飯飯包掂 (已結業)

天婦羅蝦烏冬變雜錦烏冬，仲要話開業超過2年，個外賣都未識擺。天婦羅蝦烏冬變雜錦烏冬，仲要話開業超過2年，個外賣都未識擺。天婦羅蝦烏冬變雜錦烏冬，仲要話開業超過2年，個外賣都未識擺。

🥢🍲飯飯包掂​📍（聯和墟）粉嶺和豐街28號囍逸地下G03B號舖 （對面係恒生銀行）​👉🏻👉🏻 menu​📢晚市只提供火鍋📢店員會拎火鍋醬料比客人自選​圖1️⃣& 2️⃣濃湯砂鍋雲吞雞 $288用12小時熬嘅湯果然好濃郁（不過有少少鹹，一開始揀嘅醬料冇用過🙈）超多娃娃菜，好新鮮同入晒味😋想講個雲吞好好食，個餡唔單止有大大隻蝦，豬肉仲新鮮嫩滑，出面街好多時食嘅豬肉餡比較實正，但呢個豬肉好嫩，好少食到，雲吞皮仲要薄👍🏻。隻雞一開始食好嫩滑，但可能我地冇較細火一直煮，食食下有少少韌。成個鍋黎講都幾高質，濃湯靚料，好少出街食到咁鮮嘅鍋，唔錯唔錯​圖3️⃣豆漿 $20 & 烏冬 $2x （menu冇）超大杯豆漿&用日本烏冬，都係正常發揮冇特別​（評分：5杯☕️最高分） 食物：☕️☕️☕️☕️ 環境：☕️☕️☕️☕CP值：☕️☕️☕️☕2人食飽到上心口服務：☕️☕️☕️☕​✨會再幫襯? 會，但下次想食lunch有得鋸扒​最後有少少野想record，近排見到幾間良心結業，先發覺死啦，自己好似冇以前咁堅持，係時候要做返以前一直堅持嘅野，btw呢間真係好食，但人流唔多🥲希望唔好等佢執笠d人先黎幫襯​仲有少少建議比餐廳：晚市淨係火鍋可能選擇太少🤔

閒日午餐時間，入到聯和墟周圍都係人，經過良心餐廳見有位，一直冇試過，就入去睇睇。午餐有好多選擇，以前聽講出名魚柳包，不過而家冇再出。我哋叫咗一個special menu 上的蔥油豬扒飯和卡邦尼意粉🍝。蔥油豬扒飯黎到，有兩塊豬扒仲有煎蛋🍳，隻蛋燶邊，豬扒淋，味道好，份量又夠食，真心好食。正😄不過個意粉的汁太稀，冇乜味，同埋淨係得幾塊煙肉，個人不喜歡。飲品可以揀紙包飲品，我就揀咗烏龍茶。每個飯都跟飲品又有湯，性價比算好抵。

由天平邨街市轉粉嶺都幫襯過幾次,耐無去轉咗3點開始無下午茶,要落場,服務態度好,環境好清新,上幾次食嘅都係卡邦尼意粉,今次食超級鐵板雜扒意粉,好多料有薯條,扒,腸,菜都好好食!

自己好中意試D未食過嘅餐廳，今次呢間係其中一間。網上LUNCH食評唔多，大部分都係晚市食評，不過見評價都幾正面，去到睇埋門口嘅餐牌就決定試一試。如果係平時嘅話，我一定會揀焗飯，但當日只得11、12度，又吹好勁嘅北風，顯得特別凍，最後叫左兩個石頭鍋飯~😏暖下身芝士豬軟骨溫泉蛋石頭鍋飯 $78芝士同豬軟骨份量好多，多到完全見唔到下面D珠珍飯!! 首先半個飯同溫泉蛋、芝士、豬軟骨撈埋，另外半個飯原封不動😌有蛋果邊嘅飯會比較濕潤、有拉絲之士、好芝味；而另一邊就等佢慢慢成飯焦，白飯吸哂豬軟骨嘅油而變後好有油香，加埋少少飯焦，非常好味!!😋芝士照燒雞扒溫泉蛋石頭鍋飯 $68兩個飯嘅賣相幾乎一樣😅 但講味道，我個人就比較中意豬軟骨🙊。一定要讚一讚，呢度個石頭鍋真係好夠熱，食到尾D飯依然熱辣辣、出哂煙!! 食完成個人即時暖哂😌另外，午市時間除左跟左一碗紫菜湯外，原來仲會送餐飲，特別D居然可以揀凍豆漿😯啱哂做完GYM嘅我~~🤤

🤝🏻手足魚柳包 $18 (+$20轉套餐)（3.5/5）套餐包左粗薯條&飲品，全部都係即叫即整熱辣辣🔥menu寫住炸扭紋薯條，本身以為係扭扭薯條，點知係粗薯條🙈啱啱炸起雖然有少少熱氣但係好脆好好食，份量合理🍟魚柳炸到好脆身，醬汁味道唔算好夾，而包稍微烘過，不過略嫌唔夠軟熟🥯 整體黎講係唔錯嘅，餐廳都好有心做，絕對要支持下😾🙌🏼btw, 魚柳包好似係下午茶餐，但係個日遲過5點去到店員都好好人同埋好熱心咁照整俾我哋食🥹🫶🏼

有鍾意嘅餐廳，記得盡早支持🥺！之前好凍嘅時候，外賣咗［酸菜魚］返屋企食，感覺比以前天平時買到嘅少咗魚片，但仍然係都有厚厚魚片，又鮮味。仲有鍾意佢配菜好足料， 又多花款，酸菜煮到勁入味，配埋薯粉吸晒啲湯，好好好好食！少辣都幾勁架，食到我地出晒汗😂，但好過癮！仲加咗個鴨血，感覺一般，唔算好滑。個酸菜魚仲跟埋蠟燭，可以一邊加熱一邊食，好正

朋友食過佢嘅雞煲，推介我試下，話成煲外賣返屋企俾埋個火，唔駛洗咁多野。晏晝打去book 夜晚拎，早咗dd 到都即刻有，店員俾一個大嘅白色盒加一袋有3碗湯，唔係講笑都幾重😂😂返去打開個盒嚟睇下有咩，除咗個雞煲之外，有兩個火，一大一細同埋有個架俾你晾起個雞煲。打開雞煲嚟睇面頭有d 芫茜芹菜紅棗等配料，先倒兩碗湯滾滾佢，個湯好香，胡椒味出晒嚟。不過個火力就爭dd😂😂，等嘅時間都幾長先滾🤭d 雞幾滑，唔錯，胡椒雞呢個配搭真係冇得輸，如果有埋咸菜就好，豬肚份量都多，豬肚唔會有臭味又夠乾淨，個雞煲話3~4人食，但我地4個人食都食唔晒d 雞。食到一半左右，真係冇火，都係要換返煲同爐嚟食😂😂😂，下次會應該會直接用爐。幾過癮又抵食，值得一試。p.s. 打開之後掛住食，冇再影相🤣

喂呢間wo!!北區人點可以未食過呀😎⁉️😋👉🏻 #飯飯包掂 🐟🐟🍔 #魚柳包✨有double/單層😝好野梗係打孖嚟✌🏻#三萬完蛋卷 🧈👌🏻好名好名💯😌以為係普通玉子燒🥚點知內有玄機👍🏻熱氣都要食埋炸雞脾🔥炸薯角🔥我呢個下午茶🕒好滿足！！然後即刻要飲涼茶下火先得😂😂😂我見午市好多款飯都勁吸引晚市仲有火鍋雞煲烤魚😍😍😍之前舊店係 #上水天平邨依家搬咗去 #聯和墟囍逸 🥳就腳d~近我好多🤘🏻我放工去食勁方便一定要再去食過🤩yeah~

本人試過呢間舖頭lunch, 下午茶，晚餐😉我會比較推薦佢嘅午餐同埋下午茶，因為性價比比較高而且多啲選擇，因為晚餐來講佢只有比較heavy 嘅雞煲邊爐同烤魚，如果想食清少少就未必啱你🙂 menu 選擇認真真係唔多，而且配料都好少 🥶但係我上次去食已經係試業期間，希望佢哋而家有進步到啦講返今次先，我係晏晝去食嘅叫咗個石鍋飯同埋牛肉麵，石鍋飯嘅味道唔錯，不過就好似冇飯焦啦🥶而且最失敗嘅地方就係面頭嗰隻蛋竟然熟晒，啲蛋黃都冇流出來🤣 我就鍾意個牛肉麵多啲！佢另外會送一碗湯，同埋嘢飲可以晌出面自己jump! 環境方面唔算太細，我一般來講如果係晚市都會俾你坐卡位，服務態度都好好啦，呢樣對我來講都好重要👍🏻💛間舖頭位於刁鑽嘅角落頭，唔係住呢頭嘅朋友仔可能要搵搵，可能因為位置比較隔涉，夜晚真係冇人幫襯，如果見到呢個post，經過就支持下啦🥺🥺🥺

粉嶺聯和墟出名多野食，今次試左一間烤魚好好食，牆身既漫畫都好吸引，入到去，d位坐得好舒服，餐廳入面有酸菜魚，雞煲同烤魚，我哋兩個人就揀咗酸菜魚，由於唔食得辣，我哋擇左小辣，條魚一黎到，超大條，我每次食酸菜魚都會想飲佢嘅湯，飲咗一啖好惹味，初頭個湯有少少啖，但係越食啲味出晒嚟，入面既配菜都好吸引，有金菇，薯粉，豆腐，木耳等等，其實都夠飽不得不提入面既服務員好細心、服務態度良好豬紅比想像中好味酸菜魚份量都算幾多，我同女友兩個都好夠食安格斯牛肉食肉獸的我當然要點牛，睇落都唔錯，味道雖然同在日本食有Ｄ差距，但其實都算唔錯。

酸菜魚地道嘅食法係，無論如何都會有啲辣，似乎辣先至係酸菜魚嘅精粹，但終於畀唔食辣既我搵到一間真係完全唔辣，只有酸嘅酸菜魚。酸菜魚無辣，完全唔影響佢嘅靈魂，反而令魚同酸菜既味道更突出，係我食過最“酸菜”既“魚”。菜一上，一大盤潔白的魚片無欺場，真係滿滿的一盤， 反而作為配角嘅粉條就真係只有幾條!而且刀工一流， 食完全盤真係一條細骨都搵唔到，無辦法“魚裏挑骨”，小朋友或老人家都可以放心食用。基本一盤已足夠二人份量吃得飽飽的，若真食量大不夠可以另外再加一些配菜。員工的服裝設計也很有心思，會令人聯想到一套卡通漫畫的角色。也能突出店名，很有意思。

飯飯包掂💛以前係天平邨街市買過好幾次，好鍾意佢啲漢堡，聯和墟開咗新舖之後都係第一次去，聯和店係有得坐低堂食㗎👏今日嚟試吓個下午茶，但我都唔例外，都係想食漢堡😂 之前都係食開手足魚柳bell, 今次轉下口味試手足武士漢堡$30，加+20可以轉套餐(薯條🍟汽水🥤)手足武士漢堡其實即係豬柳蛋但唔好睇少豬柳個豬柳，佢係煎得好香嘅特厚豬柳，配埋半熟蛋+秘製醬汁😍幾好食呀😋老闆話呢度酸菜魚都唔錯，下次嚟試吓。

<<Thursday Couple 尋食記🐖🍌>> 超級黃店💛💛💛飯飯包掂，竟然係聯和墟出現！😚開係囍逸樓下，咁近我，就必須試下！支持支持😍🤪黎到店內，睇下個餐牌，就會知佢地點解叫自己做飯飯包掂😚🙈🙌🏼因為無論日式，韓式，港式，真係 飯飯都有！！ 🤣🤣啲名仲改得好特別，好正😎🤪啱曬一眾年青人！🙌🏼🙌🏼💛不過我哋今日係食晚餐，主要就有麻辣雞煲，同埋酸菜魚揀☺️😚我自己麻麻地食魚，所以就揀咗雞煲喇😚😚🙌🏼年一po相，個個都話賣相超得！好正🤪🤪另外見到隔離枱啲位客人，都叫佢哋嘅招牌菜式，酸菜魚，好似都真係不錯！🙈Decor來個🙌🏼💛💛香港加油！充滿士氣🤣雞煲未黎，已經聞到好香嘅花椒香味☺️滿滿嘅雞裝住大大嘅煲🤣🤣我哋都嚇親，好驚食唔曬🙈🙈但雞煲真係好好食，分量十分足不在話下，調味同出面嘅雞煲有啲唔同😚冇咁重味精，而係靠食物食材本身嘅鮮味，芹菜，花椒八角，麻辣醬都好出色！💛😚啲雞好新鮮好嫩滑，洋蔥吸收左雞煲嘅汁之下，變得好淋，好美味😚🙈🙈啲肉又多，食過番尋味😚😚💛正！同時間提一提，店舖嘅侍應☺️禮貌友善🙌🏼讚！我最愛嘅金菇～～～😍🧡不得不提佢個金菇！出奇地爽口，口感好

聯和墟其實都有唔少良心美食見到呢間啱啱新開（睇返原來之前係天平村嘅一間小食店搬過黎大舖）職員又好好客🥰老闆又親民會主動介紹餐廳主打菜式態度💯 值得支持👍🏻餐廳空間開揚有卡位仲有高枱位亦都有飲品區🥤🥃🧃有紙包、罐裝飲品、西洋菜蜜、豆漿、菊花茶仲要係大大杯～好抵飲Menu有親民價嘅午市、下午茶、晚市午市有鐵板、鍋飯、粉麵etc下午茶有小食類、漢堡包、熱狗🌭️etc晚市就有酸菜魚、雞煲、烤魚仲有好多唔同嘅火鍋配料（題外話：諗緊佢哋係咪周杰倫fans因為餐廳一直播住周杰倫嘅歌🤣）開心酸菜魚（bb辣）本身都勁like食酸菜魚🐟酸酸辣辣非常惹味開胃 😋😋💦呢度嘅晚市主打酸菜魚🐟非常足料啊😳鯇魚肉質好滑～夠鮮嫩又冇骨💯💯💯酸度辣度又啱啱好～而且見到有好多配料😗唔少得嘅酸菜、豆卜、支竹、芽菜、薯粉、辣椒、荽茜啲魚嘅味同埋配料吸晒湯嘅味😆啲湯都勁正🤩😛送飯一流🍚👍🏻我地2️⃣個人食係岩岩好～唯一係因為坐正冷氣位所以一開始都幾凍吹正住🙈🙈不過之後食返啲酸辣魚個人就熱咗🤣下次會再嚟試吓其他主打野食～希望餐廳會推出更加多好野食～～聯和墟嘅市民就有福啦