譚仔三哥米線

營業中

休息中

今日無約人，想食自己喜歡的，選左食米線我好喜歡這間店的米線彈牙爽口，食慾大增我要兩款餸：魚腐兩粒-好香好軟化，好食；魚片頭-3至4块，爽口彈牙，三角形狀，好香魚味，好食啊配菜好多：芽菜，菲菜，腐皮，蔥 -非常惹味

好耐都冇食辣野了。呢排辣癮起，就決定去銅鑼灣既譚仔三哥食麻辣米線。可能因為五點先當下午荼咁食，唔使等位就入得。叫了碗三小辣既豬潤麻辣米線，一貫水準，辣得來麻味絕對令人滿意，豬潤口感一流，米線份量足。不過之前聽人講食得多譚仔三哥會對辣開始麻木，三小的辣好似冇以前咁勁，睇來下次都要升級下。另外，食譚仔三哥當然唔可以唔食譚仔三哥既小食啦，尤其係土匪雞翼，簡直係必食推介。對於我這唔食得辣既女朋友，土匪雞翼都自然成為了佢既走辣首選。有別其他連鎖店，譚仔三哥的Quality Control做得好好，唔同分店的食品質素都keep到，去到香港十八區幾時辣癮起都可以走去其中一間醫肚。

想平平地食個米線一定要揀3哥, 因為一直都保持住好好食, 湯底又可以揀清湯, 唔使加錢又唔熱氣, 好過食大家樂~三酸永遠都係我既最愛, 少少辣加上好開胃既酸味, 三哥特有牛肉豬肉加生菜又夠瘦, 唔使怕肥, 米線份量岩岩好, 稔得黎唔會散, 夾埋清湯底一齊食又好味, 真係好抵食~我最愛都係佢地個口水雞翼, 唔會好辣, 而且個清湯底唔夠辣可以用呢個辣油黎加辣, 都幾好丫!加埋譚仔阿姐特有既口音, 令我月尾成日都會黎食飯呢

今日相約幾個朋友到銅鑼灣血拼，血拼前要先填填肚子，為了省錢去拼，我們就隨便找一家粉麵店吃個快餐吧。我們一共點了3個，一個是生菜木耳絲麻辣米線(3小辣)，一個是生菜腩肉墨魚丸麻辣米線(5小辣小米線)配凍檸茶，最後一個是豬潤炸醬麻辣米線(10小辣)，我們每個點的辣度都不一樣，想著分來試試辣度怎樣不同。生菜木耳絲麻辣米線(3小辣)：3小辣真的非同凡響，麻中帶辣，辣度十足，嚐辣的朋友一定要試一下，木耳絲本身就沒什麼味道，但配上辣湯爽爽脆脆的，生菜吸了辣湯的麻辣，也蠻辣的，但又得過癮的感覺。第二個生菜腩肉墨魚丸麻辣米線(5小辣小米線)配凍檸茶：這一道比之前的3小辣比較溫和一點，滷得入味的豬腩肉一點不油膩，墨魚丸爽口彈牙，還吃到一粒粒的墨魚肉，生菜吸了5小辣的辣湯味道剛好，對我來說，5小辣就可以了，恰到好處，配上凍檸茶真的一大享受。最後一個是豬潤炸醬麻辣米線(10小辣)：豬潤很新鮮鮮味，粉粉軟軟的，很有豬潤的味道，加上我點的是10小辣，雖然湯的味道不算辣，但配上炸醬的甜甜味，又是另一種味道，另一道風味，從麻辣之中帶一點甜味，還不錯。總括譚仔是我常常會心思思地回味的一種味道，從湯底到配菜都有自己的特

一直都好中意食米線，由其係譚仔三哥，不過食得多就發現即使同樣係譚仔，唔同分店有時質素都會唔同，有啲特別辣，有啲湯無咁濃，有啲米線就會比較軟身，而我就十分滿意呢間係銅鑼灣消防局隔離既分店。呢間分店有兩層，一般情況就算係午飯最繁忙既時段都好少要等位，對打工仔黎講係好吸引既好處。由於喉嚨有啲唔舒服，唔想食太辣，就叫左麻辣十少，但仍然十分香濃。通常我都只會叫一樣餸，因為咁樣叫法個餸感覺會特別足料（可能只係心理作用）一句講哂，呢間分店值得推薦！

放假唔知食乜好，行過鵝頸橋譚仔一於去食番個薯粉先，我鐘意去三哥譚仔，因為佢有糊辣，個辣味唔會令我食得好辛苦（因為有D辣食到出曬汗）湯底香香，辣味溫和，我每次去都係叫同樣嘅野，豬潤九韮菜薯粉糊辣，但我覺得每間都有少少唔同，好似今日個碗我就覺得冇之前咁夠味，冇乜糊味，韮菜份量少咗D，不過都係我都照樣成碗食曬😋薯粉係我至愛。

今次黎食午餐，特意去到銅記既譚仔三哥皆因我同事話比起其他分店好食。想不到服務態度很好，一進門坐下已經可以直接下單，店面客人多，但安排入座的流程也很快速，而且上菜速度很快。值得一讚。可能是因為得兩人，這次我們不需搭台，可以自成一各。過橋米線：　我個人非常之喜愛豆卜同腩肉，夠入味好好味。仲有好多餸，例如豬潤，丸，火腿等等，所以我覺得過橋米線都幾抵食，如果想試晒啲餸嘅朋友，都可以試吓呢個。不過今次叫左清湯因同事食不到辛辣。米線係煮得好淋好好味皮蛋: 好入味，加埋蔥蒜係世界級食物，黎到一定要食，會再encore!土匪雞翼: 即叫即做嘅雞翼，上台熱辣辣，黑芝麻好香，配合辣椒粉孜然粉甚有燒烤嘅風味！

食譚仔既次數多不勝數今次推使我寫食評的原因是這分店有很多值得讚賞的地方之前都黎過呢間分店食野好多次 但每次店員的表現也普普通通今次中年時候到來食午餐一進門店員和店長也態度很好 而店長則把店門打理得井井有條 因為我到場食的時候店面客人不算多 所以店長盡量安排食客不用搭檯 安排入座的流程也很快速而上菜速度很快，店員也很有禮貌，很勤奮工作對比其他的譚仔真的是令人印度深刻的一次

今天專程等到三點後，吃下譚仔三哥的蕃茄湯底米線，原來蕃茄湯底之中，也有素蕃茄湯底的選擇。今次叫了魚蛋十小辣蕃茄湯底米線，魚蛋中規中矩，值得一讚的是個蕃茄湯底，非常足料，很夠蕃茄肉，而且非常入味，下次一定會再食呢

是日佛誕茹素，譚仔三哥三點後有素湯底選擇吖平日食開10小辣，今次一於試下五小辣啦，果然比10小辣辣很多，幸好已叫定了一杯凍檸蜜急救了而餸方面，我叫了木耳絲，味道不錯，不過忘記了叫少米線，所以吃了很久才完成啊

譚仔俾日本集團收購左都一段時間，暫時都冇咩大動靜，都係主打米線，冇任何新動作，但唔緊要啦！事關我好鐘意食三哥酸辣米線！！！呢個就係我至愛既三哥重慶酸辣米線啦！！！ 配上腩肉，魚腐，生菜加凍檸茶，簡直係平民美食呀酸辣湯底又酸又辣，完全刺激到味蕾得黎又不會好似麻辣咁過份，味道岩岩好呀，呢個湯底都係我去親譚仔三哥必嗌湯底咁制！ 生菜爽，呢個三哥做得比譚仔好，譚仔生菜有時唔夠爽另外嗌埋個土匪雞翼，食完好飽飽，成個人充滿電咁

三哥d野食平靚正我個人覺得可惜唔係區區有今日去完銅鑼灣按摩一落樓就有一間又唔算多人加上超強冷氣令個人都冇咁熱因為今日成34度 企多10分鐘都會暈唔係講笑叫左3樣野好多米線食左好耐都食唔完配料就3-4件正正常常最好食係個湯底一個特辣一個酸辣兩種唔同口味我通常最鐘意飲湯先湯係一碗好麵既根源飲多口腐竹最好味吸引晒所有味入來土匪雞翼好耐冇食水準都係咁出色所以自己叫左5件食實在忍唔住加杯凍飲料一位都唔過70$又飽到上心口夫復何求

不嬲都係三哥fans 每個星期最少食一次自從三哥推出三哥酸辣我就番唔到轉頭今次照舊 付木鳥(三酸)二小一送黎第一啖一定要飲湯！！！中意重口味既一定中意三哥酸辣！！今次同朋友一齊叫左細白肉，就算知道會口臭成日都係忍唔到。要同一片白肉包住一篤蒜泥黎食。避開繁忙時間，下午餐時間去食，一入去就有位仲可以坐得鬆動d

我百分百係三哥派既人黎既今晚去食左例牌三哥酸辣米線仲簡左三送三哥湯底好濃好香(我本身係個鐘意重口味既人)個三哥酸辣湯更加係完美夠酸夠辣加上佢大大份 夠哂喉再配上個蒜泥白肉完美只係食完個口會好大味道

譚仔三哥好多時都好多人，銅鑼灣區好多時都好多遊客去食添，好在這間譚仔三哥夠大，唔洗等位，都坐得幾舒服。我地今次叫左個過橋米線，三哥酸辣，仲有個蒜泥白肉，兩份食。由於個過橋米線夠晒大，我同老公兩份剛剛好。個酸辣真係幾正，睇個樣好辣，我雖然平時食唔到好辣但都食到，個湯底酸酸地好開胃，難得食完又唔會超口渴，應該唔係好多味精。這裡最正的應該是小食，今次我地淨係叫左個細嘅蒜泥白肉，佢pat蒜泥超多，個辣油汁好惹味，腩肉厚薄剛好。其實仲有好多小食想食，但驚食唔晒，下次定試多d,總之就抵食順帶一提，我隔離枱有人問路，職員超友善幫忙