雙魚座咖啡館

營業中

休息中

星期五7點半行入鋪唔爆場的，揀好野食諗住落單，但顯示餐廳離線未能線上下單，叫左女店員過嚟，好似一臉不悅咁叫我地用多一部電話試，試完都係唔得，先話可能 wifi問題，人手幫我地落單Menu 冇 set 叫，換言之只可以散叫，當以為升級套餐係會有得加錢有餐湯同飲品，但原來升級只可以揀1樣，我用優惠價揀左飲品就唔可以同時再揀餐湯，以價錢上唔抵，點解唔直接有個選項係餐湯+飲品？食物質素 ok, 但又稱不上出色，相約價錢喺旺角可以有其他選擇服務方面：女店員過嚟話就快收鋪，叫我地埋單先，但又唔講要去櫃檯，咁準備好信用卡，見女店員一直冇過嚟拎，到9點7就衝過嚟話收9點8, 先叫我地去櫃檯埋單，然後用一副阻佢收工既面口直接收左檯面請兩杯水，而我當時仲飲緊餐飲，其實等多1,2分鐘，等個客起身埋單先清理係咪會影響好大？當刻覺得勁冇禮貌。總結：唔會再幫襯，主要嚟自店員既態度

同朋友行到攰攰哋,見佢門面幾靚咁咪入去囉招呼好差,愛理不理咁!掃碼點餐又成日跳呢頁果頁好麻煩,問一句職員已經黑晒面,毫無招呼可言,好生意都話體諒佢太忙呀,全場加埋都無8個客,真係知道咁少生意原因點知最恐怖係啲嘢食又咸又難食,凍晒硬晒…杯咖啡直頭唔掂🤯當堂乜心情都無晒…😣仲要好貴又好意思零服務要加一,可能係黑面服務🌑我同朋友都話以後唔洗旨意再嚟,但凡有一樣做好都唔想留負評,唉講定比其他人知唔好幫襯呀!貼錢買難受

▶️在繁忙旺角難得的偷閒空間，坐在窗戶旁邊，觀察路人走過，有種很治愈的感覺▶️主打咖啡及西式餐點為主，種類頗豐，定價合理。 餐牌頭位是精品咖啡，但整間店没什咖啡氣息▶️點了牛角飽拼雪糕，擺盤有誠意，甜品有水準▶️有用餐時限▶️值得再光顧的店

在附近做完野，路經有間地舖餐廳，諗住幾個人隨便就入去食野啦， 去到門口見門關上，推開門攞位就比職員趕出門外等候，唔知係等佢執枱定做乜，過左陣仲未入得， 想推門再問下情況， 點知有個職員衝出嚟呼喝住， 門口等等啦。到有位入座， 職員就放張有QR code嘅單叫我地自己手機落單， 問两問又黑口黑面，唔多回應， 望落餐單唔算平，加一服務費就必然啦, 到食物嚟左，感覺一d都唔值呢個價嚟添，中伏。我地叫左小食併盤 ，意粉，黑松露薯條，芝士蛋糕 飲品 等等...食物續點到來， 我地邊傾邊食， 無留意嚟左幾多樣食物， 食食下突然有個職員問我地係咪嚟多左件蛋糕， 我地都即時比唔到反應，點知佢就眼啤啤咁Gip一聲拎走左其中一件， 咩態度呀 ， 佢自己做錯野喎。食物真係好一般， 但態度極惡劣， 價錢與食物質數及服務態度不相符， 如果呢個價錢可以食得更好， 一件蛋糕$60， 感覺將餅店蛋糕就咁放上碟啫，熱朱古力$45同我自己用即沖朱古力粉無咩分別 各種食物，飲品都好一般，今次嘅體驗係貼錢買難受。

响旺角shopping完，行得攰攰地，諗住搵間舒服啲嘅餐廳，雖然响垃圾站附近，但响出面望入去都好似幾乾淨。門口望啲餐牌價錢都唔算太平，諗住都試下啦，但原來得80分鐘用膳時間。但唔想再行去搵其他餐廳，就是但入去試一次。啲食物質數還算可以，無乜特別驚喜，但咁嘅價錢其實可以有好多好啲既選擇，CP值就比較低囉。飲品啲冰佔咗一半，幾十蚊就貴咗啲。服務態度就認真麻麻嘞，問多兩問就黑面，唔怪之得成晚得嗰幾枱客啦

呢個好新開既店～之前一直經過，但個佢整得好cafe ,外面見價錢牌都唔算平～所以一直冇去試😂直到最近佢推出左lunch set 後～價錢幾平。所以就去左試下食左佢個海南雞飯～顏值唔洗講～係好有質素，個茶都好飲，整體都好滿意～👍見佢仲有推下午茶。都好正～會再試

女友人今日約去旺角食晏，唔洗諗，去「雙魚座咖啡室」，朋友嚟過，推介我食海南雞餐，加配要杯latte ，完美嘅一餐。海南雞都不錯。南瓜湯好味｜環境好啱打卡。職員男男女女都好有禮貌，好喜歡。

第三次光顧雙魚座咖啡館，發現今次比之前多人。和上次一樣點了泰式無骨海南雞配雞油飯伴秘製汁。喜歡雞油飯夠香，秘製汁小辣惹味。如果雞的份量可以增多就好。點了熱latte，叫了店員減少咖啡☕️的份量，喜歡這奶和咖啡的比例。友人點了酸菜魚，我試了少少湯，辣度不會很高，頗惹味。甜品方面，窩夫🧇不夠脆，我覺得比較失望。不過，荔枝呠雪糕有驚喜，有意想不到的清香。P.S. 我覺得這cafe比較特別的是有海南雞和酸菜魚。

呢間咖啡店出嘅餐好靈活。以前覺得似日式西餐，宜家連酸菜魚、海南雞飯…都可以食到。雖然定位模糊，但食物味道都過得去嘅。今次食日式雞扒公仔麵，雞肉係煮嘅，無煎炒過，唔係我想像中雞肉會有少少脆口。肉份量算多，見價錢唔貴，仲有其他配料：菇和洋蔥…有誠意！不過公仔麵炒得濕咗啲，影響口感，有配料搭救都還好，整體來講味道都唔錯。仲有杯凍冷泡茶，唔洗加一。抵！環境舒服好坐，食物擺盤靚會再嚟

同friend喺旺角行到攰 路過呢間雙魚座 咁啱個friend係雙魚座就話不如入去試吓嗌咗杯咖啡同蛋糕 整體嚟講中規中矩咖啡豆味唔夠濃 但係拉花都唔錯打卡幾靚餐廳光線設計算溫馨 行到攰坐下可以考慮

雙魚座咖啡館 @piscescoffeehk.味道：😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5..同朋友經旺角諗食咩好 見到呢間新新地既餐廳問員工幾時開架 原來開左一段時間 冇留意🤣入去坐低 見到幾隻好搞笑既龍🤣一人叫左一款野食齊齊分享～.✨慢煮雞胸田園沙律配黑醋 $88 沙律 好岩健身人士 因為黑醋係沙律之中 幾乎最冇負擔嘅👏🏻 雞胸好嫩滑 滿滿蛋白質 可以建立瘦肌肉🫶🏻.✨韓式五花豚肉石鍋拌飯 $88 冇再添加醬料都已經好夠味 熱辣辣上枱 份量非常多 兩個人飯同沙律分享就啱啱好...💫 #piscescafe #piscescoffeehk #雙魚座咖啡館 #旺角 #通菜街.#米吃 #香港探店 #健身人士飲食 #管理體重 #飽住瘦 #健康餐 #foodiehk #跟米吃出瘦身材 #kukeepfiteatig yt Red 大眾点评 google @kumikofindfun @kukeepfit

番到香港就梗係要不停食 買 玩！第一個Weekend就出左旺角Shopping，買到攰見到呢間Cafe幾精緻就入去Hea下😌蟲 草 花 杞 子 黃 金 雞 湯 伴 珍 珠 米 飯 $98係外國最掛住嘅就係廣式湯水，所以呢個蟲草花杞子雞湯就啱哂我🤘🏻雞件啖啖肉起哂黃油，蟲草花份量亦十足，撈埋珍珠米一齊食係家的味道😌麻 辣 蒜 香 大 蝦 扁 意 粉 $163.8扁意粉煮到Al dente，大蝦爽口彈牙，掛埋唔大辣嘅麻辣蒜香汁相當惹味，呢個Fusion配搭真係幾特別🤪鮮 奶 咖 啡 + $25.0Coffee creama係起光嘅深啡色，而且仲有個靚靚拉花，淨係睇表面都知呢杯Latte高質👍🏻飲落係偏向Strong and Dark roasted，奶味香濃仲有有微微嘅甜味，非常不錯👍🏻浪 漫 星 空 $68燈光打上透明嘅藍白涼粉底，上面仲放滿桂花愛玉、三色小麻糬、紅豆、芒果爆珠、椰果同荔枝，做成口感非常豐富嘅浪漫星空🌃

今日同雙魚座嘅小鮮肉，一齊去街,為咗配合佢嘅星座,我就揀咗一間雙魚座咖啡館同佢一齊食晚飯啦，順便可以傾吓偈,我好鍾意佢哋嘅裝修,整個感覺都非常之舒服！傾下計就最岩啦！這家咖啡館以獨特的單品咖啡聞名,其中包括原味虹吸咖啡!我們點了蟲草花杞子黃金雞湯，伴珍珠米飯，鮮奶咖啡（熱），美式BBQ手撕豚肉漢堡，薯角，伴田園沙律同浪漫星。黃金雞湯的口感濃郁，蟲草花和杞子的加入讓湯的味道更加豐富。珍珠米飯的口感煥然一新，米飯Q彈有嚼勁，十分美味。鮮奶咖啡的奶香和咖啡的苦澀完美融合，是一款不可錯過的咖啡。美式BBQ手撕豚肉漢堡的肉質鮮嫩多汁，搭配薯角和田園沙律，口感更佳協調。甜品方面我地叫左浪漫星空,主要有桂花愛玉、三色小麻糬、紅豆、芒果爆珠、椰果、荔枝!職員拎過嚟嘅時候，見到好靚嘅LED燈!成個甜品變得好幻彩,食得非常之開心,而且甜度適中,啱晒鍾意食微甜嘅朋友!整體而言,這些食物家非常美味值得一試！

行街好攰，經過見到裝修好溫馨，環境幾舒服，就入左去食。點知有驚喜。除左服務態度好，不時幫我哋加水，食物都好足料，第一次食all day breakfast，係食曬。樣樣都唔錯，食物唔會係暖，炒蛋上枱仲出緊煙，窩夫係酥皮好好食，脆皮的。呢個價錢，份量真係好大份下。。仲叫左個韓式海鮮窩飯，都幾好食。。用餐環境好舒服，好warm，星期六晚唔滿座，有d奇怪，因為真係幾唔錯既一間 咖啡店，有誠意經營，會再光顧！😊

第一次食到既軟殼蟹意粉真心唔錯, 豬手亦可以一試, 咖啡雖然未算好但都有70分, 之後再拜訪幾次試多幾款唔同嘅食物就迎接嚟一波又一波嘅失望... 帶朋友去食早餐, $138一份高級早餐有$98既份量有$68既味道。 再試英式炸魚嘅粉皮不比某連鎖店60蚊既好, 沒有魚味肉質口感亦差, 粉皮亦淋身不酥脆。再下一次試牛扒, 份量很足, 胃口大既一定夠飽, 可惜的是俾得三百幾求既唔會係飽肚, Medium cooked牛太韌有1/5努力過後只能放棄, 淡淡的牛肉味沒有肉香, 同我一直認知嘅Prime Rib-eye有很大分別, 完全談不上Menu上的高級, 好奇一問才被告知一個很現實的事實 - 控制成本... 嗰一刻我諗緊下一次點菜可能我要問嘅係有邊一道菜在控制成本的情況下依然有水準。雖然環境真係唔錯, 但係我畢竟唔係食枱枱櫈櫈或餐具, 要打卡亦有好多更好選擇, 做餐飲業做好食物品質是基本, $50蚊一個餐我會有$50既期待, $300 and up我會有$300 and up既要求, 太子有質既餐廳何其多, 中伏數次已足矣~~