麵檔

營業中

休息中

今次嚟到銅鑼灣食車仔麵，就揀咗麵檔試下😋未入鋪頭都已經聽到門口部黑膠機播嘅歌🎵即刻好似一秒返返8-90年代咁🥰真係好有feel～一路食一路聽嘅時候好似置身電影場面咁🤣#三餸車仔麵（蠔油花菇、清湯蘿蔔、自家製韭菜餃+米線+牛腩汁）💰$49首先，蠔油花菇好非常入味好濃郁！花菇冧得嚟又仲有啲彈性，我自己就十分鍾意🤤至於自家製韭菜餃就無想像中咁好食，正正常常。可能因為煮韭菜餃嘅時候係用清湯煮，所以擺落碗麵嘅時候就…好似唔夠入味。不過！！！清湯蘿蔔就💯分好食🥹非常清甜，係我食過嘅車仔麵蘿蔔Top 1！嚟度食麵嘅話一定要試下😋

環境幾舒服嘅鍾意佢懷舊装修好有舊式香港風味仲要播住五六十年代嘅歌叫左大麵 ($65)有豬紅 鮑汁雞腳 蠔油花菇 豬皮 蘿蔔 糖心蛋六個餸再加一個面，真係抵到爛湯底係滷水湯，偏鹹，食完有d口渴📍麵檔 (銅鑼灣)銅鑼灣勿地臣街10號地舖

車仔麵至少三餸 大概有三十款餸揀～學生有減$5 優惠振興爆汁牛丸+魚肉春卷+清湯蘿蔔 米線 $49牛丸係比較濃味 都重牛味～魚肉春卷就正常～ 🤣會冇南記咁濃蘿蔔清甜！🤣仲有兩條菜送沙嗲醬係重點！唔會太鹹 但夠味😋 不辣的～

上月發現到呢間車仔麵，今日再次來到銅鑼灣，就決定中午食呢一間。於放飯時間一點前來到，剛好有坐位，可以即刻入座，不過要搭枱。枱面有點餐紙及筆，迅速自行點餐。餐紙清晰，列出所有選擇及價錢，食物的選擇亦不少。交了點餐紙，車仔麵好快就送到面前。今次點了三餸車仔麵：豬手、牛筋、墨丸、河粉。整碗的份量不少，味道唔錯豬手，有兩舊，夠入味牛筋，份量不少，夠淋，都好入味墨丸，有三粒，都算ok湯汁，夠晒濃郁，好味河粉，淋左DD整碗份量都唔細，夠食，好飽可以再來

老老實實，排隊嘅人好多，但係位置好少。真心覺得車仔麵其實好一般，就係裝修比較古舊更適合打卡。 不過大家都好自覺，都係大家嗱嗱臨食完就走，都想留返啲位置比排緊隊嘅人龍

3月2因為盜月者嘅謝票日，一個長期唔出銅鑼灣嘅新界人出左去，睇完戲肚餓🤤到一個點，但又覺得銅鑼灣食嘢超貴，行下睇下，竟然俾我發現左依間車仔麵招牌有啲復古嘅感覺，attract 到我嘅反而係佢播歌嘅機！竟然係黑膠，我咁大個人除咗睇電視📺見過，都未見過實物。咁就令我停低咗，望下個餐牌。認真，係鬧市中，我估唔到會有咁嘅嘢價位，價錢同我係新界嘅車仔麵差唔多。我最估唔到嘅係有下午茶時段，但因為我真係驚食唔晒，所以無叫四餸，淨係叫左三餸（蘿白，豬紅，豬腸）蘿白好軟，無根不過不失。豬紅豬腸，無咩羶味，而且好入味，推介！沙爹汁，有少少辣，但係惹味嘅，可以值得一試！

啱啱去咗間【麵檔】試吓佢哋嘅車仔麵，個懷舊感覺真係濃到出汁，令人忍唔住想拍吓照先。來到車仔麵，每樣配料擺得好整齊，第一眼見到就覺得食指大動💫。炸豬扒浸喺湯裡面雖然唔夠脆，但係肉嘅味道都幾好，豬腸滑溜溜，一啖咬落去，好過癮。牛肚嘅質感軟腍得正，豬皮帶啲嚼勁，真係滋味非凡😋。湯底我就無加咩醬汁，飲埋湯都不會好渴，應該係少咗返啲味精。牆上嗰啲舊時嘅Poster同埋門口嗰張黑膠唱碟機，都令到呢場食旅仿佛穿越返過去，唔錯唔錯👍。雖然冇奶茶，不過叫咗杯凍咖啡，都算解渴。員工態度友善得滯，整體走咗滿足回頭。下次想試吓佢哋加醬嘅湯底，聽落都幾吸引。嗱，記住喇，啲炸豬扒真係要快手食，唔好等佢浸太耐喎！

第一次食到個豬紅係好似豆腐甘 好得意個口感，但食落無咩豬紅果種獨特既味道🤔其他餸都好食 ，味道其實同其他車仔麵差唔多但料好足。份量大份而且個湯清甜 無咩味精水準保持到既話會一直去食。

講真食呢啲車仔麵檔都係貪人情味，但呢間所有員工做嘅所有行為都係趕客，首先，隔籬枱遊客話要一碗同我一模一樣嘅車仔麵，佢直接求其上啲嘢俾人，到人哋話唔啱嘅時候佢先至出過第二款。之後細路女喺張單後面畫咗堆公仔，居然可以問都唔問直接抌？佢阿媽同個員工講想要返嘅時候，個員工居然直接話：「冇喎抌咗」個細路女直接喊咗，係直到第二個員工係堆單度拎返出嚟先唔喊。食完就眼超超，仲要走嘅時候時一句「下次再嚟」、「拜拜」都冇。完全唔會想嚟第二次，嘢食都非常普通。

鬧市中嘅一間車仔麵店裝飾懷舊附有港式情懷，門口黑膠唱片機仲播住一啲經典金曲🎤入座之後自行剔紙仔落單，配料款式都係比較傳統▶️ 三餸車仔麵 ($49)麵底七選一，揀咗粗麵平日少食呢類麵，只係細個食撈粗麵嘅時候「接觸」過麵質還可以，屬爽彈形，不過少少易斷味道上帶微微獨有嘅鹼水味 湯底係滷水湯，呈深啡色，味道濃郁入味，應該係自己用煲，食到尾見到有塊金不換香葉🌱另外仲有香蔥芫荽，令湯底更加香唔油膩，不過偏鹹，食完幾口渴吓三餸揀咗推介嘅滷水孖筋、蠔油花菇、糖心滷水蛋滷水孖筋確實好食👍🏻質感實身煙韌彈牙，唔係腍啤啤或過硬，只係份量有啲少三粒蠔油花菇口感唔錯，有香菇味，不過唔夠juicy🍄糖心滷水蛋做到半熟效果，蛋黃望落晶瑩剔透 (只係邊位熟咗少少)可惜味道一般，唔夠入味，蛋白食唔到滷水味，蛋黃食唔到甜味🙁-只能話係一碗平平無奇嘅車仔麵，除咗牛筋好食之外其他都好一般 (朋友叫嘅五香牛腩唔得，貢丸好一般)如果湯底冇咁鹹都唔錯嘅服務ok，上菜快手，侍應多為一啲上咗年紀嘅哥哥姐姐環境舒服嘅，鍾意佢內部裝修，好有舊式香港風味🇭🇰性價比一般，每碗麵同配料份量唔多，食完一碗唔會夠飽😅不過有學生證可以減$5如果係為

喺銅鑼灣鬧市中嘅一間小鋪，晚上時間去到等幾分鐘就可以入座，門口放住一部黑膠唱片機，幾有特色。坐到入去就可以攞喺枱面上嘅點餐紙寫自己想叫嘅嘢食，一碗畫一張。車仔餸嘅選擇好多，只有兩款餸要另外加錢（都係加3蚊 可以接受）。我地叫咗三餸：油麵 牛丸 牛肚 豬扒 牛腩汁（$49）三餸：油麵 酸齋 冬菇 豬大腸 沙嗲汁（$49）再加多一杯凍檸茶（$15）上菜速度好快，一陣就有得食。望到兩碗麵嗰陣，對個豬扒有啲失望，啲豬扒好碎，唔可以用塊嚟形容，應該要用粒，從來都冇食過一粒粒嘅豬扒。其他餸都普普通通。個人覺得油麵偏硬，可以腍番少少。另外個沙嗲醬佢用匙羹裝住，就咁食就偏鹹，但撈埋落湯度又唔覺有味，呢個可能要諗下個沙嗲沖係以咩形式嚟上。仲有就係凍檸茶茶底唔夠濃，滿足唔到檸檬茶癮。整體嚟講，喺銅鑼灣用呢個價錢可以搞掂一餐不能要求太高。都可以係填飽肚嘅選擇。

之前一直都鍾意食麵檔覺得料有多選擇，質素又幾好 但最近食左2次都大失所望🫠🫠🫠湯底已經加腩汁，湯底色水好夠，但淡而冇味😵😵 以前都唔係咁炸豬扒腍啤啤👎🏻👎🏻牛腩仲要加3蚊，但非常乾，唔好食👎🏻👎🏻炸魚皮、貢丸、魚肉春卷都仲ok ，因為都係外購haha 🤪最近的第1次：魚肉春卷、炸魚皮、炸豬扒湯米粉 $46最近的第二次：牛腩、豬手、豬大腸湯米粉 & 貢丸、魚肉春卷、炸魚皮湯米粉唔會太想再食了，同區有其他更好的車仔麵啦

黎到銅鑼灣呢間走港式懷舊風既車仔麵店滿足下個胃😎 呢度好似拉麵咁係紙度揀曬自己想要既配搭再俾店員就可以嫁喇, 你要既麵5分鐘以內會送到😚1️⃣三餸$46/ 四餸$54/ 五餸$60/ 每款$102️⃣麵底: 米線3️⃣揀餸: 大排檔黃沙豬膶/ 自家製韮菜餃/ 香辣豬紅/ 魚皮餃4️⃣加汁: 秘製辣醬湯底本身甜甜地, 佢地個秘製辣醬辣得好惹味, 係流鼻水既程度, 餸既份量都幾多, 豬膶好彈牙爽口, 韮菜餃好香餡料好足, 米線煮到軟硬度剛好係爽口果隻😎 佢地既餸係勁多選題, 款款都好吸引🤩雖然係食車仔麵, 但係乾淨舒服, 多人既時候要搭枱, 最欣賞係會有生菜配搭, 仲有擺係枱面既菜脯甜甜辣辣都好好食x 一定會再黎幫襯, 性價比高😋

最近搬到銅鑼灣時代廣場附近工作，開始問下朋友介紹午餐好去處，有朋友介紹我黎呢間麵檔食車仔麵。今日叫個三餸，一向鐘意食內臟，見到車仔麵少有嘅黄沙豬潤，五香牛肺，梗係叫來試，另外叫左朋友話好食嘅酸甜齋。上枱份量幾大，我已經叫扣底，最後都食唔晒啲米粉😅 先講湯底，好傳統嘅車仔麵湯，唔太濃，帶甜，不過本人就唔係好好甜口湯底，不過揀左混醬，叫做咸返少少我可以接受。黄沙豬潤煮得好嫩，火候控制得好好，可惜有少少𥻗…唔知係咪洗切處理得唔夠導致。牛肺大大舊，少少五香味，不過口感太實，唔夠軟熟。酸甜齋係好味嘅，但如果有美味齋揀就更夾味。整體味道可以，價錢合理，乾淨舒適，可作為以後午餐其中一個選擇👍🏻加分點: 有配生菜🤣營養均衡👍🏻

三餸只要$42!!! 估唔到時代廣場隔離都有平價抵食車仔麵，cp值其實好高，不過蚊蟲有啲多。*鹵水孖筋 + 清湯蘿白 + 糖心鹵水蛋 $42米線 + 腩汁 + 自家製沙嗲醬牛筋有三四塊，軟軟糯糯，滷得入味。蘿白清甜但略為有少許渣。糖心蛋做到完美流心蛋黃，但滷水只有豉油鹹香。米線好索湯，沙嗲醬份量少，單食好惹味，一撈開就食唔到沙嗲味🥲朋友叫咗南乳豬手、酸甜齋，豬手軟糯但膠質未算多，酸甜齋甜味多啲，因為兩者都甜底，令湯底變甜。