影片
港鐵大埔墟站 A1 出口, 步行約7分鐘
繼續閱讀
電話號碼
36124745
61724868
營業時間
今日營業
17:00 - 03:00
星期一至日
17:00 - 03:00
以上資料只供參考, 請與餐廳確認詳情
食家推介
星期六晚上8點零嚟到，當時已經全場爆滿😮，好彩我地都唔係等左好耐就可以入座。小店傳統打冷格局，座位唔多，而且比較迫夾。由於大食嘅我已經好飽😂，食唔落野，所以我地三個人只點左三樣野。首先係潮州菜館必食嘅滷水鵝片$138上枱果陣溫度適中，唔會放到凍哂。鵝片肉質比較鞋，不過連皮食真係幾有油香，點少少白醋汁更有升華效果。墊底嘅豆腐就太鹹。酥炸蠔餅$98其實我想食潮州煎蠔餅多D，因為前一晚已經食過炸蠔餅，但屋企人想食脆身版，所以揀左酥炸款。蠔餅幾大份，大概有三大塊，蠔仔份量唔算多，但勝在唔會太細粒，亦無腥臭味。面頭灑左椒鹽粉，基本上唔點魚露都夠味。不過我自己就中意前一晚喺尖沙咀食果間蠔餅多D🙈，口感偏乾脆，亦無咁油，同埋蠔仔係呢度嘅1.5倍SIZE。蠔仔肉碎粥$58/碗落柯打之前問職員一碗有幾多，佢話大概分到兩個碗仔左右。正合我地心意，因為我唔會食🤓點知實際原來可以分到六碗仔😯我地懷疑職員有心報細數，想我地三個人叫一鍋🙈個粥食落幾有方魚、芫茜香；蠔仔大概十粒內；比起廣東煲到綿嘅粥，我個人偏好呢款食到飯粒嘅粥。最後仲叫左罐可樂$12，埋單$306。
繼續閱讀
爸媽日常晚飯，最衰都係饑落亭不設訂坐，個個都要係門口罰企焗汗，細妹突然早到半個鐘，成廿幾三十個食客圍住門口等位，我未到就放棄唔等，激鬼死﹗雖然預料之內，但一樣火滾﹗那麼平凡但勁多食客等位，要等十幾二十個號碼，梗係唔等轉場啦！應該因爲禾輋個躲太猛，大家都慕名已來，試過您就知。走到廣福道想試廣東人，竟然幾個月就執左笠。截返公園仔一帶，生煎包滿座又要等，東興都滿座又要等，見陳記有位？是鬼但照食，行到身水身汗了。潮州凍蟹，當我飲醉酒？定係見我童顏以為我係小朋友？兩隻蟹仔收$250蚊，大媽仲話大平賣益我添。隻蟹仔奀滋滋，頂晒每隻$80蚊竟然收貴我一舊水，兩隻蟹仔比四樽醋我仲乜？念住25蚊樽剛好$100蚊抵數？食完仲有三樽醋剩。蟹肉乾乾微暖無鮮甜味且淡茂茂，酸醋又水又淡不酸不甜，蟹膏甘香還可以。大圍生昌同等份量凍蟹都只係百多元，仲要鮮甜無比啖啖肉。師傅斬蟹全程黑面粒聲唔出，完全唔理收幾錢，大媽衝口而出$250蚊兩隻大平賣。蝦醬鮮魷炒通菜，突然好想食鮮魷，鮮魷都係配蝦醬最夾，如果配腐乳好似怪怪的。噴住煙帶著鑊氣送上，爽脆彈彈的鮮魷。爽嫩多汁的水通，濃郁神秘的蝦醬，混得開心愉快。讓大注大注的水通捲著鮮魷掛上蝦醬汁齊齊趙，百盤味道擁現，好味道啊﹗全晚最讚的一道小菜。豉椒炒蜆，每次都會做足心理準備才落單，今次都不例外。無期望就無失望，抱著搏一搏的心態﹗靜靜的飄到，無聲無色的演繹，微暖的芡汁，微暖的蜆肉，明顯早已汆水備用，兜個豉椒汁就可以迅速出貨，什麼味道也沒有﹗無蜆味無鮮甜味無海水味，就連豉椒味都微弱的出奇，無辣味無彩椒甜味，只有少少豆豉咸味，不吃也罷﹗菠蘿生炒骨，極速出場，只需 1 分鐘，堅係勁喎﹗微暖無鑊氣，雪死左的炸排骨程深啡色，乾爭爭的柴皮，趙落一絲絲地剝落。咕嚕汁濁而不鮮，少少酸散發陰沉的甜味，食一舊放棄﹗紅椒青椒還是凍的，食一片再放棄﹗蠔仔肉碎粥一碗，意想不到炸蒜的無比功效﹗更香更甜更可口，粥底超級鮮甜不腥不嗅，大量肥美鮮甜蠔仔，新鮮度不容置疑﹗混上肉碎米飯湯汁灌入口，無得彈無位扣分。辣油煮花螺，不是勁腍螺肉，是我最愛的鮮嫩彈牙多汁﹗香辣兼備，酒味香醇芬芳，食到損晒手指。豉油皇炒海蝦，豉油味香口無窮，蒜香美味但特濃勁咸，蝦肉霉腍沒半點彈力。毛血王，鮮筍爽脆無渣輕甜，萵筍清甜帶爽，豬紅異常入味，香辣可口一咬爆汁非常暢快﹗牛肚絲勁幼軟腍輕索辣汁，大豆芽多汁爽脆搭埋木耳及紅薯粉，麻辣雙暉映，色香味俱全無得頂﹗晶瑩剔透紅薯粉，彈滑嚥韌口感一流，辣味出眾夾雜所有爽脆配菜齊齊食，百花齊放，色彩繽紛﹗滷水掌翼，大大隻滑嘟嘟兼啖啖肉，清香不濁不過咸，滾上酸醋非常清新開胃。韮菜豬紅，打冷店大多出品都是微暖或室溫，居然熱騰騰的登場，非讚不可﹗彈滑噴汁熱辣辣，浸得入味滾埋辣油追住食，還有爽脆清甜韮菜點綴點綴，成件事更加精神爽利﹗蜆蚧炸鯪魚球，外觀已感到少少異樣，表面光滑有著淡淡的顏色。新鮮炸起夠晒熱，質感空盪盪鬆散腍劈劈，水份太多不膠不彈不香口，魚味微弱少許腥味。蜆蚧水汪汪淡茂茂，就算整粒掉去浸都掛不上來，激死我﹗蜆肉碎碎奀滋滋，得幾粒仔，好過無。蠔仔肉碎粥一鍋，老闆我都話走蔥咯，轉頭又唔記得。我本打算唔食，因為真係好飽，但老闆感到不好意思，誠意拳拳要煮過碗走蔥，好啦好啦，感激不盡。雖然老闆親手做，但比我早前食過的有著天淵之別。濃郁香醇靚湯底沒有了，鮮味肥嘟嘟蠔仔沒有了，嚥韌清甜肉鬆都沒有了。潮州煎蠔餅，蠔仔洗得不徹底不細心，食到滿口蠔殼碎﹗炒蛋加花生碎怪怪的完全食不慣，正常的蠔仔炒蛋好食萬倍。椒鹽有膏瀨尿蝦皇，緊緻的瀨尿蝦肉滴著鮮甜肉汁嫩滑彈牙夾著甘香黏硬蝦膏，加埋惹味椒鹽炸得脆脆，食到停不下來﹗上湯焗澳洲花龍，五星級主廚可以媲美海鮮酒家，爽彈鮮甜龍蝦球，大大舊啖啖肉，輕輕上湯蝦膏芡提鮮不會蓋過龍蝦味，有畫龍點睛之效﹗美味奢華拍爛手掌。薑蔥炒膏蟹，爆得薑蔥極香噴噴，連平時討厭蔥的我都要一束一束蔥段沾蟹汁享用，爽甜可口全部消滅。即劏活膏蟹新鮮度爆燈﹗蟹身肉一梳梳無比鮮甜，拑肉結實爽彈無比，蟹汁飛射，橙黃色金光閃閃硬蟹膏填滿蟹蓋，甘甜香口無得頂﹗使得我默不作聲全神貫注地細味。果皮蒸九孔鮑魚，足足四吋長巨鮑，聚手有份量，嫩嫩彈彈鮑味鮮甜，混著果皮淡豉油更加精彩﹗鹽焗烏頭，除大圍生昌外，第二間潮州店遇上黃油烏頭﹗目標鎖定物以罕為貴我當然唔會客氣，民以食為天，立即行動﹗卵巢半透明狀甘甜嫩滑，下一步魚扣即魚腎勁鮮爽甜，繼而到魚肚滑滑膠膠滾埋天然黃油添味可口極致，最後才處理大大舊啖啖肉結實背肉﹗檸味清新、魚肉味濃、魚油味甜、散發鹽香、難得滿分。啫啫生菜煲，肉鬆蠔油，簡單便是美，爽嫩滿意。魚香茄子煲，不是軟綿綿茄子，走爽口多汁路線，咸魚香微辣就算唔撈飯淨食都可以。咸菜豬肚湯，芫茜蔥花我頂唔住﹗唯有只食豬肚唔飲湯。蒜蓉粉絲蒸蟶子，本想要 4 隻，但嬸嬸話唔係段隻計架，要一份份計的。我即時已意識到唔係蟶子皇，必定細細隻。差不多最後一道菜才熱騰騰到來，何解那麼耐啊？第一時間將蟶子肉夾住蒜蓉整舊掉入口，我秒速面色一沉，搞錯呀﹗蒸到三十成熟超膠韌，乾爭爭的橡皮，仲夾雜少少砂石。老人家趙唔到，老媽投降，老爸免強食到，我就硬食呑落肚算數﹗特價 $130 蚊 10 隻好抵好平亦好伏。在滴汗中完成，極品難食的蟶子﹗粉絲完全吸收蒜蓉豉油蟶子汁，當然比蟶子肉好食得多。
繼續閱讀
位於大埔的陳記潮味館是一家值得一試的中菜餐廳。餐廳的氛圍非常有地道街坊風味，舒適寫意，令人感覺非常放鬆。餐廳有戶外座位，可以讓客人在享用美食的同時欣賞到大埔的風景。此外，餐廳提供多種傳統中菜選擇，包括熱門的點心和燉湯，價格也非常實惠，讓人感到物超所值。此外，餐廳附近有許多居民區，晚上時還有不少居民前來飲啤酒，增添了一份熱鬧氛圍。總體而言，陳記潮味館是一家值得推薦的中菜餐廳，提供優秀的食物、舒適的環境和良好的服務。如果你在大埔附近尋找一家地道的餐廳，這裡絕對值得一試試。
繼續閱讀
夜媽媽食宵夜，最正莫過於打冷😋雖然成日覺得好麻甩，但打冷飲罐可樂真係好Gur，又或者飲杯啤酒啤啤佢真係好正🤭打冷鋪雖然有好多，但呢間真係我地每次嘅首選👍🏻雖然位置就唔太就腳，而且環境真係幾麻甩🙈不過好味搭夠因為我地只有2個人，所以叫嘅菜式有限🫣❤️椒鹽鮮魷（必叫）酥脆夠味👍🏻餸飯一流❤️滷水拼盤打冷緊係唔少得呢樣啦🤭好爽嘅鵝腸❤️豆豉鯪魚油麥菜又係好好餸飯😋真係食完一碗飯都唔夠皮😂（平時唔太食飯）好滿足🤪食飽飽訓覺lu🐷
繼續閱讀
大埔朋友早前介紹呢間，話唔錯，就特登過嚟試吓，我哋一行五人。先來前菜，有花生、菜脯、酸菜。第一道菜來滷水鵝，好味，不太咸。之後上個水煮牛，太辣，唔係好食到辣的朋友，記得叫菜時叫小辣。買咗薄殼、蟹、賴尿蝦去加工，薄殼用千尋塔炒，不過師傅漏咗加少辣椒🌶️、爭少少味。避風塘炒蟹，好夠味，非常好食。避風塘賴尿蝦，正常，夠味夠鑊氣。總括，大致上都滿意，嘢食都OK，不過略嫌上菜太快太急，一下子整個枱面都是😂（只是個人喜好鐘意d餸菜慢慢上，慢慢食去享受。）
繼續閱讀