鳳園冰室

營業中

休息中

早餐外賣自取雪菜肉絲煎雙蛋米粉食食吓再仔細看更發現有小強！完整一隻！打算打電話查問究竟電話被cut線！即刻連杯嘢飲都唔夠膽飲！最大問題是衛生方面。餐廳外邊，已經見到桌布不太乾淨，有些污跡。還不止，再望向後面，地上居然有便利牙線！好噁心！！！環境太污糟了，又不是繁忙時間服務生也不收拾清潔地方。冇諗過外賣自取都係咁！這樣差的食物和環境衛生，以後也不會再去啦！！！太!!!!!過!!!!!!!!份!!!!

上個禮拜六和女友行完飛鵝山經沙田坳道落番去準備到東華三院黃大仙醫院探病，望下鐘又未到探訪時間，咁就搵間餐廳食個下午茶先。誤打誤撞記發現呢間餐廳，裝下入面見到細細間但都算乾淨企理，咁就入去試吓！一坐低就見隔離枱有個貌似林敏聰嘅哥仔食緊碟粟米六粒飯、憑住佢嘅賣相已經有少少驚喜，可能林敏聰𥄫到我偷望佢碟飯、佢就以熟客嘅口吻推介話呢個粟米六粒飯掂呀！我就話睇得出啦！😅之後佢再推薦呢度嘅咖哩吉列豬扒飯仲正，當時就決定下次一定要試吓啦！咁我和女友就食咗西多士餐和餐肉蛋三文治，兩樣都ok好食、而我杯茶走少甜都唔錯🤗滿足後就啱啱夠鐘行返醫院探媽媽！今日又到醫院探望後，帶家姐去到餐廳、正值午飯時間（1:30pm)望見高朋滿座，只好行過對面嘅友誠閑逛打發時間。過咗十分鐘再返去就有位了！第一時間梗係叫個咖哩超列豬扒飯啦！可能真係即刻整嘅關係，等嘅時候比其他人嘅食物耐，心諗好食嘅嘢係值得等嘅。😋終於出場啦，賣相都可以，咖哩味道比一般茶餐廳認真，只係我覺得可以多番少少汁🤏而吉列豬扒炸得鬆脆帶有肉汁，整體來講算中上水準！但係下次再食可能會試吓咖哩牛腩或雞扒😋美中不足嘅係如果價錢可以再平啲就完美喇！

如果你哋一家有小朋友嘅去呢間野就要小心d喇 佢地個老板娘(唔知係咪)應該係一個好唔鍾意小朋友嘅人 如果小朋友好動又會扭下計咁 個女人會拿拿林趕你走 極度不有善 又冇禮貌 服務態度極差！

耐不耐會專登來光顧其早餐，偶然看到有客早吃午餐，見到的碟頭飯賣相相當吸引，今早來到終於在11時吃午餐了，就是這碟蔥油豬扒飯，蔥包括洋蔥及青蔥，廚師可以炒出甜及香嘅蔥油，青蔥質感相當高水準，豬扒炸後有脆口帶肉汁，飯底可以不太粘就好了，如果加上乾蔥相信會更好，一間物超所值嘅餐廳。

鳳園是黃大仙區比較溫暖又好味的小本經營餐廳。品質好，例湯正，有時店員仲會問你要唔要多碗，好窩心！即使外賣都係熱辣辣的，通常半小時內送到。送外賣的先生都好禮貌。炒飯有鑊氣，蒸餸又夠味。冬天還有好味煲仔飯！即叫即做，雖然等得比較耐，但真的有黃金飯蕉又唔會燶曬值得一試，經濟實惠

特別的早餐,早餐唔係咩大大分別 勝在價錢吸引,畀附近平少少, 環境一般,地方很少,都係街坊生意為主 order咗沙爹牛肉麵,豬柳蛋套餐 ,味道尚算可以,不過不失 ,如果跟附近其他餐廳相比不過不失 不相伯仲各有千秋 勝在價錢真係平多兩蚊 ,所以先吸引到我去試

好少會在同一地方寫第二次食評，在此事先聲明，我不是打手，也不是什麼食客，只是普通街坊而已。隔了一段時間再來，發覺食物質素比之前更好了，勁足鑊氣味道佳！湯水亦比以前好難怪客越來越多啦！依然有種回家吃飯的感覺

唔知各位黃大仙友有冇聽過鳳園冰室呢間茶餐廳？屋企無煮飯嘅日子 爸爸永遠都係提議食鳳園（係嘅 平靚正 用心製作 但我有時都會抗議爸爸無嚟新意😂）爸爸無新意 但係鳳園有 最近咁凍 佢地就出咗煲仔飯🤤🤤大家都知宜家廟街好多煲仔飯都... 唔知係咪一碗白飯放落去扮煲仔咁😂 反而普通餐廳仔有時仲有驚喜今日叫咗油鴨脾煲仔飯 爸爸教落 落完鼓油要再蓋蓋 焗多陣d飯焦先夠正😏Whoa😮 油鴨脾少少偏鹹 但撈飯幾正 飯焦（無影到）好脆又唔會黑色一舊 好味另一款係我個人最愛 鹹魚土魷煎肉餅呢啲先係真正嘅極邪惡！煎肉餅比蒸熱氣 但好惹味🤤 一碟有5件 餸2碗飯都夠值得留意係每個飯都跟明火例湯 日日唔同 無味精！（圖中係花生粉葛豬骨湯）係住家飯嘅味道😂 飯同湯都任添㗎 加$5就跟埋凍熱飯同爸爸兩個食到飽飽 要打包 但埋單只係$115 性價比極高 老闆又好nice 真心值得支持

呢派收工已經好夜，好耐冇食過屋企飯呢間簡直係絕望處既唯一生機平時夜晚真係食慣左，今日男朋友晏晝放假，就想同佢試下午餐我地叫左個西芹炒青衣柳。如果你鐘意食魚真係可以試呢個唯一唔好就係青衣柳唔夠多hahahaah油係多d，但係炒得真係好有穫氣！同埋係即時炒俾我地，唔係本身整好再翻炒就算膽固醇會超標都一定要試佢呢個土魷肉餅佢係比較薄身，但食落真係好入口即溶超好食！*不得不提，夜晚係有湯飲！老細真係好友善，成日都驚你唔夠飽，係甘問你要唔要加湯加飯（唔收錢）

第一次幫襯，主要食煲仔飯，第二次幫襯，主要食小菜。客飯小菜勝在夠鑊氣，熱騰騰的煲仔飯足料好味，最重要是整體服務上給人有一種回家吃飯的感覺！老闆親切又不太計較，有時候很識做地給你多碗湯或飯，實在有點不好意思。小菜煲仔飯價錢經濟實惠，很值得推介！