辛安東元祖奶奶雞 (已結業)

@spicyandong｜昔日旺角人氣韓食質素依舊好😋由初中幫襯到變身社畜，食咁多年第一次見到餐廳居然無滿座可以Walk in直入真係覺得好唏噓，百般滋味湧上心頭，還記得以往每次用餐時門口總堆滿排隊的人龍、店内反諷時事的菜名，萬幸的是好食的味道無變，好盼望店家可以生意興隆，常做常有，大家去開旺角麻煩真係要支持下。😢🥢食物：辛安東元祖奶奶雞（半隻) 🍗$178- 入味的大塊鷄肉質地幾軟嫩、連同燉得軟淋又大舊的薯仔、蘿蔔、青瓜、墊底的闊身水晶粉嗦滿濃郁的咸甜醬汁，好食~係記憶中的味道！- 自選小辣程度有中和到醬料本身的咸味，令整體惹味得來味道不會太單一，推薦食得辣朋友要揀辣度噢~！咸興水冷麵 🍜$78- 表現正常，麵身爽彈煙韌但整體仍有進步空間，醋酸味偏淡，湯底亦不夠冰涼，印象中水冷麵酸甜清涼的獨有味道不夠突出~比較平庸。士多啤梨泡沫 🍓$58- 堆得超滿極有分量！🤭飲落偏清淡少甜版的士多啤梨奶昔，士多啤梨味和奶味兩者平衡得幾好，配重口味的奶奶雞就絕對係最佳拍檔啦！大杯到夠曬兩個人飲，用外賣膠杯上衛生又方便食完扲走慢慢享用~🦐其他：- 環境超級闊落，臺面乾净不會有油跡都無油煙味~📝推薦大家

屋企人成日都好抗拒食韓國野，覺得黎黎去去都係泡菜、人蔘雞、炒年糕、炸醬麵同烤肉，其實韓國🇰🇷仲有綠豆煎餅、糖餅、豬肉湯飯、蒸雞蛋都好好食，之前去安東仲試過當地嘅燉雞，即刻係香港搵黎食止下癮先！🌗辛安東芝士奶奶雞（半隻）$218安東燉雞其實最主要唔係食雞，而係青瓜🥒、紅蘿蔔🥕、薯仔🥔等配料，水晶粉更係重中之中，煙韌得黎沾滿醬汁！今次叫左中辣，第一啖入口真係有啲辣，不過因為有芝士🧀調和返，所以其實都容易入口；半隻其實係二人份量，加埋水晶粉完全唔洗怕會唔夠飽🤰🏻，唯一問題係因為叫得一道主食，所以味道較單一，建議同多啲朋友一齊黎，方便揀多幾款食物。🌖士多啤梨泡沫 $58清新涼快！有士多啤梨🍓味之餘奶味都重，味道唔會太甜，解辣之餘仲可以清一清口腔👍🏻。

終於睇咗<求生大作戰>!立即好想食韓國菜😋喺網上search到呢間辛安東，好多正評，所以立即嚟食！兩個人食叫咗半隻野蠻奶奶雞，加配芝士拉絲炒飯 ($178+$20)。另外再叫咗一杯芒果泡沫($58)野蠻奶奶雞，揀咗小辣。雖然佢張相影到紅彤彤，好似好多辣油咁，但其實生乜辣味，(一定唔係四川烤魚嗰種辣)只係胡椒嗰種辣。所以下次叫中辣都得✌🏾芒果泡沫超好味，夏天飲真係一流。冷凍，解渴。唔會太甜，但又好香好濃嘅芒果味😋餐廳裝修都好有特色！有啲鐵絲網隔開，上面有啲鎖妝飾，好似韓國愛情橋咁。啲鐵絲網又好似密室逃脫遊戲咁，好有綜藝感。奶奶雞最後可以通知店員，佢會加材料入湯底，再幫我炒個芝士炒飯！芝士味極濃郁，加上紫菜等更香口，平時就咁都已經一道餸，依家只加$20就有，實要加啦！

《辛安東元祖奶奶雞》幾次想食都排長龍，今次終於試到。但今日竟然唔full house，可能唔多唔少受疫情影響🥲［芝士玉子燒］$88成晚最喜歡既菜式。玉子包住流心芝士，仲係拉絲架。上菜個時芝士仍然熱，好味。想再濃啲芝士味既，佢仲會額外上芝士粉。［韓燒牛肉卷］$78口感算豐富，饀料有燒牛肉、青瓜、酸蘿蔔、蛋。表層既微辣醬汁令成係事加分，無咁普通。［辣味魷魚鬚］$78正常味道，夠香脆。［元祖奶奶雞］$298叫左全隻，雞件既份量都多。小辣都好夠辣。連同其他配菜包括薯仔、蘿蔔、青瓜都燉得夠淋同入味。醬汁甜辣味道調製適中，重點係索哂啲汁既冬粉🤤［辛辣年糕八爪魚炒麵］$98呢個真係比較普通，除咗個八爪魚幾爽幾入味，同一般辣味炒麵無咩分別。［陸軍豬肉伴飯］$88豚肉、泡菜、紫菜、溫泉蛋拌飯。除咗常見既韓式辣醬外，飯既表面仲配一層沙律醬，呢個配搭都不錯。飯夠熱同有飯焦都係加分位。［蜜桃梳打/巨峰梳打］$22@

以前大學每年都會去一次韓國，因為鍾意食韓國既食物，有一次同行既友人話，究竟*雞*前世對韓國人做錯左d咩，點解韓國食物每一味都係雞，炸雞，人參雞，一隻雞，辣炒雞，同埋今日來食的安東燉雞。其實呢道菜既精華並唔係雞度，精華都淨在韓國冬粉中，所以基本上我每次來食都會加一份韓國冬粉，sok曬d湯汁，另外，薯仔都燜得相當lum，又可以填飽個肚，基本上我都只會食呢一道菜，因為如果要食其他菜式，我會寧願去尖沙嘴的韓國街食😂

行開旺角好想食安東雞選擇第二次幫襯呢間店假日午市唔洗book位都唔洗排隊不過full house㗎🤣🤣🤣🍳半隻 安東奶奶雞 $178味道ok 燉到所有材料包括薯粉都夠味但係可能因為我地叫咗小辣食落唔係好韓國 有少少中式燉雞嘅感覺😂同埋雞皮同脂肪多過肉🥲 有幾舊直情係全雞皮嚟🍳海鮮泡菜煎餅 $88無咩泡菜味 正常係配酸酸地嘅煎餅汁但呢間選擇咁配沙律醬🤣 呢個可以唔洗試～最後連加一 兩個人埋單$297個人感覺 比起之前食 無咁好食咗不過環境個啲都幾韓國 加埋位置都幾方便上餐速度都okay～

天氣熱辣辣，黎到白布街見辛安東元祖奶奶雞唔使等位，就鎖定晚餐食佢～兩個人叫左三樣野食，兩杯野飲-🐔辛安東元祖奶奶雞（少辣）可點全隻/半隻、辣/唔辣，兩個人叫半隻都足夠。應該係一份份Pat 好，點左就入鍋煮熱的。首先汁醬係帶甜味既，當晚點左少辣，但完全唔覺辣。除咗雞外亦有好多伴菜：薯仔、紅蘿蔔、瓜，每樣都夠稔夠入味，最驚喜係有薯粉既麵條彈牙掛汁，反而雞件肉質稍一般，無咩雞味但未至於太稔鬆散，總括係好食的，醬汁開胃會使人一口接一口。-🐷豬手生菜包一份有齊多款配料連生菜，唔夠既話可再追加。加入菇絲、洋蔥等炒成，味道好野味，睇落份量唔算大份，但配完所有生菜食都有餘-鰻魚玉子燒🥚玉子燒分鬆軟/札實兩種感覺，呢度既偏鬆軟質地，但可惜蛋液出水，加上鰻魚肉唔算多，反而利用淋上鰻魚汁加上原來煮玉子燒已有落糖，味道稍偏太甜較失望。其他：店鋪分上下層，下層4、5張枱+廚房，上層位置十多張枱尚算寬敞。店鋪早前裝修過，環境衛生都滿意。要留意門口係手動趟門形式，當晚坐地面個層，經常有客/員工於門口旁食煙，門無關上，如怕熱/介意煙味既就選擇坐上層較好。同埋留意上菜情況，玉子燒係食曬另外兩樣野食都未上，通知店員後再等

今日夜晚兩個人經過見到呢間韓國雞餐廳平時見到好多人排今日冇乜人即刻入去試兩個人淨係嗌咗半隻芝士奶奶雞芝士味好出撈埋啲雞唔會覺得好怪但係啲雞就略嫌比較中式嘅味道但好似大部份韓式燉雞都係咁都好夠食 10分飽肚

雖然唔知新安東元祖係咩嚟，但佢嘅奶奶雞真係出色，韓國嘢方面比較鍾意食呢度嘅菜式多個炸雞，之前都食過真係不錯，今日就嚟介紹吓😋😋舖頭有兩層，地下嘅枱較為少，一樓闊落好多，我哋叫咗幾款嘢食，之前都有食開其他嘅水冷麵，佢呢度既🍜咸興水冷麵都唔錯，整個麵最緊要係夠凍，湯底夠清，麵夠爽，佢哋都做到👍🏻👍🏻，不過冇左醋同芥辣既配醬就差啲🐟鰻魚玉子燒:蛋夠滑，包得又夠實，鰻魚新鮮彈牙又夠厚，燒汁又夠多，整體都唔錯🐔元組奶奶雞半隻(不辣)，必嗌嘅奶奶雞，兩個人食半隻就夠，佢有得俾你揀辣同唔辣，唔辣方面味道都好夠，雞肉都算多，幾嫩，好入味，佢哋秘製嘅醬汁真係唔錯，肉汁鎖住基本上每一件雞，除咗雞之外仲有其他配菜，例如薯粉，薯仔同青瓜等，份量都唔少，半隻雞嚟計兩個人食再加一兩份小食已經好飽，仲可以額外加薯粉，所以淨係嗌呢份都夠👍🏻👍🏻👍🏻🦀牛乳松葉蟹薯餅:炸到外脆內軟，食嘅時候仲熱辣辣，裏面除咗有蟹肉之外仲有芝士同薯蓉，唔好睇佢一份有四舊好似咁少咁，因為入邊啲芝士同薯蓉既關係，所以特別飽肚，不過食落感覺唔係好多蟹肉，薯蓉就特別多，不過個味道唔錯😝😝🦀牛乳松葉蟹薯餅

同朋友7點幾去食dinner，9個人一齊等左一個鐘都未有野食，問一問個侍應先知原來佢漏左落單⋯個侍應好誠懇咁叫我哋俾啲時間，會再整過啲嘢食俾我哋，我哋見都等咗咁耐，應該都會prioritise我地d野食掛？點知原來係冇㗎最後我哋再等咗大約45分鐘先有第一碟雞（我哋叫咗兩碟雞，同一堆小食+野飲），九個人好快就食晒個碟雞。再黎左一碟小食，食完再等左半個鐘都未見有野食/野飲黎見到隔黎檯遲過我地黎都到齊晒d野食⋯個陣已經9點幾就10點，成班人由好肚餓等到已經無晒餓嘅感覺⋯⋯等左咁耐，張單上面一半嘅野食都未到，最後放棄，埋單走人講句公道說話，個碟雞同埋小食係好好食嘅！（唔排除係因為太肚餓 咩都好食😂）但係要等咁耐就真係無下次⋯⋯

辛安東元祖奶奶雞聽過好多人推薦，想食好耐！今次終於黎到試😙雖然味道冇我想像中咁好食，但係有時食韓國野食炸雞食悶左，過黎食下燉雞都係有個唔錯既選擇～   1️⃣芝士奶奶雞 （半隻）（$220）半隻都幾多。入面除左燉雞之外，仲有啲紅蘿蔔、薯仔、節瓜，同埋薯粉。薯粉好煙韌好索味🤤紅蘿蔔同薯仔就煮得幾淋👍不過調味方面就唔算特別出色，偏重䜴油既鹹味，甜鹹既balance做得麻麻地。面頭既芝士除左融左既芝士之外，仲有芝士粉，不過芝士味道可以再濃啲就更好🤭雞肉有唔同既部位，唔算嫩滑，有骨。整體黎講味道唔算差，不過就唔算特別出色，過下口癮係ok既，但係唔好期望太大😬  

韓國菜除咗炸雞，辛安東奶奶雞都好好食又冇咁熱氣，旺角呢間味道正宗已經食過好幾次啦，今次寫返個食評介紹吓😋二樓環境幾有feel啱晒聚會啊～辛安東元祖奶奶雞次次嚟到必點😍每舊雞都好入味好滑，辣度可以揀，我哋揀小辣，鹹味甜味辣味兼備，食唔停口🙈水晶粉索埋啲汁好食超級好食😋真係鎮店之寶👍🏼蟲草花人蔘雞湯熱辣辣飲返碗湯，人蔘味好濃👍🏼啲糯米喺煲底，記得食埋，入味㗎～泡菜煎餅煎到香口乾身，少少煙韌，辣辣的入邊食到有泡菜芝士玉子燒咬一啖芝士流出嚟，香濃而且蛋又滑

以前記得呢間舖有好多人排隊，但今次六七點去，入面竟然得一枱食客🤫🔸辛安東元祖奶奶雞(半隻)🐔 $158招牌菜📣除左雞肉，配料仲有薯仔、紅蘿蔔、青瓜、薯粉、洋蔥🤓雞肉肉質唔算滑，過韌都幾難咬下，每舊都有骨，炆得又唔夠入味🥲醬汁就甜甜地，配料入面最出色係薯粉，夠煙韌又吸晒汁😋其他配料都入味既，但薯仔係生水，唔係腍果款，唔係幾夾🤫整體一般🥲🔸鰻魚餃子🥟 $68呢款聽個名覺得幾特別，所以就嗌左黎試下🙌🏼佢係煎餃黎，入面既鰻魚質素一般，唔夠肥美，味道普通😌🔸弘大燻豬手🐽 $108其實係普通鹹豬手🤫係有少少煙燻過既味，但都係味道一般~整體而言，味道質素一般🤫但勝在侍應服務十分殷勤有禮👏🏼見到小編用晒自己啲紙巾會即刻拎疊紙巾黎，同唔小心整污糟左件衫，又會提點下點樣整返乾淨👍🏼~~~~~~~~~~~~~~~~~~~🔍推薦指數: 5.5/10

安東奶奶雞久仰大名，係一間好出名嘅黃店同一班朋友嚟食就最適合不過。嚟到當然要食最出名嘅奶奶雞，不過半隻雞就真係有啲少，蔬菜比較多但係個汁好惹味，唔係度度都食到，係送飯一流嘅味道！煙燻豬手份量大件夾抵食，但係有少少難嚼，不過煙燻嘅肉味都香另外都係叫咗啲基本嘅小食，泡菜煎餅同埋炸魷魚鬚，不過不失。整體都有韓式嘅味道，不過餐牌就比較殘舊，如果同一班老朋友嚟敘舊嘅話，飲下燒酒都唔錯，不過味道就唔算非常出眾喇

行到嚟旺角嘅白布街，見到有間韓國嘢入咗去試。鐵窩牛肉飯，職員即場用火幫你煮，好食過Pepper Lunch人蔘雞湯，好好味，勁香，個底仲有好多糯米俾你慢慢食。仲有玉子燒，你只是流晒出嚟，勁惹味最後呢個粉絲真係不得了，又辣又甜甜地，幾好味I would recommend this restaurant to my other friends. It is located between Yau Ma tei and mong kok mtr station.