影片
港鐵旺角站 E2 出口, 步行約6分鐘
繼續閱讀
電話號碼
60239939 (WhatsApp)
營業時間
今日營業
10:30 - 01:00
星期一至日
10:30 - 01:00
以上資料只供參考, 請與餐廳確認詳情
好耐沒有做身體檢查，今日和男朋友二人同行去旺角做體驗，空腹了十多小時，又抽血又空腹，超餓…店子招牌是牛，正好補血。設有數張長枱和圓枱，地方不大，但環境骨子企理。餐牌精美，有招牌之寶、潮洲風味、潮洲粉麵、小食、飲品等，而加$26就轉成餐，可揀油菜/炸魚皮+紫菜湯/飲品。牛類選擇多，有牛三寶、沙瓜、牛坑腩、崩沙腩、牛雜等，而淨海參腩（$145）巿面上甚少見，一於試試。雖沒有一點肥肉，較為瘦身，但好腍嫩，還連住啲爽口筋膜，口感佳，且牛味濃，亦弄得入味，推介！牛三寶河（$65）有邊三寶？就係牛腩、牛肚和牛筋。牛筋有少許肥膏，油潤黏滑，富有膠質；牛腩啖啖肉連筋膜，有咬口亦腍嫩，牛味幾香；牛肚就夠晒爽滑。河粉白滑，連牛腩湯同食，再加少許辣醬油更美味！腐乳通菜 (套餐價)一向是最佳拍檔，腐乳放在菜旁，唔會因過多而太鹹，貼心！色澤翠綠，上層係爽口的莖部，而下層全是幼嫩的菜葉。只喜歡蘸上少許腐乳，鹹香惹味。芥蘭（套餐價) 大大碟，粗壯翠綠，爽嫩無渣，蘸少少旁邊的蠔油，添上鹹鮮，不錯！炸魚條 ($30)黃金不油膩，非常彈牙，蘸上泰式甜酸醬更美味！圓肉紅棗薏米水 (套餐價 +$2)有圓肉、紅棗和薏米，煲到腍身，落足料，甜美滋潤。熱檸茶 (套餐價)茶底香濃，加了兩片檸檬，有助消化解膩。
繼續閱讀
與同事工作得太夜，一起找家餐廳吃晚餐。見到陳儀興的客人仍然絡繹不絕，立刻便進去點菜了。同事很喜歡吃牛腩，不想吃粉麵，可以點淨餸，配套餐，有油菜或魚皮選擇，還有飲品，其實也很豐富。淨崩沙腩$148加$26轉套餐，小食選了油菜，非常好吃的菜心！鮮甜爽口，夠嫩無渣。崩沙腩價錢一向高一點，但這裏的份量十足，炆得夠鬆軟入味，不會太咸，腩汁都想喝光，加一點辣椒油更惹味。牛三寶河粉$65，加$26轉套餐，配炸魚皮，吃著炸魚皮，脆得像吃薯片，越吃越過癮，脆而不咸，份量都頗大碟的。牛三寶份量也多，有齊牛筋、牛坑腩、牛肚，全都很入味啊！河粉吸收清湯，加上腩汁，真的很滋味！愛吃牛的人一定要試。和同事一邊吃一邊談天，意猶未盡，再點一份小食吧！這款“我要晒”，顧名思義，各款炸小食都有一些。炸雲吞外層乾身爽口，裏面豬肉餡也爽爽的有肉汁。炸蝦丸爽爽口彈牙，不是發水丸，口感不錯。炸魚條有魚肉味帶鹹香，加幾片炸魚皮，店裡的炸物都拼齊了，配啤酒一絕。別以為吃牛腩粉麵不夠飽，這樣配套餐真的吃得非常滿足！味道又不錯，怪不大晚上得這麼多顧客，愛吃牛的人要試試。
繼續閱讀
2024.01.08【01.08 特別的牛沙瓜@旺角 陳儀興牛什粉麵】2024新開始就是要嘗試新東西開闊自己接受範圍那個喜歡193的女孩說有些特別東西可以和我嘗試就這樣加班後到旺角會合她原來是吃牛什粉麵我問她有什麼特別她說我認識什麼是牛沙瓜？什麼是海參腩？我老實回答說不認識她說平常麵店都不見有這些特別的名字比平常好一點的麵店最多就是有限量提供崩沙腩加上是我說要突破所以就拉我一起嘗新嘗鮮看到座無虛席外賣和準備堂食的我們都要在外面等想必是有的慕名而至有的試過後的回頭客大家都喜歡凍檸檬茶我是有點臨陣想逃但她沒有退縮直接點了淨食叫我試試因為決定勇敢所以一試比想象中更好吃清晰紋理的牛沙瓜背面平滑和呈摺紋的面層雙結合爽口質感有沒有牙力的人都能吃絕對是一個新選擇的好開始我為人比較保守一定叫食肆的招牌菜所以看著產品點了招牌之寶 兼轉餐牛三寶(牛腩，牛筋，牛肚) 配幼麵加點這店的自家潮式辣椒油就是這個味感覺對了牛腩，牛筋，牛肚不遜色牛沙瓜好吃好吃她要腐乳通菜我要生菜配腩汁這樣就可以有2款口味大家都有點意猶未盡看著陳記小食有選擇困難症又如何？不約而同說要 我要晒(炸物拼盤)有炸魚皮、炸雲吞、炸蝦棗丸、炸章魚丸一次滿足只要在一起吃飯吃麵我都願意您努力時我更努力身體健康祝君安好整體味道：♥♥♥♥♡環境：♥♥♥♥♡服務：♥♥♥♥♡衛生：♥♥♥♥♡抵食：♥♥♥♥♡Deliverule 溫度 ★★★態度 ★★★味道 ★★★♡ 陳儀興牛什粉麵 (鴻祥大廈) ♡ ♡ 旺角煙廠街1-3號鴻祥大廈地下E號舖 ♡
繼續閱讀
🙋🏻♂️餓底探員今日去咗旺角調查呢間潮州牛什粉麵店，店內環境衛生，座位空間闊落，唔使擔心坐到會背貼背嘅情況出現，食物除咗粉麵同客飯，仲有多款淨食餐供應，有時唔想食太多澱粉質，或者想同朋友share，淨食餐都係一個好選擇🐂淨海參腩 $145📸表示個海參腩咁深色就知滷製得好入味，份量夠多，底下墊有生菜，睇見仲要係限量供應，要食就早啲去幫襯🙋🏻♂️表示個海參腩食落爽口得嚟夠鬆軟，好重牛味而且滷得好入味，食到停唔到口😋🍜牛三寶河 $60📸表示個牛三寶河有牛腩，牛筋同牛肚，面頭有炸蒜，芫荽蔥放咗喺隻羹上面，方便走青嘅食客，夠貼心🙋🏻♂️表示個河粉口感爽滑，好掛汁，吸收晒腩汁嘅味道，牛腩半肥瘦，食落脂香味濃，口感鬆軟，牛筋食落非常軟腍，入口即化，牛肚爽口彈牙🐟炸魚條 $30📸表示個炸魚條一碟有5條，炸到金黄色配上泰式辣醬🙋🏻♂️表示個炸魚條炸到好香脆，口感彈牙，味道鮮甜⚠️粉麵，客飯或者淨食可加$26升級轉套餐，套餐包油菜/炸魚皮+紫菜湯/咖啡/茶，餓底同朋友分別叫咗腐乳通菜，炸魚皮同凍檸茶，通菜新鮮配上腐乳嘅鹹香，食落惹味，炸魚皮食落酥脆，份量多仲要大嚿📈吃貨指數😋好味度 8.5/10🔙返啅度 8.5/10
繼續閱讀
好少寫食評但今次不寫不爽！明明店員confirm炸醬麵($38)加牛坑腩係加$25(即共$63)，結果收我牛坑腩$55加炸醬$15嘅價錢，變左$70！我想食炸醬麵，見佢牛腩好似出名就加牛坑腩試試。佢講清楚收費我無問題，我最多未唔加牛腩，但係明明confirm左加牛坑腩係加收$25，然後又亂收錢就係唔開心囉！問返店員係一啲歉意都無，唔好意思又無一句，淨係話佢地係咁計，而且最後都係收$70！唔係$7嘅問題，係被人呃左感覺唔舒服嘅問題！仲有，我地仲叫左個雲吞麵加牛丸，落左單後個店員就返嚟問個雲吞跟咩麵，我哋答佢要粗麵。最後個炸醬麵跟咗粗麵，雲吞麵就跟左幼麵，錯晒！我地係怕麻煩無換到，但食唔到想食果隻麵都幾失望囉。總括嚟講，嘢食又黎錯，錢又亂收，服務唔得，唔會再食，唔推薦！
繼續閱讀