阿一豬扒酸辣米綫

營業中

休息中

係附近番工 覺得呢間米線好好食 食過好多次今日難得同啲同事去堂食 如常叫番撈米線小辣點知係辣到完全食唔到.......明白唔同廚房師傅既手勢可能有啲唔同 但相差到咁又太過份了吧側邊同事更加唔食得辣 想話可唔可以攞碗湯溝淡少少 點知要收6蚊.. 勁細碗 係茶杯size...問佢有冇熱水 佢話淨係得支裝水😅😅😅請問正常廚房會唔會係無熱水？想講明明係佢哋廚房出品個標準不一我地只係想有個方法可以繼續食到個米線相信一碗湯或一碗熱水對一間餐廳的成本並不算什麼 可惜最後的結果完全係消費者無辜去承受決定以後唔會再食🙂‍↔️

<阿一豬扒酸辣米綫> 📍香港大學站🔸發現新大陸！！！🗺️ 好味到一星期翻啅兩次😋🔸手打鮮豬扒鬆化可口，食過返尋味 🤤🤤🤤Encore!!! Encore!!! 再Encore!!! 🤤🤤🤤 最近譚仔難食左，想食碗令人感到無負擔、零油膩感嘅米線，所以特登搵晚去西環試下呢間35年老號 😎✨ 薑真係越老越辣，多年來屹立不倒，果然有返咁上下水準！！！真味豬扒酸辣米線/上海麵 ($46) — 手打鮮豬扒，口感鬆軟，同時亦不失纖維咬口 😋 最重要係腌料唔會過鹹，冇肉鬆粉同豬蘇味。酸辣米線小辣，已經夠晒過癮 🌶️🌶️🌶️ 好比譚仔五小辣 🔥 味道平凡得來唔簡單。米線選用粗米線，口感實在，與譚仔不同。如果想再有充實啲，可以選擇上海麵 🍜精選白咖啡($14) — 似乎係馬來西亞手信啲白咖啡粉溝出嚟 🤣🤣🤣 十幾蚊黎講都算交足功課，唔會稀寥寥 🥤 用嚟解辣都相當唔錯。自從前幾日食過第一次之後好似上咗癮咁，今日帶埋朋友仔再翻啅 🤣 佢唔食辣都覺得正！！！難怪客似雲來，餐廳做到冇停手 ☺️ 我都衷心希望本土小店可以做得長長久久啦～ 題外話：唔知大家有冇覺得筷子筒十年冇洗好污糟，所以我永遠都揀啲筷子頭向外

嗌咗招牌豬排酸辣米線 少辣佢塊豬排真係好大塊，食落唔乾，都幾入味入開頭見到碗湯都幾清，都懷疑緊係唔係酸辣湯底，飲落其實最主要係靠佢醬嘅味帶岀嚟，唔係好辣但係搶口，不過酸菜都ok唔知點計法，最好加埋杯凍咖啡埋單$58

阿一豬扒酸辣米綫仲未離開瑪麗醫院嘅我，今日已經住咗第28日，做埋少少檢查就會出院啦！返屋企抖一陣就會去伊利沙伯醫院，點都唔相信關自身退化事，希望QE會幫到我啦！既然就快遠離西環一帶，一定要試哂西環d好西先，試唔哂都要叫做食過下先得，今次試下食「阿一米線」，外賣拎上瑪麗醫院都唔會淋哂，好唔錯！1.真味豬扒酸辣米線$44+$1外賣（9/10）呢個豬扒米線份量都勁多，豬扒都有一大舊，由於個外賣盒唔夠大關係，豬扒剪開兩舊，豬扒係炸過，好入味，唔算薄又唔算肥，肉質唔算好韌，入面仲有酸菜同炸花生，炸花生好香，辣度我覺得似小辣，米線焗住都唔會淋有咬口，成碗豬扒米線真係好唔錯！1人總共價錢$45個人口味總評分：9/10@hka1chilisauce地址：西環卑路乍街7-11號海都樓地下C1號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#阿一豬扒酸辣米綫 #西環 #西環好去處 #米線關注組 #香港美食 #hkfoodie #hkfoodblogger #hkfoodpic #

📍阿一豬扒酸辣米綫西環卑路乍街7-11號海都樓地下C1號舖呢間食咗好多年，水準一路都keep到～服務要睇分店，呢間個伯伯就好有禮貌，唔該前唔該後，上菜又快！1️⃣豬扒酸辣米綫（小辣）$44呢間主打豬扒，真係必食！$44大大碗，仲有3塊大大塊嘅有骨豬扒。我睇佢門口嘅介紹係即叫即炸，而且會每日人手以肉質纖，再醃過夜，所以豬扒好入味、肉質鬆軟。佢呢間嘅酸辣係自己用辣油醃嘅酸菜，好正！成個湯底唔會太heavy太油膩！米綫有咬口，唔會煮得太腍。2️⃣酸麻辣撈魚片頭（小辣） $40同米綫個汁一樣，都係自己用辣油醃嘅酸菜！會建議中午外賣留返夜晚先食，咁會入味啲。今次堂食都辣嘅，但好表面，醃多一陣嘅話魚片頭中間都會入味啲～

成日想寫下屋企附近一些好味又質素穩定店，但總係因變了太日常般，幫襯不少次，依然好味，依然質素常在，卻食完影完相，最終忘記寫！我好鍾意食呢一間米線嘅酸辣魚腩米線，每次幫襯魚腩都新鮮好味，除咗預覽我仲會叫小食炸雲吞，每次都炸得香脆可口！另一半就最鍾意食佢嘅炸豬扒撈，話佢嘅炸豬扒整得太好食！另外我哋好多時都會叫佢嘅小食海蜇，酸酸辣辣又爽口覺得非常之美味開胃！服務方面，我認為係禮貌不錯嘅 and 每次我叫呢一個魚腩米綫，都不忘拎一隻碗俾我裝魚骨真係thanks

特色上海米線阿一豬扒酸辣米線(西環)____________________________西環區特色上海湯麵，小編Order了 鮮味豬肝上海麵($39)，韭菜餃酸辣上海麵($39)，豬肝味道鮮甜，上海麵口感好似烏冬，非常彈牙很美味， 酸辣湯底亦非常香！！！秋天吃暖暖的湯烏冬很好正呢～～

豬扒酸辣上海麵 佢嘅上海麵好似烏冬質地 好彈牙 酸辣裏邊啲湯好正 碗麵好專業有埋花生 豬扒都有四五舊好大舊 好好食 最緊要就係晏晝食飯嗰陣時大大碗 價錢平 可以之後同啲朋友一齊試吓佢個中辣

今次叫左2碗米線，1份剩🥩。其中一碗湯行到地鐵站就瀉灑。依家就兩碗米線分享一碗湯。或者會唔會考慮引入一些大d既膠袋。咁或者唔會咁容易倒瀉湯，因為我今次係第二次發生👉🏼👈🏼，但我會繼續幫襯！🫰🏽

Shanghai Thick Noodle with Fried Pork Chop 🐷✨📍: A One Pork Chop Spicy Rice Noodle, 7-11 Belcher's St, Kennedy Town, Hong Kong💰: $42⭐️ : 8/10Review: Heart-warming soup for winter. ❄️ Clean soup (you can ask for spicy/not spicy) with crispy abundance pork shop (well seasoned! 💫), worth the price 😍🙌🏻Don’t forget to bring tissue with you because they’re smart 🤓, they would charge you $2 for tissue

西環呢間小店一直係我嘅至愛。仲記得以前喺附近讀書，一有時間就會走落嚟食碗豬扒米綫，填包個肚先返去上堂。雖然阿一有其他分店，但唔知點解呢間好似特別好食，所以畢咗業幾年，間唔中都會特登走返嚟食。店入面只有幾張枱，我12點半左右嚟到，好彩唔使等。落完單好快就有得食。豬扒三大塊，粗米線非常彈牙，酸辣湯底好香，咁多年都咁好食，水準依舊，冇令我失望不過今次花生就好似淋咗少少，唔夠新鮮，可能擺耐咗。加埋杯凍利賓納，簡單滿足嘅一餐！

米線真的好好味！從第一次吃就覺得很好吃，喜歡豬肝和肉丸！韭菜餃有種嫩韭菜的甜味，好喜歡。每次不知道吃什麼，沒胃口，很傷心，很開心，或者是純粹饞了，我都會跑去買米線來吃。因為很常去吃同一種，以至於大叔已經記得我的單，每次去都會問我「一樣嗎？」靠窗靠門的幾個位置我在等單的時候都坐過了。離開hk之前覺得好像很需要去和大叔告別，對一直以來很熱情的接待，很美味的食物，我都很想說聲謝謝。也想謝謝大叔溫柔的告別！總之大推大推大推，都來吃！

前排趕住出門做野, 去咗阿一外賣碗湯米線醫肚食晏時間去到, 堂食同外賣都大排長龍好在嘢食整得都算快, 等咗唔使10分鐘就攞到<真味豬扒上湯米線>大食妹近排腸胃唔係好妥, 湯底方面揀咗最健康嘅上湯, 清清地但又唔會太淡味真味豬扒份量幾足, 食落啖啖肉, 做晏晝啱啱好

叫咗佢個招牌酸辣豬扒米線，嚟到豬扒都有3，4舊，而且都好大塊，好厚，咬落去冇雪藏味，煮得十分通透，配合埋酸酸辣辣嘅湯底，同滑嘅米線，都算係一碗高質嘅米線，而且湯底有得揀微辣，好適合唔食得太辣嘅人。

之前睇過網上評論有人提及好多關於阿一豬扒米線服務態度惡劣，又會趕客人走嘅事件，但係喺呢一間分店就冇呢啲咁嘅事情發生呢一間阿一豬扒米線嘅店主伯伯非常之友善，我去過幾次佢依然都係咁和藹可親，佢會好積極踴躍地去為你服務，嘢食亦都係好短時間內就送到，即使店面唔大，啲位亦都冇其他分店坐得咁舒服，但係呢度嘅枱係非常之乾淨，清潔衛生做得好好喺度用餐成個觀感係好舒服。至於呢度嘅米線質素同味道都係同其他分店大同小異，與其比較呢度嘅米線，我更加想去讚下呢一間老店嘅服務態度今時今日嘅香港真係好難再有咁好嘅服務態度，在此積極推薦呢間老店俾大家