譽居

營業中

休息中

因好耐冇去光顧譽居嘅下午茶，恰好同媽咪一齊去附近辦事，我哋決定試吓佢哋而家嘅下午茶套餐。我覺得，下午茶套餐39蚊揀兩款點心真係抵食，所以我地就點咗雪山叉燒包同鴛鴦燒賣（分別有兩件豬肉燒賣同牛肉燒賣），仲加埋時菜叉燒焖伊麵。整體嚟講，雪山叉燒包真係好好食。熱辣辣嘅，餡唔太鹹，味道非常出色，好值得推介。鴛鴦燒賣嘅味道都唔錯，叉燒伊麵上嘅伊麵好好食，時菜用白菜炒得好美味，只係叉燒切丝唔叉燒一塊塊，但整體嚟講都好好食。下午茶自由配，兩款點心 $39.0雪山叉燒餐包鴛鴦燒賣（豬肉燒賣和牛肉燒賣各兩件）時菜叉燒炆伊麵(下午茶）$58.0譽居地址：新界将路13號 THE LOHAS 2

我曾兩次幫襯堂食後，想再買外賣，但服務員堅持要我自己出去門外收銀處落單外賣，都算啦，但我話佢知我裡面枱號，佢堅持唔攞入呢，要我自己留意外賣出了，自己出收銀處攞。呢D垃圾餐廳都仲有人幫襯，真係天冇眼。

今日咁啱行開康城，諗住去飲茶食午餐。上網搵吓見到有2間酒樓，揀咗依間試吓。我叫咗兩樣點心，首先，紅棗糕完全冇紅棗味架，雪山叉燒包入邊就係空心又難食，好彩我只係叫了2樣點心試下先咋！我係見到網上評論有人話好食，諗住去試吓，點知咁差🥹唉🥲浪費了一個美好嘅午餐❗️

我是一位食客，我想分享我在一家餐廳的消費體驗並提出一些不滿意的事情。這篇評論的目的是向其他食客提供有關該餐廳的真實反饋，並希望引起管理團隊的關注。我最近光顧了譽居位於日出康城的餐廳。大體而言，這家餐廳的食物品質和服務水平都令人滿意，但是有一個問題讓我感到非常不滿。這家餐廳在茶位收費方面存在不公平的情況。我與另外三位成人和兩位小朋友一同光顧這家餐廳，其中一位小朋友只有三歲。根據我們對這家餐廳收費政策的了解，小朋友是不需要支付茶位費用的。然而，當我們與樓面經理確認時，他們堅持要求我們支付七個人的茶位費用，包括三歲的小朋友。我們多次嘗試解釋並提醒樓面經理，根據餐廳的收費政策，小朋友不應被計算在內。然而，樓面經理仍然堅持他們的立場，並拒絕為我們進行調整。這種不公平的對待讓我們感到非常失望。作為一位食客，我們期望被公平對待並享受一個愉快的用餐經歷。然而，這次的茶位收費情況讓我感到被冷落。我希望餐廳管理團隊能重視這個問題，並確保顧客在餐廳中得到公正待遇。我呼籲餐廳的管理團隊對這個問題進行調查，並采取適當的行動解決這個問題。同時，我也希望他們能對我們的抱怨表示歉意，並確保這樣的情況不再發生。我希望我

食物有幾好食都好，如果外賣要等超過半個鐘，乜都無味！何況外賣都要係唔熱！！！外賣等半個幾一個鐘係正常，樓面態度愛理不理，又唔入廚房拿外賣出黎，一出就10幾個外賣，頭嗰幾份就凍冰冰！一個字：差！！！！！

朝頭早有孖寶都抵食，另外仲叫咗啲點心，私心推介有以下幾款👇🏻👇🏻👇🏻$34.0鮮蝦菜苗餃🦐入邊係菠菜同鮮蝦，食落去好爽甜$34.0蜂巢芋角🐝芋頭好香好粉$30.0斑蘭叉燒包🤭綠色嘅斑蘭雪山外表，內含惹味嘅叉燒，好食！

好掛住深井燒鵝，忽然想食碗燒鵝瀨……..咁就幫襯呢間”譽居”點知瀨晒嘢😂😂隻燒鵝，肥到不得了😳啲脂肪仲厚嗰啲肉🫢然後會瀨粉冇味嘅🤔要加幾匙辣椒油落去先有翻啲味😅下次都係黎食返點心算-🤨😆

譽居的中式餐點十分不錯，有種家常便飯的味道。如果家人想食中式晚餐，就會提議譽居。陳皮牛肉腸粉 $36陳皮牛肉腸粉外皮夠薄，口感滑身。除了一般牛肉腸粉味道，多了一份陳皮的香氣，味不錯。金巢咕嚕肉 $88咕嚕肉十分香口，咕嚕汁甜甜酸酸，很開胃。雀巢薄脆香口，沾上咕嚕汁更加滋味。酸菜煮魚片 $85足料魚片加上大量入味的酸菜同芽菜等的配菜，味道酸中帶辣，很開胃。鹹魚雞粒炒飯 $70炒飯乾身，粒粒分明，中間夾雜著脆卜卜的鹹魚粒同嫩滑的雞粒，口感更有層次，味道又香又惹味。餐廳環境以中式古典風格為主，環境舒服，加上出色的小菜，是不錯的用餐選擇。

第1， 我上次黎食加5蚊轉魚腩粥出魚片粥比我，我同職員講，佢一睇都話係喎，魚片黎，之後佢走埋去搵經理，佢竟然聲大夾惡話佢地無魚片，咁個廚房都幾識魔法。果次我就無追究就咁算。第2，每次叫外賣咸蛋燒肉飯果半隻咸蛋都會消失，明明已經拎果陣問佢入面真係有咸蛋，佢實牙實齒話有入面都係無，佢就係覺得你唔會返轉頭問佢拎，打落去佢都會收你線。最後今次仲衰，仲要晚餐叫燒味飯竟然碗上唔係碟上，咁樣呃錢真係好痴線。我又加5蚊叫左油飯啦，佢出黎白飯我問出菜果個竟然話佢地係淡既油飯，嘩，咁你淡到落一滴油收我5蚊。我就食一啖問職員話呢個係白飯黎呀可，事件又重複，佢又係話係喎，白飯，之後佢走埋去同一個齊陰女經理又黎料，佢係會隔好遠大叫話係咁嫁油飯，跟住仲話佢地淡版油飯黎張單岩呀，我話張單岩你廚房係咪出錯呀，我仲叫佢筆幾啖試下。之後佢仲想話拎走我碗野轉白飯，我心諗你拎入去吐啲口水比我就話變左白飯咪仲衰。無人理你嫁，啲職員同經理離遠望住我，我果下已經想走，根本唔係我叫既野，卒之個經理見我啤住佢佢先行埋黎仲大我，話你而家想點，我咪叫佢係電腦改返點左白飯囉。一次又一次既機會，極差既態度，佢咁樣呃下呃下我都比佢呃左幾個牛腩麵

冇服務態度可言，入座後冇人理，問有冇點心紙當聽唔到。幾經艱辛拎到點心紙填完，交點心紙比職員，收到後一句好忙唔得閒入單就將點心紙拮響電腦隔離走開，一直唔入單視而不見。其實嚟呢度食嘢，咩都可以唔叫，受氣都受到飽哂！

平時早上、下午茶嚟多，今日收到已晚，仔女都食完飯，呢度唔洗排，就同長老、老婆一齊試下個晚市。呢度地方算寬敞，枱同枱之間有一定距離，有圓枱同卡位分，桌椅都係深啡色木，裝修格局有中國古典風。茄子肉碎炆伊麵茄子夠淋，肉粒大粒，加埋紅椒絲、青椒絲、芽菜炒，味道惹味，似魚香茄子，不過略咸。椒絲腐乳炒通菜通菜新鮮無渣，炒得有鑊氣，味道少少辣，夠腐乳味，正！燒鵝粒梅菜炒飯燒鵝粒不少，梅菜唔算多，飯質粒粒分明，加埋葱粒炒，個飯幾香，唔錯！薑蔥魚腩煲呢個煲正，魚腩夠大肉質實，加埋薑蔥煮，好入味，不過份量略少。

很喜歡去的一間中式餐館，本身經常去將軍澳分店，今次試吓康城分店！康城分店位置不及將軍澳分店位置好，在一個小角落！難怪我也不知道，但2間分店嘅食物質素一樣出色！絕對推薦给大家

收銀員服務差，我吾知道點解蒸牛肉要25分鐘，落單後，我想話想取消，因為趕時間，佢話唔可以。我話你不用退錢，我只係要一碗皮蛋瘦肉粥。因為趕時間。職員冇理會我嘅要求照樣幫我入單，照樣叫我等

第一個上既點心係蔥花蝦米炸兩腸，腸粉皮似食緊一pat粉，0口感，蝦米完全冇味。炸兩乎合預期，唔脆。重要既花生醬同甜醬，比得一細碟，係講緊兩隻醬夾埋30ml都冇…重加咗水，連花生醬都無味…之後上炸雲吞，唔脆，細粒，外皮有油溢味，食落隻蝦有好重鹼水味，極怪。打算點個甜酸醬睇吓有冇得救，sorry，重差。醬加咗水，好淡同稀。再黎係蝦餃，張點心紙癡住咗粒蝦餃，個傳菜只係撕走咗半張唔黐住粒蝦餃既點心紙…服務態度差到呢。唔洗講，個四粒蝦餃既味道完全唔符合佢嘅價錢。上海小籠包，冇比到隻碟放喼汁，唔緊要，我叫阿姐拎。佢比錯第二個客，個客用隻手掂完隻碟，我同阿姐講佢擺錯咗，叫佢比隻新嘅我。佢入一入廚房，出嚟同我講，用咗滾水洗左，但我係叫佢比隻新嘅我…唔洗諗喼汁加咗水，完全冇味。咸水角，外皮綠色，好似幾有新意，但sorry，我食唔出有啲咩，唔係講緊個外皮，係成粒野無味。鳳爪普通，醬汁唔濃味。總結服務態度差，嘢食淡而無味甚至怪味，為咗慳錢醬汁加晒水，我就一定唔會再黎，價錢食左$242，6個點心，難食！希望大家唔好同我一樣中伏。

當大廈林立，一切要跟上時代的步伐。能否有一個地方，讓步調變慢、讓時光荏苒，找回純粹的自己。(1) 鮮蝦雲吞麵四粒鮮蝦雲吞墊底，讓幼麵不會被湯汁浸透，而且麵底沒有鹼水味。每一口的雲吞吃到滿滿的鮮蝦，而且處理非常得宜，爽口有彈度。(2) 自選：豬膶豬粉腸粥喜歡內臟不容錯過。處理手法乾淨俐落，沒有任何騷臭味。特別是「黃沙潤」，色澤粉嫰、口感似細沙，爽脆鬆軟。宵夜時段由晚上九時開始，價格亦更相宜。內部裝潢帶中國風，店員也十分親切。在商場又有晚市點心的地方為數不多，食物整潔度亦令人為之一振。