麥當勞

營業中

休息中

由於剛walk in交完牌費苦等了三個小時，個肚餓到Ugh Ugh聲，下午三點三最好食返個快手的茶餐，見到有麥記，就急不及待走入來。用手機點了以下食物：魚柳飽 - 個包真係好細，只有手掌心般大，但塊魚柳超好味！熱奶茶 - 好飲，好飲過上次那2杯 $1熱即磿鮮奶咖啡，如果杯奶茶熱些少會更加好！阿華田批 - $10 試一試，個外皮好得，但入面的combination 味道麻麻地，不值得推介！服務OK，地方整潔，樓下座滿很多長者，樓上有很多女學生，都有些一人坐四人枱，我唯有撘枱，食完匆匆走人趕回去閛工。

今日難得早起身，就落樓買個早餐食下買左個新品 有餐肉嘅包 返到屋企打開個包裝 個包夾唔住啲蛋已經跌曬出來 係個包裝袋到咁我就無咩所謂喇，就打算食左啲蛋先 拆開曬個袋就發現有一粒黑色嘅嘢 🤏落去就扁左，係軟嘅，唔知咩來如果系🐭💩來嘅話有咁大粒 只🐭睇來都幾肥下 希望入面负责整包嘅靚仔靚女可以細心少少 就算見到有啲“料”都可以挑出來，畢竟眼不見為淨 希望下次自己下次唔會再咁好彩有加到料😅（點解想評個差評要寫200字 ）

2023.05.30【5.30 老麥 魚柳蝦堡@ 深水埗 麥當勞】明明答應自己要個健康新人類結果越是臨近6月我就知道自己會有回憶有情緒也好好氹自己容許自己情緒，同時排解情緒老麥，作為不瘦降之謎的鼻祖本來就會導致肥胖引發體重外形焦慮但。。。加班加到累極了不管了反正5月還沒吃過今晚就老麥吧碰上 蝦堡 回歸 就 再吃吧其實都記得去年蝦堡不像第一次品嘗是飽滿但有些事，就是情意結我最多加魚柳讓其豐滿一些所以我點了魚柳蝦堡看，果然高大了不少也沒有崩塌味道也是可以的配上薯蓉 和 芬達對我來說，老麥薯蓉比肯德基老爺爺的 薯蓉 更合我胃口這個餐的組合也太邪惡了吧是我所愛，也是滿滿回憶如果我想您，就借此 期間限定 的 套餐讓所有情緒抒發 或 吞下我會努力，也請讓我在6月快快見到他整體味道：♥♥♥♥♡環境：♥♥♡♡♡服務：♥♥♡♡♡衛生：♥♥♡♡♡抵食：♥♥♡♡♡♡ 麥當勞  ♡  ♡ 深水埗欽州街78-86號地下及閣樓 ♡

麥當勞作為全球最大的速食快餐店之一，其早餐餐點更是值得一讚。除了薯餅、炒蛋、漢堡扒外，還有各種口味的吐司、餅乾、鬆餅、煎蛋堡、鮮奶等等。而且麥當勞還會不斷推出新口味的食品，以滿足顧客的需求。在新年期間，麥當勞更會推出一些特別的早餐套餐，例如新年祝福套餐，以祝福客戶新年快樂。另外，麥當勞的服務也非常周到，店內環境也舒適整潔，是一個很好的早餐選擇。新年期間非常多人食，食物有一點凍，但期間限定的餐點就沒有太多要求了。

知道M記再次推出黑糖珍珠奶茶味，即刻撲去甜品站買！一直Fancy麥當勞嘅新地筒好耐，記得細個食嗰陣$2.5一筒，牛奶味正斗，所以呢次買都想保留返童年回憶，揀咗雙扭紋：一半原味、一半奶茶味，算係風險投資（笑）#第一次嘅嘗試沒有失望，特別開心就係加咗唔少珍珠，煙韌度啱啱好！奶茶味都唔錯，唔會超甜。呢間麥記鐘意在佢有樓上座，對住馬路，一邊嘆個tea，一邊loop住pop song，絕對係一種享受！

~新餐肉滋味薄餅+熱義式鮮奶咖啡($38)🍕呢排好似好興素食肉🥩，搞到我都好好奇想知道有啲咩特別🧐。咁岩m記出咗呢個一人都可以食的pizza🍟，就等我放lunch去試吓啦🕛。買完放低已經聽到隔離個妹妹係咁問佢爸爸👨‍👧，點解麥當勞有pizza食😂。食落去都幾有驚喜😙，原先以為啲味或者質感會怪怪地😝，點知食落去同平時嗰啲餐肉真係冇咩分別。pizza上面有洋蔥🧅，番茄🍅同可以拉絲嘅芝士🧀加埋厚切嘅生餐肉。原先以為餐肉加Pizza🍕會怪怪哋點知又幾夾喎😎。m記好貼心咁提供刀叉🍴，但我切咗幾嚿之後都係攞返手嚟食😂，始終都係覺得Pizza用手食先最好食🙈。

近排麥當勞出左個新包叫飯tastic，印象中呢款包係好耐之前出過，但隔左好耐今次又再出返，既然係咁就梗係要試一試佢啦，而今次就係係深水埗既呢間麥當勞，呢間印象記得都係呢個位置好耐啦～今次係外賣既，首先一打開個包既第一印象就係個包太細啦，size只係有一隻手掌左右咁大，份量黎講絕對係細份既，而包既餡料唔多，得幾片薄牛肉同生菜，佢雖然用左飯黎做漢堡包既外皮，但食落去個感覺係好似粱飯咁，而牛肉配合個燒汁都夾，加埋生菜都ok，但整個飽黎講唔算話太好食，只係一般般，而個份量仲要咁細份的話，下次應該就唔會再叫啦～

突然被一般想食pancake的想法去左買，然後見到淨pancake加杯野飲沒想像中咁貴就食下啦，仲怕唔飽加左個麥芝蛋包。有別於以往塗果醬見到有奶醬嘗就衝動了。煉奶同花生醬的部分比想像中多會3塊pancake夠用，但由於個人愛好花生再多d就好啦。pancake 鬆軟，用左煉奶化花生醬會易塗d但係就花生味被cover左巧多

平時黎m記叫開都係$14麥芝蛋包＋熱朱古力，但個日番工特別特別想飲咖啡又要不一樣的咖啡就變左飲mcafe的凍鮮奶咖啡，因為配料有得選擇所以轉用荳奶同低咖啡因。飲落變豆香咖啡相當唔錯，上面個層有口感的泡泡飲完成杯都有剩幾讚下。但埋單計數大概$24，貴少少的享受食完上戰場都醒神d

今日專登走去麥記食BBQ蜜糖麥炸雞槌。單買一件係$17。用為食咭買A區凍奶茶及B區兩件蘋菓批。總共$35.5。杯奶茶好大杯。好冰凍。夏天飲最解渴。個蘋菓批微温。好重蘋菓味。咬落好爽口。個麥炸雞槌微辣。食唔到有蜜糖。但肉質好嫩。屬上等食材。

甜品站出咗新雪糕，仲要係抹茶，仲標榜西尾，咁特別當然試下。新地加抹茶脆皮。其實比想像中普通。雪糕通常係好食嘅，落埋抹茶皮都正嘅，但係感覺啲嘢都係分開哂食好食啲。呢個窩夫筒堅料。雪糕加朱古力脆皮，連埋窩夫筒三樣一齊食超好食，成件事好夾。連埋上面枝oreo更多一重口感，堅值得試！或者因為試咗呢個先覺得新地咁唔夾.. 話番轉頭或者因為我買果陣太多人排，職員心急未等朱古力醬凝固就急住俾貨，結果瘋狂漏，同埋做唔到宣傳圖果個包得勁靚嘅效果，雖然多客要做快啲，但係咁樣出貨又差咗少少。

今日eatmug9 #57自從做咗健身寶寶之後好少再掂啲煎炸油膩嘢都不知麥當勞為何物唔講唔知 原來麥當勞出咗下午茶餐今日走咗入去避雨無意發現到$16 畀你揀 A B 各一款食物彈性都幾大 總有一款啱你口味我就揀咗豬扒蛋包搭杯凍啡(係得依樣要加$3)快餐店用料質素好極有限塊豬扒肉質冇乜彈性 肉汁更加不在話下只係靠隻煎蛋同芝士carry 住至於杯coffee 呢奶味比較重 冇咗咖啡豆嘅苦澀味小弟都對依方面冇乜研究都唔多評論$16蚊都算係咁喇求醫肚嘅話都可以當係一個選擇。

外賣早餐同男朋友一齊食~用點餐機點完餐就行過去mc cafe睇下有咩野食,順便等攞餐~點知聽到有個女人同收銀嗰個姐姐講話記著執齊啲野食比佢, 上次執唔齊返去比人鬧, 本來我都係聽完就算。聽到叫號, 我問個姨姨係咪齊啦? 佢冇應我。我拎到個餐都大概望下有冇咁多樣野。我點左個扭扭粉餐, 珍寶套餐同埋一個男朋友特別想食嘅麥芝蛋包。我大概望到有碗粉, 有個熱香餅盒同一個脹脹哋嘅紙袋, 就以為個袋係袋住個麥芝蛋包, 冇仔細打開個袋就走左。返到去打開個袋先發現佢竟然執漏左個包,個袋入面得兩塊薯餅😑, 又行返十分鐘返去拎返個麥芝蛋包, 再行返返去食🤦🏻‍♀️個呀姐拎包比我嗰陣雖然有講唔好意思, 但佢係黑面嘅🌚啲野食凍左冇咁好食就一定㗎啦, 諗返個呀姐啲態度更差, 食個早餐又漏野又要睇人面色🙄經過今次教訓,下次買外賣都係要記得開袋check😌

麥當勞間唔中會推出期間限定嘅包，今次蝦堡嚟啦，好味嘅程度趁住推出一定要再試。今日用麥當勞手機訂餐，訂魚柳蝦堡餐配增量裝脆薯格再加埋新推出嘅熱帶菠蘿特飲，有減$3優惠。呢期Wechat 有推廣優惠，我再用埋Wechat 俾錢，抵上加抵。先講魚柳蝦堡包，果然無失望，係好好味，生菜很新鮮，魚同蝦堡都很夾，脆薯格好鬆脆，今次呢款菠蘿特似，比想像中好啊，因之前試其他款都太甜，呢款反而感覺很清新，唔太甜。整體唔錯，真係希望蝦堡經常推出就好啦！

呢篇食評俾咗個負皮，其中大部份係關於個雪糕嘅，餘下嗰部份係關於麥當勞排隊處理安排。是日肚腩男行街經過見到途人揸住個藍色雪糕，就一於試下新野啦。首先排隊已經10幾人，買完呀姐就會叫你入去嘆住冷氣等。點知入到去塞滿20幾人個個揸住張飛好似輪街症咁樣樣等雪糕。等唔係問題，可惜佢唔係叫Number嘅。佢個方法去排隊再比張飛仔雪糕姐姐為你即場煉製，所以避免唔到插隊嘅人同您爭雪糕。等左10幾分鐘，好似去街市咁迫返出嚟，終於有機會品嚐藍色雪糕啦。一奶落去就知奶野，鹹味同甜味撞埋一齊根本就係唔夾！感覺就係好似食咗一口即溶嘅鹽係口，甜味焗住爆唔到出黎，越食越鹹食左三啖好唔容易搵到垃圾桶，諗都唔諗黎手揼咗佢。總結唔係樣樣味係可以夾埋，個人感想哩個期間限定真係伏野