餓底

營業中

休息中

行行吓赤柱突然間落雨，想搵間餐廳食下午茶，見到有間新開嘅茶餐廳叫「餓底」,個名好岩feel 就試試佢😂下午茶tea set 價錢都幾吸引，性價比好高，揀咗好耐都揀唔到食咩好，因為好多都想試😂餓底漢堡下午茶餐😋😋😋面包烘得好香脆，令人覺得好驚喜漢堡食得出唔係一般普通嘅漢堡扒，係Juice嘅牛肉漢堡扒，正最令我欣賞嘅係用一個舖頭自己做嘅腐乳醬 ，雖然冇好濃郁嘅腐乳味，但係確實俾一般嘅茄汁出色，好有fusion 嘅特色 ，亦都睇得出藍帶廚師嘅用心❤️蔬菜沙律嘅沙律汁都好好味，亦都唔係一般茶餐廳嘅罐頭雜果沙律，真係令我好surprise下午茶餐有得加配小食，加咗$25要一碟外父炸雲吞外父炸雲吞，真係好好味，小朋友已經食完一舊又一舊😂雲吞皮炸到脆卜卜，入面嘅肉都仲係好Juice金磚西多士，加$5可以有雪糕，可惜小朋友有幾聲咳，與雪糕無緣雖然今次冇雪糕，但係都已經覺得好好味，希望下次可以試一下加埋雪糕嘅version 😋熱狗配啤酒薯條啤酒薯條嘅質地，一向係我最愛嘅薯條估唔到茶餐廳都會有咁高質嘅薯條👍🏻👍🏻👍🏻有個好靚嘅手繪壁畫，全部都係啲茶餐廳嘅術語，好正👍🏻

呢區有新餐廳，而且個招牌設計又比較特別同新穎，梗係要去試吓啦。呢度嘅白飯係任裝嘅，唔夠可以免費添加。價錢同出面新式茶餐廳差唔多，但佢哋個碟頭比出面嘅大，所以價錢甚至覺得更加值得。味道同出面新式茶餐廳差唔多，絕對唔會係難食或者有伏，當然都有少少改進空間。如果撞正收工前去食，老板都唔會想浪費啲食物，佢哋會攞剩餘啲湯出嚟問啲客想唔想添，咁樣都幾好，唔好浪費啲食物。所以喺呢區嚟講，算係好好，呢啲香港人自己鍾意食嘅味道，俾當區居民多一個選擇。你話佢係咪食嗰啲小食嘅茶餐廳就未係嘅，其實都係以半茶餐廳半小菜呢種模式咁啦，即係你唔好expect有菠蘿包啊呢啲，但係都已經有足夠嘅選擇，尤其是俾當地居民、學生、上班人士等醫肚。招牌設計新穎，笑哈哈個樣夠樣衰，入邊嘅裝修乾淨（呢個好重要）。仲有一啲唔同嘅字樣嘅設計，有香港味道之餘又夠潮。旅客如果識路，可以唔需要淨係食赤柱廣場嗰啲。美中不足係有條樓梯仔先上到去餐廳，對老人家嚟講可能唔係咁方便。當然佢地都提供外賣啦，試過都唔差。

味道很好 点了很多菜式菠萝梳打特饮很好喝！例汤是番茄罗宋汤，里面加了柠檬非常清爽 很喜欢下午茶的薯条也很好吃！店员非常周到，服务热情；店面环境也干净时尚，不拥挤，座位舒适，很喜欢而且价格也特别好！特饮是28，其他的饮料大部分在20元左右 饭的价格也不贵～

最近 赤柱打鑼打鼓，開咗間新餐廳又話有藍帶廚師主理又話後生仔班底致力提供赤柱街坊好食又抵食嘅飲食選擇喺面書地區專頁都見到有唔少街坊讚佢食物質素 豬扒好食 奶茶好飲 地方乾淨 服務到位所以 身為赤柱街坊梗係要 專登落去試吓地方感覺係唔同咗嘅由赤柱酒家演變到赤柱小館，而家就變咗餓底地方乾淨咗 裝修簡單 勝在光線充足 感覺到清新後生仔當梗係用後生仔方法營運掃QR code落單，又方便 又快捷 一目了然 👍🏻後生仔黨 當然要玩創意 搞搞新意思一直好期待 藍帶藍帶 會有啲咩新搞作呢？係咪將法式料理融入香港茶餐廳文化？掃一掃 望一望菜單比較保守 款式一如既往 既然街坊話豬扒好食 咁就試吓豬扒啦焗豬扒飯好？定係 XO醬炒豬扒烏冬好？焗豬扒飯相信自己都已經整得好好食炒烏冬反而需要啲技巧烏冬本身要彈牙，炒得夠唔夠鑊氣又係另一個重點豬扒方面 個人比較喜歡鬆軟有肉汁而且味道要有層次感，死鹹死鹹好難食㗎嘛手機落單之後10分鐘大家都讚嘅奶茶到啦望落去顏色有啲不對點解？？一睇就知奶多啦！你都唔緊要 茶味夠係可以cover到飲咗一啖，果然……只係飲到花奶未？紅茶味呢？唔見咗嚕。再等咗8分鐘，熱辣辣嘅炒烏冬出場啦外表