻服務方面，由於11 月尾已經買定餐券，可以有discount ，意想不到當日已經有安排座位服務，頗欣賞這方面安排，好等客人可以選擇，early bird 的好處👍🏻至於自助餐當日，職員收碟極速，不會出現不夠人手收碟情況，而且他們態度相當🈶️禮👍🏻最緊要家人食🉐️開心❤，出年再encore 🍧🍰🧁🥗🍤🦪🎊

經網上預訂下午茶自助餐，兩百幾蚊，食完直接當晚餐咁，又平啲，幾好呀🤪地理位置都幾方便，接駁住廣場過黎。準時入場，所以全部野食都仲係滿滿，見到好多海鮮，麵包蟹，青口走唔甩，第一次食麵包蟹，大家瘋搶，我又夾🤪朋友都第一次，話蟹好臭濕毛巾既味，我一聞，嘩，差啲暈左，唔岩我口味，我嘗試閉氣去食佢既肉同膏，都唔得🥲直接放棄，轉戰生蠔，每次拎到兩隻，其實下午茶有生蠔食，性價比都高既，而且生蠔既質素都唔差，賣相都剔透。有泰式串燒，冷盤，沙律，刺身壽司，印度咖喱，中西野，其實都應有盡有！全部野食都正常，無話特別出眾既款，刺身色澤都唔太優秀，口感都好奇怪，稍後有驚喜就係個煙鴨胸沙律，好食。然後我當然就不能錯過甜品，款式多🍮懷著超級期望與興奮既心情出去覓食，但係全部既質素都不太出色，較失望，奶凍味道質感差，朱古力味道好廉價，全部既蛋糕同甜品都令我無意慾再拎🥲負責畢雪糕既男服務員當雪糕垃圾咁，態度不屑，帶點不耐煩，pat落碗度 💁‍♂️窩夫賣相係幾好既，但味道非常一般，佢整定左一堆係度，有客要就夾畀你。所以甜品呢個環節，用餐體驗非常差🥲除左生蠔外，完全諗唔到有賣點返黎🧐

我在24/12 11點45pm光顧沙田2+2 cafe午餐自助餐，今次係我第五次光顧，亦都係最吾愉快如果的一次。呢啲座位係預留比1:00嘅客人 事緣入到去見到餐廳🍴入面梳化🛋️好多座位剩餘，我就問職員👨‍💼可否調去梳化🛋️位置，你地d同事答我，話梳化座位要一個月前預約及預留給12:00的客人。。於是事實當然冇辦法，唯有坐返原位，當我食了一個鐘頭，12:47分都冇人坐。我再問另一位負責人，我點解你哋有位剩都唔可以比其他客人要去梳化位。佢給我嘅答覆:呢啲座位係預留比1:00嘅客人。但前提我地十一點半入座，1:00都離開。其實我吾係好明你哋d同事點解會甘樣答覆客人，係我哋客人立場，令我感受至你地係吾想做我生意，你有得食就食，有得你坐就坐。我都明白安排了坐位，要再調位會令你地同事做多了。但係服務行業不是以客為本以客為先架咩？今時今日甘服務態度，出面好多酒店我都有光顧，都未試過好似。你地酒店🏨甘樣，認真非常失望！

突然之間好想食生蠔， 朋友仔有咁啱得閒即刻book個即興自助餐之前食開自助餐通常都係尖沙咀或者銅鑼灣沙田都係第一次試早知冇希望就冇失望, 雖然係即開🦪生蠔但係得一個人會開🦪生蠔， 人人排隊每次拎兩隻而且生蠔🦪非常之細， 但都算新鮮海鮮方便有🦞龍蝦🦐凍蝦🐚翡翠螺越野有串燒 🍢燒西冷🥩 鵝肝 🦆豉椒炒蜆 馬拉盞炒芥蘭 ，蒜蓉鍋筍刺身方便有三文魚 ，甜蝦 ，鯛魚 ，池魚，八爪魚最唔錯應該係甜品掛住食冇影相有我最愛嘅Mövenpick

一行四人食自助餐，6-10pm，食足四個鐘。睇食評以為有帝王蟹腳，麵包蟹…點知剩係得龍蝦🦞，本來就expect係海鮮盛宴，有些少失望😓雖然冇長蟹腳，好在龍蝦都好多膏啖啖肉，食咗三四全隻🤤🤤正到不得了。龍蝦唔算fill得密，真係捕住佢fill，然後好快俾人夾曬。生蠔吧生蠔都幾新鮮，中等size啦，唔係細隻，但又唔係特別好肉其他野，其實都冇咩特別選擇，人頭五百幾蚊唔算豐富，叫做Hea四個鐘任食都抵嘅。

第1次到沙田帝都酒店, $448的價錢, 因遲訂位, 所以安排了在門口位置, 但帝都酒店2+2的員工不懂主動再安排入面的位置(因看見入面有空位)已覺得服務不太好, 時段是1800至2200, 但吃到2000已叫人比錢埋單, 真可愛, 沒有雪場蟹腳, 好失望, 只得波士頓龍蝦, 但質素很差, 蝦肉干增增加有屎腸, 海螺入面有沙, 熱食有豉椒炒蜆, 咸到食了2隻便頂不住, 怕食到腎受害, 馬拉盞炒介蘭, 介蘭好老,  因位置很近廁所+收銀, 兩位男職員, 穿西裝, 常常在傾計兼左住晒, 站在路中心, 相返收碟姐姐好有禮貌兼密密收碟, 勤力要讚揚, 但都不會有下次了

今次用晚餐優惠券，每位成人418成日免加一，價錢非常超值，食物質素很好，冷盤海鮮有即開生蠔、開邊龍蝦、翡翠螺等味道鮮美新鮮😋魚生刺身亦都有多款種類，非常新鮮，葉盤有很多種類，必食即燒鵝肝多士，因為我很喜歡食鵝肝所以食咗八件非常滿足，仲有即燒牛肉眼同羊扒，甜品亦有很多種類味道亦十分之好，仲有織造夾餅，豆腐花同中式糖水，仲有我最鍾意嘅貴價雪糕Movenpick 仲有成五六款口味，非常吸引我、價錢很超值食材亦都很豐富，本人極之推介👍😊😋結帳後會有一張新嘅優惠券，我必定會再次光臨

明白一般自助餐不要期望高，但餐後感覺真的不太好。特別這天可能我不好彩，本人預訂了位，價錢亦算可以$498, 18:00-22:00， 入坐開始時，感覺已經食品不多款式了，去拿生蠔時，開蠔的同事不瞅不睬，都算吧，繼續去拿些刺身，我企喺度，那位同事好像不想協助你，沒有問一句說話，但我也繼續吧！而我座位隔離有十多位一班入枱，是這店大廚的朋友，之後這枱人不斷說話大聲，大厨又特別服務這班人，我認為大厨請低調點吧，我覺得這名大厨不夠專業，食物已經不算好，整個過程好似自己屋企一樣，怪不得他的下屬也沒什麼工作態度。最後我只吃了一小時已經受不了叫埋單，此時有位類似經理的同事可能也覺得隔離的人也太嘈吵，他說幫我換另一座位, 但我真的已經沒心機吃了，值得讚賞這位同事 的服務。

位於沙田市中心，交通非常方便，無論揸車或坐公共交通來都好方便，沙田站行過嚟都好近，來沙田行街可以順便到 帝都酒店 的 2+2Cafe 自助餐。 食物種類唔算太多，但係基本要有嘅嘢都有齊，味道方面唔差幾好食，食物方面都好新鮮，生蠔都新鮮，燒牛肉好味又唔鞋口，價錢算優惠不貴，成日有優惠，服務員都好有禮貌，座位寬敞坐得舒適，不過裝修方面對於酒店來說 餐廳和洗手間 真係略為太舊 了。去開沙田行街 都值得去呢度食個自助餐呀。

兩個月前第一次試佢嘅下午茶自助餐覺得好抵。因為258全包，有三文魚 蟹蓋好多高 蝦 生蠔(雖然細冇肚) 但係其他食品都好多種類揀 每人仲送一隻鮑魚今個月再去一次 可能有消費券 佢 冇做咁多食品 都會有咁多客 咁梗係 慳啲功夫例如每位冇鮑魚送 啲龍蝦 仔細上加細不過整體嚟講都好多嘢揀，除咗以上嗰啲仲有日本 八爪魚同海草，豬頸肉 印度薄餅， 貴妃雞。又有牛扒&南瓜湯， misc 中式嘢。 仲有鮮奶任飲, 有咖啡機 提供不同款式咖啡mocha Latte cappuccino唔好忘記我哋係食緊下午茶自助餐咋喎當然唔少得甜品 款式舊雖然唔算非常多例如有豆腐花m字雪糕。。所以總體嚟講係值回票價嘅 雖然好奇怪book咗位入埸都要人排長龍？

经klook订，258一位包加一，时间为周末3:15-5:00pm海鲜：生蚝确实细，但是口感creamy，是新鲜的；面包蟹肉质扎实，不是最好，但是膏很鲜甜好吃；海虾就正常 热荤基本都好吃，几个印象深刻的：咖喱鱼配薄饼，卤水鸭，茄汁炖猪柳（很软烂入味），泰式鸡肉和猪肉串烧入味又嫩（尤其配沙爹汁），鸭胸，泰式炖三文鱼，等等 刺身三文鱼很好，新鲜；吞拿鱼一般有点干 甜品：樱桃那个不好吃，其他都好吃。尤其是斑斓蛋糕，提拉米苏，蓝莓芝士蛋糕，抹茶红豆奶冻和movenpick冰激凌。 总体服务态度好，refill快，这个价格性价比很高，很满足，会想再来的。