順德私房菜 (已結業)

今日收工後同好姊妹一齊去旺角行街，行完之後一齊食飯，路過見到一間好有特色嘅順德私房菜，一於入去試一試😋係菜單上見到有燉湯，我哋急不及待叫咗個淮杞豬展燉花膠筒燉湯養一養顔先🥰果然冇令到我哋失望😻燉湯入面材料十分多，絕對係足料之作，湯嘅份量都唔少，夠晒兩個人一齊分享👍🏻另外叫咗個蜆介炸鯪魚球，入面嘅鯪魚肉十分之彈牙，外層炸得趣卜卜😻仲要熱辣辣，出面好少食咁高質嘅炸鯪魚球😋當然唔少得另一位主角<蜆介醬>，既有鮮味又唔係好鹹，配上炸鯪魚球真係一絕👍🏻拍蒜豉汁蒸魚嘴🐟用咗蒜蓉加上豆豉去蒸，個汁送飯一流🤤食到我哋兩個舔舔脷😋魚嘴好滑，都幾多肉，超級好味👍🏻最後仲送咗2碗紅豆沙糖水比我哋，唔算好甜，都幾好味😻呢到啲食物好大碟，2個人叫2個餸再加個燉湯，已經超級飽😎餐牌上還有好多順德特色菜，下次要帶埋老公嚟試吓🤤環境都幾舒適，座位寬躺，一家大細嚟食又得，三五知己嚟食又得😆呢間餐廳性價比好高，餸菜份量好大碟，燉湯又足料，仲可以食到正宗順德菜，大家有機會都嚟食飯😘😘

約了朋友去旺角shopping, 唔經唔覺就行到油麻地嗰邊lego商場 ，買完嘢之後突然間想食惹味小炒。 但係如果行返去深水埗有啲遠， 搭車過去有啲麻煩， 彌敦道塞車塞到爆。唯有喺附近， 周圍睇下有乜嘢食， 畀我哋發現到一間食小菜嘅舖頭。見到店外介紹咗唔少特色小菜， 所以一於試下先。川芎白芷天麻燉魚頭湯 個湯真係好足料， 好重藥材味， 而且魚頭滑捋捋好好味。啫啫芥蘭豬爽肉煲好夠鑊氣， 一上枱就咋咋聲， 芥蘭爽脆冇渣， 豬爽肉嫩滑， 鹹香味充足， 啱曬配白飯。菠蘿鬆脆咕嚕肉咕嚕肉酸酸甜甜， 配埋菠蘿同埋三色椒， 非常惹味。埋單都係二百幾蚊 ，餸菜份量充足 ，算係好抵食。

今日同男朋友行開旺角，諗住食附近都幾出名嘅X爺爺，但係太多人排隊，我哋又肚餓，所以就轉戰其他，行行吓就見到呢間順德私房菜，由於我哋兩個都幾鍾意食順德菜，所以就一於試吓呢間。餐牌都幾多選擇同靈活，仲有幾款套餐，價錢都唔貴。《天麻燉魚頭湯》$50好好飲，天麻味好出好香，同埋料都好足，飲得出係老火湯，推薦！《炸鯪魚球》$88呢個鯪魚球好特別，店員話係佢哋自家製手打，同出面食到嘅好唔同，外面好酥脆，口感亦都唔會係好膠質嘅感覺，真材實料冇混合其他野，又唔會好腥👍🏻👍🏻👍🏻《冰鎮咕嚕肉》$108咕嚕肉食得多，但第一次食冰鎮咕嚕肉。啱啱上枱嘅時候，咕嚕肉嘅口感仍然係保持彈性，而冷卻左之後，口感就變到好爽口，冷熱交融好特別。《撚手小炒王》$98呢個小炒王好夠穫氣！份量又多又足料，好抵食。 整體來講，雖然呢間私房菜名係唔係好大，但估唔到水準都幾高，真係滄海遺珠，大家經過都可以試一試啊。

今日收左工要去旺角買d野，咁就順便約埋d fd收工一齊食個飯，佢地介紹左一間中菜館試下，話坐得舒服可以慢慢吹下水我地叫左3個餸一個湯尖中有椒個名其特別，其實係辣既尖椒釀鯪魚肉，魚肉好多整到好飽滿，唔係好似街邊求其整出黎咁甜梅菜籠仔蒸菜心未食過咁樣整既菜心，原來又幾配，仲可以帶出多d菜心既鮮甜未欖角骨甜甜地咸咸地幾惹味，d肉好鬆軟，唔會好肥淮山杞子豬展燉花膠筒個湯好好飲，又好足料，仲有埋花膠食，抵到爆

今日好慘臨走有會要開，搞到晏左收工，係旺角近朗豪坊附近本來搵左間龍蝦湯飯想食好耐，點知去到太多人排隊，起碼等成個鐘，咁就退而求其次係附近搵間餐廳食，望到對面有間小菜館都幾多人幫襯，價錢好似都ok, 就坐低試吓好唔好食😝😝坐低見到人地枱有燉湯，我地就叫左天麻燉魚頭湯$50（一盅），又估唔到咁平都咁足料，有雞腳魚頭豬肉淮山等配料，亦好夠味👍🏻👍🏻之後就叫左3個小菜-尖中有椒$98，甜梅菜籠仔蒸菜心$88同欖角骨$118，小菜全部都好食而且係大碟既，特別係個蒸菜心唔會太老，梅菜味夠入味，之後欖角骨夠咸送飯一流☺️☺️👍🏻👍🏻

前几天在油麻地地铁站旁边的翠华吃饭，抬头看到窗外的顺德私房菜，记得两周前去顺德，那里的美食真的好好吃，今晚不用加班，难得出来逛一逛，正好就看到这家，味道果然不错👍

姐妹團拜去了油麻地一間老派順德菜館，裝潢三四十年風格，有老香港的風格。被編排門口位置，傳來陣陣煙味從外傳入，環顧四周不是爆滿但不知何解要我們受著寒風吹，嗅煙的折磨。醸鯪魚是順德菜表表者，賣相ok, 魚香滿溢有彈性，但味道偏鹹。香酥骨熱辣辣即叫即炸，外脆內軟。兩位友人食的那件末熟透，真的要檢討一下。釀辣椒，中規中矩，沒太大驚喜。蒸魚唇，面層鋪了大量紅椒，蒜粒和芫茜，理論上應該好好味，魚唇還好好滑，但真的真的太鹹，勁浪費咁新鮮的材料。瑤柱豉油皇炒麵，麵身炒得乾爽，味道總算平均，不錯。整頓晚飯我最滿意係奉送的紅豆沙，綿綿起沙好滋潤。