譚仔雲南米線

營業中

休息中

阿仔好鍾意食米線，呢日經過，佢又話要食，就同佢入去淘大分店試下！呢間分店舖頭細細，但都算乾淨企理，自助形式湛水。兩碗米線都熱辣辣送嚟好緊要。蒜泥白肉白肉切得夠薄，蒜泥夠多，配埋紅油，惹味又入味。魚片頭米線清湯魚片頭夠彈牙，米線爽口，湯底夠香，食完好滿足。腩肉米線10小辣腩肉肥瘦均勻又入味，有口感 米線爽口，湯底又香又有小小麻味，好味。

譚仔一向定期都會有d推廣小食，作為一個帶子控，竟然見到譚仔有帶子食，即刻就試試佢先啦佢有兩隻味，一隻麻辣香蒜，另一隻就咁香蒜我就叫咗辣黎食黎到聞到勁香!!!!!帶子夠大粒 唔會好un 有汁翠肉瓜超好食 好juicy 個麻辣蒜好惹味大家一定要食

自從譚仔營業到而家 ，我就食足咁耐。見到淘大開其實好開心😁因為返工lunch終於唔使可以諗食咩。服務員都冇安排我坐邊度，我叫完嘢食有冇比筷子同埋餐牌。叫咗一樣小食同埋一碗米線，小食豬耳到咗15分鐘都未嚟米線，咁我就主動叫個店員幫我跟一跟，最尾都差唔多要成25分鐘先來，到最尾都漏咗芫荽山，雞肉嘅份量都好小過其他分店。同埋態度店員好差，同事之間係咁傾偈，我用A PP減咗$5優惠券，佢都冇留意直接跟收據嘅錢而收，都唔會講唔好意思。希望會加派多啲有禮貌嘅服務員，先會多多幫襯。

譚仔，我諗冇咩人未幫襯過，我大大話話都幫襯左幾十次，每次都覺得幾好食所以都會繼續幫襯。今次試咗個10小辣麻辣湯底發覺完全冇料到下次可以叫五小辣試一試。其實譚仔嘅主打我覺得係小食，今次叫了一份麻辣豬耳同埋四川青椒皮蛋都係超水準配埋汽水簡直一流。整體食物都有中上級水準，但係最後比我見到一啲唔應該俾我見到嘅野就係最後嗰幅圖見到張點菜紙放咗喺啲生菜上邊😨我當堂冇晒胃口。最後提一提呢間分店人手完全唔足夠，叫人落單都等咗10分鐘有多🥵，食物放晒喺枱面冇人手去攞給客人，結果等咗差不多20分鐘😡

【譚仔雲南米線🍜😋】講起譚仔 相信真係無人唔識佢 人生流流長你一定有食過佢 今日有d肚餓 於是就叫左佢地外賣（其實我平時好鍾意叫譚仔外賣🤣）*竹笙酸菜墨丸湖南酸辣湯底米線 🍜呢個係我嘅最愛組合 每次都會叫佢 一定要叫湖南酸辣湯底 畜生酸蔡有時配機肉🐔或者勿演🍡～ 酸酸甜甜 又有嚼勁 有飽腹感 正（如果覺得米線太多可以叫少米線）*凍檸檬 🍋（少冰少甜）佢地嘅檸檬茶都好好飲 我就叫左少冰少甜 綠色譚仔仲有好多送 小食邊款又係你嘅最愛呢 歡迎分享！

呢幾日好似準備要發病咁譚仔真係逼出病毒嘅最好還良藥某一次我喉嚨唔舒服食完譚仔即刻有粒野生咗出嚟結果病咗好幾個月食咗好多個月維他命丸先好又戒曬嘢飲淨係飲水結果今次就嚟中招一路都驗唔到兩條線食完呢餐即刻發冷發熱第二朝就驗到兩條線呀即係準備病嘅時候千祈唔好食譚仔啲病菌就會發出嚟呀只限我自己叫咗個過橋米線炸醬好好食當然嗰啲肉嘅碎料都係亂咁瑞爛曬咁啦都唔會好似以前咁樣成塊肉咁好味啦都有啲肉碎呀有啲魚蛋呀又唔會齊曬所有配料咁樣食囉大心理上都覺得佢係最抵食嘅好似每樣餸都可以食到一啖就算去碎片都抵啦

外賣豬潤米線加咗杯凍檸茶38蚊分量正常冇以前咁多但係想嗌過橋但過橋有陣時又整得好求其好似一堆食淨餸放埋煮豬潤都係正常味啦譚仔嘅一般豬潤鞋口感米線又唔會太硬嘅但係都等咗成差唔多三四個字買嗰陣已經提醒話要需要等25分鐘下次真係打定電話去叫算啦市道好似好番超多人去食外賣都勁多人買但見到佢碌完啲米線同食嗰種就算每一碗都放咗熟好嘅米線碗答碗禁放住其實真係麻麻地

前嗰排見到好多Foodies去咗譚仔食新菜式，今夜終於都約到朋友一齊試新嘢！｛蟲草花素湯OMNI新豬肉芹菜餃子配青通菜底 $45 ｝適合想食全素嘅朋友，奶黃色嘅素湯底幾順口，雖然食到後面會覺得口乾，餃子皮比較厚，內餡普通，食唔出芹菜嘅香同口感，不過通菜底份量唔少，整體感覺算健康！｛濃汁豬軟骨寬麵配花椒重慶酸辣湯 $44｝湯底辣度由三小辣起，我哋揀咗三小辣，但可能佢嘅酸味中和咗辣味，識落唔算太辣。配料方面有豆卜、豬軟骨同平時米線都有嘅芽菜韭菜腐皮，份量比我想像中少，平時單餸好似仲抵，寬麵就煮得唔錯，唔會太軟仲好有咬口！淘大分店嘅人流比較多但人手好似唔太夠，要預多少少時間等。另外仲見到有植物豬肉炸醬，感覺都幾特別，下次再俾個機會去試一試！

譚仔雖然成日都會食，不過近期少食左好多，皆因分店水準差參，今日叫外賣戶戶送到屋企門口，因為天氣太熱門口都唔想出，辛苦外賣員哥哥，咁熱嘅天氣為我哋服務，而且都幾快手，落單連準備大概一小時內就送到。平時多數叫麻辣或者泡椒酸菜魚湯底，經友人介紹今次就叫左重慶酸辣，酸酸辣辣都幾開胃，有少少似平時食到川菜嘅味道，重口味Ｄ不過都唔會話好油，叫左中辣，芽菜同脆肉鯇兩個送，另外再嗌多左個小食，糾結左好耐原本係想食青瓜，最後都係叫左豬耳因為好耐無食過，不過就太鹹，過完水都仲係鹹，飲品新出三花茶，清清地有花香味又唔會太甜，唔錯！

呢排成日見到人地試譚仔芝士撈米線，今日諗唔到食咩就入去試下，一入到去，姐姐即刻放低個餐牌順便指住芝士撈米推介話：「呢個生出嫁！試下呀！」烤豬柳芝士泡菜撈米線（$44）可以另外架加$1加辣，最少10小辣，我今次揀左5小，除左面頭淋左芝士汁之外，仲有啲芝士碎所以有少少拉絲既感覺，入口首先係好香既芝士但好淡味，就算撈埋泡菜都覺得唔太濃，更加無咩辣味，説好的啖啖譚仔味呢？驚喜既係烤豬柳幾軟同幾juicy，如果之後變做新配料就好啦！新鮮油菜- 韮菜（$19）補腎潤腸通便既韮菜，有口感又有獨特嘅清香，比起水分為主既生菜同芽菜，食下韮菜覺得更健康！雞汁木耳黑柏葉（$29）超香濃雞汁配木耳同黑柏葉，平時食開既小食都一定係配重口味既麻辣汁，今次食另一種口味好新奇，入口係黑胡椒既惹味辛辣，配上爽口既木耳同黑柏葉，好想食多碟！巨冰凍檸茶（$10跟餐）除左冰係成板上之外，無咩特別。