影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
難得放假🏖️去食點點心，因為好多人（包括外國人）都會去當然我都想去試下啦～個人推介👍🏻👍🏻👍🏻👍🏻👨🏻🍳豬仔包- 必食❗️遠近馳名～有部份人會用筷子向著🐷鼻進攻先（食個陣時要小心燙傷，因為餡料很熱的♨️）✨翠玉瓜叉燒腸- 很特別，腸粉內有翠玉瓜和叉燒，叉燒少肥，翠肉瓜可以提升清爽的口感✨雲耳手撕雞- 雖然有少少辣但都唔會搶走雞的鮮味，雲耳很爽口✨燒賣- 在口中細嚼，包住很濃烈的豬肉和冬菇的香味✨蝦餃- 皮薄有粒大大蝦餃，一啖就咬到蝦🦐環境：雖然細鋪，但五臟俱全。有茶水🍵和熱水壺放在枱上，可以自由加水服務：有善的，雖然親自攞籌號才能進入，預留時間等候
繼續閱讀
第一次食呢間低敦點點心，食物水準一黎般。但店鋪職員嘅服務態度就非常非常差，由於冷氣出風口好低，，兜頭吹到頭都痛埋，啲點心擺喺度一陣都吹到凍晒，所以想搵侍應調高啲冷氣出風口。點知有個年紀大啲阿嬸侍應走埋黎，仲居然衰聲衰氣答話：「我要行黎行去好熱架，無得較高呀，一係熄左去啦！」🤬🤬🤬呢間鋪頭有呢啲咁嘅職員，對住客都呼呼喝喝，面目猙獰，呢啲時勢搵下遊客笨仲可以，想有本地客回頭，唸都唔使唸。真係不知所謂！劣評
繼續閱讀
叫咗四樣野，其中一樣係鮮竹卷。第一啖食落去係凍冰冰嘅，根本都返熱唔足夠。我第一次為咗寫食評，開openrice account。呢間野服務態度又真係唔好，極不推薦。至於其他三樣野，都唔係好熱，祇不過係可以接受罷了。我因為喺大陸返落嚟，孭住咗個斜孭電腦袋，我只一個人，侍應居然安排我喺六人擡之中嘅中間位叫我坐。當時餐廳大把位，嗰陣時我同侍應講，唔通我攬住個電腦食嘢咩？不論食物質素同埋態度都係唔好，唔明白佢點解話自己可以攞獎？
繼續閱讀
呢一間點心店屹立咗喺佐敦好多年，因為以前都係住佐敦，係經常幫襯呢一間點心舖，可以話係陪住我成長，睇住佢經歷咗幾次轉手，但係食物都依然保持到水準，服務態度轉咁多次人都可以永遠保持咁嘅水平，啲侍應永遠都係呼呼喝喝，每一次要求想坐一張大少少，但冇人坐嘅枱，啲侍應呢都要你好極力爭取先至會比枱你，但係其實間店係有好多位，食物係依舊保持到水準嘅，所以都係我仍然鍾意係呢一度食嘢嘅原因燒汁釀茄子，份量十足，茄子非常之大隻，配上大大件魚肉，淨係賣相都好吸引，較過嘅燒汁甜甜地，而且冇炸嘅咁油膩，因為係燒嘅仲保持到好多水份，原本好想試埋個釀尖椒，但係食唔落咁多鮮蝦脆皮腸，呢個脆皮腸係做到好脆身，但係佢嘅腸粉係好軟滑，個口感係好有層次，第一口係軟綿綿嘅腸粉再食落去，係脆卜卜嘅皮，再包住咗一浸嘅鮮蝦，口感豐富奶黃豬仔包係我次次都點啊，因為個賣相真係好得意，啱晒小朋友嘅我，次次都會篤穿佢個鼻，流沙係好香滑，又甜又軟綿綿，影相都好靚椒鹽魷魚鬚，個粉漿太厚，魷魚好細條，食落去好油膩，雖然呢一間店位置唔太起眼，係一個舊區入邊，但係都充滿着舊香港情懷，驟眼睇都好多遊客過嚟食，希望佢嘅服務生態度可以有所改善，繼續屹立喺佐敦嘅一個舊區做地標
繼續閱讀
The lady at cashier with long curved hair has such an arrogant attitude and so disrespectful. She was like you owe her billions of dollars and treated guests like sh*t. Super impatient and rolling her eyes all the time. When I finally could not bear with it anymore and requested to speak to the manager, she appeared indifferent at all. I strongly suggest the boss change her no matter who she is.It is so sad that I won’t go to this store anymore. I live nearby and eat there at least once a week. I was away from hk for a few months and just came back. So sad to find such a person completely ruined my beloved dim sum store.
繼續閱讀