譚仔雲南米線

營業中

休息中

🌼 魚皮頭+豬膶 +雞肉米線 (49)外賣單太多做唔切，變相堂食都要等等。去親譚仔都會叫湖南酸辣湯底，唔會過辣又酸酸哋幾開胃。呢度啲餸都俾得足，試過去其他分店食三餸，豬膶得三舊🥲🥲🌼 一人小食跟餐送嘅皮蛋，正常發揮，辣汁撈米線食好滋味😁😁😁不過餐廳嘅衛生真係麻麻，成餐飯都有烏蠅仔不停飛，十分滋擾🥲發現源頭應該係嚟自放喺店舖入面嘅幾個回收垃圾桶😕😕😕明白嚟緊實施垃圾收費，餐廳們都要諗計做回收，但將回收垃圾桶放喺鋪頭入面擺都真係唔衛生，坐附近嘅食客係十分之慘👎🏻👎🏻想像唔到夏天嘅時候會點算🫣🫣🫣

今日又要去佐敦上堂，不過時間就變咗係朝早上堂，所以落堂之後就去食lunch。本身想去食串燒，但係冇開門；想食澳牛又好多人排隊… 所以就去咗澳牛對面嘅譚仔食米線。我好似已經好耐冇食過譚仔，原來而家可以用手機落order，唔使勞煩譚仔姐姐🤭 因為我唔係超級肚餓，所以同男朋友share一碗過橋米線已經好夠飽😆 順便試埋佢呢個新出?!嘅黑蒜清雞湯，然後加多一碟麻辣豬耳過吓口癮，就啱啱好👍🏻過橋米線配黑蒜清雞湯 ($62)我叫過橋米線嘅原因好簡單，就係因為佢夠多配料，咩都有啲😆 而且大大碗，兩個人share食都好夠飽！至於佢嗰黑蒜清雞湯，我又唔覺得黑蒜味好出，同普通雞湯差唔多🤔麻辣豬耳 ($30)呢個麻辣豬耳整得唔錯，雖然睇落好似好辣，但係識落又唔覺得好辣，反而係麻多過辣。豬耳咬落爽口，而且份量算幾多👍🏻凍檸茶 ($10)凍檸茶叫咗少甜少冰，未到就係正常既茶記水準，冇乜特別。

好多人以為連鎖店間間都一樣，食物一樣，味道都一樣，但係其實唔係㗎，就好似譚仔咁樣，由於响佐敦附近工作，所以通常會食其中兩間，一間就係位於佐敦嘅分店，另外一間就係位於九龍站嘅分店，兩間味道同質素就好唔同啦，佐敦呢間幫襯咗好多年，個個禮拜都要嚟食一次，覺得非常之好味，但係九龍站嗰間就差好遠，佢開咗唔係好耐，無論係食物賣相同味道都相差好遠，好多人喺譚仔食小食，都會揀土匪雞翼，我自己就另外有選擇啦，我自己最鍾意就係嗰隻雞腳筋，新出嘅，非常之爽口，另外亦都好鍾意蒜泥白肉，好大份量嘅蒜蓉，好好味，米線方面通常我都會揀套餐，因為乜嘢都有得食吖嘛，佐敦呢間水平維持得好好，同九龍站嗰間爭好遠。

食個譚仔，正常就冇乜好寫。.不過呢間，衛生實在太差 💔 坐低冇耐，就有好多細細隻嘅烏蠅飛來飛去。我一路食麵，一路仲忙住要拍烏蠅。.總共拍左4隻，仲有啲打唔到，飛去身上 😭 真係似做清潔姐姐多過食飯 💔 永不再來

見到譚仔有新小食，當然黎試下味道先啦😋😋順便食番碗米線啦🔹十三香香辣雜錦 $19 外賣盒加$1雜錦入面有有3粒陳皮魚蛋、2粒燒賣同2塊都筋！！陳皮魚蛋比較結實同埋都食得出陳皮味👍🏻而燒賣就普普通通，都煙韌既。麵筋食落好似一舊粉團咁，吸曬D醬汁好咸😅😅個醬汁我覺得係咸，唔係好辣🤷🏻‍♀️🔹竹笙炸醬湖南酸辣米線 $41 湖南酸辣加$1 米線同炸醬外賣盒各加$1好鐘意加竹笙，吸曬湯底既味道，但竹笙份量唔多🤷🏻‍♀️🤷🏻‍♀️

平日經過見冇咩人就入去醫醫肚，咁落單都快，碗米線都好快嚟咗，暫時都幾滿意。點知食左兩啖發覺湯唔辣（我叫左5小辣），我叫姐姐處理。等既時嘅發現有隻蚊滋飛左入碗麵度，死左係碗麵到🤮。我都好聲好氣即刻叫第二個姐姐處理加提提佢頭先已叫人處理錯湯底既事。點知處理湯底果個姐姐以為我又投訴錯湯底勁大聲話：「咪叫左人煮過比你囉，等下啦！ 」 我真係忍唔到即刻話：「唔係，係碗野有蚊啊！」 佢仲駁：「哦有野咪煮過比你囉！」其他姐姐聽到都同我講唔好意思，唔明點解果位姐姐咁大支野。總結呢間譚仔衛生差，佢地都習以為常咁，同埋某姐姐太冇禮貌，除左駁客人嘴，都聽到佢係咁話其他姐姐🙄。

午市時間同朋友大約11點40分到達，當時見有員工正在食飯，舖面只得一、兩人在工作。我們等侯安排入座、等人來落柯打；到12點05分落左單了，又再等左20分鐘食物還未到，就同個收銀講轉頭得閒先麻煩幫我地催一催食物，她的回覆話唔夠人手冇得催。。譚仔食物唔算貴但又未至於好平，餐牌加餸選擇少，味道一般又未好味到要嘥咁多時間等住食它的，仲要加上冇招呼。而且米線店成行成市，下次一定不會再幫襯，因為更好食的米線店有大把選擇。

同同事去食lunch 因為好曬好熱 見到唔洗等位就入左去食 一路都好想去試食佢新出既小食牛柏葉 又真係幾好食 有小小辣得嚟又幾爽口 係必食之選 至於碗蕃茄湯底米線就普普通通 記得以前岩岩出依款湯底果時都會有啲蕃茄食下 但係依家就完全冇 不過我認為蕃茄湯要加埋辣先好食😋 但係譚仔都真係平價之選

我老公對米線情有獨鍾我就一般般比老公捉左去食米線 好啦 咁我陪你啦不過新出嗰個香茜皮蛋脆肉鯇米線我老公一直想食芫荽熱潮wo 佢話佢係芫茜控點可能唔試下不過說好的「芫荽山」呢？哈笑左 原來要另外加3蚊加10蚊先有皮蛋海睇😅😅😅不過佢都話一般般而我就叫左個蟲草雞卷米線有溏心雞蛋﹑雲耳及杞子等滋補養生食材女人嗎要補下既不過蟲花雞卷米線食左覺得一般我又唔記得少米線啦但個蛋都幾流心嘅另外加個土匪雞翼5隻咁土匪雞翼就唔會輸嘅

完全係色香辣味俱全呀!!!!!!!今次揀咗呢一隻湯底 再加埋炸醬仲有墨魚春卷 呢個組合真係無得輸 首先等我形容下個湯底先 雖然真係偏辣少少 不過真係好香 我泡椒嘅香味 完全吸引到我 望落去好似清湯咁 但係其實一啲都唔簡單 第一啖濁親辣到痴咗線🤣🤣🤣不過之後加少少酸菜食 又幾鬼夾 酸菜入面完全係將湯底嘅精華吸晒入去又酸又辣 好開胃 再加埋自己最鍾意嘅物語春卷同埋炸醬 真係食到好飽​呢個湯底係由三款各有特色嘅辣椒製成嘅泡椒酸菜魚湯!!!!!!

已经有一段时间吃谭仔了，今天在佐敦办事，完事后特意跑到白加士街的谭仔吃晚餐。进去的时候还有不少空位，但被安排到的餐桌却有点窄，再胖一点会坐不进去。店员极力推荐他们新推出的香茜皮蛋脆肉鲩米线，但价格好像贵了一点，最后还是吃普通的米线。牛肉清汤米线再加了一份肉酱，看上去份量不多，只有几块牛肉片，味道普通得很。肉酱也很一般，放在汤内也没有令米线更美味。 但汤没有以前的咸，吃完没有口渴的感觉。今天消费不贵，如果要求不高，谭仔算是便宜之选。

夜晚10點半，每次諗唔到食咩，就會去食米線，可能間店距離收工仲有半個既關係，已經無人係入面，坐低之後就開始叫野食，麻辣湯底，多麻十小辣呢款湯底，真係主要食麻既口味，芽菜比較多我多數都會走韭芽，而今次配搭咗雞肉、魚腐，小食仲加咗口水雞翼，呢款味道夠辣，本身米線叫咗十小辣，連口水雞翼一齊食，辣度剛剛好，蒜泥白肉，其實真係蒜茸味搶口，肉味得返口感感覺上其實間間既味道都差唔多，爭在新鮮與否、賣相、店鋪環境，呢間店都算舒適，環境可以再乾淨啲

未見過有啲咁差嘅態度，收銀個男人簡直不知所謂，攞個位都咁唔耐煩，同佢講3個人，叫我哋出去等，見有人噤飛，又叫我地噤飛，一開始聽唔到佢講咩，又唔耐煩，大大聲咁呼喝我「噤飛啦」，唔會再有下一次食，今時今日仲咁嘅態度，係咪見我學生所以咁無禮貌？服務性行業做到咁真係冇水準。

半個鐘都未出到貨，午膳一小時，買完都食唔到，唔會再叫！ 明明所有職員都好似好忙，但仍然未有出外賣，外面等到出哂汗，無人理又唔見有出單，強烈建議趕時間一定唔好叫，非常差！

不正宗就算了，但是味道真的一言难尽极其难吃，服务态度一般. 最重要还是味道寡淡, 在香港第一次吃这么难吃的云南米线, 真的不知道是怎样可以开到连锁店，可以说是非常神奇了。简直是浪费晚餐的quota