輝記雞粥檔

營業中

休息中

晚上11點幾想搵宵夜食, 但唔想食得太heavy, 於是喺openrice度搵下, 最後決定食粥 ......但不論係Openrice定係Google 地圖, 都係錯嘅......搞到我搵咗勁耐. 最後要爬文, 見到有食家教喺地鐵站B2出口轉彎就係, 我先至搵到我叫咗瘦肉粥 ($32) 同埋 齋腸 ($20)瘦肉粥唔錯, 即拉腸粉好食, 夠薄夠滑, 豉油同醬都落得足, 比一般粥店好食得多. 可惜呢個粥檔只開晚上至凌晨, 都唔知下次幾時再有機會嚟食.P.S. 希望Openrice 改返個地圖, 以免再有人中伏搵餐矇

推介油茶41年歷史，最出名滑雞粥，有粥/腸粉/炒麵/炒河我自己食過小食嘅煎蠔餅同滷水鳳瓜，各款菜真係（一流）我同媽媽同爸爸出嚟食，都會食呢間，呢間係必食我哋都幫襯咗3年😊買滿一百蚊可以送一罐/一支飲品我媽媽最鐘意食蔥炒田雞，爸爸就最鐘意魚片粥食完都話好好味賣相好滿意最重要嘅小食推介炸雲吞同炸鲮魚球🤗即蒸即炒即煮雞絲/鴨絲炒河冇得頂因為鳳瓜係新鮮雞腳炆出嚟，所以就外賣翻屋企食^^今餐都食咗三百幾蚊，值得外賣都可以架~

喺寒冷既天氣下 食碗熱粥係件何其幸福既事💗#輝記雞粥檔 係宵夜時段先開既(21:00-06:00) 一張張檯開哂喺馬路邊 坐滿哂人 遇岩無位就要自己等下或者嗌外賣啦---------------------------豬肝粥 $30喺香港好難食到又綿又香既粥 呢檔粥檔真係要比好評 粥夠綿滑不特止 仲好夠火喉 豬潤份量好多 但就唔算嫩 粥仲有加左蔥花同菜脯 食落味道好豐富 愈食愈惹味 下次試下要呢到既招牌雞粥😋.齋腸 $22簡簡單單既齋腸都好有驚喜 腸粉皮薄得晶瑩剔透 口感有少少煙韌 豉油鹹度剛好 好快就清哂一碟👅難怪咁多人黎食

最近都懷疑自己係咪大食左，而家好似每日食緊5餐,比人哋多咗下午茶同宵夜🤣今日其實明明食咗一餐好豐盛嘅晚餐，但個肚好似呼喚緊我好想去食粥。於是去咗旺角一條小巷，一間50年老字號粥鋪。今次我哋叫左燒鴨粥雞肉粥同豬潤腸，其實佢個粥真係好有料，燒鴨粥繼續真係好有鴨嘅味道，懷疑緊佢係咪真係淆咗好多個鐘，個雞肉粥又係，用料10分豐富，啖啖肉😋個腸粉又係，完全唔係平時食開嗰啲一卷卷，我覺得有啲乾爭爭，感覺反而似真係細細個嗰隻拉出嚟腸粉，口感超好。其實都唔係第一次食，但係每次食完都留低好深刻嘅印象，令到我成日都想快啲去下一次。

星期六是到處找好吃的日子，很多人都說不少好店是躲在一些偏僻的地方。今天走著走著，看見小巴站外有幾張小桌子，向前看去，寫著輝記雞粥店，忘了是40年還是50年前就開業在一條小巷中，歷史非常悠久。平常就常吃上火東西的我今天點了燒鴨粥。吃一口粥，吃到的是歷史的味道，到底賣過多少碗粥才能把各種材料如此適度比例地做出一碗非常恰到好味的粥。吃一口肉，感覺從來沒吃過味道如此豐盛的鴨肉。下次再試什麼好呢？肯定要多帶朋友過來齊分享

想黎食呢間深夜限定雞粥想左好耐好耐，成日黎旺角都係約左朋友食飯，次次都話食完飯行下街再去食雞粥，點知每次都因為食得太飽而無去，講左咁耐終於有機會黎食喇！雞粥檔係路邊，感覺當然就係街邊檔咁，唔可以要求環境非常好，都係坐下摺櫈仔、開張摺枱就一枱，煮食地方都係後巷，唔敢包保100%乾淨衛生，但至少我食左咁多年都未試過出事啦。招牌雞粥入口軟滑，每粒米都煮到爆花，黏稠度適中，冬天食一啖暖笠笠好舒服，雞粥唔會好油，但食到好香雞味，雞肉有3-4件，真材實料。

成日行經旺角都會經過輝記都會見到有唔少人幫襯 今日終於有機會去試試🤘🏻成日覺得後巷或街邊食物總唔會差得過大型連鎖食肆輝記可以話係連裝潢環境都談不上因為老闆只係喺後巷放幾張摺櫈摺枱咁就經營左咁多年今次就一於去試試招牌雞雜粥🐔-同其他人一樣 原本以為🐔雜應該有好多內臟但成碗粥其實都係得雞腸雞腎😌可以放心食喇😛粥底比預期差 未做到綿滑既口感😟的確 個粥食落幾鮮甜 但似食緊粥水多粥😪抵食既地方係 老闆係落足料 好多雞腎但粥底的確係敗筆位😫-叉燒腸粉腸粉反而令我覺得有點驚喜😌👍🏻腸粉皮非常薄 而且夠哂滑溜😋都能夠挽回一點分數😌

係花園街等人時隨意開Openrice睇下附近有乜特別嘢食，發現呢間後巷粥鋪好似幾高評價，結果照住個地圖及指引兜咗一個大圈，原來最近應是旺角站B2口，出嚟轉個彎就到。環境當然無法有要求，輝哥啱啱開檔，直接嗌咗最出名嘅雞粥，加碟豬肝腸粉。我食乜都一定走蔥，碗粥上嚟只見到芫荽和生菜，賣相已經令我有信心。一試味道果然好正，濃郁雞味，d粥一d唔鞋，且雞肉依然鮮滑，加上芫荽吊味，幾乎完美。😋😋 美中不足係竟然食出咗一條半鋼絲，但味道實在太正，無法再多作要求，希望店主注意下啦！腸粉不功不過，豬肝處理得毫無腥味，不過整體就遠不如雞粥咁impressive 喇。下次再嚟試下其他嘢，但唔會係腸粉lor..

找一個和我在街邊食粥的人 輝記雞雜粥是日一位朋友就帶咗我個去食好東西，就係響我平時搭車返屋企嘅巴士站附近嘅一間街邊粥！其實平時都一定會有行過呢一間粥店，但係冇人陪嘅時候我多數都會自己去嘅，呢位朋友似乎知道我嘅心意。臨離開香港之前的一晚，同我食粥！其實大家都食咗晚飯只係見過面，只叫咗一碗雞雜粥。不過可惜嘅係當日嘅雞雜粥冇雞腸雞心，只有雞肉同埋雞神，粥底綿綿，配上少少生菜絲！雞肉同雞神係有特盛嘅份量，雞肉鮮嫩，雞son爽口，簡單美味！想食好食嘅雞粥都唔使入到新界呀！曾經講過，要找一個和我食米線掃街的人，再多嘅珍饈百味可能，對我來講都唔及同喜歡嘅人吃一碗簡單嘅粥吸引, 哈哈找到了！偏偏你走了，返泥記得再同我周圍掃喎！比我寫多d "找一個和我xxxx的人" topic

說起後巷你會想起什麼？後巷是電影中逃生的路線。後巷是那些兇殺案電影的棄屍對方。後巷是那些白粉的交易現場。後巷裡有男女在進行情到濃時的前戲，或進入直路。大約你也想不到後巷可以有美食。如果你在想那個後巷只有的都是邪惡的東西，你就錯了。不過係介紹之前，如果你有潔癖，有港女的性格，唔食內臟，怕麻甩，請你不要看下去，因為你根本唔會過來吃東西。對不起，這裡的美味你無福消受。在旺角找24小時的食店，找到的全是我沒有興趣的地方，是夜的宵夜的地方，來了這裡，全因我想念這裡的豉油皇炒麵。老實說，這裡沒有環境，只是係小巴站隔離，無論一事一物枱椅筷子碗都是好舊，好像有一層油在上般，真係唔係個個接受到。不過，如果你喜歡吃豉油皇炒麵，又沒有吃過這裡的，大約你要來一次。今晚再吃的當然是豉油皇炒麵，之前吃的驚豔，今天還是繼續，那種炒麵是非常的幼細，每條都是十分的柔軟，經歷大火炒又炒，那個炒麵還是保持那柔嫩的質素，加上大量的蔥花，洋蔥等，油份雖然多，但佢炒完後那味道依舊是溫柔無比。你以為全部麻甩佬就係非常粗獷而沒有溫柔嗎，當你吃完整碟炒麵還是覺得那是男人的浪漫把整碟炒麵都多了點柔情蜜意。當然我不會叫一個炒麵就算，其實每

天氣又開始涼涼地，唔想成日打邊爐咁熱氣，食返碗熱辣辣嘅粥都係一個唔錯嘅選擇。雖然平時唔太鍾意食粥，因為覺得粥都係淡口又無乜嘢食，唔係病都會想食，但食過輝記又開始有D改觀...每晚八點過後，直至清晨六點，就係輝記營業嘅時間，岩晒一眾「夜貓」覓食。輝記真係可以用「其貌不揚」嚟形容！佢嘅廚房就係後巷，幾張稀疏嘅褶枱放係路邊同後巷。門面唔吸引，但夠地道，幾個夥計同老闆分工合作，每晚都吸引不少食客光顧。菜牌設計老派，一句「創1976」已經暴露粥店年紀，數數手指原來已經開咗四十年。之前已經食過輝記嘅雞粥，雞肉肉質結實，唔似出面食嗰D咁淡口。今次決定試下佢嘅燒鴨粥！出面食嘅粥多數都係偏白稠綿微鹹，但輝記嘅粥偏黃，燒鴨嘅鹹味滲入粥裡面，而且聽聞輝記煲粥唔係用清水，而係用下欄熬成嘅湯，食落去仲可以食到一粒粒嘅菜脯，都幾好味！可惜嘅係，今次嘅粥比上次稀咗少少，希望下次可以Keep返個水準啦！炒麵夠鍋氣，不過不失！油炸鬼雖然唔係即炸，所以唔算好脆，但腸粉皮夠滑，呢個炸兩都算ok，係份量少咗D！深宵突然肚餓，諗唔到食咩，又唔想食麥記咁頹，都可以考慮支持小店，食返碗靚粥㗎！

很難得有機會在晚上九時多仍在街頭遊蕩，而且還是四圍去找宵夜食。印象中好像已有十多餘年沒有這般的體驗了.....今夜的機會，小弟一定要緊捉它，絕不會讓它輕易溜走....經常都會從太子坐小巴回家的，每次車一轉出彎角就會看到對面街的這一檔街頭粥檔。它的格局擺位令人想起我小時候常常去光顧的大排檔，讓人超級懷念的。所以今趟前來，可以說是一個懷舊的食之旅....既稱之為"老牌雞粥檔"，理論應該是要叫雞粥的，但不知何解今夜神推鬼迷的轉點了風格完全不一樣的燒鴨粥....粥底確是甚綿滑但也出奇地帶有很重的甜味，這甜有一個可能性是源自燒鴨的醃料滲透出來。不過同樣奇怪的是就連上桌前灑上去的大頭菜粒竟也是偏甜的。吃過後攪不好小弟亦以為自己正在似在食甜品多一點呢....斬件的燒鴨差不多有五大塊，而且大部份都是腩位來的，絕對不是一道欺場之作....當然不能只吃一碗粥便罷休。隨便的要了一份牛腸....它的皮縱然薄如紙但似乎是弄得太濕太黏了，再加上在那多至像水浸般的豉油浸透之下，腸粉入口是又爛又淰的有點令人討厭，而且牛肉碎饀亦是少得要拿著放大鏡才能找到....這一刻忽然念起，這一碟東西竟要索價二十大洋，真是想起也心酸

【深宵系列1之1】凌晨十二點半，旺角依然熙來攘往，大部份都係歸家似箭的遲收工一族，小部份如lahris，就諗住醫一醫肚，決定搵啲小店支持吓輝哥心口揹住錢袋，佢銳利嘅目光和我對上，佢問我「要啲咩？」我發揮我嘅妹妹功「無喇...好飽啦」佢話，「飽就食少啲」其實，我們叫得不多（上面是餐牌），兩個人只是叫了碗馳名雞粥、蠔仔粥和一碟炸兩，必須一提的是，叫炸兩之前，我有問伙記大叔「呢度嘅炸兩脆架可?」佢諗咗一秒、兩秒，答「係呀」結果，就中晒伏啦! 油炸鬼唔脆，外面果層腸粉都未完全成形，只可以話係80%凝固的米漿，好不容易食剩一嚿，實在係畀足面輝哥至於馳名雞粥，的確唔錯，粥煲得好綿，輝哥話「煲粥好易，啲米浸過夜就最好，之後煲耐啲，你呀媽都識架」輝哥的馳名雞粥，有菜莆，有蔥，有滑雞件3-4塊，好甜，粥底好甜，連雞件都又滑好甜，相信有些少味精，因為食完極度口渴我問輝哥點解啲雞咁好味，鮮甜、皮薄、肉嫩，喺邊度買架？佢指下街市，話「雞有好多種，要好味，緊係用靚雞」「即係冰鮮雞？」「係大陸車落嚟，之後先劏架」哦，若然輝哥所言屬實，就係活雞，可能我真係太耐無食過新鮮雞啦，聽到係活雞，真係有些少感動1976年創立

香港的街頭大牌檔已經不多了！好在朋友質我都喜歡搵食！有一天在旺角整完Gel甲後，到了輝記雞粥檔餐牌已是很舊了，從牌上看，嘩！年紀比我大呀！馳名雞粥 － 朋友叫了這個，看來用料很充足！以下是朋友的意見：粥底鮮味，還加進了爽口帶香的大頭菜碎粒， 雞味頗鮮濃，肉質幼滑富彈性，雞件預先用鹽醃製過，所以有鹹香味！豬骨粥 － 這是我叫的，粥底較甜，但配上鹹豬骨，好正！豬骨很新鮮，平是不愛吃骨的我，也一件都沒有放過。炸兩 － 輝記的腸粉均是即叫即拉，腸粉薄如透明，油炸鬼脆，好味道！這是我們的宵夜，不能再叫了！就這樣吧！

之前成日冬天既凌晨都會係呢到食佢既雞粥，好入味，而且Ｄ雞又滑。佢地Ｄ芥蘭都好好食，比較軟身。炸兩個皮好滑，入面又脆，真係唔係個個都做得到。不過衛生真係唔係好得，而且隔離有個小巴站，坐係到食野人地都會望一望你，不過另一個角度睇呢個環境都幾有風味既。