開飯 (已結業)

搬咗去葵涌住，當然要試吓附近既食店。其中呢間就差不多每星期都食一次。之前係叫外賣，即叫即整，返到屋企仲熱辣辣！價錢真係非常合理。每個餸跟白飯、例湯、加3蚊仲有餐飲。抵過自己煮！推介懷舊冰梅骨、蜜糖骨。由於又想食蒸魚，於是同阿女第一去堂食，服務態度非常好，問今晚邊種魚靚，絕對提供專業意見，唔會淨叫你食最貴果款。兩個人食咗一條蒸三刀、冰梅骨、蒜蓉炒芥蘭、兩碗湯、兩碗飯、兩杯凍檸茶，都係190 有找。絕對值得推介。

早排限聚令，個個星期去探娘親都係買外賣，呢間都係近期至愛，而家限聚令 4 人，終於可以坐喺度新鮮煮起食啦。我哋叫咗蒸魚同蒸雞套餐，再加個白菜仔，送上例湯夠足料，蒸魚夠新鮮，蒸雞夠味道，飯後有 2 杯餐飲。佢哋蒸肉餅，欖角骨等都好好味架。餐廳每日都有不同魚類供應，食咗好多次都靠得住 👍👍餐廳似係家庭式經營，比客人好細心，認得出我哋，都知道娘親奄尖麻煩 🙈🙈 所以都會等佢坐定先送上熱湯同熱滾水 💖💖希望多啲唔同菜式供應，咁就可以繼續幫襯 😅😜

疫情下要同媽子食飯都幾考起，喺 openrice 做咗好耐功課，就決定試呢間外賣 😅😅見人食多寶魚好似好正咁，點知去到佢哋話無 😭😭😭 咁魚呢家嘢我又唔係好在行，佢就介紹我食馬友，咁就信佢試吓啦，再加多個冰梅骨。落咗單就去買其他嘢，返轉頭都未煮好，證明係新鮮煮嘅 👍👍返到屋企啲餸仲熱，我叫咗豉汁蒸，點知比人話條魚咁新鮮有魚味，應該清蒸好啲喎，唔駛浪費咗條魚 😖😖冰梅骨都好入味好好餸飯，2 個餅連湯同飯都係 ＄140，我覺得好抵食，最緊要娘親滿意 👍👍餐廳嗰位小姐都好好人，又有禮貌，仲提我下次可以打電話落單就唔駛等咁耐 😍

今日午飯時間，去了呢間開飯餐廳，餐廳的裝修設計整潔，坐位舒適。我到達時間已經下午1:30，店內仍然八九成入座率，只能坐單邊位，看了餐牌，選擇也多，最後決定試吓招牌海南雞飯，加一杯至愛熱奶茶。等左一陣熱奶茶到左，奶茶唔錯，好滑又有茶味，好快跟住海南雞飯也到，賣相不錯，食落去雞有雞味， 雞肉一啲都唔韌，而且仲好好味，而個姜黄飯更出色，不但夠飯香，也不油膩，最怕食姜黃飯油立立，太油不健康，最重要價錢只係$45。