阿美車仔麵

營業中

休息中

阿美車仔麵 (大角咀)📍大角咀櫸樹街88號奧柏‧御峯地下G11-G12號舖非常地道的香港街頭美食🏙️🍜。這家店的車仔麵選項豐富，能夠滿足各種味蕾需求，從傳統到創新口味應有盡有🎉。今次孭住個朋友，一起點了以下食物：自選車仔麵的組合是一場味覺盛宴🍜🔥。油面的Q彈🍝，搭配上腸仔、貢丸的豐富口感🍢，再加上韭菜的清新🌱，以及手打鯪魚肉的細膩🐟，最後淋上香濃的咖喱汁🍛，簡直是完美。辣度可調🌶️🔥，讓人可以根據自己的偏好享受不同的辣味層次。另一個自選車仔麵，則帶來了另一種截然不同的味道體驗🍜💥。油面依舊是那個絕佳的底🍝，午餐肉的鹹香🥓、魚片頭的鮮美🐠，再加上手打鯪魚肉的滑嫩和秘製牛腩的深厚香氣🍖，最後配上沙嗲汁，這樣的組合無疑是令人難以抗拒的美味😋👌。談到小食，咖喱魚蛋🍢和生炸雞髀🍗、雞翼🍗都是令人回味無窮的選擇。咖喱魚蛋保持著一貫的風味👍，生炸雞髀和雞翼外脆內嫩，炸得金黃酥脆，是與朋友分享的絕佳小食🎊👫。至於飲品，凍咖啡☕️❄️和凍檸茶🍋❄️不僅解渴，更顯示出這家餐廳對環保的重視♻️🌍，可選擇，走飲管的做法值得點贊👍🍹。味蕾之旅🌆🎢，價錢相當吸引，車仔麵的豐富選擇🍜、小食的傳統美味🍢🍗🍹，希望再次光臨的衝動💖

Happy Friday又約了友人去食車仔麵，今次去大角咀食，話時話都幾耐冇踏足過呢個地方，同每次來到差唔多都係為左食XD，行下見到搶眼的霓虹招牌就知到了。餐廳面積頗大，樓底高有空間感，裝潢以灰色為主調，風格戴點型格(有點似韓風@_@)，牆上壁畫及獅子山有港式之感。餐牌，都幾多選擇，見到人氣的滷水腩肉及豬手好吸引即試下。凍咖啡，跟餐+$9，味道不俗。凍檸茶，跟餐+$9，友人的。自選車仔麵:滷水腩肉($14)、滷水豬手($14)、滷水豬大腸($12)豬紅($12)及幼麵($10)配花生沙嗲汁，合共$62。又腩肉又豬手十分豐富，花生沙嗲汁另上果下幾好，想幾濃味自己調，花生沙嗲味道濃郁惹味，幼麵爽口，滷水腩肉肥瘦層次分明，肉質鬆化又香口，滷水豬手大件，入口彈牙好入味，豬大腸口感軟韌夠入味鹹香，豬紅爽滑，份量適中。自選車仔麵:秘制牛腩($14)、秘制金錢肚($14)、滷水溏心蛋($12)、午餐肉($10)、通菜($10)、響鈴($10)及米粉($10)配清湯，合共$80。友人的，有溏心蛋之下賣相有點日式之感，試了牛腩及金錢肚，牛腩入味軟腍，金錢肚口感柔軟有嚼勁。炸玉子豆腐，$28，口感外脆內軟

今晚朋友說想吃車仔麵, 所以我便和朋友去了大角咀這間餐廳吃晚餐.見到餐牌入面車仔麵d餸款式都多.自選車仔麵 (蘿蔔, 娃娃菜,菜心, 牛丸,肥牛,滷水雞翼, 牛腩汁烏冬) ($78)見到成碗車仔麵咁多餸, 真係好豐富, 好滿足.蘿蔔夠淋夠入味, 索哂d湯汁, 真的不錯.娃娃菜好清甜, 幾好食.叫車仔麵我都成日會叫菜心, 有多d菜食冇咁dry.牛丸很彈牙, 有肉汁, 幾好食.肥牛都好滑, 肉質鮮嫩, 不錯, 滷水雞翼都好入味, 不錯.湯底選了牛腩汁, 又幾香幾好食.烏冬都幾彈牙.自選車仔麵(牛丸, 午餐肉, 魚皮餃, 牛柏葉, 韭菜餃, 秘制牛腩, 秘制辣汁, 中辣米粉) ($82)午餐肉煎得好香, 切得都夠厚身.魚皮餃爽滑, 幾好食.牛柏葉都好爽口, 質感好好.韭菜餃都好大粒, 好多餡, 足料.湯底選了中辣, 不會太辣, 幾好食.生炸雞翼 ($30):雞翼炸得好香脆, 熱辣辣, 卜卜脆, 幾好食.

1️⃣台南焢肉飯好大嚿豬腩肉🥰 抵食！豬皮刮得好乾淨冇豬毛，食焢肉我最怕食到好硬嘅豬毛，「吉」到條脷口感會扣分。😵‍💫2️⃣車仔麵好大碗，湯底清甜，湯底係店家自家製清雞湯，冇落味精🫶🏻 每份餸都好足料👍🏻3️⃣生炸雞翼（五隻）好食！肉嫩多汁，又入味，連骨都入曬味，但唔會覺得好鹹。Very nice✨ 外皮炸得幾脆。4️⃣炸燒賣 啱啱炸起熱辣辣魚肉燒賣，燒賣皮炸幾好，咬落唔會覺得韌，正常發揮。5️⃣炸玉子豆腐食嘅時候要小心，裏面高溫😂 外脆內嫩，炸皮上面撒椒鹽粉。玉子豆腐比豆腐口感實D，有少少甜蛋嘅香味，幾好食！

阿美車仔麵位於大角咀杉樹街6號奧柏御峰地下阿美推介👍阿美手打鯪魚肉秘製牛腩滷水豬手滷水腩肉炸玉子豆腐生炸雞脾車仔麵做主食一碗叫左爽滑河粉，每條都好滑同好長炸豆腐 炸到金黃 索晒湯汁蟹籽丸 咬開爆漿，爽口蟹籽湯底叫左花生沙爹都幾香花生味另一碗叫米粉勁大碗豬肉比較肥，好入口酸齋 酸味正，厚身有口感生菜鯪魚肉鯪魚肉非常彈牙魚味重加入胡椒粉回味童年咖哩魚蛋，咖哩魷魚魚蛋大粒魷魚浸湯更加好味魷魚爽口韮菜餃兩大粒皮薄韮菜爽口推薦生炸雞脾啖啖嫰肉夠晒熱辣辣幾乎每檯都叫車仔麵$10起炸雞脾$30生菜魚肉 $28價錢平民，美食多多

中午午膳繁忙時間都係坐得一半場都無外賣時 收銀男職員態度惡劣無耐性🤷🏻‍♂️一定要順佢個次序落單 由於背景音樂大聲導致聽唔清楚重覆講多兩次 個收銀就開始唔耐煩 開始chur個客 完全無待客之道🤷🏻‍♂️撇開服務態度唔好之外 車仔面味道都非常一般 根本唔似其他人所謂評價咁「高」 「唔可以錯過」一定唔會向外推介 做小區同街坊生意都係好食同服務正常都係必要 可惜呢間小店最基本同簡單既兩樣都無🤦🏻 絕對唔會再有下次幫襯

嚟大角咀買 banh mi 又有機會覓食新嘢🤭 今次就試下呢間開咗唔係好耐嘅車仔麵店裝修保留咗之前咯咯雞嘅獅子山掛飾🗻 再加入霓虹燈水牌，成個裝修更加有香港風味特色湯底用上鮮雞去熬製，冇任何味精，飲多兩啖都唔驚~怕肥又為食嘅呢度有得揀菜底（仲有菜心，娃娃菜同生菜三款）。我哋兩碗夾埋要咗以下嘅餸：秘製牛腩 、韭菜餃、豬皮、牛柏葉、酸齋、蘿蔔、滷水豬大腸、鳳爪、手打鯪魚肉個人鍾意呢度嘅牛腩軟腍入味，豬皮爽口又索味。👊🏻手打鯪魚肉👊🏻去骨啖啖肉，食落有魚味唔會腥而且食落唔會一口粉，最緊要係個口感好彈牙，好值得一試~小食要咗炸玉子豆腐，外酥裏嫩，簡單嘅淮鹽調味~食完炸物都覺得無乜負擔。 （偷睇到隔離枱個生炸雞髀睇落到好正，金黃香脆咁~啲炸物做得唔錯！）韭菜豬紅估唔到小食會係咁大碗！豬紅軟滑唔腥唔會散修修，加埋爽脆唔靭嘅韭菜口感層次豐富~最開心嘅係，佢哋竟然有余均益辣椒醬呀！🤩🤩🤩 作為香港百年老字號，佢嘅辣椒醬有幾傳奇唔洗講，酸香辣交織嘅味道用嚟點嘢係令食物嘅層次更上一層樓。（同時都證明店家肯捨得使錢係食材上面）

大角嘴開始多番一兩間車仔麵而呢一間車仔麵，亦都係區內坐得比較舒適嘅車仔麵樓底高，座位寬闊位置數量都多除咗車仔麵之外，佢哋都仲有小食同飯可以選擇同埋如果大家唔想要面底嘅話呢可以選擇生菜底我就要左菜底跟左蘿蔔、酸齋、滷水豬大腸、滷水雞翼想讚一讚佢哋嘅菜會好細心咁切開，而唔係成塊咁上🤣令食嘅時候都冇咁困難🤣菜底嘅份量都好多！我叫生菜底 真係成棵菜比我咁濟另外佢嘅酸齋好好味😋夠酸唔會太糖漿味（我食過有啲糖漿味勁過酸味🥹）又夠soft! 強烈要求，佢哋有得淨賣酸齋🤣蘿蔔、冬菇！雞翼大大件菜底食完都飽到捧住肚走😗😗之後呢碗睇到張相都覺得呢個車仔麵非常之吸引🤤其實佢係自選車仔麵，入面嘅配料全部都係自己揀🤣因為每一隻配料都都好想食，所以揀吓揀下就變咗勁大碗秘製牛筋、秘製金錢肚、滷水雞翼、咖喱魷魚、咖喱魚蛋、蘿蔔、滷水豬大腸就咁睇張相見到佢個牛筋已經覺得超級軟腍🤤入口即溶而咖哩魷魚就香味夠得黎爽口 咖哩魚蛋大大粒！有魚味彈牙👌🏻因為所有配料都好入味！好味到好快就食晒😽連成日覺得食車仔麵唔飽嘅男仔都覺得飽喇🤣另外一題佢個麵底係非常之多，所以可以叫佢少麵

多餸車仔麵，好味噴鼻的香氣一觸即發。滾燙的湯底，配上豐富的配料，每一口都是滿滿的幸福。細滑的麵條入口即化，彷彿帶你置身於美食的天堂。無論是忙碌的午餐時光，還是寒冬的夜晚，一碗多餸車仔麵都能為你帶來滿滿的溫暖和滿足。無怪乎人人讚嘆，多餸車仔麵絕對是無可比擬的美味享受！

香港車仔麵其實真係好出色，亦係懶人恩物，而阿美車仔麵都唔錯丫。我地二人點左兩碗，第一碗車仔麵以娃娃菜底為基礎，味道清新，配合咖啡雞翼尖更顯特別。咖啡雞翼尖煮得鮮嫩多汁，淋上香濃咖啡醬汁，帶來濃郁的咖啡香氣，回味無窮。酸齋亦為呢碗麵增添左一份酸甜風味，胃口大開。手打鯪魚肉的魚香味道搭配上麵條的彈牙口感，愛不釋手，仲有滷水豬手肉質鮮嫩，滷得入味，啖啖都係美味享受。而第二碗車仔麵係米粉底，搭配蘿蔔、油麥菜和酸齋，帶來豐富口感和層次。加入牛柏葉為這碗麵增添了一份特別牛香氣，滷水豬手的肉質依然鮮嫩多汁，配合米粉嘅滋味。除了主打車仔麵，小食方面都好唔錯。點左韭菜豬紅，夠哂入味。總括而言，呢間車仔麵店環境亦好舒適，樓底好高夠哂守寬敞，而光線亦好十足，裝潢夠哂香港地感覺。車仔麵無論係娃娃菜底定係米粉底，都係充滿著濃郁香氣和美味。加上小食同配菜選擇豐富，實在可以一黎再黎。

車仔麵絕對是香港的地道美食！大角咀的「阿美車仔麵」，餐廳環境充滿港式情懷，地方寬敞，有梳化位，亦有窗前看街景的座位等。車仔麵超級大碗，湯底用鮮雞去熬製，冇加任何味精。至於餸菜份量亦都十足，例如冬菇又大隻又腍又入味，鳳爪都好肥美！豬皮爽口大大件，金錢肚亦好好味！響鈴更加係熱辣辣即乍起，很用心的做法！除了車仔麵，也有特色飯類供應，叫了一個台南焢肉飯，大大件腩肉配糖心蛋、酸菜及菜芯，$48碗好味又抵食！這裏的小食亦非常出色，首推生炸雞髀🍗，炸得皮脆肉香，餐廳亦細心附上刀叉🍴，用刀叉食炸髀絕對係高級享受😎

阿美車仔麵大角咀櫸樹街88號奧柏‧御峯地下G11-G12號舖今日去大角咀奧柏‧御峯探個無飯朋友，到飯點時間，朋友介紹到樓下G11號嘅阿美車仔麵食。一到店，老闆熱情打招呼，並推介我們品嚐佢哋嘅生炸雞脾，我哋試埋其他小食，諗住可以慢慢食，吹吓水。小食、炸物一上枱，已經聞到好香，個顏色賣相好靚，無論是雞脾還是雞亦，雞肉炸得金黃酥脆，外層酥皮鬆脆，內裡肉質鮮嫩多汁。炸墨魚丸外酥內嫩，墨魚的鮮味十分突出，每一口都帶來濃郁的海鮮風味。燒賣炸到外皮薄脆，好好食。不可不提梗係阿美主打車仔麵，我必須說他們的牛腩真是勁好吃。腩肉經過長時間的悶煮，肉質鮮嫩多汁，入口即化。肉與皮完美結合，為口感帶來了豐富的層次感。仲有係佢地個湯底，係無味精自家煲嘅清雞湯，就算飲埋個湯都唔會口渴。我強烈推薦大家嚐一嚐。

大角咀一向臥虎藏龍，在不起眼的地方有一間有着霓虹燈招牌的車仔麵店，裝修很有香港情懷，場上更有着以往車仔麵檔的壁畫車仔麵的選擇不少，特別欣賞有很多醬料可以選擇，而且迎合潮流也有菜底可以選擇，very flexible~有些小食的選擇也比較特別，不是一般常見到的我和朋友點了兩碗麵，都十分豐富🤣我的是秘製牛腩+蘿蔔+紫菜+秘製金錢肚+滷水糖心蛋+河粉底，還有花生沙嗲汁和辣醬😝今天是星期五要食得開心一點haha 整碗麵我最喜歡是蘿蔔，有兩舊非常大嚿的蘿蔔，真的十分十分清甜而且沒有任何渣，雖然餐牌上沒有推薦的符號，但真的非常驚喜，是令我留下深刻印象的蘿蔔。秘製牛腩也表現得非常好，不是燉得非常之淋的牛腩，但絕對不是韌，而且筋肉相連，口感更加好☺️值得一提的是，每樣餸的份量都很多，店家都幾大方，還有花生沙嗲醬跟辣醬我都十分推薦，令到個湯底很香朋友的是秘製金錢肚+滷水豬手+油麥菜+手打鯪魚肉+娃娃菜底+清湯，她就比較喜歡清淡，我試了手打鯪魚肉，肉味很出，是突出用了很多魚肉，不是那些用粉做出來的，另外滷水豬手也完全沒有毛，清潔功夫做得好好。菜類亦洗得好乾淨，係新鮮爽甜既菜呀！小食非常特別，所以我點了炸玉子

大角咀呢邊一向都有好多唔錯嘅美食，今次就同朋友來到呢間價錢經濟實惠嘅阿美車仔麵到醫肚！呢到用QR code落單好方便，另外每一碗麵都可以根據個人喜好去選擇返要咩汁、洗唔洗少麵、洗唔洗走蔥等等～幼麵、豬紅、滷水溏心蛋、咖哩魚蛋、秘製牛腩💰HK$60呢碗簡咗加牛腩汁同小辣，簡咗小辣就係匙羹上面會有啲辣菜脯！秘製牛腩炆到好軟腍，牛筋都好軟滑！咖哩魚蛋大粒又重魚香味！滷水糖心蛋好入味！豬紅口感爽滑！叫咗超多餸，大滿足～油麵、通菜、滷水豬大腸、滷水雞翼、滷水豬手💰HK$61呢碗都係簡咗牛腩汁同小辣！滷水豬手係呢到嘅招牌餸之一，豬手超大舊，豬手咬落去每一啖都好軟熟，骨膠原滿滿，仲有埋骨碟比客人，真係好貼心！滷水豬大腸同滷水雞翼都好入味，再加埋爽脆嘅通菜，為呢碗麵增加咗不少口感～椒鹽炸墨魚丸💰HK$28墨魚丸經過炸完之後唔會好油膩，口感彈牙，每一粒墨魚丸嘅表面沾滿咗椒鹽，好惹味～凍奶茶💰+HK$9如果喺大角咀想品嘗港式嘅懷舊味道，食呢間有誠意嘅阿美車仔麵，真係一個唔錯嘅選擇～

咁啱喺奧運落大雨，見到附近有間好似都OK嘅車仔麵，順便食吓嘢等啲雨勢冇咁大再行，咁就入咗去食。見到本身呢度個餐牌都幾flexible，除咗有好多唔同嘅面質可以揀，仲有菜底等等。即使係晚餐，都係$100樓下，喺奧運嚟講，都真係算係幾平㗎啦見到呢度佢個清湯係標榜住用先加去熬製，係冇落任何味精，都幾用心。我自己就揀咗四餸車仔麵，都只係$56 ，真係好抵呀！本身個面嘅份量都幾大同埋啲餸都算足料唔係得一兩嚿Hea你，真係大件夾抵食！同埋再加咗個椒鹽炸墨魚丸，實落幾特別好香口，炸得幾脆，鹹度適中。.兩個人食，一個四餸車仔麵，一個五餸車仔麵，加個小食同埋兩杯嘢飲，都只係$168咋！呢個價錢喺奧運真係好難搵到，有時諗唔到食咩，但又想平平哋咁食一餐，呢個真係一個唔錯嘅選擇。