越男仔

營業中

休息中

🔸雞撕扎肉椰汁酸湯好香濃椰汁味既湯底，加上酸汁，酸酸味味，成碗粉都不膩，湯底都可以飲埋🔸窩蛋火車頭有牛丸 生牛肉 牛柏葉 熟牛肉組成 份量都非常足夠 湯頭係清甜香濃既牛骨湯🥹🔸牛油雞翼雞翼炸到香香脆脆，而且封住哂d肉汁🔸春卷春卷好足料，都唔細，平時食度都係細細條，外皮輕炸，唔會覺得梗口，配上餐廳自己調配越式汁酸酸甜甜略帶微辣，清清爽爽，頭盤一流佢仲有自選配搭🤪自由選擇唔同已湯底 配料 醬汁 及 粉麵等等車仔麵咁既概念 又幾好wo😆

旺角一向係覓食好地方,今次同朋友嚟到旺角梗係要搵啲好嘢食啦！朋友話想食越南菜,見到附近有間「越男仔」,就入去食午餐。一坐低,服務員好有禮貌咁遞上餐牌。餐廳內嘅裝修有特色,坐得又舒服。招牌無骨雞配黃薑飯$68雞肉嫩滑,份量十足,粒粒分明嘅黃薑飯帶有椰香味,配埋個醬汁真係好食。自家製沙嗲串燒(牛+雞+豬)撈檬粉$66牛、雞、豬各一串,肉質嫩滑,沙嗲醬濃郁。檬粉爽口彈牙,好食。越式蝦餅(跟餐$42)蝦餅炸得鬆脆,美味可口,非常惹味。牛炸醬春卷(跟餐$23)春卷內有牛肉絲、木耳絲、紅蘿蔔絲和粉絲,炸到非常香脆。另外跟餐免費送熱奶茶和熱檸水。#devietson #越男仔 #越南美食#越男仔旺角店 #旺角美食

😋🍽️胡志明市紅蕃茄四寶湯檬粉 $69餸料很豐富 有豬扒 扎肉 豬頸肉 脆豬肉 每樣都先經過煎香 加上濃濃的酸甜蕃茄湯底 非常開胃 食指大動😋🍽️招牌手撕雞椰汁酸湯檬 $51椰汁份量很足 十分濃郁 帶酸解除了椰汁的膩感 非常開胃 再加上辣椒 青檸及蝦油蒜後 令整個湯底味道𣊬間提升 有層次 雞絲浸透湯汁後 更為美味 大推🍽️雙拼小食 +$35😋無骨鳳爪沙律沙律調味帶酸 非常開胃清新😋手撕雞檬紙卷紙卷帶軟糯煙韌口感 加上包裹的內餡 有層次味道清新簡單😋🍹凍拉茶 +$3叫了小甜 覺得此甜度剛好 茶味很濃及香醇🍹乳酪漏漏咖啡 +$18咖啡味濃 味道偏酸 喜好因人而異

喺附近搵食，最後揀咗依間越南菜。隔離仲有兩間泰國菜，仲有一間食清湯腩，要排長龍。依間越南菜都幾出名，一直想試都未有機會。第一次食當然要試吓佢嗰「鎮店四烏椰汁酸湯檬粉」。所謂四烏包括1）雞脆皮2）手撕雞3）滑雞4）香脆雞首先係面頭嘅係塊雞脆皮，好似平時打邊爐食嗰啲魚皮咁趣卜卜好香口。然後有三件滑雞，無骨嘅，啖啖肉。兩件大嘅香脆雞，即係炸雞扒，好味嘅。手撕雞就覺得整得太碎啦，冇咩口感，變左湯底料咁。個濛粉都幾大碗，個湯的確有啲酸酸味味，亦都有啲椰汁香。另外叫左沙嗲芝士焗雞扒飯。一開始個侍應都話個焗飯要等耐少少，估唔到都真係等到個檬粉差不多食完先上枱。用個鑊咁拎上嚟，但唔會太熱。塊雞扒勁大塊，遮住咗個飯。個底係有飯焦好香。有沙嗲醬其實都唔會唔好食，不過我覺得撈落個雞扒好似唔係好夾，另外本身以為面頭嗰塊係炸到好香脆嘅雞扒皮，點知原來係一大片芝士，其實佢叫焗飯係咪應該係啲芝士溶落個飯度，而唔係成塊焗脆左嘅芝士。另外跟餐叫咗一杯凍檸水一杯越式奶茶，大家可以試下越式奶茶都幾香幾甜。最後埋單張收據吸咗四個印仔；儲夠五個當$20，十個當$40，發單後一個月內堂食使用（下午茶及外賣除外）80幾蚊一個餐，仲

【味道有驚喜嘅越南菜‼️店員好nice🙌🏻】/////越男仔餐牌上嘅內容非常豐富 最特别係紙卷可以揀海膽做配料 都推出左自家制芝心蝦多士😳小編望住有嚴重選擇困難症👻而每個店員做嘢都好快手 有求必應有禮貌(╯3╰).👉🏻越式生牛肉牛骨湯河粉 ($66)湯底用牛骨熬製出嚟嘅味道好清甜🥹生牛肉稍稍放入湯已有一定熟度 帶出嫩滑口感～.👉🏻招牌去骨海南雞配黃薑飯 ($76)海南雞去骨後容易入口 懶人之選🤣雞肉大致嫩滑 飯粒加上黃薑散發檸檬草香氣 調味再重啲就可以更惹味香口～～.👉🏻酸辣無骨鳳爪 ($56)材料有黑糖嘅關係 顏色好似酒樓鳳爪(˶‾᷄ ⁻̫ ‾᷅˵)味道同樣酸辣開胃 調味比坊間較温和👍🏻.👉🏻串燒沙嗲拼盤 ($61)拼盤有齊牛、雞、豬以及菠蘿🍍肉質有咬口唔韌 配搭沙嗲醬食到微甜花生醬嘅味道 菠蘿屬於鮮甜個種 不過比較多渣😴.👉🏻法式蒜蓉包 ($56)麵包上塗滿香濃蒜蓉醬以及牛油 焗到外皮酥脆 内層軟綿熱辣辣🔥———📍越男仔 (旺角)旺角廣華街2-20號翠園大樓二期地下5號舖

📍📍📍越男仔 (旺角)旺角廣華街2-20號翠園大樓二期地下5號舖👉招牌越男仔手撕雞椰汁酸湯檬粉💰$66😋😋😋😋.8/5一放上枱，已經感受到陣陣嘅酸味，流晒口水，急不及待一啖檬粉雞肉再拿拿臨飲啖湯，淡淡椰香越飲越搶口，不知不覺成碗食晒，連湯都飲曬😍😍超驚喜配搭！絕對係必試嘅菜式！👉河內蔥油三味配黃薑飯套餐💰89😋😋😋😋/5三味係扎肉+豬扒+豬頸肉，扎肉幾彈牙，夠鮮味😋豬扒同豬頸肉都唔會好鞋，香口多汁！不過薑黃飯有少少硬，自己就比較鍾意食再淋啲嘅飯🤣套餐小食我地揀左無骨鳳爪沙律同埋椒鹽脆蛋魚柳，平平地，都推介大家加😍👉串燒沙嗲拼盤💰$49 (跟餐價$39)😋😋😋😋.5/5串燒分別有豬、牛、雞各一串，呢個真係十分有驚喜，因為啲串燒完全冇燶邊，三款串燒都燒到好好味，仲可以保留到原有嘅肉汁。另外我都加咗一串燒菠蘿（+$10），菠蘿都好有驚喜，最後食到飽飽哋嘅時候，消滯一流！推介大家試下！回頭：Yesyesyes！價錢合理之餘，食物質素幾好，性價比高！食個lunch嚟講環境都唔錯，大家經過油麻地諗唔到食咩都可以一試😋😋😋

好少食越南菜 呢間見幾多人推介就去左食紅蕃茄四寶撈檬唔錯 酸得來唔會過酸 醬汁味道啱啱好 沙嗲串燒拼盤亦不錯 沙嗲醬甜甜地有啲花生味 串燒肉都幾大嚿 唔會燒燶 同朋友share一定要叫

前幾天在廣華醫院附近覓食，路過這家越南餐廳決定一嚐，進店後馬當有店員上前招呼快速安排座位，態度友善👍🏻招牌椰汁酸湯滑雞湯檬粉椰香湯底味道清新微酸，十分開胃，特別適合炎炎夏日享用，酸味愛好者還能添加青檸增加酸度，滑雞和檬粉份量亦十分充足，推介大家嚐嚐。法式芝心蝦多士蝦多士十分厚身彈牙，外層香脆，中間夾着流心芝士，十分惹味。沙嗲香茅豬扒拼豬頸肉沙嗲醬充滿香濃花生醬味，豬扒和豬頸肉口感不俗👍🏻三檸七三檸即檸檬、青檸和咸檸檬，酸度恰好，清爽美味👍🏻

晚飯時間，同個仔兩個人想食撈檬，就嚟咗旺角呢間嘢越男仔。一人叫咗一個撈檬。一個串燒，另一個沙爹燒反而我覺得個沙嗲牛肉就一般般牛肉。串燒中，豬肉最好食，牛同雞都可以。反而我覺得個沙爹牛肉一般般。

原本打算簡單食個經典的生牛肉越南河，但看到有些特別的配搭，就試試新野餐廳menu的選擇非常多我選了火炙薄燒牛+脆雞，配撈檬牛卷燒得好，有牛味加上紫洋蔥十分香！脆雞的皮也炸得外表極度鬆脆雖然很熱氣但也忍不住食晒所有雞皮正

旺角廣華街出名多嘢食，今晚就去咗有三間分店嘅越男仔試吓！大約七點到旺角分店，已經有幾枱食客。店鋪雖小，但選擇極多！主食、小食都有好多選擇。大部分都可以揀配套餐。而飲品除咗一般越式餐廳有嘅拉茶同越式冰之外，仲有新鮮自家煲系列。今晚叫咗必食嘅招牌去骨海南雞配黃薑飯同用半價優惠試埋法式芝心蝦多士。多士份量大，外層鋪滿芝麻，炸到金黃香脆，夾住厚厚嘅蝦肉同芝士，半溶嘅芝士真係非常「芝味」。海南雞飯，雞肉嫩滑，雞皮又唔會太多肥膏，配埋帶椰香味薑黃飯，認真滋味！半價飲埋杯咸檸七，消暑！去開旺角想食越南嘢，不妨試試！

(๑>◡<๑) 今晚去左越男仔食野，店鋪唔算好大，但係野食好多種類，裝飾都好有越南風味、趣味性，例如牆上面寫住：「室内嚴禁放屁」、「遠睇身形頂呱呱，近睇好似大西瓜」睇完都覺得好好笑首先，叫咗個晚餐：蔥油三味黃薑飯，有香茅豬扒、扎肉同埋豬頸肉～黃薑飯好香，加埋蔥油一齊好惹味～肉類🍖整得幾好味，再配合埋少少酸嘅蘿蔔絲，成件事都配合得好好呢個晚餐亦都有小食：鳳爪沙律 + 雞絲卷～酸味味好開胃，而且份量都好多好抵食跟住叫咗個名菜蝦多士，啲芝士流晒出嚟😬多士鋪滿芝麻，炸過好脆好好味🤤嘢飲叫咗一杯乳酸三色冰，平時嘅三色冰多數係椰汁🥥今次有啲乳酸酸酸地幾特別，無咁漏！！整體來講，呢餐好豐富，價錢實惠，good~

我全家人都好鍾意食越南菜 想食嘅時候永遠淨係呢一間 食慣咗好熟路 好鍾意呢度嘅越南菜非常之多款式 水準高有質素而且價錢 非常親民所以好鍾意呢一間餐廳今晚放工同朋友嚟開餐 好多選擇其實都有攻略嘅 大概係一個麵食加一個小菜再加一杯 嘢飲大概$ 100蚊到我今晚就食咗個 🍜生牛肉金邊粉 湯底用牛骨湯餚製非常 清甜 生牛肉分量都好多 再加上配菜例如芽菜洋蔥等等 非常易入口 小食揀咗我最鍾意嘅 🦐🍞蝦多士 份量非常之多啊 而且有大量嘅蝦肉 加埋流心芝士 非常邪惡同好食 嘢飲 跟餐價點咗🍋青檸梳打 非常解暑 好清新 另外最鍾意嘅小食就係🍗牛油蒜香雞翼 炸到非常之香脆好食 總括對呢餐非常之滿意嘢食好食上菜快 地點係地舖喺旺角 夠曬方便 絕對可以從朋友再嚟

放假又起屋企附近搵食😋本身想去隔離果間承傳牛腩麵，點知大排長龍下轉食越男仔😅😅越男仔食過好多次，手撕雞椰汁酸幾乎每次都食，個湯底酸酸地又濃好開胃😎雞絲係撈埋黑椒及胡椒，辣辣地小朋友就未必岩可以自己加調味，我覺得湯底麵好濃而無加第二款必點- 法式蝦多士叫佢炸蝦餅會似d, 外面炸得脆口感好正，蝦味正常都叫好食小食拼盤- 越式春卷， 米紙卷，辣鳳爪三樣味道都唔特出，不過不失啦飲品叫左杯凍檸茶 及 椰汁紅豆冰，2杯野都淡到水一樣，野飲真係要扣晒分

依間越南菜店舖雖小但食物質素就好高，選擇好豐富有個3course嘅晚市套餐，有沙律、小食同主菜，今日都幾肚餓所以食豐富啲！叫左個生蠔+生蝦+滑雞配椰汁酸湯檬粉($169）侍應仲會比埋調味三寶指天椒、青檸同蝦油蒜頭等等比客人可以自行再調味，仲有教埋我食依碗應該落咩添！好貼心首先個湯底酸酸地好開胃，仲有好香濃嘅椰香味，帶少少甜，檬粉夠哂柔滑吸哂湯好好味！生蠔、生蝦好鮮甜，煮得岩岩好入口柔滑個雞肉都肉質嫩滑又唔會乾沙律就揀左無骨鳳爪沙律同手撕雞檬紙卷，個沙津有青瓜絲、蘿蔔絲同椰菜絲，醒醒甜甜夠哂醒胃，鳳爪醃得好入味，鹹鹹地帶微酸。手撕雞檬紙卷口感豐富，有雞肉嘅嫩滑又有米紙嘅煙韌，味道好清新！最後跟餐+$23試左新鮮水果茶，夏天飲涼爽又清新，唔會太甜，幾好！都多野揀黎食，下次要試埋撈檬先！