雲桂香米線專門店

營業中

休息中

尋日做完運動，忽然之間好想食米線，想食嘅程度係即刻就要食到果一種😂😂😂所以就出咗沙田市中心，食呢一間雲貴香啦！雖然好耐之前都食過幾次，但老實講我唔係雲貴香嘅常客，因為我都係捧開譚仔三哥米線場嘅😌雲貴香個湯底，雖然重味，但係佢加埋芫荽肉碎同其他配料，酸酸地真係好惹味😆我今日就嗌咗呢一個「魚肉春卷配黑木耳配冬菇小窩米線」，不過因為太耐冇食就只係嗌咗小辣啦，下次我覺得應該嗌辣少少🤔因為今次其實唔係好食到辣味。真心值得一題嘅，就係口水雞，雖然40幾蚊呀一款小食可能唔算平，但係佢嘅份量係十足嘅，兩個人食啱啱好。而且，佢個味道香香辣辣非常惹味，下次我一定會再嗌嚟食！埋單兩個人都係$145 ，以一個街坊平民餐廳嚟講，我覺得非常OK👍🏻👍🏻👍🏻

間中黎呢度止下米線引今日出開黎買野就黎醫肚呀點左~通菜豬紅麻酸辣小辣好似未0係呢度食過豬紅今日心血來潮試下(本人都鍾意食豬紅)有驚喜豬紅幾入味無怪味呀(有D店可能處理得唔好會有怪味呀)米線依然好味鍾意佢幼身又軟硬適中索晒D湯好好味

As I live in Shatin this is the second time I visit this restaurant for their rice noodles. I have ordered the cordyceps chicken soup base and it came with shredded chicken and lettuce. The soup base is enriched with cooking wine and it takes the taste to the next level. Also I’ve ordered the “saliva chicken” like last time. It is flavoursome and the portion is reasonably big. This is by far my favourite dish. I would totally recommend this place but make sure you have plenty of time because it

雲桂香一向都係我既至愛, 每個星期都會有一日想食佢, 如果假期既夜晚想食佢最好7點前黎食, 因為7點後就通常都一定要排一排隊~ 我地一人叫左一個小鍋米線, 我就食開酸辣小辣, 佢既湯底唔係淨係得湯, 我最中意既係佢有好多肉碎係入面, 食落唔會好單調,仲有大量酸菜同埋芽菜! 佢既米軟硬度岩岩好, 唔會太淋, 配埋湯咁食真係一流! 料方面我就左豬軟骨、雞絲、蘿白, 豬軟骨夠哂淋同入味,爽哂D汁好好食~雞絲都有同樣效果, 令人忍唔住一啖接一啖咁食落去! 蘿白基本上就一定係好食! 仲要每次都到水準!!! 另一碗我地就叫左腩肉、豬大腸同魚腐, 配上麻辣湯底~ 腩肉夠哂辣, 又唔太肥, 豬大腸配麻辣真係一流! 魚腐爽哂D湯汁都好好味! 我地仲加左蒜泥白肉! 入面夾左青瓜! 超清新!

小窩米線配豬大腸、蘿蔔：豬大腸好多地方都有得食，但要食到入味而且有咬口的話，雲桂香的確做得唔錯！分量足夠之外，豬大腸不會太肥，滷水味道配合酸酸辣辣份外香口。蘿蔔大嚿夾抵食，最便宜的配菜之一，估不到不時令也好吃！最愛吃小窩米線中辣度，湯底非常醒胃，令人回味！小窩紅薯粉配鮮竹龍蝦卷、紫菜：紅薯粉帶點煙韌，而且條條都有驚人長度，一條一啖絕不誇張！龍蝦卷是招牌配料之一，有豆味之外且彈牙，紫菜沒有沙，而且吸收湯汁一流！菊花蜜、菜蜜次次都好飲，跟米線只是加$7，經濟實惠，又解渴！

講到酸辣米線相信個個一定食過譚仔三哥 但係其實香港除咗譚仔之外好食嘅米線都唔少呢間連鎖餐廳雖然開咗好耐我自己都已經食過好多次 但係都仲係要讚下 首先米線香港地價錢唔算貴 但係最講究嘅一定係佢嘅湯底小鍋紅薯粉$32 麻辣小辣🍜米線嘅價錢係跟住要幾多個餸指定嘅所以唔能夠作準 個人就比較鍾意食薯粉所以今次都係嗌薯粉貪佢有咬口 而湯底方面就叫咗麻辣嘅 估唔到小辣都已經幾啦 今次食到成頭大汗今次就嗌左幾個餸分別係雞絲墨魚丸牛肚豬頸肉等等個人覺得佢牛肚🐂🐂同豬頸肉🐖🐖嘅份量都可以接受而且成個紅薯粉充滿咗肉碎 芽菜等等嘅配料本身都已經可以用嚟送米線 純粹係我個人比較鍾意食肉所以嗌多幾款肉湯底食得出唔係味精湯底辣得來唔係淨係渴而係有麻辣嘅味道 比某間大型連鎖餐廳味道質素都更加好 所以我自己都成日嚟呢間舖頭支持 👍🏻今次仲叫多咗款小食 醬拌皮蛋$20凍凍地辣辣地嘅皮蛋食落去好開胃不過就建議幾個人share啦一個人真係食到濟到上心口總括嚟講呢間都多分店但係唔算多人認識嘅米線其實都好值得支持 介紹吓啲好味抵食嘅嘢食等呢啲舖頭多啲人支持第時就唔會沒落 咁我都keep住可以幫襯呀嘛😈

疫情之後都好少嚟食米線，啱啱加班送件，見時間都唔早就不如同同事一齊食個米線先各自返屋企，食米線有個好處就係快。環境裝修乾淨，姐姐啲服務都唔錯。我就鍾意食酸辣小窩米線，小辣味道就啱我啦唔會辣到流晒汗，而且仲有啲肉碎，辣同酸嘅比例剛剛好。不過湯頭就好似淡咗啲同埋唔夠杰身，酸菜都比以前少咗好多，冇辦法啦物價貴。米線都冇以前煮得咁彈牙。腩肉就仍然keep到好好味😋同同事交換左粒雲吞，菜肉雲吞勁大粒，同事食冇湯嘅撈米線，佢話天氣熱喎！最後加幾蚊仲有杯凍奶茶🧋唔錯唔錯！

今冷係第二次食雲桂香 因為係食飯時間 太多人的關係所以選擇外賣 味道不比堂食差 聞上黎已經好香 分量和配料都好十足 好正 好味 薯粉好煙韌 好彈口 今次配料係白蘿蔔 好意外地好食 蘿蔔好入味 浸得越耐越入味 下次必叫蘿蔔

要食米線呀唔係淨係去三個譚仔，我位於沙田呢一間雲桂米線亦都係一間唔錯嘅選擇，性價比非常高，而且質素亦都唔錯 ，推薦佢個皮蛋，非常入味好食， 同埋佢嘅 蒜泥白肉亦都唔錯。

自己本身對米線麻麻地，不過今日朋友話好好好想食，所以就就下佢 😂 譚仔就食過幾次，雲桂香就第一次食。炸鮮竹龍蝦卷 ($22/8件) : 見價錢幾吸引而且重係油炸食物啱哂我 😋 雖然睇落有八件咁多，但其實只係一開二，不過算佢啦只係賣 $22 蚊算非常合理。👍🏻醬伴皮蛋 ($20) : 呢個皮蛋唔錯，不過如果係流心就重正喇，醬汁味道幾特別而且帶少少辣，自己覺得好過譚仔果個，因為自己唔太鐘意食麻辣既食物。😝小鍋米線 ($29) : 湯底叫咗中辣，餸就叫咗蘿蔔同兩份鹵水豬大腸，蘿蔔同豬大腸幾入味，不過豬大腸口感就普通咗啲，如果係深水埗文記果隻豬大腸就無得輸 😝 兩個小食，兩個麵，兩杯飲品，埋單都只係 $150 蚊左右，真係相當抵食，難怪咁多後生仔，小情侶幫襯，性價比唔錯。👍🏻

次次去親沙田新城市廣場都唔知食啲乜嘢，因為商場嘅嘢食普遍都比較貴， 唔打誤撞走咗落去樓下地舖 呢一間食米線嘅小店 ，佢嘅風格有啲似譚仔不過比起譚仔我覺得質素高啲， 重點嘅係佢嘅價錢一啲都唔貴同譚仔嘅價錢差唔多。 兩個人嗌咗兩碗米線再加三個餸埋單都係160蚊左右。 試咗佢嘅口水雞，鴨腎同埋皮蛋，都覺得幾唔錯，口水雞都幾大碟，四十幾蚊又多肉 值得推薦一試。 我就試咗個酸辣紅薯粉，我自己就覺得普通，因為比較酸，唔建議大家叫呢一個， 同埋佢嘅紅薯粉咬到好攰， 牙力冇咁好嘅 食米線比較穩陣。

好耐無黎呢度了之前食過印象好麻麻就無再黎偶然見到朋友話好想食呢間講到好好味咁我就決定再比個機會佢所以又黎左可能星期六下午黃金時間黎到門口好虛冚等位時就諗好點咩食通菜, 魚肉青卷, 腐皮, 小辣酸辣湯米線黎到試左啖米線先覺得有驚喜個麵感好煙UN比平時食既幼身少少浸住個湯好索味湯底小辣唔係好辣幾好起碼唔會食到流晒鼻水咁酸度都適中配料味道正常係個魚肉春卷要講下比預期中好食少少脆唔會淋晒朋友點既雪魚豆腐都要講下好似係新鮮炸起既係後上架食落熱既同埋個口感好特別(可能係我第一次食雪魚豆腐)咬落去入邊好滑外面就香口真係可以ENCORE~

野食都正常，但叫野食落單職員阿姐見到扮見唔到，終於行過嚟落個時態度又差，落單落到撩交嗌咁，後尾佢唔知係咪發脾氣叫第二個職員嚟先好啲。多謝佢令我有一次食野唔開心既經驗

有一段時間冇食雲桂香了，難得今天早起，於是出沙田正街那邊吃個早午餐。週末時間等了一陣位便可入餐廳。炸醬雲吞小鍋米線，每次來到必點小鍋米線，今次點了中小辣。湯底味道香濃，辣度十足，帶有少少酸味!本身米線已經有炸醬，但我通常都會額外再加炸醬，因為這裡的炸醬是粒粒分明的肉碎，不是醬的形式，是有炒過的，所以特別香口!而這裡的雲吞非常大粒，每次點雲吞都一定會食到好飽!雲吞入面的餡料是菜肉，吃一口後再浸入湯中再食，非常惹味!豬軟骨豬皮涼拌米線，朋友不太喜歡吃太熱，這款沒有湯的就岩他了!米線是凍的，不用怕很熱，配有肉醬、花生、榨菜、咸菜，點了小辣，吃之前最後拌勻，如果唔係最後便會好辣!豬軟骨炆得淋軟，軟骨爽口!豬皮爽口彈牙，口感豐富!凍檸茶、凍華田，凍檸茶好有茶澀味，酸味都好夠!而食辣後飲杯凍華田，甜甜地有助解辣!

豬大腸拼竹笙小窩米線(中辣)：豬大腸永遠是雲貴香招牌菜，大腸滷味濃郁，不肥不瘦，配合辣味米線更加惹味。竹笙永遠是最吸收湯汁的食材，若果你偏愛這店的湯底，選竹笙就是必定的。竹笙非常脆嫩，一份大概有三條。小窩米線配有芽菜、韭菜、蔥、芫荽，所有配料夾起上來是perfect match! 芝士腸拼鮮竹龍蝦卷紅薯粉：芝士腸一份有三條，鮮竹龍蝦卷不是隨處可見，愛吃腐皮之人必選這個，既有豆香又有肉味。港式湯底是以胡椒湯為主打，配有芽菜、腐竹、韭菜。紅薯粉比較粗身，如果不太喜歡煙韌口感，可在落單時叫店員註明「要林啲」。米線跟飲品只需加$7絕對超值！