影片
港鐵油麻地站 A1 出口, 步行約3分鐘
繼續閱讀
電話號碼
69961760
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
-
網上訂座服務暫停
優惠
9折
越南料理$100現金券(只限堂食) -超值享受 多款越式料理！
$90
$100
記得好耐之前Duck哥🦆同阿仔嚟食過一次，記得當時餐廳老闆👨會主動同客人傾偈，問佢地意見，睇得出佢地係有心去做好間餐廳💯。今日咁啱又同阿仔經過，又見到餐廳老闆👨，佢同Duck哥🦆講，啱啱換哂啲廚師👨🍳，叫我入去食下，咁我就同阿仔再食多次🥰。珍寶火車頭湯河 $88非常足料，除咗有生牛肉、牛丸之外，仲有牛，札肉和蘿蔔，不得不提個湯底😍，有夠香又夠濃，但又唔會蓋過材料嘅味道🤤。越風味小食拼盤 $118墨魚餅🦑，蝦餅🦐，春卷表面炸得非常香脆，墨魚餅同蝦餅有食材本身嘅香濃味道，肉質彈牙😍。春卷同蒸粉包同樣餡料豐富飽滿。扎肉帶有淡淡嘅猪肉🐖香味，樣樣都好食😋！咖哩軟殼蟹飯 $82 (飯 轉 3件蒜蓉包 +$18)軟殼蟹🦀炸得香脆乾身🥰，裏面保持鮮味濕潤😋。最正係個咖哩，味道又香又濃🥰，蘸埋蒜蓉包一齊食，好味道到不得之了😋。芒果軟殼蟹米紙卷 $68一共有4️⃣件，用薄薄嘅米紙包住新鮮香甜嘅芒果🥭，正好中和了軟殼蟹🦀嘅油膩。鮮榨牛油果沙冰 $38由於係即榨，所以牛油果🥑味特別重，重點係唔太甜，沙冰夠綿滑，好飲🥰。新鮮椰青 $38阿仔就叫咗個椰青🥥，味道清甜，解渴一流😋。都話老闆用心經營，係餐廳邁向成功嘅重要一環🥰。換哂啲廚師，老闆親身試味，令餐廳變成了可能係Duck哥🦆食過最好食嘅越南菜館？！
繼續閱讀
由中學時代到而家，喺旺角都食過唔少美食，而家諗返起，好似從來都冇喺旺角食過越南嘢🤔，今日行街見到鄰近村爺爺有間《越風味地道越南料理》，仲要全日免加一，就同男朋友一齊幫襯啦🤭店內裝潢以綠色為主，再配襯啲越南風格，6點去到仍然keep住有客幫襯😃，老闆亦好熱心推介餐廳美食，其中更大推牛油果沙冰！小妹同男朋友分別嗌咗兩份主菜、兩份小食及兩杯飲品，嚟越南餐廳當然唔少得要嗌Phở啦🤭小妹見餐牌有好多Phở選擇，經過肉眼掃描後，決定了《特級手切鮮生牛肉湯河》。▪️ 特級手切鮮生牛肉湯河湯頭甜、河粉軟、手切牛肉嫩滑，食極都仲有牛肉👏🏻👏🏻👏🏻▪️ 咖喱軟殼蟹飯原隻軟殼蟹細細地、炸得好香，咖喱又香又濃，無撈晒啲咖喱醬，留番啲沾法包用😍😍▪️ 經典越式法包（扎肉為主）法包香脆，餡料有芫茜、青瓜、扎肉、醃蘿蔔絲，即使隔咗陣先食都依然咁脆！大推！沾啲咖喱醬一齊食更加好食😝▪️ 越風味小食拼盤小食拼盤兩款扎肉都好食😋、墨魚餅有粒粒墨魚㗎、春卷及蒸粉包都多料、相對蝦餅比較普通，不過小食整體都非常好食🤤▪️ 自家煲椰汁珍多冰椰子汁不太甜，珍多冰滑溜溜，平時啲凍餐飲小妹飲唔晒架，呢杯反而啜得晒💕▪️ 鮮榨青檸梳打青檸梳打有青檸汁座底，唔係齋水、冰及青檸🤭層次豐富咗❣️估唔到法包🥖，就算因Phở而食飽，依然都覺得好好食😍其中一個原因係小妹鍾意食法包🩷下午5:30前惠顧A至D及F餐奉送指定飲品，都幾抵架👏🏻日後有機會先再試吓老闆大推嘅沙冰啦🤓
繼續閱讀
👧🏻😋👅🍽✨為牛油果沙冰再訪 食物依然出色🙌🏻-🇻🇳 天氣熱最想飲大大杯凍飲, 之前飲過呢度鮮榨牛油果沙冰真係念念不忘🇻🇳 親力親為既老闆係門口招呼: 「堂食免加一, 外賣八折, 平靚正」係真事! 仲同各枱客人攀談, 好有人情味小店既感覺😆-🍤越風味小食拼盤 $118💯春卷, 蒸粉包, 蝦餅, 墨魚餅, 扎肉全部都好好食, 春卷太出色, 肉同菜比例岩岩好, 肉香唔太油, 春卷皮脆卜卜! 💯蝦餅墨魚餅都係金黃酥脆, 足料彈牙; 蒸粉包好少見, 餡同春卷類似但用粉皮包冇咁熱氣, 仲更juicy-🦐 芝士蝦多士 $45✨鋪滿芝麻炸得透, 脆脆多士中間夾住厚厚蝦膠同軟心芝士, 邪惡又愛不釋口-🍅 鮮茄蟹肉扎肉湯檬 $78💯個湯比較稀但都掛到汁, 勝在足料, 有炸蟹肉, 蝦仁, 春卷, 扎肉等等, 仲有肉碎, 個湯幾鮮甜-🍳 豬頸肉太陽蛋飯 $68✨豬頸肉夠油香肉爽唔柴, 配蔥油惹味, 再撈埋太陽蛋汁一流; 稍嫌白飯太乾仲可以撈番茄湯做湯飯, 兩餸三食😎-🥑 鮮榨牛油果沙冰 $38💯香滑飲落完全冇冰粒冰碎但又好夠凍, 濃到好似打左十個牛油果落去咁, 唔可以唔叫‼️-🥭 椰汁芒果西米露 $28 ✨飲品當甜品食, 好多西米好多芒果仲好甜
繼續閱讀
［📍旺角｜越風味地道越南料理］呢排天氣濕漉漉 放工就想揾啲清新啲既野黎食下係旺角見到呢間越南餐廳 感覺好受街坊歡迎加上老闆亦都好熱情係門口介紹食物款式於是就決定入去試試佢～雖然係平日 但餐廳依然非常熱鬧 好受街坊歡迎餐廳環境好光猛 枱面餐具乾淨企理 坐落都好舒服今次黎到 分別叫左三款主食同一款小食 🍅 鮮茄蟹肉湯"Banh Da”粉見到餐牌有個手指公表示招牌菜同時 又好好奇咩係"Banh Da”粉 就嗌左碗黎試下"Banh Da”粉外型有啲似我地食魚蛋粉既粗麵但質地偏向滑身啲 加上佢用糙米製成 所以顏色偏向淡黃淡黃色鮮茄蟹肉湯底非常濃郁 眼見好多蕃茄肉 而且飲得出好明顯既蟹肉味 喜歡蕃茄湯既你 一定要試下呢碗粉非常足料 有蟹腳 大蝦 香葉燒肉 扎肉 蝦滑 豆卜 非常足料 而且麵底本身都唔少 食完非常夠飽啊🐷 香茅豬扒湯河食PHO最重要當然係個湯底呢到既湯底清甜清徹 有淡淡既牛骨香味一啖接一啖都唔會覺得有味精而口乾香茅豬扒煎得好香脆 除左有淡淡既香茅味醃味亦都唔會太鹹 啖啖肉 無野挑剔🐮 咖喱牛腩飯 （轉配蒜茸包）聽老闆介紹 咖喱係佢地既招牌菜 咁當然要試試佢 咖喱質地濃厚 配飯/包岩岩好咖喱味道微辣微辣 配有小許既甜味 味道調得好好食牛腩肉質偏瘦小小 但一啲都唔會韌牛腩除左普通腩位 仲會有筋腩既部位筋腩非常有硬口 唔會煮到太淋又唔會太硬 岩岩好另外 蒜茸包烤得好脆口 好香既蒜茸味 拎住蒜茸包配搭埋微辣既咖喱汁 好滿足唔想食飯既你 絕對可以考慮下轉食蒜茸包🦑 下龍灣墨魚餅一上枱 墨魚餅熱辣辣 煎到金黃金黃色質地彈牙 一啲都唔會覺得好粉加上 每一啖都食到好多一粒粒既墨魚粒刻意保留左既墨魚粒 令到成件事口感豐富左再配左旁邊既辣醬 清新好味道👅呢間越南餐廳非常抵食平時想簡簡單單食一餐就最適合不過啦🍅 鮮茄蟹肉湯"Banh Da”粉 $82🐷 香茅豬扒湯河 $58🐮 咖喱牛腩飯 $72 🥖 咖喱飯轉配蒜茸包 +$18🦑 下龍灣墨魚餅 $68📍 越風味地道越南料理旺角砵蘭街108號地舖
繼續閱讀
餐廳環境裝修幾有越南特色，牆上掛了一啲越南畫作，燈光鮮明，座位闊落，亦有梳化位，坐得幾舒服👍🏻每張枱設有唔同醬料及醬油碟，可以自由添加餐牌選擇唔少，有越南河粉、越式法包、米紙卷等等，大家可以揀套餐或者單點都得~鮮茄蟹肉扎肉湯檬 $78好大碗好足料🥰🥰未食已經聞到好香蕃茄味，湯底濃得黎又唔會太咸，扎肉同蟹肉都好好食~牛油果軟殼蟹米紙卷 $68推薦😍😍😍！一共有4件，軟殼蟹好大隻，又香又脆，牛油果好新鮮，米紙厚薄適中，點配醬料一齊食，酸酸甜甜，正！芝士蝦多士 $45一共有4塊，多士烤得好香脆，上面仲有粒粒芝麻，入面嘅蝦仁好甜，芝士好多，意外地幾好食，又唔會太膩，唔錯~凍檸檬茶 $9好大杯，茶同檸檬比例啱啱好~
繼續閱讀