食為天

營業中

休息中

今次同大家介紹北角一間中菜館，位置方便地鐵出口過一條馬路就見到，入面雖然唔大但餐廳裝修都尚算精緻，包括枱櫈同餐具都比一般同類餐廳別緻。———————————————🌟剁椒魚頭半隻 $128魚頭製作比較花時，但真係非常值得等！魚頭嘅肉非常嫩滑，蒸嘅時間掌握得好好，最出色嘅地方係佢果個剁椒調味，高溫油加剁椒再加上咸味調得非常好，食落好香好惹味下次真係要加埋個面落去撈應該會更加正。🌟鐵板黑椒牛仔骨 $118牛仔骨肉質非常腍身，一啲都唔會覺得好韌，食落牛味重而且唔會太肥。黑椒味香濃再加上燒香嘅洋蔥，為整個牛仔骨增添風味。🌟乾炒牛河 $88鑊氣十足，炒出嚟嘅色澤非常靚，每年河粉都炒得分明，牛肉一樣都好腍而且份量都唔算少。🌟南瓜餅 $30有南瓜餅食嘅地方真係唔多，其實最初食呢間就係比佢個南瓜餅吸引咗😂南瓜餅煎得好香，食落熱辣辣又非常煙韌，不過味道上佢係屬於少甜嘅一種，個人會鍾意甜多少少，但其實呢個味道都好唔錯。🌟蒜蓉津白 $68佢有好多種菜同口味可以配搭，呢個蒜蓉味炒得好香，而且面頭仲要加有炸蒜，津白都好新鮮好甜。🔸整體評價🔸老實講小菜嚟講呢間都幾值得推薦，性價比好高而且食物每樣都好出色。餐廳連飲

今晚慶祝朋友唔使撈，去咗北角食為天度食飯。餐廳就喺大街，一出地鐵站行1分鐘就到。餐廳係中式風格，裝修新淨，座位舒適。我哋叫咗以下菜式。酸菜原條鱸魚：鱸魚新鮮。魚片唔會過熟，唔會話一夾就散。生熟到啱啱好先做到呢個爽滑狀態。酸菜味道層次提升。豉椒炒蜆：蜆有鮮味，冇沙。加埋豉椒炒，好惹味。蠔仔煎：用好多韭菜同蠔仔加蛋一齊炒，好香口。韭菜味濃，啱晒我口味。酒釀湯圓：桂花味同酒釀都好香。湯圓大大粒，芝麻餡豐滿。食完飯要食個甜品先至完滿。藍莓啤酒：咁高興嘅日子梗係要啤啤佢啦！啤酒杯係已經雪凍咗嘅，好有誠意。

見間餐廳都開左一段時間未試過平日人流一般今晚諗唔到食咩就試下可能我唔好彩啦 想叫4樣野酸辣土豆絲 回鍋肉粗炒蚵仔煎 海底椰燉雞 （賣哂）土豆絲 38味道一般 加左青瓜絲入去 攪到口感有D怪 街邊是旦一間／兩餸飯賣嘅都好味過佢多多聲回鍋肉粗炒 88D肉炒得幾香嘅 但份量奇少不禁想講 香港D餐廳執笠真係唔抵幫架你俾多少少麵都唔係多好成本姐攪到碟大 麵少 so sad跟住係重頭戲 見到嬲到要即刻打食評嘅蚵仔煎 108價錢貴唔貴 見仁見智但一上碟 嘩 咩嚟架？ 又綠又黑我叫左蔥仔煎呀？點搵都搵唔到一粒完整嘅蠔散左嘅蠔碎大約手指尾指甲咁大左右簡單嚟講 全碟都係蔥108蚊叫左碟煎蔥食落當然一口油 無蠔味啦 真係差到難以形容我即刻睇返menu張相 圖片只供參考 你都唔好太過份呀

屋企人話想食下京川滬料理，喺朋友介紹下，今次就嚟咗呢一間食為天，嚟到環境非常舒適，坐得舒服，侍應服務都好好，自我哋叫咗以下嘢食⭐️川味蒜泥白肉少少辣辣地，但係加埋啲蒜味，層次更加豐富⭐️麻辣雞絲粉皮粉皮非常滑，雞絲嘅數量都唔少，醬料同埋粉皮撈埋一齊，非常開胃⭐️椒鹽魷魚鬚魷魚鬚好新鮮，而且仲好彈牙，口感一流⭐️南乳蒜香骨咁多人面最鍾意呢一個餸菜，南乳加上蒜味，簡直係Perfect match，令到人食到停唔到口⭐️椒鹽豆腐豆腐外脆內嫩，十分香滑，連埋椒鹽一齊食，味道更加豐富⭐️鹹蛋黃炒飯鹹蛋黃味濃郁，而且飯都炒得好均勻，每一啖都有濃濃嘅鹹蛋味，鍾意鹹蛋嘅朋友絕對唔可以錯過📍食為天 (北角)📍北角英皇道433-437號珠璣大廈地下B號舖

肚餓要食嘢，喺大街見到呢間餐廳，朋友🧒🏻就話不如試吓🤣$108「山東手撕雞半雞」：似乎係浸過醬油嘅豉油雞然後再手撕變成手撕雞👍🤣，所以雞皮係深咖啡色，雞肉淺啡色，另外師傅擺盤擺得幾靚，隻雞好似展翅飛緊咁樣🤩，再另外比較特別嘅係有一碗熱嘅醬油裏邊充滿芫荽蔥可以要嚟沾雞食👍，非常惹味，而且啖啖肉，食得好暢快🤣$298「清蒸大海班」：兩樣嘢：第1海班好新鮮👍，第2師傅蒸到啱啱熟👍，咁就梗係好味啦👍，魚肉肉質細滑鮮甜👍$68「蒜蓉炒菜心」：菜心炒得軟腍腍🤣$16「熱奶茶☕️」：夠濃夠滑😋呢度仲有好抵食嘅「晚市超值客飯」$62下次嚟可以試吓🤩

食為天剛在北角新開，多款小炒菜式，價錢夠經濟。涼伴萵筍絲爽脆又清脆，食落有一種嚼勁，就好似咬落去嘅時候有種清脆嘅感覺。而伴住涼拌醬汁，味道酸酸甜甜，令人嘴裡感到涼爽舒服，非常開胃。豉油王炒蝦略帶有焦香，蝦肉鮮嫩多汁，咬落去有一種鮮甜嘅滋味。而豉油王醬汁則帶有濃郁嘅醬香，滲入蝦肉裡面，令味道更加豐富。整體口感鮮美，飽滿而有彈性，非常入味。南乳香蒜骨肉質變得軟糯多汁，咬落去有種肉汁爆裂嘅感覺。而南乳醬同蒜頭共同炒煮，帶出一種濃郁嘅鹹香味道，令人嘴裡充滿著濃郁嘅香氣。整體口感豐富，非常適合喜歡重口味的人。乾炒牛河爽滑細緻，入口嫩滑，帶有一種鑊氣香味，牛肉鮮嫩多汁，與炒河完美結合，牛河帶有濃郁嘅醬香，滲入粉麵之中，令整個菜式更加美味。

餐牌上嘅食物都可以要求少油少鹽或者少糖真係好難得一遇！而且餐廳座位坐得非常之舒服，仲有部大電視可以變食飯睇住電視送飯🤣我哋今次叫咗山東手撕雞半隻❤️ 雞油味重食落雞味香濃，而且一啲都唔嚡口仲好Juicy！配埋佢哋嘅自家製醬汁，非常之惹味可口。酸菜魚條鱸魚 ❤️真係原條鱸魚上，而且魚肉非常之厚切無骨，夠晒鮮甜嫩滑，下面仲有啲蘑菇同薯粉，兩個人食啱啱好，必點豉椒炒蟶子❤️非常之惹味！食落啖啖肉，夠晒爽口彈牙！如果份量可以再多啲就更好啦！蒜蓉炒芥蘭 ❤️食咗咁多肉，梗係叫返個蔬菜嚟清吓腸胃，而且蒜蓉味都好香濃，但係又唔會好油膩，芥蘭夠晒爽口脆身

嚟開呢邊食個晚餐，見到新開小菜入場食下。一打開menu好似好多嘢食，隨便嗌啲。先嚟個咕嚕肉，得嗰7舊七龍珠咁，盛惠108大元！之後再整多份涼拌萵筍，得嗰幾條！真係頂心頂肺！幾條麻甩佬食個飯，得嗰幾條，攝牙罅都唔夠！其他嘢都正正常常，份量失救。

北角英皇道珠璣大廈地鋪的一間中式餐廳食為天，餐廳裝修新潮雅緻。菜式包括上海菜、中式小炒、特色小菜……，雖然位置在北角英皇道大街地埔，但價錢夠平民。燒汁牛仔骨$108牛仔骨份量足，味道甜鹹得宜，件件都是真正的牛仔骨，味道香甜。排骨粗炒$78上海菜的排骨都是以豬扒製作，經炸過，好香，裏面有小唐菜，筍片、鮮冬菇……等，筍片鮮嫩爽脆，鮮冬菇好嫩滑。烏冬煙韌有麥香，炒得入味有鑊氣！蠔仔煎$108蠔仔煎放有大量的蔥，蠔仔就稍為少咗啲，味帶蛋及蔥香，煎得好香口。塔香茄子四季豆$78四季豆軟中還帶點爽，茄子就非常軟腍滑，廚師還加了香葉炒，整道餸好惹味。配埋個冰涼的忌廉汽水$13及酸酸甜甜的凍檸樂$21，今餐食得都好美味！

朋友萬歲去咗(北角)食為天京川滬料理，交通十分方便，裝潢好有特色，窗明几淨，座位寬敞，店員招呼週到。店舖特色明火即炒有鑊氣👍👍，每碟小菜熱騰騰上枱❣️蠔仔煎味道鮮美，外層帶有微微焦香，軟嫰滑順鮮味，配上適量醬汁，更能提升整體風味❣️椒鹽魷魚鬚味道香辣鮮美，口感脆嫩有嚼勁。魷魚鬚炸至金黃，外層酥脆，內裡保持著鮮嫩的彈性。椒鹽調味使得每一根魷魚鬚都帶有微辣別有風味。❣️鑊仔牛肉牛肉經過爆炒，肉質柔軟入味，帶有濃郁的牛肉香氣。吃起來鮮嫩的牛肉與蔬菜的結合😋😋這道菜好有鑊氣❣️羅漢上素蔬菜保持了自然的甜味和鮮味，豆腐柔軟細滑，是一道清爽可口的素食菜❣️干炒牛河牛肉嫰滑和寬條的河粉，加上新鮮的蔬菜和特色的醬料，即叫即炒，好有鑊氣，而且香氣誘人

今日約咗朋友收工出去北角食飯，一出地鐵站就已經見到呢間新間嘅京川滬料理餐廳，地點位置好方便，裝修新淨，菜單款式多，menu都有好多頁，真係揀食咩都要諗好耐呀🤣川味蒜泥白肉平時去食開四川嘢都一定會嗌蒜泥白肉，呢間都整得好好味，用咗半肥瘦嘅五花腩包住爽脆嘅青瓜，調味蒜香好重，配埋辣辣地嘅醬汁，作為前菜真係最好不過👍🏻麻醬雞絲粉皮上海嘢嚟講我最鍾意食雞絲粉皮，呢個組合一定唔會難食，粉皮嘅份量都好多，調味適中唔會死鹹，好惹味😆酸菜原條鱸魚原條鱸魚份量好多，仲有不同嘅配料有萵筍、薯粉、酸菜、蘑菇等等，湯底調味有少少辣，酸味比較重，食落都係好開胃，令人食極都停唔到😋另外鱸魚基本上都起晒骨，都唔使驚會有食到骨嘅問題，好啱我呢啲唔識食魚嘅人食！啤酒鴨我哋都係第一次係啤酒鴨，原來係用煲上，嚟到都係熱辣辣，鴨件份量好多，每件都係大大嚿啖啖肉，用啤酒炆煮過嘅鴨肉有淡淡的酒精香氣，食落唔會有鴨肉嘅羶味，煮出嚟嘅肉都唔會好鞋，送飯一流，可以叫嚟試吓👍🏻👍🏻📍 食為天 (北角)北角英皇道433-437號珠璣大廈地下B號舖

在食評中睇到圖文並貌推介此餐廳，和同事決定一試，結果中伏。我哋order 左‘’塔香羊肉‘’和‘’啫啫雞煲”，定左取餐時間1:15。1:06去到餐廳，食物已備好，取餐，約5一6分鐘時間回到公司，打開‘’塔香羊肉‘’飯盒一看（極後悔沒有拍到照片），真系不敢相信份量如此之少，而且食物唔熱（系室溫），羊肉極羶，味道超咸。另外，啫啫雞同樣系咸到不得了，雖然比同事果份多少少，但系d雞件得兩三件稍為有肉，其他都不予置評。總體而言，食物不值此價，應該吳會再有下次🙁

朋友推介北角的食為天，激讚它抵食又好味，又剛巧在北角用餐，它是不二選擇。環境寬落，略有裝修，尚算不錯。北角大街地鋪，不用排電梯，門口對正正有電車站，對面不遠便是北角站出口，交通極為方便。是夜的豐富晚餐，亦所費無幾，大滿足！干鍋菜花 $88，椰菜花口感軟硬適中，配襯鹹香的豬肉，不辣好食 👍蘇軾紅燒肉 $108，紅燒肉軟熟入味，豬皮軟糯無肥膩感，完全吃不到肥肉的油膩，好好食😋蘿蔔炆野鴨 $98野鴨炆得十分軟腍，鴨肉輕推即可離骨，夠火喉！蘿蔔吸滿了肉汁，非常滋味！胡椒豬肚土雞湯 $88 - 4人份量，湯多渣少，還有火爐仔保温，抵讚！鍋貼一客6隻 $32，超值抵食。鍋貼底部微脆有肉汁，輕輕鬆鬆便吃掉一碟。蔥花煎餅 $22，鹹香脆口，簡單得嚟又好食擂沙湯圓，湯圓皮薄饀多唔太甜，一客六粒，抵食！非常滿足的一個愉快晚上 😄😄

主要係一間京川滬嘅餐廳不過而家喺香港咩都要多元化呢度仲賣埋中式小炒添～為食小炒王小炒王當然就係有韭菜花、銀魚仔、菜脯、蝦肉、蝦乾仲有花生粒 食落好惹味 送飯一流蒜蓉炒萵笋絲萵筍絲切得比較粗身 用蒜蓉炒咗好香口萵筍好清脆爽甜 仲配有少少炸蒜上碟添上海粗炒炒得好有鑊氣 有椰菜、鮮冬菇、肉絲色水夠晒深 但識落就唔會話好鹹好濃味食晒成碟都冇話好口渴南乳蒜香骨大大碟 排骨醃得好重南乳味炸完之後依然保留住肉汁 雖然話係豬肉，但食落口好鬆化豉椒炒蜆蜆肉粒粒粒都好飽滿 而且最緊要冇沙即叫即炒，勁有鑊氣餐廳座位好闊落，而且裝飾好別致

食為天 北角英皇道433-437號珠璣大廈地下B號舖一開始見到個名，還以為是新開food court ,行近再望真幾眼，是食京川菜，好似有酸菜魚呀咁，同埋價位經濟實惠。涼拌豬耳，一條條長身，爽口利落對唔食等太辣同油膩，奶油律白是道小清新呀，娃娃菜煮到軟身，散發出蔬菜甜味鼓椒炒蜆同男人浪漫煲（即豆腐火腩煲），加了紅椒同炒辣辣地架炒蜆，絕對惹味。火腩厚切，皮脂肪瘦肉層層相間，鹹香好下飯呀北方人盛產小麥，做包點麵食是成了每日主食。鍋貼中包了豬肉餡，大大隻煎香，好食