麵賜園

營業中

休息中

尋日系旺角《麵賜園》度食左個CP值好高既2人套餐🤩！本身個餐包既餐食已經量大又豐富，升級埋幾款菜品，埋單都只係3百幾❣️服務同菜品質素仲要有番咁上下，真心堅抵！🌟二人套餐🌟套餐入面有：👉🏻▫️主食選一我地揀左✨原隻椰青焗海鮮飯跟椰青水一杯✨ + $30呢個招牌焗飯既白汁好重椰香味，入面又有好多海鮮配料，eg：青口、蝦仁、蟹柳、蜆肉、魷魚．．非常足料！下面d飯仲要系有好多蛋碎既炒飯底，真係香到不得了👍🏻▫️小食可選兩項✨酸辣無骨鳳爪✨爽口Q彈嘅無骨鳳爪同酸酸辣辣又唔會好辣既酸汁真係絕配，食左真係醒神又開胃✌🏻✨越式松子豬肉碎生菜包小辣 ✨+ $20香辣惹味既豬肉碎肥瘦適中，炒得夠乾爽。只係比平時食開泰式個種豬肉碎生菜包稍微辣左少少，但個辣度都係可以接受既。加埋香氣獨特既松子做配料，食落更加滋味！▫️小菜可選一項✨馳名越式海南雞半隻✨+ $10呢隻海南雞皮薄肉滑仲好香雞味，正！飲品：✨鮮椰青✨ + $20呢個椰青超級清甜之餘椰肉仲好多🫶✨日出✨🌅呢杯特飲由紅糖水、橙汁、菠蘿汁、梳打同青檸制成味道酸酸甜甜，令人醒神！🟥麵賜園📍旺角通菜街36號地舖 港鐵旺角站E2出口,步行約2分鐘

行過旺角見到呢間鋪心諗 越興園開返試下先 越南粉差極有個譜對唔住我想得太天真張圖睇落好似唔錯但現實係個湯清水加幾滴豬油就扮豬骨湯臭油味食落係食左越興園好多年 點解要咁樣破壞我既回憶

飲完蔗汁就去醫肚去到通菜街見到啲LED燈幾eye-catching 就咁睇個名以為食麵嘅 點知原來仲有越南嘢食睇睇餐牌就決定叫個2人餐入到去仲見到有幅巨大貓貓打卡牆🔹️酸辣無骨鳳爪必點菜之一 幫助提神開胃🔹️牛油雞翼炸得幾脆口 重牛油味配埋炸蒜 紫洋蔥 夠晒味道雞翼亦肥嘟嘟漲卜卜🔹️馬拉盞炒通菜馬拉盞味道好濃 又唔會太辣又係大大碟 🔹️乾炒黑椒牛肉烏冬炒得夠乾身 盤碟牛肉亦唔少黑椒味如果再重啲就好喇所有特飲都打卡able 🔹️大帽山柯華田柯華田特飲 一層厚厚嘅淡忌廉唧咗喺面頭 柯華田沖得好濃 唔會淡茂茂好滑溜🔹️荔荔士士個名幾好意頭 🧧 貓貓匙羹好靚 🤩 面頭有3粒大大粒嘅荔枝邊食邊飲好爽皮最後食飽趁後面客人走咗 即刻同貓貓牆打張卡我要講 呢度啲店員全部都好好禮貌真係買少見少 😊

🇻🇳麵賜園 (旺角)📍今次嚟到旺角試新派越南菜😍。🍽️二人套餐 $288 + $20 + $20 + $20 + $30 套餐包一款主菜、小食兩款、一款小菜同兩杯嘢飲🥤，我哋揀咗： 🍴原隻菠蘿海鮮炒飯 +$20 🍴串燒拼盤（6串）+ $20 🍴越式松子豬肉碎生菜包（小辣）+ $20 🍴椒鹽炸軟殼蟹 + $30 🍴大帽山華田（凍） 🍴多多百香果（凍）菠蘿炒飯入邊有好多料🦐，而且炒到好乾身。而個串燒拼盤🍢，分別雞、牛、豬各兩條，雞肉勁juicy🐥;牛肉有啲位燶邊🐮，勁香脆。泰式肉碎生菜包就食得多🇹🇭，越式就真係第一次食🇻🇳，佢比泰式辣啲🌶️，同埋冇咁酸，不過佢額外會有酸酸哋嘅兜汁俾你點。嗰軟腳蟹即叫即炸🦀，一咬落去啲汁泌晒出嚟💦，而且好惹味。大帽山華田個名好得意😎，原來係面有篤cream⛰️，飲落好濃華田味🍫。多多百香果就係益力多加百香果，酸酸甜甜好Fresh🌱。

🎈 建議場合：#即興食飯👤 建議人數：4人（最多可容納10人檯）💸 人均消費：<$50【1個人食咗啲咩？】- 香茅豬扒撈檬 （$45）⭐⭐「有機會會想投訴佢」食咗個香茅豬扒撈檬，真係有啲失望。首先，我要講下佢嘅外觀，望落已經唔太吸引。點解標榜係香茅豬扒撈檬，但個豬扒一啖都冇香茅嘅味道？香茅應該係個菜式名嘅一部分，不過好可惜，味道一點都冇香茅香氣。個豬扒本身亦都有點乾，冇咩咬感，令我感到失望。可能係因為烹調時間長啲，所以豬扒失咗部分嫩度。至於檬粉，佢哋痴埋一齊，好難分開，亦都唔夠彈牙，有啲過於軟爛。食落去冇啥特別嘅風味，令我覺得味道有啲單調。唯一值得稱讚嘅係服務質素。餐廳嘅服務員非常有禮貌，熱情招呼客人，確保我哋嘅需求都得到滿足。嘅確，好嘅服務可以提升整體用餐體驗，不過呢個食評主要係集中係食物本身。總括而言，香茅豬扒撈檬唔係我會再次點選嘅菜式。雖然服務質素好，但食物嘅質素同味道真係有待改進。又或者咁講，尼個價錢，唔好期望太多。📍 *麵賜園*旺角通菜街36號地舖 (港鐵旺角站E2出口 約4分鐘路程）

放假去行街，4點左右想食個下午茶，經過呢間既門口，個呀姐喺門口講有下午茶餐包飲品，望到入面牆上面有越興園Led，上黎睇話係越興園改名（乜喺呢個位？好从另一條街喎）是但，試一餐先。入到去掃qr code，飲品係要加錢囉，睇真啲，啲價錢唔同喎，問佢地乜茶餐加錢咩？（熱飲凍飲都要加錢），佢地話係呀，星期6日都要加。😑😑😑叫左個香茅豬肉河同黑椒牛肉炒烏冬，食品只可以講正正常常，但好似冇以前越興園嗰種味，感覺似一間普通餐廳（唔多似越式餐廳既麵鋪）可能我地叫啲野都好普通啦。埋單發現，仲要收加一😑😑😑🤥，真係多謝哂🤦🤦🤦唔怪得星期日下午都可以冇客。呢間我黎一次就算，冇咩事都唔會再黎👋👋

揾食時，喺熱鬧嘅街頭撞正麵賜園🍜，一入去就感受到一種新派港式既格調。首先試咗碗鐵三角蠔鮑蟹海鮮湯麵，真係不得了！湯底嘅鮮味仲勁過屋企煲嘅湯，每一啖都係愛嘅滋味，拉麵Q彈得滯，海鮮擺得滿滿盆，隻隻都新鮮彈牙，仲附送咗款中華沙律，真係鮮到出汁💦。再黎個喵喵海鮮湯麵，喵喵名得嚟玩味十足，湯底同樣嘅鮮味滋滋入喉，蝦蟹柳蘆筍齊上，每樣海鮮都好夠份量好夠心意。試完麵線，嚟個素蘇格蘭炸蛋，啲炸蛋又脆又香，舊豬肉包住半熟蛋呈現得太正，泰式酸辣醬嚟個咕噜就搞掂💥。牛油果蝦多士呢個組合夠創新，甜甜蜜蜜嘅多士搭埋creamy牛油果同爽脆蝦仔，食落配合得好自然。最後，一杯搖呀搖烘焙傳嚟，對得住個賣相，燒焦海鹽奶泡帶點小驚喜，即刻令我心情咁晴☕️。整體嚟講，麵賜園真係拎到「掂」呢個字，無論係環境、服務定係菜色，都令我下次仲想再嚟一次！👌

之前同同事叫過外賣返公司食，覺得味道都吾錯，見到佢地以麵食做招來，所以就係平安夜，同屋企人去試下堂食。一去到全場爆滿，等左一陣先有位，但入面裝修好靚，又有播下歌，坐得都幾舒服。舖位入面仲有吾同嘅打卡位，所以等食物時，我吾會悶。坐低一睇個餐牌，見到有好多野都好吸引，見節日氣氛濃厚，所以今次我最後都無叫到麵，反而叫左其他野同特飲。講起特飲，真係吾試吾知，我一向吾飲咖啡，所以平時去餐廳都少左選，但今次吾同，我叫左杯柯華田特飲（咩大帽山棉田？吾記得左個名），賣相超靚，大人細路都啱飲。屋企人仲叫左杯叫愛明楨咖啡，一樣可以打卡，我飲左幾啖，發現黑朱古力同佢地咖啡好夾，好好味。以佢地呢個價錢，飲到呢兩個特別，真係超值。食物方面，樣樣都吾錯，份量又好合適，四個人食都可以試到多款食物，而又吾會覺得吾夠分。今次體驗非常好，下次再去試下其他美食同特飲，希望佢地繼續努力，研發更多美食。

今日發現原來麵賜園除左食麵之外，仲有荷葉飯同越南野食，所以同幾個同事一齊係外賣平台叫外賣送餐。p.s. 貓平台比鼠平台嘅飲品選擇少，但價錢平少少。越式薄切牛肉撈檬，牛肉好味，份量十足籠仔蒸飯，肉質鬆軟，但如果加條菜或其他配料點綴下，賣相會更加好越式牛肉炒河，味道不錯下次有機會再叫其他試下！

間舖頭幾闊落，坐得幾舒服，同埋不斷播緊軒公嘅歌，氣氛真係好正，同埋員工超有禮貌👽🤝🏻.ᐟ‪‪.ᐟ1️⃣ 波爾多香酥雞球煎蛋炒飯 $48佢個炒飯粒粒分明好乾爽，不過個煎蛋有少少失望，可能煎得耐咗，唔係流心蛋🍳但個雞球值得一讚，皮薄酥脆，好嫩滑，配埋佢個汁真係好好食，份量都好大，食到好飽🫶🏻👉🏻 𝑹𝒂𝒕𝒊𝒏𝒈 : 𝟕/𝟏𝟎2️⃣ 香茅豬扒湯粉 $43清湯湯底味就好濃郁，豬扒都好淋，唔會好韌個種，口感幾好🤝🏻佢個湯粉可以轉檬粉或者金邊粉😋🫶🏻 大大份，好夠食！四十幾蚊lunch set仲配埋嘢飲，性價比好高🤣🤣🤣👉🏻 𝑹𝒂𝒕𝒊𝒏𝒈 : 𝟔.𝟓/𝟏𝟎

越興園 YHY💛Noodles Dimension一個人係旺角搵食，行到去女人街入面見到呢間舖頭，望到店入面大大個「越興園」嘅招牌💛就知道要入去幫襯了🤩麵賜園係越興園班底打做嘅食店，店舖比較細，但格局舒服以前出旺角好多時都會幫襯越興園，果時食佢地個撈檬非常出色，仲有原個菠蘿炒飯，超正🤤今次叫咗個午餐-鮮牛肉金邊粉，味道唔錯😋好鍾意佢地用個木盤放哂個餐送到客人面前😍$48就有一個午餐，平靚正👍🏻👍🏻等待嘅時候睇埋個餐牌，有好多菜式都好吸引，即刻影相send比朋友，約多啲朋友下次要去試埋其他菜式先😂去旺角搵食嘅朋友仔可以去試下，就係女人街入面，相當易搵😁#越興園 #麵賜園 #旺角 #女人街 #越菜

本身同朋友都食過呢間幾次，個陣都主要係得湯麵同荷葉飯。隔咗一段時間再去，成間鋪好似變到大排檔/茶記咁，請咗啲阿叔阿嬸係咁叫賣🥴🥴。但最重要係啲食物質素差咗，唔知係咪轉左型人流多咗。同朋友都係叫返之前食過嘅，分別係一個舞茸新豬肉湯麵，另一個係清清哋雞湯麵。舞茸新豬肉湯麵：份量同以前一樣多，但啲鮮菇好明顯食落個陣鮮菇嘅酸味，之前啲菇冇呢個問題。另外，啲麵同餸一啲都唔入味，以前會入味啲。舊新豬肉比咗朋友食，結果佢話難食到要嘔出嚟🤢唯一好咗就係啲湯冇以前咁鹹咁重味精。清清哋雞湯麵：朋友叫咗呢個我自己就冇試過，但佢食咗幾啖已經話唔使再嚟食，冇以前咁好食。整體上嚟講唔係難食，但相比以前食物質素下降，味道變得好普通，唔需要特登再嚟食。以前一碗要煮10-15分鐘，而家5分鐘左右就已經上枱。變相嚟講冇以前煮得咁用心。價錢就好似貴咗少少定唔知都差唔多，相比之前而家就唔太價呢個價錢。

🧭美食體驗：一如以往係又平又抵食。因為佢個餐無跟飲品，只能買半價特飲(20蚊左右一杯)，又或者全價買其他野飲，要真係好平咁食野既話，就純叫野食，再係旺角街邊買其他野黎飲。間鋪本身係越南野黎，最近一年好似轉型，名都叫左做麵賜園。其實我係應該黎食湯麵、飲咖啡的......唔緊要啦，下次再黎食📸 攝影打咭：佢店入面有俄羅斯畫家畫的貓貓，好正。今次終於帶左廣角鏡過黎影到喇。因為店入面有港式的霓虹燈裝飾，所以光源有啲亂，要影靚相最好都係自備光源。🍳食物質素：60蚊左右一個野食，旺角黎講係無敵的性價比🍴推薦搭配：生熟牛肉河、海南雞飯都好食🪑環境座位：桌係多既，唔洗點等位，但相對黎講走廊有啲窄🧑‍🍳服務：超級好招呼。好主動咁搵籃比你放袋。

呢間即係以前既越興園，原本以為淨係食越南嘢，仲擔心唔啱食，都係諗住博下有冇野岩食。但係佢搬咗過嚟之後，多咗好多選擇，有自家製拉麵、有焗飯、荷葉蒸飯、仲有特色嘢飲。最搞笑係見到有啲法式炒飯，又有法式炒西蘭花，唔知咩玩法。因為唔太偏好越南嘢，所以就試咗個荷葉蒸飯，都ok既，有少少似梅菜扣肉飯咁啦不過環境就幾乾淨，坐得幾舒服。下次想試下佢個法式牛柳粒炒紅飯，唔知係點架呢

今日夜晚去左呢到食 叫左個海南雞飯 點知勁過份呀都冇肉嘅 全部骨咁滯 d肉又鞋 係我食過最差嘅海南雞飯 真係勁少肉 不過菜係有4條嘅 飯都熟嘅 叫做食得 但一般茶餐廳都唔係咁差😤冇下次