金滿堂甜品

營業中

休息中

今日過左好充實既一日元宵節拜拜日➰拜左黄大仙廟既月老同埋貼左財神 {人多好辦事既概念🤣}呢度最就腳好在有間金滿堂甜品，要食湯圓應節阿🙋🏻‍♀️見到有Menu 有野新出 {竟然😆 咁要試下新糖水🤫}今日係元宵節果然好多人食，要略略排隊同埋好多外賣單店員話我哋知好多單要等耐啲等左半個鐘，糖水到左！雖然遲大到，但好彩都係好食既💁🏻‍♀️祝福各位龍年不lonely，甜甜蜜蜜· - - · - - · - - · - - ·🔸 杏福滿滿 $42杏仁露｜湯丸｜芋圓｜清心丸｜桃膠🔹 香芋芝芝 $18· - - · - - · - - · - - ·朋友都一齊食杏福滿滿🤣🤣 睇嚟大家都想可以達成呢個心願🫢🎐講反糖水係係好足料，都幾多桃膠同清心丸😋芋圓好煙韌，清心丸係正方透明粒粒，幾得意，仲有兩粒芝麻湯圓 🙆🏻‍♀️團團圓圓🙆🏻‍♀️另外香芋芝芝糯米糍，煙煙韌韌但個芝士味係咸咸地🤔🤔 唔可以話好match ，但又唔係伏🦦有趣

之前去開九龍城，今次經過食呢一間分店唔記得叫咩名，係杏汁燉蛋白，但不部份超級香有濃厚嘅鮮奶味。但杏汁有點過甜，唔夠杏汁味。三重朱古力飲品，好濃阿華田朱古力味，大冰粒比較多，個人覺得甜咗少少，但係老公覺得OK。感覺上整體好似九龍城店好食啲😅

超鍾意金滿堂嘅椰皇甜品!叫咗個榴槤椰皇同埋芒果湯圓椰皇 成個椰皇上枱 下面係用咗牛奶同埋椰皇水整出嚟嘅奶凍❤️香得來滑嘟嘟超好食 榴槤好熟 湯圓係芝麻味煮得啱啱好!滿分甜品!

下午3:20 order 一個甜品，等咗15分鐘，看見兩staff 忙於處理收廠送來材料. 我走去問，原來未開始整我order. 我問幾時整我的order, 佢話至少20分鐘後先整! 冇其他食客！ 我第一去，太crazy 等一個甜品，要多過30分鐘! 又冇禮貌! 一定不再去！

榴蓮味濃郁，成個底都係榴蓮底，有最愛的椰果、泰式珍珠，口感唔錯👍～身為榴蓮控呢個會番兜‼️‼️‼️紫薯糯米糍唔知點解鹹的唔係咁甜有少少失望第一次食到鹹嘅紫薯甜品

我發誓我一啖都未食過！外賣自取，拎到返屋企倒出嚟真係呆咗😨賣成$60嘅桃園宴竟然俾得3粒芋圓…..清心丸好少少，都有5粒嘅…..真係好失望…..記得以前食都唔會咁少料…………果然圖片都係只供參考…….以後都唔會再幫襯，俾成$60但俾得3粒芋圓我，實在太無良😡😡😡真係嬲到我要寫食評嚟話俾大家知呢間嘢幾無良🤮🤢 住得唔近，我都山長水遠夏天熱辣辣咁行過嚟買外賣，點知俾兜咁嘅質素嘅甜品我，早知應該留喺屋企嘆冷氣…….

最近做嘢好忙，終於有時間放鬆一下 收工嘅時候去食個甜品 食咗個榴槤女王👸有熱或者凍可以揀 入面有榴槤+椰皇燉蛋白+水晶珠*椰汁底 等咗唔係好耐10幾分鐘左右 就已經有得食✨我食咗個熱嘅 入面啲榴槤好香，好好食 🤤食落去覺得好滿足🖤✨好飽肚下次帶下啲朋友嚟食，先再試下 個紫霞仙子🧚🏻‍♀️座位上面覺得有啲迫，但係如果淨係一個人 嚟食嘅話空間係覺得夠嘅都係嗰一句淨係收現金，或者八達通 希望可以增加其他付款方式.

金髮職員 超級無禮貌一開頭 得一個員工我都明佢躁底入座聽到佢埋單 都聽到d 發晦氣的口吻跟住我地落單的時候 就勁崛咁話要執貨要等20分鐘 （暗示咩）暗示叫你最好唔好幫襯我地由堂食改外賣最後 無幫襯到 😄 無理由貼錢買難受嘛

阿仔返嚟香港話要食糖水，幾大就幾大，佢叫咗個應該係芒果唔知乜乜加雪糕，我就叫咗個花好月圓，有湯圓，芋圓，清心圓，桃膠加薑水低， 諗住暖下胃，又出奇地好食，最緊要真係好夠薑，正呀！

放假休息 周圍行下 唔想咁早返屋企 所以就又來呢度食甜品 食咗個寶島 有雪糕有仙草有芋圓 嘅甜品雪糕 仲可以揀口味味道好味 口感豐富 遲啲我應該會同樣地 繼續幫襯 或者睇吓周圍附近有冇其他甜品店試吓

接男友收工 佢請我食甜品🍮 附近選擇唔多 所以自然又係黎依一間 食咗個綠茶雪糕沙冰 同埋一個好似叫桃園林 嘅一個熱🔥甜品綠茶雪糕沙冰 配料有白玉 紅豆 仲有 會爆珠嘅東東 綠茶味好重 好好味😋 有配料 做配搭 唔會太清淡 有啲口感 芝麻味糖不甩 有啲普通 只係一啲丸子 🧆跟住灑上左啲芝麻 咁樣嘅食法桃園林 個甜品 有五種配料 芋圓 椰子🥥 桃膠 同埋其他唔記得咗 有熱有凍可供選擇 桃膠可以美顏 仲要係熱食 有種超養生嘅feel 有種嗰啲知陰養顏嘅感覺有機會下次會繼續幫襯 嘗試其他甜品 🍮

收工嚟同男朋友食甜品 作為宵夜 叫咗個熊仔朱古力綿綿冰 同埋個麥提沙糯米糍 其實有啲覺得食物嘅款式選項比較少 例如呢個綿綿冰剩係得兩個選項 沙冰又係剩係得兩個選項 明明有個沙冰機喺度 淨係for整咁少嘢好似有啲浪費 我記得麥提沙糯米糍 係我中學時代嘅時候IG好興 不過我從來都冇食過 今日終於有機會食 不過凍起來食會好食啲 佢就咁唔凍唔熱反而有啲難受 唔係食物出現質量問題 而係口感同味道受到影響 覺得爭咁啲 仲有呢個熊仔綿綿冰 味道OK 不過朱古力味好重 覺得有啲（漏）本身男朋友話 睇到OpenRice 話可以支付寶俾錢 結果八達通 微信 各種消費券都唔用得 問佢有冇得碌卡 都唔得「淨係收現金」 明明都已經係幾間分店嘅舖頭 有啲唔係太理解 點解付款渠道 唔可以貼切啲而家嘅流行趨勢

服務員態度極差比錢時收銀店員在講電話，但講電話同時又唔同人講等等，亦冇做任何手勢示意要等等或者收到訊息，都冇同我講佢同邊個講緊電話。其實禮貌嘅野好簡單，譚仔阿姐同茶樓呀姐都做到。唔知點解貴公司嘅收銀店店員連基本禮貌都冇。然後店內太嘈，第一次同店員講收款方式，收銀店員並冇任何反應。驚個收銀店員聽唔到，始終佢掛住聽電話冇理過我，所以第二大聲啲同店員講收款方式，立即比個收銀店員怪責唔夠體諒，唔夠溫柔體貼，仲要比收銀店員呼喝：「老細打比我呀。」好似怪責老細打比佢同時又怪責我唔係佢肚入面條蟲，竟然唔知老細打比佢。 我心諗：？？？呀姐你咩都冇講又唔做下手勢我點知？好啦其實都明白前線辛苦，但由入去到出黎個服務態度都唔係咁好。坦白講，正係叫你啲員工點左兩次餐，溝通時間3分鐘都冇，句野仲要短到係點咩餐、問有冇沙冰仲有句有咩付款方式，同埋每一次都會講返唔該做返基本禮貌，但貴店啲員工真係搞唔掂。有啲可能太忙有少少燥底所以冇咩心情啦，哩啲都明嘅。但個收銀真係極品，佢呻完一句老細打比佢米算囉，仲要鬧我。我只係講左句：八達通比呀唔該。麻煩老闆唔信請查看一下閉路電視如果老闆縱容店員發客人脾氣真係冇嘢好講已經唔係要啲

那是個堂食尾班車的晚上🚉妹妹帶左我去左呢間價錢同質素都幾唔錯既甜品店🍮┈┈┈┈┈┈┈┈┈┈┈┈┈┈┈┈之所以話唔錯 我幾欣賞佢地既理念🉐佢地既甜品主張用冰糖🧊代替砂糖🧂而部分甜品款式採用稀少糖 餐牌上都有備註到佢地既健康諗頭真係好切合現代都市人既需要由於佢地食物款式都幾多 選擇困難症既朋友仔會幾煩惱下😣𓋜 榴槤女皇 $➎➑有冷熱可供選擇 天寒地凍我地揀左暖既黎食榴槤果肉同椰皇分上熱辣辣出哂煙既椰皇燉蛋白再加埋凍既榴連肉 簡直係雙重享受😎椰皇蛋白滑溜 真係唔錯𓋜 下一站杏福 $➍➋¹芋圓 ²雪燕 ³杏仁露 ⁴燉蛋白首先想講杏仁味有但唔算太濃 而芋圓亦唔係煙韌彈牙好在蛋白都香同滑溜𓋜 香芋芝芝 +$➊➑凡惠顧兩客甜品 可以$18換購一份流心香芋食得出係cream cheese 而且係我喜愛既煙韌口感 呢個真心幾唔錯另外仲有芒果糯米糍/糖不甩/ 麥提沙糯米糍 可選

平安夜周圍都人山人海，人們都趕著十點時沒有堂食而覓尋食處。好不容易找到這間話可以十一點🤔⋯⋯專登樂富步行過去，甜品店也是人山人海，不知是高質，還是別無選擇⋯⋯一行四人被安排店外，都好的，因為店裡感覺擠逼，人多空氣濁。大家各自點了所屬，餐牌都幾吸引，甜品樣子不錯吖。價錢亦不算貴，當然也不相宜。先送來佛地魔，因為沒有了奶茶雪糕球，朋友惟有選擇了綠茶雪糕球，不過就怪怪了，不太夾。我就叫了宇治金時，有紅豆、椰果、小丸子、疑似綠茶刨冰墊底，還有一些唔知係乜的白色粒粒，不過口感幾特別，冰底就一般。成碗野綠茶味不濃。若黃大仙區別無他選，我都會再來，不過不帶期望為合。