譚仔雲南米線 (已結業)

有邊個未食過譚仔？食米線譚仔一定係始祖，Lunch時間去譚仔食米線。其實觀塘呢間分店都算好大唔使點樣等位有超過50張枱 ，正今日叫咗過橋米線重慶酸辣二少辣，仲叫咗尖椒皮蛋同蒜泥白肉今次唔知發生咩事過橋米線份量勁多啲餸多到瀉咁滯，加上紅紅嘅油一睇就好似好辣，但其實食落一啲都唔辣酸得來帶啲拿中和左個辣味尖椒皮蛋唔使講一定嗌，蒜泥白肉啲蒜泥其實有冇得淨係叫蒜泥唔叫白肉😂😂蒜實在太好食啦，隱藏食法係將呢一個汁撈米線應該會超正

譚仔味道不過不失耐唔耐都會想過嚟食下今日又係諗唔到食咩嘅情況下入咗去聽講新出左湯底。係母親節嘅噱頭蟲草花雞杞子湯底。呢個湯底係冇得自己揀辣度 乜辣都無 所以會啱啲想食清淡啲嘅朋友或者長輩👴但係小妹都以養生為由點左個嚟試下😂而且仲可以加$8有紅豆椰汁糕食碗粉嚟到之後雖然覺得同圖片相差甚遠但係都叫做有材料。食落去好似媽媽的味道預算$42一碗嘅價錢來講可以接受屬於滋補系列，，新嘗試飲品就叫咗個新產品水蜜桃᙭᙭茶之類喺食到一半嘅時候先被告知原來已經冇晒當堂無隱😦最後由於都差唔多食得7788就冇再追加飲品紅豆糕食過都OK價錢都算可以接受仲叫咗兩個小食 皮蛋同埋小蒜泥白肉唔知點解覺得呢間皮蛋怪怪地好似冇咁好食咁白肉就都係一貫嘅味道。

一個人午餐每況越下，越來越難食，午餐時間好多人排隊，米線同個湯底越來越差，米線好硬湯底好咸，蒜泥白肉啲肉越來越薄，蒜蓉又唔新鮮，不過公司附近冇乜選擇,貪佢方便先食。

今日嚟到觀塘駿業街56號，中海日昇中心1樓 k號舖， 一間譚仔雲南米線， 食午餐 入到裏面，店舖很大很寬敞， 店內環境很好， 我叫咗一碗腩肉清湯米線， 十五分鐘腩肉清湯米線嚟到了， 很香噴噴， 腩肉很爽口， 配料有清甜的芽菜，有蔥花，芫茜，同韭菜， 芫茜行清香， 湯底不太鹹啱啱好， 米線很淋滑， 很美味， 還有一個紅油麻辣皮蛋， 有芫茜蔥拌皮蛋， 麻辣味道啱啱好， 有得選擇大中小辣， 不太油膩，不太鹹， 芫茜蔥花伴皮蛋非常很夾， 皮蛋行香。

中意食米線既都成日黎，不論邊間分店食lunch 或者晚餐都會見到譚仔滿滿既人流。我既譚仔常餐。腩肉生菜清湯，腩肉間中有幾舊真係肥到食唔到，生菜吸左d湯又係好好食。另外近排推左全日都有既蕃茄湯底都唔錯，有濃郁蕃茄味。雲耳，豬耳做小食，爽口又彈牙。

依間譚仔算係幾大有好多座位 我每次都係下午三點後先至嚟 黎譚仔，貪佢簡單得嚟又夠平 唔使度嚟度去諗食乜嘢不過佢哋手腳都幾慢落咗order都要等成差唔多十分鐘先有得食仲要已經唔係 lunch hour 之前明明見到有下午茶有燒賣🤔🤔仲一心諗住試下點知阿姐話已經冇再做😔😔今次湯底叫咗酸辣冇乜酸味，食落似十小多d味道比較鹹...叫左少米, 平一蚊之外,份量岩岩好豬肉同埋竹笙 份量都ok有時唔好彩會得好少架😆😆簡單嘅配料,好食又夠曬健康

相信大家對譚仔既米線都唔陌生，我最鍾意搵埋啲同事一齊去食lunch，個到既服務員應該係佢地最大既賣點，個種親切感係第二到係搵唔到架！🥰 最後，真係好鍾意佢既重慶湯底，辣得黎又酸酸地，好過癮，仲有佢地出名既土匪雞翼，每次我都一定會叫，大家一定要試下！😋👏🏻

最近非常欣賞譚仔嘅清湯。最怕就係d清湯淡戊戊，所以之前一直會揀譚仔嘅酸辣或者麻辣。但今日lunch食完清湯，發現原來清湯都別有一番風味！一d都唔淡，仲好鮮甜添！配埋我最鍾意嘅雞肉，好滿足☺️

譚仔的浪漫其實d餸加兩三款都係$56，今日見肚餓就叫左個過橋黎食下。已經有一排無食譚仔，因為有一排食得多好肥，但明明好清淡都已經係蕃茄湯底？我諗個秘密係係d米線到。雖然身為食家（專門呃飲呃食），但老實講三哥同唔係三哥我真係分唔出，米線雖然係雲南出品，但車仔麵格局都係港式獨有。過橋連茄湯底最後$58，姐姐仲好好人咁俾左兩個碗我，但對唔住，我係獨食既。其實加埋米線d餸我覺得過橋先係正常餸份量，米線得一餸既話，真係要食好多好多carbs先會飽，升糖指數高到離譜，下晝返工超級支力又要買杯咖啡，又要洗多$25。。三哥/譚仔邊個快d有得用支付寶/payme邊個就叻叻豬，我好厭倦帶cash出街呀！#日常喪🧚🏽Follow my ig : @pandaeatshk 🐼 for more food rants! 😋🍑🍖🍕🌮🥘🍣🍮🍳🍜 #hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全力食 #hkfoodstagram #飲食日記 #bestfoodhk #topcitybite

以前都寫過有關米線的食評，今次講下麻辣豬耳，係我最愛的譚仔小食。豬肉爽口，厚薄剛剛好，麻辣汁又夠辣，真係好味道！我成日去譚仔其實唔係為食米線，係為食豬耳，哈哈😄

如果一個人食晏唔知食乜好🤔但又要快 靚 正有自己啱食嘅嘢咁去譚仔就啱晒～由於想補補血所以特登叫豬潤😄😄😄豬膶有豐富嘅鐵質～如果想吸收得好啲呢，同蕃茄一齊食效果更佳（（我自己上網睇））所以就叫左依個豬膶竹笙番茄湯少米綫可惜依間鋪頭嘅豬潤太大抽佢唔係一片片⋯⋯係一舊，中間有啲筋啲筋係食唔到咬唔到嘅變相就令到啲豬潤好難先食到⋯我都係第一次遇到⋯⋯⋯就算豬潤碎/細細塊，都好過一抽抽，根本食唔到😔😔😔不過依間抵讚嘅係叫咗少米線，佢真係有少到份量岩岩好～ 唔使食太飽✌🏼

次次黎到食譚仔都一定會叫「重慶酸辣湯底」特辣或者大辣，譚仔既辣真係食到我上哂隱，我每次都只叫單餸，因為感覺單餸會多點，雙拼好似會少了點餸今日我就叫左腩肉重慶酸辣特辣腩肉又多又彈牙有口感，片片腩肉都大大片米線煮得岩岩好唔會太硬！湯底香辣惹味，愛辣人士至愛

譚仔大家都食得多，但辣湯成日都好多辣油喺面，食得多腸胃又好似唔係咁受到，所以近來新寵就係蕃茄湯底加十小辣，健康又美味！除左湯底，仲有粒粒蕃茄，正另一款就係辛辣湯底，酸菜同辣味嘅配合，非常美味！係譚仔雲南米線先有嘅豆腐，醬料味道濃郁惹味，又麻又辣，豆腐仲有少少凍，小食必選！個人覺得呢度嘅蒜泥白肉特別好食，肉肥瘦均勻，肉薄得來亦可以包得住蒜蓉食。蒜蓉份量多，愛蒜之人必點！食咁多野一個都係70蚊，絕對係快，靚，正之選！

譚仔其實成日都有食，見無咩人肯寫下食評，我見得閒就寫喇。觀塘真係勁多人返工，lunch time基本上無得直入，一定要係外面等。但間嘢真係超大，頂多等十分鐘就入到，可以接受。同班同事一齊去食，叫咗雞肉十小。十小即係少少辣，即係最少辣。少米可以平一蚊，女仔少米啱啱好。好唔好食？正正常常，飽到肚。唔係人間美味，但唔會入唔到口。窮人恩物。魚腐十小。魚腐同外面唔同，似麵根，好索湯，我鐘意嘅。榨醬好食呀！！！！！剩榨醬撈麵都掂。

夫君午飯，因為同事爽約，所以一個人去吃飯。 夫君一個人的時候，很喜歡吃米線。今天他終於有機會吃到他期待已久的譚仔啦！他今日點了牛肉勿演，麻辣小辣走牙菜作為一個簡單的午飯。牛肉正常地多筋，但味道都唔錯。勿演有四粒，均真，爽口彈牙，有墨魚味，幾好！米線夠其他舖頭，煙韌彈牙， 我諗呢個都係譚仔咁受歡迎嘅原因之一。 湯底麻辣小辣，但辣度就間間分店都不同，今次食呢間就比較淡，辣味不足。 不過食後感依舊，食完整碗米線十分口渴！