龍門客棧 (We Go Mall)

營業中

休息中

今日去左馬鞍山探朋友，走嘅時候順便食埋晚飯。呢個商場都幾多嘢食喎，地下行到最尾尾見到呢間餐廳幾大，食上海嘢，老公話不如食呢間。內裡環境好大，空間感十足。無論一家人或者朋友食飯，都會坐得幾舒服，氣氛幾好。餐牌都幾多嘢食，老公唔想諗，叫左個二人餐，有涼菜、湯羹、小炒、酸菜魚同飯，都幾多嘢食。水晶餚及脆皮素鵝：水晶餚肉幾靚，層次分明，味道鹹鹹地夠味道；脆皮素鵝外皮輕脆，裡面有冬菇同蘿蔔絲等，咬落好香，幾好食。酸辣湯：味道酸酸唔太辣，幾開胃。最驚喜就有裡面有蝦，有種升級左嘅感覺。糖醋排骨：排骨炸到剛好熟，口感比較軟熟，炸粉又唔會好厚，甜甜酸酸，都係一個開胃餸。特色酸菜魚：酸菜魚唔會話煮到爛晒，味道帶點麻，小辣，裡面有雲耳、芽菜同酸菜等配菜，吸晒D湯汁又幾好味。崧子菜粒炒飯：份量多，炒飯粒粒分明，唔太油。配料除左有崧子同菜粒外，仲有火腿同雞蛋，加埋一齊炒就晒香。酒釀丸子：送嘅糖水，桂花味好香，丸子細細粒煙煙韌韌，清清淡淡夠香甜。上海小籠包 (單點)：夠熱多汁，肉夠鮮味，唔錯。

如果唔係幫朋友搬屋，真係無機會人入黎恒安站😂朋友話佢住馬鞍山，但唔係馬鞍山站落車，再三強調係恆安站，哈哈。午飯去咗佢屋企附近有we go mall度食嘢，商場入面食店都幾多，我哋就揀咗龍門客棧嗰度食，佢話平日啲客飯好抵食㗎。坐低後店員就開咗壺茶，啲茶有桂花香又幾好飲喎，仲示意喺餐牌上圈低食咩，直接用marker寫落大餐牌真係好神奇😂⭐土匪羊肉自己就嗌咗個客飯套餐要咗土匪羊肉，羊肉又嫩又香好好食，啲京蔥食起上嚟仲有甜味添😍⭐川醬回鍋肉朋友就揀咗要回鍋肉，椰菜炒得爽脆甜，腩片鹹香鮮味，微微辣好惹味，送飯一流🤤客飯套餐仲包餐湯同白飯一碗，是日例湯係粉葛豬骨湯，幾鮮甜，而跟餐送嘅白飯亦都大大碗，一定飽肚。⭐川辣口水雞再加多咗份小食口水雞，醬汁調味唔錯，雞件入味，雞翼部分好嫩滑，但雞上脾都有少少鞋口了。⭐招牌小籠包一向勁鐘意食小籠包，今日咁肚餓，叫夠一人一籠唔使爭先😋皮薄湯汁多，上枱時熱辣辣好正呀🤤⭐胡椒生煎包表面看似平平無奇，其實個底好多芝麻亦煎得香脆，餡料係混咗胡椒嘅薺菜豬肉，又香又鮮味，仲有胡椒嘅辛辣，又係勁正🤤⭐煎鮮肉鍋貼最後仲有鍋貼，皮厚有咬口，一口咬落去爆汁，估唔到啲湯汁同小籠包一樣

馬鞍山朋友🙋‍♀️帶咗我嚟呢間上海菜館開餐，佢🙋‍♀️話呢度有好食上海菜，我睇睇餐牌，見到有「北京片皮鴨」，突然間好想食😅，問朋友🙋‍♀️有冇喺度食過，朋友🙋‍♀️話冇，咁我就建議不如叫嚟食🤣叫咗 $368「北京片皮鴨」，可以兩食：「京式滾鴨湯/炒鴨鬆伴生菜 +$50」，咁揀咗「炒鴨鬆伴生菜」；再加一個 $98「鹹肉百頁燴時蔬」🤩「北京片皮鴨」放喺一個圓碟度，中間係凈鴨皮，旁邊圍嘅圓圈係鴨肉黐住啲鴨皮，廚師刀工厲害，片得好整齊，賣相夠晒靚🤩「北京片皮鴨」當然有麵餅，放喺兩個蒸籠裏邊，下邊有個蒸鍋，非常立體🤩，嚟到嘅時候仲係不停噴出蒸氣🤩咁當然亦都有青瓜條同埋大蔥絲🤩餅皮+北京片皮鴨+青瓜條+大蔥絲+甜醬 全部包住嚟食，好味🤩；片皮鴨 鴨皮燒到脆脆哋，鴨肉有質感，食落非常香口，好好味🤩「炒鴨鬆伴生菜」：鴨鬆 炒得味道濃郁兼有鹹香，用清新兼極爽脆嘅生菜包住嚟食，超級夾🤣「鹹肉百頁燴時蔬」：鹹肉鹹鹹哋，百頁軟腍腍得嚟有少少煙靭，時蔬喺大白菜，一齊煮，又係幾惹味🤣

今次又黎馬鞍山搵朋友食飯, 上次試左火鍋, 今次朋友就帶我食上海菜, 呢間餐廳位於We Go Mall商場入面, 餐廳都好大有兩層, 裝修簡約, 座位包括有大圓枱和卡位, 座位闊落舒適, 可以一大班朋友或者三五知己食飯都可以. 餐牌都多選擇, 有午餐和晚餐提供.*上海小籠包 - $48小籠包即叫即蒸, 熱騰騰, 飽滿多汁*煎鮮肉窩貼 - $52窩貼同樣即叫即煎, 外脆內軟有誠意, 入面有湯汁, 好juicy! 好味道!*花雕醉雞- $98一般都係使用紹興酒來製作醉雞, 不過呢度就係用花雕酒來製作, 一夾起雞塊就聞到陣陣香濃的花雕酒香氣, 吃起來酒味更醇厚, 雞肉滑上海賽螃蟹 - $98上海餐館有一道叫賽螃蟹的菜式, 以炒蛋白模仿蟹肉的質感, 呢到就加入左江瑤柱和青豆一齊煮, 口感嫩滑的菜式, 賽螃蟹吃的時候加入鎮江醋攪拌, 可以令菜式風味大增蜜桃黑醋骨- $138蜜桃黑醋骨酸酸甜甜好開胃, 適合送飯茶芥每位十蚊, 荔枝桂花茶好飲, 女服務員態度良好, 最後還送了兩碗桂花酒釀丸子甜品俾我地, 甜品好食!

嚟到馬鞍山。朋友介紹有間上海嘢🤤環境舒服開陽。套餐都好抵食👍🏻但係我哋又想試吓其他🤭、最後叫在砂鍋錕飩雞半隻（ 大大粒足料錕飩😋半隻雞都好大隻,香濃湯底)回鍋肉非常惹味，餸飯一流🤭上海粗炒不油膩、味道唔會太濃👍🏻好夠鑊氣👏糖醋排骨、酸味味好開胃🤤鬆脆排骨。最後再嗌多一個甜品砂鍋餅、趁熱食脆卜卜、滿滿豆沙🤤 仲送咗兩杯豆漿飲添😛廚師👨🏻‍🍳出餸好快👍🏻可以一齊食，唔使食完一樣等一樣👍🏻👍🏻👍🏻諗住想嗌片皮鴨，但😅兩個人拍食唔晒。下次叫埋朋友一齊再嚟食😘

麗豪酒店裡有間充滿東方色彩，古色古香，屢獲殊榮，主打正宗上海菜的龍門客棧，原來在馬鞍山We go mall商場亦有分店。馬鞍山區要找一間食正宗上海美饌的餐廳不多，而且知道這裡有我最愛吃的中菜之一「片皮鴨」，立即要去試下。點完菜後，侍應送上桂花茶一壺，花香撲鼻，清澈而且帶有桂花醇甜，茶芥$10一位。片皮鴨$368片皮鴨切得大小均一，盡現精細刀功，鴨皮將脂肪完全去除，呈現透明脆片。鴨皮燒至赤紅色，閃亮發光，肉質鬆軟多汁。餅皮軟綿煙韌，包著味濃肉嫩的鴨肉、青瓜、京蔥和甜麵醬等配料，一口咬下唇齒留香。特別一讚是餅皮上枱後仍有蒸籠和熱水蒸暖，保持温度和柔軟度，非常細心。香脆的鴨皮配上特色佐料及薄餅皮就是人間美食。一人客飯糖醋魚柳$70配絲苗白飯及是日老火湯或豆漿糖醋魚柳外層粉漿不會過厚，魚塊炸得外脆內嫩，伴以色澤艷麗的糖醋汁，酸甜開胃，不會過酸或過甜，濃稠得宜，送飯非常開胃。胡椒生煎包$48生煎包將鋪滿芝麻的包底煎得焦香酥脆，包身軟綿不黏口，內裡肉餡保持濕潤多汁。豆沙鍋餅$38吃上海菜也少不了飯後甜點，餅皮和豆沙份量的比例掌握得剛剛好，外面薄脆內裡柔軟，富有雙重口感，綿密的豆沙內餡甜而不膩。

今日黎馬鞍山探BB之後朋友介紹黎呢度食飯小籠包 4件 $48皮薄多汁，肉汁鮮味，推薦！四喜烤麩 $78是小編喜歡的味道，有雲耳，小冬菇，筍絲，也是推薦的前菜砂鍋雲吞雞半隻 $138湯頭好好飲，鮮味十足，雲吞大大隻是白菜豬肉餡配上咸肉、紹菜、小棠菜，還有半年隻雞，飽肚感十足如果雞肉嫩少少就更加完美蜜桃黑醋骨 $138醬汁出色，排骨有一層薄脆漿，加上醬汁係好好食非常開胃，蜜桃也有不少呢！豆沙鍋餅 $38抵食甜品一碟八件，皮薄夠脆豆沙餡不少，有水準最後餐廳送上酒釀丸子不過我和朋友太飽所以只要了一碗味道好好，特別是丸子入口即溶非常出色可惜今天沒有供應片皮鴨下次再來試試

馬鞍山呢間餐廳主打上海菜，小籠包、酸辣湯、黑醋骨都好有風味，價錢經濟實惠。裝修幾雅致，座位闊落舒適！🌟蜜桃黑醋骨 $138黑醋骨酸甜開胃，顏色啡啡黑黑，加上黃色嘅鮮甜水蜜桃🍑，令黑醋骨生色不少，整體味道不錯！🌟京蔥爆牛肉 $138牛肉份量多，入口軟腍，仲有京蔥、野菌，爆香後香氣十足！用薄餅包住牛肉食就唔會覺得太咸。🌟酸辣湯麵 $68見到一人份本來以為會唔係太大碗，點知上枱覺得根本係兩人份量！仲要足料，有爽口嘅蝦仁、豆腐、竹筍、木耳，酸酸辣辣胃口大開，麵條嘅口感軟腍。🌟四川肉醬擔擔麵 $68擔擔麵的湯底是香濃的花生醬，飲落香濃而不膩，麵的質感亦剛剛好，不會太淋。🌟小籠包 $48皮薄餡靚，入口肉汁溢出，好鮮甜美味，必點嘅上海菜！🌟豆沙鍋餅 $38餅底烤到薄而脆，豆沙餡料多，作為甜品不錯！

在馬鞍山嘅同事請食嘢😄今日打卡中餐廳🥢餐廳裝修環境很好，燈飾復古特別朋友聚餐好去處🥢北京片皮鴨店員端上來給我們看一整只烤鴨🦆現烤現片，鴨肉新鮮肥嫩鴨皮香脆，肥而不膩配了面餅、黃瓜絲、蔥絲、甜面醬面餅放在蒸籠里加熱超薄的餅皮裹著香脆的鴨肉，好滿足🥢蜜桃黑醋骨這道菜酸甜開胃，用了少量黑醋口感甜而不膩，蜜桃酸酸甜甜喜歡吃甜食的必點餐后有贈送糖水👍👍📍 龍門客棧 (We Go Mall) 馬鞍山保泰街16號We Go Mall地下G06號舖

馬鞍山比較小有上海菜，今晚去了we go mall 試下先，餐廳叫龍門客棧，典雅中式設計，坐位又坐得舒服又寬躺👍👍👍👍👍北京片皮鴨兩食：京式滾鴨湯 或炒鴨鬆伴生菜冬冰冰的天氣，必選推介京式滾鴨湯外皮酥脆鬆化且肉質嫩滑，每隻北京填鴨大約有36片，餅皮厚薄適中，配以甜麵醬、京蔥條及青瓜條更添滋味，超值！⭐️⭐️⭐️⭐️⭐️五星推介我同老公兩個人都清曬🤤🤤🤤🤤🤤京式滾鴨湯暖胃之選，有娃娃菜、秀珍菇、雞髀菇、草菇、豆腐、鴨肉，大約有6-8 碗左右👍👍👍👍👍乾煸四季豆主要製作材料有四季豆、豬肉、紅幹辣椒等。乾煸四季豆口味幹香辣爽，開胃下酒。

馬鞍山區既上海菜都食過好幾間，依一間都一次黎食，味道環境都有驚喜。環境方面，裝修別緻，地方寬敞舒適，空間感夠大。1 . 川香酸菜魚酸辣度剛剛好，酸味不會嗆喉, 魚肉去左骨，肉質嫩滑鮮味。2. 雞絲粉皮涼伴小食溫度係好重要，依個溫度合適，粉皮爽滑, 麻醬剛剛可以撈晒材料，加埋爽脆既青瓜，口感既層次同味道都一流。3. 上海小籠包熱辣辣上檯，小籠包真係皮薄餡靚，晶瑩通透，可以望到皮入面灌有好多湯汁，要灘一陣先好放入口，事關真係超爆汁既小籠包，湯汁鮮味。4. 上海炒粗麵上海粗麵好彈牙，有冬菇絲，椰菜同肉絲，炒得好有獲氣，味道唔錯，不會太咸。6. 煎鮮肉窩貼皮薄多餡，皮底煎得好脆估唔到窩貼都好多湯汁，超好味。 7. 紅油抄手皮薄肉鮮，醬汁甜甜辣辣，不油不膩又惹味。

朋友住馬鞍山，而佢一直都比較偏好上海菜，自然由佢介紹就近餐廳，最終選擇咗「龍門客棧」，食物都係由佢發板，唔使諗，最好！🤣餐廳內環境寬敞，坐得非常舒適，可以慢慢傾計！點了一個二人餐，以下都係餐內可選擇的項目：水晶餚肉、脆皮素鵝~餚肉令我覺得非常驚喜！本該透明既部分，竟然加上醋，令整件事提升咗層次，以開胃菜嚟講，可以話係100分！特色酸菜魚~配料非常豐富，魚片夠滑，酸酸麻麻，令人胃口大開！蔥爆牛肉~牛肉份量非常多，醬汁香濃夠曬入味！牛片夠曬香滑，一啲都唔韌！崧子菜粒炒飯~粒粒分明，食得出大廚嘅鑊氣！份量恰到好處！崧子有畫龍點睛嘅功效👍海王鮮魚羹~鮮魚羹鮮味十足，內有豆腐、雞蛋、蝦... 等等，配搭得宜！酒釀丸子~桂花香濃，丸子有嚼勁，清淡之餘帶有微微香甜👍以下係單點項目：雞絲粉皮~麻醬係一個特濃版本，每條粉皮都沾滿非常夠味份量恰到好處！上海小籠包~皮薄餡靚，每隻小籠包內嘅湯汁有一匙羹嘅份量，算係非常多汁，十分出色！豆沙鍋餅~外脆內香甜，豆沙餡料均勻，即叫即整，非常有新鮮！

好耐冇食中菜啦，呢日同男朋友去咗馬鞍山呢間中餐廳食dinner，餐廳嘅環境都幾好，夠晒闊落。打開餐牌，見到佢有好多選擇，感覺好吸引。我哋一人點咗一個菜，分別係霸王辣子雞同埋黑醋松子桂魚。霸王辣子雞外層炸到好香脆，入面有嫩滑嘅雞肉，加埋好多辣椒，香香辣辣，好惹味。雖然落咗好多辣椒，但係呢款辣椒唔算超辣，好易入口，啱晒啲好似我咁唔算好食得辣嘅人。黑醋松子桂魚大大條，外層炸到好靚，淋上黑醋嘅汁，酸酸地，好開胃，送飯食一流。

其實未入去果陣見佢唔洗等位又少人就應該急急腳走😓點餐就叫你係個menu到用 whiteboard marker圈都算 但係圈完曬之後 結果都係入漏嘢🤣🤣食左個擔擔麵 唔知係我見識少定咩 但係個湯底係啡黑色嘅（除左面果層橙色油）睇到哩個湯底其實就已經唔係好開胃👀鍋貼唔脆 不過係跟餐嘅 就算喇整體黎講 雖然啲嘢食係食得落肚同埋食完冇肚痛 不過無論服務又好食物品質都好 個人黎講都係唔值得哩個價錢唔怪得之對面茶餐廳排曬長龍都冇乜人入哩間🫣🫣

上海菜比較小食。今次專登揀呢間餐廳試試。但呢間餐廳比較隔攝，位於天宇海隔離商場。人流唔算多，附近餐廳選擇亦小。座位舒適，環境可以接受。住宅式商場唔需要等位。服務態度亦比以前有改善。一餸一飯分量足夠。另外再叫一個小食，兩人平均$100左右。價錢絕對可以接受，食物質素亦都好好。唯一挑剔係距離港鐵站有一段距離。咕嚕肉肉質上乘，皮脆鮮嫩，醬汁唔會太酸。四季豆唔會太老，非常易入口。至於雞則屬正常操作。另外餐廳奉送甜品，甜品味道一流👍🏻。整體觀感8/10。如果靠近港鐵站，相信好旺場。