饃饃餃子

營業中

休息中

喺地鐵站附近一出就到，小店嘅位置偏細，大概得四個位左右，要堂食嘅話太多人就未必可以。爆汁薯仔香脆波波，$40，8舊，入面有擺薯蓉，食嘅時候可以唧啲凍嘅汁落去，個汁個味係香料再加薄荷，感覺好清新。而且可以整好多汁入去，個口感好特別。黃金牛奶，$30，好重薑黃同埋香料味，的確足料。招牌爆汁蒸饃饃餃子，$70（10隻），的確有做到爆汁嘅效果，味道主要靠額外點嘅兩隻汁來帶出。香煎饃饃餃子（薯仔素菜），$35（5隻），口感香脆，薯仔同餃子融為一體，配埋兩隻汁有錦上添花嘅感覺。兩隻就分別係蕃茄香辣汁同芝麻花生汁。個人認為芝麻花生汁個味特別啲。

上一次嚟撞正佢冇開門試唔到，今日再嚟到西環睇戲決定搵番佢嚟食！尼泊爾菜真係好罕有，見識淺薄嘅我真係第一次試，所以對款款菜式都感覺好新奇🤭舖面細細主要係做外賣，座位有四個，不過食物以餃子同兩三樣小食為主，所以舖頭咁設計嚟到當然係試餃子啦，主要係揀咩肉同咩汁，叫咗兩碟一碟蒸一碟煎兩款汁各一，辣辣地嗰款好香又唔會太濃，好合我口味。另一種就好似串燒會搽嘅嗰種沙爹汁咁，好濃郁仲好香花生，重口味愛好者一定要㨂呢款！另外叫左兩款小食，一個薯波一個芝士波，薯波好正必試呀！

路過見到呢間餐廳，被佢藍色嘅牆壁吸引住🤩店舖內充滿住異國嘅尼泊爾風情裝修好有心思，係一大打卡位之一！😍嚟到當然要一試好出名嘅香煎饃饃餃子🤤店主好好人，比曬兩款醬汁我地試，分別係花生汁同辣汁☺️兩款都好夾餃子味道配合得好好！😆但個人都會比較鐘意花生汁！夠曬特別！另外，亦叫左乳酪紅石榴薯仔波波😋呢款係尼泊爾地道小食嚟！本人曾經試過係尼泊爾食過，一對比下味道真係差唔多！而且比尼泊爾嘅更好食同多材料😚正！

相信呢間其實都唔洗推，因為人氣已經好高，儘管小店只有四個位，仍然不影響我心心念念想食佢嘅慾望，係我一向輕食快餐之選👍🏻.不過已經隔咗應該最少半年冇食過喇～今次再食到有少少興奮🤣.堂食steam momo熱辣辣，出晒煙，皮薄又多汁，肉甜，重點都係個醬。有兩款：一款係花生芝麻醬，另一款蕃茄香辣汁。兩款都好好食嫁。其實除咗撈麵沙律無食過之外，另外薯仔波波都係勁好食。試過外賣薯仔波波都好食，仲會好細心咁有instructions card教埋點食先係最好。💛 會一直繼續支持你地嫁。

終於都一嚐 堂食嘅饃饃餃子舖頭比較細 堂食都係得3-4個位所以啲人都係外賣為主除咗餃子 仲有啲脆波波招牌爆汁煎饃饃餃子 (雞肉) $48煎得好香配個酸酸辣辣嘅蕃茄汁 又香又惹味蒸饃饃餃子 (豬肉) $48一咬落去爆晒汁花生汁好濃郁 就咁食都好好味兩款momo都好足料煎同蒸都好食 豬肉同雞肉又都好食蕃茄汁同花生汁繼續都好食 唔係好揀到邊款好食啲建議可以試晒🦦爆汁薯仔香脆波波 $40外面嘅波波脆卜卜 入面全都是薯仔加咗凍湯之後就啪落口 香料味有啲重如果加太多 味道會有啲衝擊😂對我嚟講 加少少就已經足夠了🫣

爆汁薯仔香脆波波 $40Dahi Puri 呢個係佢地嘅特色薯泥酸奶餡炸波波，就算放左一陣都保持到薄脆嘅口感😋 佢地個汁很好特別，薄荷再加上微辣嘅味道非常容易入口，令我食唔停口👍🏼This is their special Dahi Puri. Mashed potatoes inside a crispy shell had a very interesting texture. The sauce was minty and spicy at the same time, which was very appetising. 招牌爆汁蒸饃饃餃子 $48Steam Chicken Momo 尼泊爾餃子肉汁多而鮮美，傳統煮法是蒸，然後蘸醬汁來吃😎 今次揀左蕃茄香辣汁，呢個亦係當地嘅傳統特式醬汁👏🏼Momos are a traditional dish in Nepal. They are juicy and had a packed filling. The sauce was a spicy tomato sauce, which is also one of a staple s

年初一.出去西環揾野食🥰🥰行見有間特色店，鋪頭細細間，有4個座位到，室內裝修尼泊爾風我地 叫左招牌爆汁蒸饃饃餃子（雞肉），喜馬拉亞芝心波同1杯特色奶茶(唔記得個名)招牌爆汁蒸饃饃餃子（雞肉)多汁夠鮮味，仲可以買唔熟返去自己整，加埋佢個 特掣汁，正喜馬拉亞芝心波芝心波一般，似薯仔波多D特色奶茶(唔記得個名)香料味重，有特色，不過自己唔太好，屋企人話好飲

某知名YouTube Channel介紹前已經想試，終於有一次的起心肝，lunch去試一試佢鋪仔細細，啲裝修好有異國風情，襯色好靚，店面有5個位，細得嚟都坐得舒服嘅我哋叫咗一客蒸豬肉餃同一客煎雞肉餃，醬汁就揀咗一辣一唔辣，蒸豬肉餃入面係熱湯，餡係好有咬口嘅豬肉，食落似小籠包，但比小籠包更好食，雞肉餃就煎到皮脆啱啱好，辣嗰隻汁係小辣嘅程度，唔辣嗰隻汁就重花生香，兩隻都好開胃好惹味老闆娘好好人好好笑容，下次要試埋其他嘢食！

依日小編約咗好耐冇見嘅朋友聚舊傾下偈，揀咗西環嘅一間尼泊爾小店試下 🤗［ 亂闖試食 ］🍽 乳酪紅石榴薯仔波波 (凍) 😋😋😋😋😋嚟到必嗌嘅尼泊爾菜式，原來係食嘅時候唧酸甜凍湯落波波至近滿，然後成個放落口食，依種食法感好新鮮！😉 波波本身已炸至乾身，脆脆地，加咗酸甜凍湯之後，亦會咬到一粒粒紅石榴，仲有乳酪同薯仔嘅軟綿口感，整體好清新！😚🥟 招牌爆汁雞肉餃 (煎) 配蕃茄香辣汁 😋😋😋😋😋餃子係即時煎嘅～ 餃子皮底部煎得焦香，色澤好靚！😍 保留到內裡嘅雞肉肉汁，雞肉肉質唔錯，而佢哋自製嘅蕃茄香辣汁係惹味嘅辣，似Tabasco 但又多一份蕃茄嘅酸甜！😚午餐 💵 約港幣$40/人 💁🏻‍♀️ 小店由一對夫婦經營，店內只有3個座位。如果去到真係冇位，大家可以考慮外賣自取㗎～🙆🏻‍♀️ 最後，喜歡嘅話，歡迎follow @foodirectory.hk ！

今日專登走去試西環饃饃，食既唔係mo mo 餃子，係食佢嘅麵沙律同Pani puri. 老闆好好人，堂食可以Pani puri 同 dahi puri 各一半。😋可以試晒兩款口味。老闆娘上菜後都好細心，會詢問我有冇食過，因為兩款汁料都有唔同食法。入口波波非常脆，加埋個汁一口放入口，相當特別。而另一款都沙律都好好食，食得辣既朋友一定覺得回味，下次一定會嚟再食多次。有機會都會試埋個餃子，進食途中都見到好多人嚟買餃子外賣👍👍👍

門口細細，但內裡色彩繽紛，唔係成日經過都見唔到呢間野，又唔多見有人，原來係外賣為主，尋日睇完 網上推介 今日就黎試下個豬肉煎餃先，$48蚊就有8粒，仲要即叫即煎大大粒，煎完出黎熱辣辣唔多油，真係要現場食先享受到佢既美味，調味適中，勁多肉汁，配埋個花生醬汁啱哂我口味，下次再黎食過，下次叫埋老婆黎試埋個雞肉蒸餃同個薯仔波波先p.s.原來有得雙併餃子仲可以試多d味總結：味道唔會輸俾連鎖店，多d支持小店先有多d選擇

查一下堅尼地城有甚麼素食，發現一間唔係Cafe唔係西餐即刻好想食！藍色小店由尼泊爾老公與香港人妻主理，主力做外賣，想坐低食只有幾個狹窄座位，唔介意就OK。素食菜式有四個，除了一款有乳酪之外，其餘VEGAN，仲有Masala香料茶飲添！堅尼地城站C出口一出就見到㗎啦，7-11便利店隔離少少，藍色門口好搶眼嘅。現場有4張椅可以坐，整間店都走色彩路線，地上花磚好有特色。仲有做應緩添。兩款薯仔波波、薯仔煎餃和撈麵沙律都係素食，除了有乳酪的那款，其餘三個都係VEGAN。想買生餃儲糧自己返屋企煎亦得。薯仔波波和煎餃都要試下，所以煎餃揀了細份，兩樣加埋埋單都係HK$70，超抵食！ 爆汁薯仔香脆波波HK$40/8個 (VEGAN)薯仔波波叫「Panipuri」，有些印度餐廳也吃到，也是尼泊爾街頭小食，入面塞了香料薯蓉，吃的時候先將用薄荷、芫茜和香料製成的凍湯唧去，再成粒擺入口食。外脆內軟味道豐富，特別又好玩有趣。 香料薯仔煎餃 HK$30/5隻 (VEGAN)圓圓的煎餃子很可愛，可以自選番茄香辣汁或芝麻花生汁。這個辣汁係微辣，唔食辣都可以刺激下，下次我再試埋個花生汁先！餃子入面就係滿滿的薯仔，兩個加埋

突岀尼泊爾餃子🥟店簡單裝潢 顔色搶眼PORK MOMO WITH SPICYTOMATO CHUTNEY $48/8餃子皮整得岩岩好 唔會厚一咬落去有爆汁 豬肉味濃有啲似小籠包咁 食完一隻就會想不斷食 加上自家番茄辣醬 酸酸甜甜又辣辣哋好開胃 PANI PURI $40/8脆波波真系脆㗎耐放咗都好 都依然咁脆口成個放入口 薯仔🥔嘅香湧岀嚟 味蕾享受啊 脆波仲可以倒凍湯落去一齊食 又會有另一番味道MASALA CHAI $30飲落有薑味 唔會甜仲好暖身 食一食嘢再飲 都唔會搶味撐小店💛✌🏾

𠵱間開咗年幾嘅迷你店，吸引咗好多人嚟朝聖，我今日都要嚟試試佢😜-必點爆汁薯仔香脆波波 ($40/8隻)同埋爆汁豬肉煎餃 ($40/5隻)，不得了，前者好有驚喜，第一次食𠵱款食物，食之前倒入綠色💚嘅凍湯再啪入口，薯味香濃，餡料豐富，最抵讚係有芫茜🌿！仲有多種香料、紫洋蔥🧅粒粒 加埋有碎顆粒嘅薯蓉同埋少少咸同薄荷香嘅凍湯🥘，真係非常惹味，好想食多幾個。至於個尼泊爾餃子 - 饃饃(MoMo)最特別係洋蔥同肉🥩嘅比例幾乎係一比一，我自己就極啱心水，好香口，即叫即煎，食落唔油膩，配埋個花生🥜醬又幾夾，有啲後悔只點了5隻！佢仲有急凍餃子賣，可以考慮買返去加餸

想試好耐嘅尼泊爾餃子店即叫即蒸 落單後大概等5分鐘就拎得拎到返屋企 雖然有啲倒汗水 但啲蒸餃完全無爛亦都好易夾起 無甩皮🤣.1) 乳酪紅石榴薯仔波波有附食用教學🤣 將薯蓉同乳酪放入波波 再倒入凍湯成粒放入口食薯蓉有少少辣 味道同乳酪凍湯好夾我好欣賞😆.2) 蒸豬肉餃子3) 蒸雞肉餃子兩款餃子嘅味道就有啲似韓式餃子 無太大驚喜蕃茄香辣汁同芝麻花生汁都試咗 味道都唔錯.薯仔波波比餃子更特別去開堅尼地城可以試吓另外小店內都有兩三個座位 可以坐底食