醉雞店（長洲） (已結業)

由佐敦店搬咗去油麻地文明里，保持食物水準一啲味精都冇，食到我上癮好鍾意，但係老闆好似成日都失驚無神關門，累到我幾次出去都摸門釘，不過小店兩公婆自己做，都明白嘅，搬咗去文明里祝願生意興隆。另外最需要讓每一位食家知道的是，每一個餐有一個印仔，食完六餐之後（有一餐免費嘅）好用心去經營此店舖，還有冰鮮的包裝，可以買返屋企放冰箱，隨時隨地攞出嚟翻熱飲湯，其他小食，醉豬手醉鴨舌，手撕雞，醉雞，全部都好好食，五星推介

我係外賣常客，呢間我由佢新開張開始食到依家。🍖 胡椒豬肚雞湯米粉成日嗌，好好食。要嗌米粉，佢d米粉同喺街食嗰d唔同，口感有d似粉絲，但又唔係粉絲。梅菜蒸鯇魚梅菜好食，送飯一流，而且好香。但係蒸要等20mins，堂食唔趕時間可以嗌。醉雞好食！凍檸檬薏米(左上角嗰杯)好飲！記得嗌少冰！呢3樣都係好推薦，仲有其他遲d再試，因為淨係食呢3款都夠😂試過醉鴨舌、醉豬手，我覺得麻麻地。希望小店可以撐住，好耐無食過呢種有質素嘅鋪頭。

冬天咁凍，午飯想食啲熱野所以又黎左依間醉雞店上次食左醉雞凍， 今次就叫左熱辣辣砂煲上嘅紅棗雲耳醉雞湯，$59。記得米線係麻麻地， 所以今次叫左跟飯。碗湯一上已經聞到好香。跟住我一飲，係好甜同埋好濃嘅雞味，食得出係真材實料。我仲特登影咗張相，影得出係非常之足料架。 而且啲湯你都見到係有少少雞油浮咗喺面嘅。要我彈嘅係，我覺得啲雞好似有少少煮得老左。不過唔緊要啦，我覺得重點係啲湯，所以今餐都好滿意。下次應該會翻叫返依款！

之前曾經係度食過醉雞飯，一直都想再黎食，可惜呢度開門時間有點飄忽，一直未有機會試，今次中午路過有開門終於可以試下。今次點了川芎白止豬潤魚頭湯跟飯，川芎白止魚頭湯是用來止頭痛的，經常頭痛的朋友就一定要叫呢個，再加上豬潤補血，感覺這個湯非常之補身。這個湯是用砂煲上的，用砂煲煲的湯都非常入味，湯底略有小小藥材味，用料非常足，魚頭和豬潤份量都不少，魚頭的魚肉非常滑，最喜歡有像啫喱的膠質，食完感覺吸收了好多骨膠原。店內還有很多花鵰煮的菜和養生的湯水。

其實嗰日因為太餓所以是但搵一間嘢食， 不嬲佐敦都冇乜好嘢食， 諗住是但入間食番餐就算。 點知就畀我 遇到 一間好嘢! 今次係我第二次食， 其實兩次我都冇食到醉雞！ 我都係嗌胡椒豬手湯， 同埋藥材黃酒浸雞子因為我食完第一次胡椒豬手湯，真係覺得回味無窮 胡椒湯底勁夠胡椒味，食到成身慶烚烚。 忍唔住成碗黃酒浸雞子連湯都飲曬。真心推薦， 最緊要係見到佢啲藥材勁足料， 啲店員一直喺度剪不同嘅藥材。 今日我仲買咗個醉孖寶返去屋企食， 試完佢啲醉嘢再嚟留言先。

一段時間冇黎食 價錢貴左好多 分量亦都細咗 未必再來今次叫咗胡椒豬肚雞湯加米線其實胡椒豬肚湯嘅味道都唔錯不過覺得$68只係得幾舊豬肚兩件雞性價比唔係太高上一次有嘢飲今次要加$6先有就沒有加另外就係椰子雞配飯我覺得個椰子雞好唔正宗落咗椰奶落雞湯度似飲椰奶多個似雞湯味雖然都有啲椰子喺裏面但係唔似煲左好耐似用來點綴多一點這碗的雞大概只有五細細件男人食唔係好夠飽$68/位如加飲品要再加$6比上一次食貴$20性價比下降了

今次已經唔係第一次食了。咁啱同同事諗附近有咩好嘢食，同事推介左呢間餐廳，我就即刻話好。間舖叫醉雞店，上次無食到醉雞，今次決定要叫佢地嘅醉雞米線。本身仲諗住係咪得一碟醉雞再加淨米線，驚米線會好乾好難食。點知上菜嗰陣見到米線有埋湯，仲要一個大砂煲裝住，頓時覺得好有誠意。米線湯底好甜，有紅棗同其他唔知咩藥材，好真材實料，唔係出面啲味精湯。醉雞就係凍嘅，幾濃酒味，不過啲湯齋飲就太咸。啲雞浸得幾入味，可惜覺得有啲太肥，瘦啲嘅好好多

都幫襯過幾次，雖然呢度選擇唔係好多，但水準味道都保持到，真係好難得，令人回味 今次帖嘅食物樣樣都滿意，醉鴨舌夠入味，醉雞湯配米粉足料味濃，豬油撈飯回味無窮，檸檬薏米味道剛剛好唔會好甜，至愛熱姜檸樂，次次嚟都必點嘅飲品。之前都有試過梅菜肉餅飯，一樣好正，其實最重要都係碗豬油豉油，係成煲飯嘅靈魂所在。

今日落雨濕濕 諗住近近哋去佐敦搵食 行出地鐵站冇幾耐之後 自己找一間新開嘅醉雞店 見幾多人食 於是膽粗粗同朋友仔入去試下入咗去見好多人都食咁佢個花雕醉雞 所以 我哋叫咗佢最出名嘅花雕醉雞 本來想叫個豉汁排骨飯 但係因為我哋去到嘅時候已經九點幾 佢個豉汁排骨飯賣曬lu 所以唯有嗌左個咸蛋肉餅配豬油撈飯 一杯蜜棗薑茶 同檸檬薏米水話說佢話花雕醉雞真係正到不得了 一端過嚟就已經聞到佢陣花雕酒味 果然係招牌菜 啲雞好滑而且好入味 而且聞落去有一陣好香嘅花雕酒味 佢啲花雕酒仲好味到可以撈飯食 朋友仔本來諗住加多一碗飯 但係姐姐好好人咁免費加咗一碗飯畀我 好有人情味呀至於個鹹蛋肉餅配豬油撈飯都唔錯 大件夾抵食 不過我落得太多豉油 所以搞到好咸 但係如果唔落豉油嘅話會有少少乾 不過整體嚟講都叫唔錯佢嘅蜜棗薑水同檸檬薏米水 都勁足料 有好多薏米同龍眼肉 喺落雨濕濕做咁凍嘅天氣 飲完個胃好暖好舒服呀~~佢呢度除咗花雕醉雞之外 仲有一個熱食嘅醉雞 如果唔鍾意都凍食嘅朋友 都可以選擇熱食嘅 下次再嚟嘅話 我應該會試下佢個豉椒排骨飯 同埋熱食嘅醉雞 因為真係睇得出做得好畀心機

有日好友”吖义” 說佐敦發現有間好野食，滋陰補腎樣樣齊⋯⋯又有新發現，即時約腳急急來個 Lunch 。醉雞店，從前在長洲發跡，深得街坊歡迎，後來因為小朋友漸漸長大，要出市區讀書，於是孟母三遷。之前搬到紅磡，由於店舖面積太小，供不應求，午市做唔切，晚市又不是太旺，於是決定搬過來佐敦一闖。中午和晚市餐點一樣，只是相差$5, 價錢合理益街坊。店內一進門口，面積不算大，左邊幾張方枱，而右手邊幾張圓枱，由於中午飯繁忙時段，太多食客迫迫身，唔好意思拍攝室內環境，但一眼望入㕑房的一個小窗，看見店員和㕑房溝通很合拍。一讚店員服務有禮，跟單迅速。蓮藕枝竹腩仔肉$49~炆得入味，味道偏甜，肉汁送飯一流。醉豬手$48(單點)~骨與肉平均，酒味香濃，值得一試。薑絲雞煲仔飯$49~較乾身，還有一隻荷包蛋，所以看鄰座位置，很受男士們歡迎。 胡椒豬肚湯$51~淡淡胡椒香，配料入味，筆者大愛。川芎白芷豬膶魚頭湯$49~在芸芸湯飯之中，筆者最愛這個，豬膶煮得剛剛好，配上川芎白芷，滋補養生好味道。上湯鲮魚滑浸娃娃菜$47~清淡之選，其中一位朋友由於當日冇乜胃口，配上這個套餐，相當適合。海蜇手撕雞$48~味美，只是略嫌太多

新開試試這間醉雞店反而我覺得稱~養生~店更貼切紅棗雲耳養生雞湯配米線配特飲 $56首先， 個湯好保身暖粒粒，又濃郁， 足料米線份量剛好， 加進湯内浸浸再食， 很滿足呢！米線可轉飯/米粉

This restaurant is a hidden gem in Jordan! The food was very delicious and nutritious! I ordered a dinner set, with fish soup, white rice and a lemon barley drink. The fish soup (川芎白芷豬潤燉魚頭湯) was fresh and rich in flavor. It was made of many healthy ingredients, including red dates, ligusticum striatum, angelica dahurica, pork liver, fish, etc. This soup helped improve blood circulation and cure headaches caused by wind. The lemon barley drink was prepared with ginger. It was very hearty!

見到一間醉雞店見佢主打幾款嘅中式湯水覺得幾吸引 於是晚飯時間去試望吓個價錢都覺得幾抵 $56 比午市貴大概$5有十幾款嘢食可以揀六款湯水 揀咗胡椒豬肚湯 配米粉雖然睇落去係細細個瓦煲仔但裏面嘅雞肉同埋豬肚都好足料雞肉有雞味 幾滑豬肚切得比較細 有六至七件個湯好香 胡椒味比較濃 怕辣嘅未必食到 會再食另外叫咗鹹蛋肉餅飯$52男人食可能只係剛剛好 冇乜特別驚喜叫咗半份醉豬手$28我覺得佢唔夠林 不過有人覺得佢有咬口另外加$10叫咗豬膶湯都有幾片豬潤 另外就係好多薑我唔食豬潤 但有人覺得幾好食仲可以配飲品 我個人幾喜歡柑桔話梅蜜難得呢度有 嗌左杯覺得話梅味都幾濃 仲凍既 好正薏米檸檬水又係冇咩特別 都有薏米味 唔太甜唯一嘅問題就係座位一般 不過咁樣嘅食物性價比都幾高