鍋心八鮮蒸鍋

營業中

休息中

#chuchu食在太子📍 鍋心八鮮蒸鍋唔知大家有冇食過鍋心？疫情嗰陣🐷已經嗌過好多次佢哋嘅外賣set！以前佢哋淨係開晚市，最近5月1號推出新嘅午市海鮮點心同傳統點心！仲有自創嘅新鮮「海鮮點心」，即叫即蒸！當然仲有鍋心最強「鍋心」八寶蒸飯！💡想食海鮮點心就要11:30-3:30食喇！—————————————————————❣️ 粉絲蒸貴妃蚌 $29好新鮮！再加埋蒜蓉粉絲蒸，完全帶出咗個鮮味！平時冇點心舖食到蒸點心，好有特色！.❣️ 招牌沙嗲鮮魷 $26平時茶樓食點心叫沙嗲魷魚都係土魷，呢度真係用新鮮魷魚！好彈牙，沙嗲醬蒸都好出色！.❣️ 蟲草花燒賣 $28燒賣面頭有好多蟲草花😍燒賣都好足料，新配搭好特別，多個口感好正！.❣️ 鮑汁鮮竹卷 $22皮薄又好竹料，加埋鮑汁好好味！.❣️ 山竹牛肉球 $23大大粒，有好多芫荽😍超香！.❣️ 招牌沙嗲腸粉 $18同沙嗲鮮魷同一個醬，所以味道都係咁正！腸粉仲要好滑，蒸得啱啱好！.❣️ 雞軟骨肉餅蒸飯 $58有雞軟骨肉餅、南瓜粒、菜脯粒、鹹酸菜、蔥、花生、小魚仔，再加埋豉油撈呀撈！超多配料，好豐富😍即叫即蒸，啲飯真係粒粒分明，仲要咁多料，好夾好好食！.💬 全新午市

閒日黎到呢度，打電話果陣都話基本上星期一至四唔會限時。結果真係舒舒服服既。坐低等朋友果20分鐘都無追過我地。點野食有樣唔好就係要全部人㨂同一個餐。同埋除左餐基本上係無其他小食既。啤酒有兩款。涼茶有兩三款。再加d 汽水添！坐低就有湯飲！足料既湯。連舊豬肉都好有味！仲有兩隻雞腳添。我哋叫龍蝦餐，$259一位。唔算大隻，但連埋金蒜蒸超正。仲有膏添。鮑魚㨂左果皮蒸，算大隻既！配蘿蔔，正常就唔會同時間熟既，應該之前蒸完。有小小蘿蔔乾既感覺。蜆我地配左泰式醬，未上枱果陣都驚佢淋上面咁樣。原來佢放旁邊等大家自己點。辣得幾過癮既。全部大大隻又無沙，每人都有五六隻。蚌就真係細隻，如果唔係驚d 蠔好唔好就唔會㨂佢。豆豉蒸個味唔錯。剁椒蒸多寶魚。見就驚佢太滑唔啱食。第一次食又覺得幾好味喎。呢隻煮法真不錯😘蟶子爽口彈牙！可惜無得另外再叫。蝦就太細隻喇。我食左三四隻，每隻都有膏，講真，真係唔知要一隻大既還是幾隻細既好🤔臨尾加個八寶飯，自己㨂八種食材，牛舌陣味好rich. 魚仔同土魷令到個飯好野味，應該加潤腸既。萵苣同菇配入去又唔係咁出色喎。如果可以加多d 蔥同花生就更好飲晒啤酒埋單都只係$310 位。食海鮮食到

人氣非常旺盛。我哋去到嘅時候，餐廳已經坐滿咗人。好彩，我哋早有預訂，所以唔使等位就入咗座。蒜蓉粉絲蒸蟶子。蟶子係我最鍾意食嘅海鮮之一，因為佢嘅肉質鮮甜，口感爽脆。呢道菜嘅蟶子有兩隻，size就未到蟶子王級數，但係都算係咁啦。蟶子嘅肉質果然好鮮甜，粉絲同蒜蓉嘅香味又完美咁襯托咗蟶子嘅鮮味。

📌 鍋心八鮮蒸鍋 - 太子花園街207-209號地舖🗓(18/5) 星期六 ⏰ 中午12點左右 💈特式：星期六日放假天，梗係要飲下茶慢活一下啦，呢間蒸汽海鮮鍋店我之前都有食過，最近仲開埋午市做點心，就梗係要試下啦。🥩🍔🌭🌮🥗🥯🥘🍲🍝🍣🥟🍤🍱食物：餐廳主打活海鮮蒸汽點心，亦有普遍傳統點心，仲有必食既王牌八寶蒸飯，而家等我同大家講下💨味道先。蒜蓉粉絲蒸蟶子$2️⃣8️⃣ - 蟶子就有2隻，size就未到蟶子王級數，但我都要分兩口先食得晒，蟶子非常新鮮，就咁加上蒜蓉蒸，味道一定係出色。泰式香茅荷葉蒸蝦$2️⃣9️⃣ - 呢個係職員推介新品，一籠有4隻基圍蝦，size適中，勝在夠新鮮。一打開荷葉即刻就會聞到好濃香芧味，蝦肉食落爽口，除左香芧味仲會食到荷葉味同輕微泰式香料味道。蟲草花燒賣$2️⃣8️⃣ - 燒賣size都幾大粒，豬肉份量好滿足，加上蟲草花一齊蒸，都幾夾，而且燒賣係我幾鐘意嘅爽口質感。醬香金錢肚$2️⃣3️⃣ - 金錢肚份量都多，舊舊都腍滑唔韌，墊底d白蘿蔔條索晒d汁，又無渣。蒜香蒸排骨$2️⃣3️⃣ - 排骨蒸得夠入味同腍身，墊底同外面酒樓一樣用左芋頭粒，但呢個芋頭粒都幾夠綿滑。招牌沙嗲蒸腸粉$1️⃣8️⃣ - 呢個招牌

抵食 海鮮蒸鍋 揀咗龍蝦同蜆餐， $268，其他海鮮都好好味，有象拔蚌仔又有桂花蚌，蠔，鮑魚正！食埋個八寶飯之後仲有糖水！好飽！又唔使加一，同埋朋友慢慢食一餐 非常適合！

食咗二人餐，評分如下龍蝦 7/10 偏實硯 4/10 有少少沙，細隻，有一隻臭咗多寶魚 7.5/10 刴椒煮，全晚最好食蚌 4/10 細塊到唔專心睇係見唔到，配泰式醬都唔好食鮑魚 2.5/10 同蘿蔔一齊上，蘿蔔好濃，食鮑魚除咗你知佢係鮑魚質地之外無任何味魷魚腸粉蟶子 6/10蠔 6.5/10 呢兩樣中規中矩最後個飯係隊飽你，但唔好食的豬腩肉係好大陣豬羶味成餐飯唯一好嘅係全程有人serve你，態度都還好除此之外就係每樣都得一兩舊，食得唔爽之餘都唔稱得上好食埋單兩人52x，你可以話呢個價錢仲想點但我就唔會返轉頭了總結 5/10分

第一次食蒸海鮮，帶埋阿媽去食就梗係搵定冇咩負評地點又就腳嘅啦上OpenRice見到呢間好多人都力薦，有蒸海鮮又湯又糖水咁真係性價比極高我最想讚嘅係成個用餐體驗，由訂枱到埋單，服務態度真係一流事緣是咁的：我地一行三人但其中一個要遲啲到，所以訂枱時已講定，接線小姐已話冇問題唔係計人頭入只係食到20:30去到當天18:00左右已經入座，同返職員講佢地已經話ok冇問題，之後我地落好order就留返起一份到最後先再一次蒸，因為家人黎到好遲，差唔多19:30先到，職員們立即好貼心咁快快手幫佢蒸熱返個湯再serve多次逐碟蒸海鮮，明明我地係訂一枱但要佢地做左兩次功夫搞到我都唔係幾好意思，最意外嘅係佢地冇收加一，但真係好好服務同有禮貌，每碟餸蒸起都分好晒再比時間你打卡，唔會擔心你食唔切要趕你走，服務態度絕對值得一讚講返食物，我呢啲食菜怪最欣賞佢每款蒸海鮮都會加埋件蔬菜一齊蒸同食，唔會好寡又夠健康，蔬菜同海鮮亦好夾，真係諗得周到。食物方面冇投訴，咁嘅價錢有半隻龍蝦同蟹真係幾抵，係個飯就麻麻地，冇其他食評中講得咁好食，我一向唔食飯所以吸引唔到，糖水係燉雪燕膠，唔太甜唔會漏幾好食總括黎講呢間真係值得比五星，

呢間餐廳嘅好處就係好似殘廢餐咁，咩都唔使自己嚟，有專人幫你計時，夾埋上碟俾你食，每一次打開蓋都會提你「係時候攞相機出嚟影張相」，食得開心嘅係真係唔使自己郁手，所以好快就食飽咗。 佢啲海鮮不過不失，性價比極高，主要都係買服務，然之後個蒸飯就由自己選擇材料，其實去到食蒸飯嗰刻我已經好飽，因為前面啲海鮮一路食無停。再加上一開始佢個燉湯都真係好足料，我真係飲埋湯食埋啲湯渣。我哋好努力分埋啲飯嚟食嘅時候，原來最後佢仲上埋糖水。呢間餐廳記住一定要book位，佢只有兩段時間食，價錢嚟講分幾個價位就視乎你揀蟹定龍蝦。其實都真係隨你喜歡，有時龍蝦都會賣晒，所以我今次都淨係得返蟹鍋。

打算同朋友聚會就約係到食，我朋友比較鍾意食海鮮所以就決定試下！因幾年前食過水準都唔錯，順便看看有沒有改變！一入到去其實人真的不多晚上7:00，加上是平日不多人都是正常的！入到去侍應同我地講2小時用餐時間，這是香港慣常，都見怪不怪！叫咗個龍蝦餐，一開始有個蟲草花湯都幾好飲，之後服務員就開始幫我地蒸食物，感覺非常之趕，但可能人流不多，食材流轉慢，龍蝦梅不爽口，其他食物須然話係有配料選擇去蒸，但無咩味！聖子比較細隻豉汁加咗落去都無咩味道！蠔一般，兩隻似台山蠔，鮑魚蒸還可以！八寶飯可選擇八個配菜，飯都未食哂，就立刻上甜品，個甜品好甜！我地食唔哂個飯，服務員見狀立刻話比個盒我哋，一嚟個盒後就立刻幫我地埋單，問都無問超快速！但係我地都係坐咗個半小時，都未夠時間，真係好趕！但又無咩人！但如果要食蒸海鮮的話不會選擇啊！每人$300到没加一！感覺好像食快餐！服務真的不太好！

呢一間海鮮蒸鍋我個friend同我講左好多次🤣🤣不停同我講「你真係要試下！好好食㗎！」🤨然後我都係抱住個咩都試下嘅心態去食😂點知。。。真係超級好食，仲要唔貴！我揀左龍蝦肉蟹個set，每位都係$288 (+服務費)包晒蒸海鮮＋八寶飯＋燉湯同埋糖水👍🏻🤩真心正！全程都會有店員幫手蒸海鮮同計時，我哋就係淨係負責食😆佢仲要係用蒸餾水蒸海鮮，保證蒸嘅過程都係衛生👍🏻👍🏻雖然間鋪嘅門面唔吸引，但係真係勁高質🫶🏻力推！1️⃣✨蒸海鮮🦞🦐🦀✨[🅁🄰🅃🄴 5/5]啲海鮮真係勁新鮮鮮甜😋雖然啲海鮮基本上係每人一至二隻左右，就咁睇好似得好少，但食落又覺得幾飽，最緊要係好食！❤️保守派嘅我除左個鮑魚係揀左果皮蒸，其他海鮮我都揀左用金銀蒜蒸😂聽聞清蒸好似仲好食，更加食到海鮮嘅鮮味，下次可以試下😆🫶🏻2️⃣八寶飯👍🏻😍(第7頁有片!!!)[🅁🄰🅃🄴 5/5]八寶飯嘅配料係可以自己揀嘅！我就揀左秘製雞軟骨肉餅，柱侯牛粒&萵筍&沙嗲豬頸肉&豉汁排骨&欖菜四季豆&醬油漬牛脷&豉汁排骨，我個人就覺得欖菜四季豆好值得點，佢簡直升華咗成個飯😂令到撈個飯嗰陣勁香，見到條片真係隔住個mon都聞到陣飯味🥹❤️其他配料都好入味，尤其係牛脷😋so

1.好似焗桑拿咁，間舖頭冷氣勁細，周圍開晒風扇都唔掂，好多食客卷高衫袖，焗到無胃口食。2.侍應個個都好似阻住佢收工咁，將食物掉落去蒸鍋度，全程砰砰聲，掉碗碟聲不絕於耳。。。3.最痴線係呢個，有個男員工（唔知係廚務工定侍應，推住個垃圾桶，入面係一個大既黑色膠袋裝滿晒（估係垃圾），由大門口推入廚房方向，竟然路過我張檯停低，將個垃圾桶擺響我隔離，用佢啱啱掂過垃圾桶隻手拎起我地個蒸鍋蓋再夾起個蒸籠。。整好之後又再推番個裝滿垃圾既桶去廚房。

首先，我覺得呢間店都幾值得寫，可以推介一下。整體體驗唔錯，但仲有改善空間。餐廳時間分兩輪，我地一行三人book左第一輪5：30。一坐低就有燉湯，好夠味，係好個開頭。然後點餐，三款套餐。我哋揀左每人$288的龍蝦肉蟹餐。建議睇埋是日推介先落單，原來當日有蠔，其實可以叫多樣其他，再加蠔就仲正。鮑魚，魷魚腸粉，多寶魚，蝦呢4樣常駐。三款貝類就1個月換一次。最後我哋揀左金銀蒜龍蝦，古法肉蟹，果皮鮑魚，沙爹魷魚腸粉，金銀蒜蝦，豆豉蟶子，金銀蒜蠔，滑雞。蒸飯選了：蝦醬豬腩肉(超正，必選)，銀魚仔，臘腸(正)，排骨，芋頭，南瓜，冬菇(正)，四季豆(正)，4肉4菜好平衡的組合。落單後好快就來，然後店員逐一幫手蒸。其間服務好好。每枱都有紙巾好方便。然而食完啲殼要自己倒，還有就係餐具唔係太好放，呢兩點在衛生上要扣少少分。食物方面龍蝦細左少少，一人半隻，因為一早準備好在車仔上，新鮮度會差左啲。鮑魚最正，夠大隻，夠鮮，蒸之前仲生猛，街市買都起碼$20隻，配菜：蘿蔔都超正。魷魚腸粉，蠔，滑雞都好正，不必多講，如果下次再來都會叫。蝦，蟶子就有啲孤寒，又少又細隻，蝦可能太早準備鮮度不足每人得兩隻，蟶子夠鮮可以配金銀

慶祝姑姑生日，想試吓特別嘅，唔食中式，唔食西餐，唔打邊爐，於是帶姑姑試下食蒸海鮮餐。是日平日晚餐有兩個時段，訂了早輪時段，揀左龍蝦餐，套餐包括老火湯+龍蝦及白蜆+自選六款時令海鮮+八寶飯+是日糖水。是日老火湯炎炎夏日，冬瓜紅蘿蔔湯，清清地，消暑。金銀蒜蒸龍蝦🦞龍蝦夠大隻，好多膏！好鮮甜。清蒸白蜆一般，有少少乾。古法豆醬蒸多寶魚🐟唔錯，魚肉滑。金銀蒜蒸帶子火候啱啱好，令到肉質鮮嫩。紅槽醬蒸魷魚腸粉魷魚🦑太細，蒸得唔夠，紅槽醬唔夠。金銀蒜蒸海蝦🦐海蝦亦偏細隻，蝦肉質一般。果皮蒸鮑魚不過不失。蟲草花蒸滑雞入味，雞滑，可惜太多碎雞骨。八寶飯自選八款餸，個飯好好食，好香，但一定係食唔曬，所以用外賣盒拎走。是日糖水唔會好甜，清清地，潤一潤。龍蝦套餐，$258一位，不用加一，值得一讚，若果有長者優惠就更完美。

團隊聚餐選擇了這家整齊海鮮，雖然環境一般，但是海鮮味道是真的不錯，主打一個新鮮原味⋯⋯當時只顧著吃了，雖然圖片沒有拍幾張，但是美味程度依然可以看得到，團隊8個人買單不到3000，下次還想去吃的餐廳，強烈推薦！

好鐘意食海鮮，想黎試好耐，終於約到朋友4人同行，一入到去佢就比個燉湯我地先，本人超愛喝湯，佢個湯都好飲又夠味，亦唔係味精味！我地叫左個龍蝦餐🦞，另外有7樣海鮮：鮑魚，魷魚腸粉，海蝦，聖子，蠔，貴妃蚌，白蜆其中最驚喜係鮑魚，黎到既時候仲郁緊，好新鮮，食落都有鮑魚味🤤 另外龍蝦都好食🤤比較失望既係海蝦，比較細，口感一般。最鐘意係職員會幫你睇住時間，唔會蒸過熟，剛剛好，口感好，另外佢每樣海鮮都有個小配搭，非常健康，仲可以自選煮法，例如泰式醬冬陰功醬，非常特別！🤩最後有個蒸飯，本身冇咩期望，結果就有驚喜，真係估唔到蒸飯都可以好食🤪