影片
營業時間
星期一至二
11:30 - 21:30
星期三
全日休息
星期四至日
11:30 - 21:30
以上資料只供參考, 請與餐廳確認詳情
新開的小店主打自家淆煮的五指毛桃豬骨湯底及貴州特色米粉，不用味精。看看五指毛桃的功效包含健脾、補肺及行氣，不是很養生嗎？米線的配料、小食甚至飲品都有好多款式。兩個人點了米線、小食及飲品各二，上菜看到大大碗大大碟，份量十足！熱桂圓紅棗茶 $22 / 熱玫瑰花黑枸杞茶 $22小店很有心思用了coffee press上，可隔去所有固體不怕嗆到~ 前者微甜滋潤，後者則帶清新花香及好看的紫色，養生又適合女生，很好。貴州辣子雞米線 $58嗜辣的我不能錯過這款頗特別的辣子雞米線啦，橙紅湯底加入了自家製燒椒醬，香味十足，每口米線都會接來喝。平常點辣子雞都是炸的，但這裡的是大片烤雞，啖啖都是柔軟的肉。比平常米線更粗的貴州特色米粉，質感更好咬更有彈性。手打牛筋丸米線 $60餐牌寫著自家手打就當然要試啦！四大粒牛筋丸，配一大碗米線。雖然點了微辣，還是喝得到豬骨湯底的甜味。牙齒碰到牛筋丸的表面就感受到回彈，之後才能真的咬開。中間又爆汁又有小粒牛筋，所以十分爽口彈牙，高質。麻辣雞翼 $35五大隻雞翼要趁熱吃，香脆的外皮上佈滿香辣惹味的辣椒孜然粉，咬下去則是既嫩又多汁的肉。這種組合吃得我津津有味，想獨享。涼拌萵筍 $35有酸辣感的醬汁浸住大量薄片萵筍，是我們今晚的蔬菜intake。萵筍已經開始軟身，吸滿醬汁夠入味，吃了好久仍是有好多。有誠意的特色小店，要多多支持！
繼續閱讀
來到大埔做完野, 打算吃完晚餐才返家,找到這一家位於八號花園第二座地下叫黔滋味的貴州風味小店,店面簡約為主調,雖然沒有豪華的裝修,但仍給人一種光猛整潔的感覺。手打牛筋丸米線, 湯底為用五指毛桃豬骨熬製而成,清甜鮮味,手打牛筋丸爽口彈牙,咬開更啖啖肉汁流出,貴州米線比較粗身,食落夠爽口,十分有咬口。鮑汁豬軟骨米線, 豬軟骨炆得好腍好嫩好入味,完全唔會韌,十分惹味,配合鮑汁令湯底更加香濃美味,令人回味無窮。涼拌蓮藕, 特意選了B B 辣, 蓮藕片香脆爽甜, 配合有少少麻辣啲醬汁, 即使我們平時唔係太食得辣,但食落亦覺得唔錯, 夠醒胃。流心紅糖糍粑,之前其他店吃過,發覺這店的紅糖糍粑是吃過最好味的, 煙煙韌韌, 咬開有流心紅糖,份量恰到好處,不會太甜。即使已經食完整碗米線再食這個糍粑仍然不會覺得膩, 做得非常出色的一道甜品。芒果沙冰, 沙冰打得好綿滑, 有入口即溶的感覺,大大杯夠解渴。熱情果梳打, 梳打水分開上,讓客人自己加入,看到綿綿的氣泡升起, 十分有儀式感, 而且熱情果醬的份量也不少, 完全不會飲到一半變淡,解渴一流。總體來說, 小店能堅持拒用味精,真材實料用心製作特色美食,絕對值得支持。
繼續閱讀
三鮮粉味道：🌕🌕🌕🌕🌑評價：健康之選，材料包括有自製扎肉，蕃茄，木耳，生菜👍🏻因為我哋唔食辣，相對之下比較清淡一啲，湯底亦都清淡啲。如果鍾意食辣嘅朋友，可以試，應該會有另一種風味海鮮粉味道：🌕🌕🌕🌕🌗評價：海鮮粉入面有兩隻蝦，三隻章魚仔，兩隻青口，湯底比較鮮甜啲，因為有乾蝦仔，提鮮味👍🏻蝦算新鮮，爽口。米線嘅份量偏多，如果細食嘅朋友建議少米線涼拌皮蛋味道：🌕🌕🌕🌕🌑評價：花椒油擔當一個好重要嘅角色，令皮蛋同花生更加完美，非常惹味。花生脆口，皮蛋如果係流心更加正紅燒牛肉味道：🌕🌕🌕🌕🌗評價：煮得超同入味，肉質唔會好淋或好硬👍🏻火候剛剛好，就算配飯或者米線都會好好食蜜桃烏龍茶及紅棗桂圓茶味道：🌕🌕🌕🌕🌑評價：飲品跟餐比想像中大杯👍🏻味道正常發揮📌黔滋味 (太和)太和安慈路2號八號花園第二座地下3號舖#米線控 #大埔 #八號花園 #香港女生 #四圍食 #新界區美食 #foodie #foodiegram #ricenoodle #taipo #❤️
繼續閱讀
難得本年最後一日返工日，放工去遠少少，去到同事地頭有間黔菜館，原來黔係指貴州，除咗川菜滇菜有麵食，貴州一樣有佢地嘅麵寫住係「粉」，個樣似米線，但口感介乎米線、薯粉同瀨粉之間，大胃都幾鍾意食佢地自己煲嘅豬骨湯，經長時間火候熬製，非常香醇豬軟骨煲得好腍，同時肉唔會嚡，大大碗大快朵頤貴州都會有辣嘢食，辣子雞通常係小菜但都可以混入麵食，辣辣地幾香口，可以揀辣度，辣油滲入麵條，相當刺激小菜都唔錯，涼拌豬耳份量幾多，全部薄切至晶瑩剔透，透中掛辣紅，食落冇燥味，爽彈得嚟幾開胃食辣嘢點會少得紅糖糍粑呢？佢地嘅紅糖糍粑，糖漿唔係淋喺面，而係喺糍粑裡面一咬就流漿，外脆內綿好正飲品都幾有誠意，凍飲好大杯，而且冇冰都夠涼，大量桂圓好甜好多肉，仲帶有蜜香熱飲竟然係用法壓serve茶香更芳香撲鼻
繼續閱讀
大埔無味精正宗的貴洲特色米線✨💓小店主打無味精的湯底，米線配搭的湯底是用上了五指毛桃豬骨湯，清香又入味，可以連湯也喝，不會太油膩，不會口乾的，很有心思的湯底！讚！另外，喜歡吃辣的也是必吃！貴州香辣！《手打牛筋肉丸米線》$60小店自家製的手打牛筋肉丸米線，是有質素的牛丸，當你一口咬下去，牛汁湧出來，牛味香濃，有水準的牛丸。米線是用上了通心米線，粗粗的米線很煙韌好味！湯底是無味精的五指毛桃豬骨湯，清香好味！👍🏻《紅燒排骨米線》$58排骨的口感很鬆軟，容易咀嚼，烹製得很入味，另有爽滑的口感，肉質更加嫩滑，紅燒的湯汁與湯底融合，更加惹味！《涼拌士豆絲》$32涼拌士豆絲，即是又酸又辣的馬鈴薯絲，切得薄薄的土豆絲口感爽脆，配上酸辣醬汁，十分開胃！《紅燒牛腩》$75味道香醇，口感嫩滑，脂肪量較少，肉質易咀嚼，入味好吃！湯汁也香，不會油膩！《凍-洛神花茶》$18《熱情果梳打》$18飲品方面也很特別，有健康有營的花茶系列！
繼續閱讀