諾亞半熟蛋糕專門店 (已結業)

朋友生日,再次選擇諾亞包裝精美細緻，蛋糕賣相吸引蜂蜜味好濃，凍咗同暖口感完全唔同98蚊都幾抵食最鍾意佢唔會太甜，但芝士味唔夠

食過番尋味, 之前試了比利時半熟流心芝士蛋糕味道很不錯, 今次買來二杯可愛猫猫杯裝半熟蛋糕, 一次過買2杯會平少少, 只得原味蜂蜜及朱古力味2種味道。店員包好蛋糕, 又好細心地解說如何把蛋糕解凍及如何處理未吃的蛋糕。2隻猫猫排排坐等解凍, 一般情況下 30分鐘蛋糕己變軟, 有流心感覺。2隻萌猫也可愛, 也是"賣飛佛"。朱古力半熟杯蛋糕 ($48)開動了, 蛋糕皮是脆的, 用匙舀起蛋糕, 真的很流心,像切開另一甜品心太軟一樣, 流心朱古力漿如泉湧出, 濃濃的朱古力, 味力沒法擋, 又不失香滑, 也不甜膩, 一人一杯, 作為家居飯後甜品一流真係好流架原味蜂蜜半熟杯蛋糕 ($48)另一杯原味蜂蜜解凍後比朱古力那杯更流心, 蜂蜜清香, 小朋友應該會好鐘意, 對我而言略甜了點, 否則我比5粒星蜂蜜半熟蛋糕泡沫柔滑, 像在吃份子料理似的, 入口即在口腔溶化了下次……試乜好呢? 好想試晒佢地啲蛋糕, 看來要勤力點做運動了。

其實不久之前試左諾亞既半熟蛋糕，誰不知轉個頭便新推出左忌廉哥既特別版半熟蛋糕，身為貓癡既我忍唔住要買返黎試試下，順便擁有埋個杯杯荃灣既諾亞位於路德圍 人流非常多 忌廉哥半熟蛋糕$48一件，$86兩件，送埋隻杯我覺得好抵！平時買隻靚的杯都要呢個價錢 食前要解凍約十五分鐘 杯身印有忌廉哥既寫真，有Q版同真實照，好得意 解凍一會之後切開，外表會比較硬身而內裡係軟身的蛋糕 朱古力味非常香濃，好在不會太甜太膩，夾心有點似慕絲，香香軟軟，外層較廷身，幼滑香甜至於原味，基本上係蜂蜜味，味道非常突出，清甜蜂味帶有蛋香，質感比朱古力更細滑，甜度亦比朱古力味多一點，先食蜂蜜味會好的，始終朱古力較濃味。蛋糕質素不錯加上有咁得意既杯拎，快的帶忌廉哥返屋企

今日朋友生日，佢一直都同我講諾亞既半熟蛋糕好好食，咁我今日就決定買個靚靚既賀佢生日。天公不做美，去諾亞既時候好大雨，店員見到我狼狽既樣子立即叫我行入D同問我有無淋濕，即時覺得人間有愛!睇左一陣，好心既店員就介紹左福岡士多啤梨蛋糕同六色芝士蛋糕比我，既然慶祝生日，當然要揀個紅當當嫁啦!福岡士多啤梨半熟芝士蛋糕 $189半熟芝士蛋糕食之前要先解凍20分鐘，先會有流心既效果。先試試上面既福岡士多啤梨，非常驚喜! 士多啤梨好大粒好清甜，咬落偏軟，一D酸味都冇，而且甜味並唔係浸完糖水之後既效果，果然一分錢一分貨!之後再切一切，中間既流心效果不俗，入口好軟滑creamy,而士多啤梨味道突出而又不會蓋過芝士既味道，芝士既感覺唔會令人覺得飽滯，我同朋友兩個人唔洗15分鐘已經食曬成個蛋糕!之後再開左枝外形得意既山楂水飲。山楂水既山楂味道可以再濃D，整體感覺偏甜而唔夠酸既味道。

近日得知諾亞推出了杯裝半熟蛋糕，還以忌廉哥瓷杯盛載著的，賣相得意可愛，當然要買個回家嚐嚐la! 買蛋糕期間，又見到以 “日本褔崗甜王草莓” 製成的草莓半熟芝士蛋糕，身為士多啤梨迷，這個鮮艷欲滴的蛋糕每粒士多啤梨都大大粒且紅噹噹，受不住引誘之下，決定也把它帶回家享用朱古力味杯裝半熟蛋糕 ($48)可以熱食/ 凍食的蛋糕，我選擇了後者，冰凍且鬆軟的朱古力蛋糕，內裡是澎湃的朱古力流心，朱古力味相當甘濃，亦不過於甜膩，個人很喜歡這味道! 這個價錢還包括忌廉哥瓷杯，定價太吸引了吧!草莓半熟芝士蛋糕 ($189)平時已經很喜歡吃士多啤梨以及芝士蛋糕，現在把兩者合二為一，那就沒有不購買的理由la!士多啤梨香甜多汁，芝士蛋糕亦很幼滑，還滲出淡淡的士多啤梨幽香，家人都很滿意這款蛋糕呢!荃灣路德圍荃興徑31號地下4A號2601 3311

今日人日，人人都生日，咁梗係要買個蛋糕賀一賀啦！行開去荃灣拜年，見到有間諾亞，好想試新野呀！ 估唔到而家諾亞推出幾種新產品，有d都幾可愛！我睇左好耐都揀唔到要小熊好定係小黃鴨好。哈哈 最後諗到一個方案，就係買一杯細嘅朱古力味半熟蛋糕再加一個小黃鴨檸檬芝士半熟蛋糕！ 首先講下小黃鴨檸檬芝士半熟蛋糕$98, 個樣真係好得意！小朋友見到都好開心，仲嘩嘩聲！賣相就已經好吸引！呢個半熟蛋糕未食之前喺雪櫃，食之前拎出黎攤一陣就ok! 呢個蛋糕都好易切，好輕易就可以分哂！蛋糕充滿淡淡嘅檸檬味，一啲都唔酸，好清新！而中間嘅芝士個質感剛好，唔會太軟變成一pat , 芝士味都好濃，但配合檸檬又會覺得好夾唔會覺得膩！好適合一家大小有小朋友場合食，好味又睇得！ 咁岩見到有新出嘅杯裝半熟蛋糕，個杯真係好靚！貓貓杯好Hawaii~~ 再試下個味先！用湯匙就可以一啖一啖食，吉落去再拎起上黎，流心朱古力漏出黎，感覺有d似心太軟！真係好正！full of chocolate !! 而朱古力又唔會好甜，男仔都食到落去！份量方面係一人份量，女仔都一定食得哂！而食完又可以留返隻靚靚杯！真

行過蛋糕店門口就被那可愛忌廉哥小杯吸引住，原來是新出品杯裝蛋糕，$48/杯 $88兩杯食完隻可愛杯杯可以用來飲咖啡……超正！本來有原味和朱古力味兩款但朱古力味賣晒就買了原味回家，香軟蛋糕濃郁蛋味内面有清香蜂蜜味流心……好回味呀！！下次一定要試朱古力味又可帶另一款忌廉哥小杯回家。

已經吃過多款"諾亞"半熟蛋糕, 今天嘗試了限量的草莓半熟芝士蛋糕($169)。荃灣分店位荃灣路德圍食街街頭, 遠遠就看到大大個招牌。 多款蛋糕, 飲品中 以這款草莓半熟芝士蛋糕價錢最高, 但看到鋪滿士多卑梨的蛋糕很吸引, 每天還限量發售, 相信貴得有道理。雪櫃取出後放室溫30分鐘便可以開始享用, 切開蛋糕, 感覺質地較鬆軟, 上面士多卑梨層, 中間流心芝士, 底層朱古力蛋糕。 士多卑梨大粒份量很多, 酸酸地爽口清新; 士多卑梨流心芝士, 滑流流, 酸酸甜甜像吃乳酪一樣。我另外還買了一個新出品的 朱古力味的杯裝半熟蛋糕($48)。細細杯適合一個人吃, 用備有的膠匙來吃, 朱古力味濃郁, 入口香滑, 間或帶少少蜂蜜味。 印有忌廉哥貓杯很漂亮, 還可留用。下次一於試埋另一種, 原味杯裝半熟蛋糕。

再三光臨「諾亞半熟蛋糕專門店」，源於友人傳來的一張照片。照片上是一隻印有忌廉哥的杯子中裝著半熟蛋糕，價錢只是$48，超心動呀~這次除了杯子蛋糕，另一目標就是這燈泡形的飲品，也只是$18，當然要把它一併帶回家~~燈泡飲品一共有三款味道 : 蜂蜜紅豆水/蜂蜜薏仁水/日式白米奶茶，猜猜我最後選了哪一款?回家了! 杯子蛋糕就裝在盒子裡，小貓也要來湊湊熱鬧耶! WOW! 杯子前後也印上了忌廉哥的可愛嘜頭，非常可愛! 盒子內附上匙羹，馬上舀一口~我這款是朱古力蜂蜜味半熟蛋糕，另有原味蜂蜜選擇。流心濕潤的內餡， 在口中溶化出Creamy濃郁的朱古力，獨自吃光一整杯，太幸福了!店員說這杯子是以優質陶瓷製造，可放置於微波爐中火30秒至1分鐘，熱騰騰地吃喔~~大家不妨試試看呢~陶醉在蛋糕的夢幻之際，小貓探頭探腦地發現另一目標~登登! 就是這燈泡飲品啦! 最後選擇了日式玄米奶茶，裡面加入了玄米、鮮奶、蜂蜜及紅茶。清甜淡雅的奶茶當中，傳出陣陣玄米香，蜂蜜是沒太喝出來，愛淡甜奶茶迷應遂蠻喜歡喔!

臨近新年，總是在外忙著辦貨、買衫，今天因為剪頭髮，也因著臨近新年總是人多，花上了一天時間，完成了時都有點肚餓感。剛巧路經諾亞半熟蛋糕專門店，發現出了很多新產品，剛好肚餓的我，見到新品以杯裝的蛋粒，便決定買下來醫肚，順便買多個蛋糕回家吃。諾亞諾亞半熟蛋糕專門店的蛋味道不會很甜，對蛋糕的味道是有一定要求，價錢又不貴，不需用上昂貴費用便能吃到一個蛋糕，確實是一個不錯的甜品選擇。 **********************位於荃灣分店的諾亞半熟蛋糕專門店，就在路德圍內的一個街角，很容易找到。在門前的蛋糕櫃內，發現了新品，以杯裝的蛋糕，HKD48杯/杯，HKD86/2杯。味道只有2款，蜂蜜味和朱古力味。 4款半熟蛋糕的味道HKD78/個，蜂蜜、朱古力、低糖伯爵和茉莉花。半熟蛋糕還可以熱食或凍食，在如此寒冷的天氣，吃上暖熱的蛋糕，都幾吸引。 新出飲品共3款味道，HKD18/枝，用上燈泡型的玻璃瓶放著，都幾吸引。還有以公仔圖樣的2款芝士蛋糕也能提供，HKD98/個，最合適為小朋友而買來吃，看得開心食得滿足。 原來還出了3D蛋糕訂造，HKD498/磅，必須要3磅起下單，單看款色都幾吸引。

半熟蛋糕，算是新興的甜品種類，用烘培方法，將蛋糕焗至半熟狀態，而出爐後當蛋糕遇上冷空氣，冷縮熱脹便會形成標誌性的凹狀其中最多人試過的算是心太軟吧諾亞作為第一間由台灣引進的半熟蛋糕，想試好久了，今日就來會一會他除了半熟蛋糕外，還有半熟芝士蛋糕、泡芙、輕芝士蛋糕、3D蛋糕...心大心細，望著蛋糕櫃，見到好多代言貓~忌廉哥實在1516，就看看店員介紹的比利時朱古力半熟芝士蛋糕($99)吧朱古力面十分有光澤，看起來柔滑的感覺。就選你吧！鹿角包裝，有心思，而且內有乾坤，已有五份餐具附送職員細心詢問路途時間，因為比較近，就不需要乾冰了急不及待，到我操刀的時間了，切開軟身朱古力淋面，半熟蛋糕的流心緩緩流出，要快手上碟！芝士流心真的不錯，入口香滑、甜而不膩，芝士香味比朱古力突出先嚐到豐厚味濃的芝士，再來是恰到好處的比利時朱古力，畢竟芝士是主角嘛吃第一件時，忽略了朱古力蛋糕餅底薄薄一層軟綿綿的朱古力蛋糕，味道上被主角搶鏡了，但起到作用定住芝士流心呢，也提供多一層不同的口感我們仨，不一會就清碟，下次會再試其他半熟芝士蛋糕，我掛著個流心呢^^

今日放工行過路德圍，本來係打算直接回家食晚飯，但忽然見到呢間店門口放住兩個好得意的瓦杯，原來係忌廉哥限定版半熟蛋糕！48蚊有埋個咁打耳的忌廉哥，當然要買番杯啦！我揀的是蜂蜜原味，個蛋糕唔會過甜，口味幾清新，中間的流心做得好夠蛋味，個蛋糕的質感係介乎mousse同日本芝士蛋糕之間，凍食呢種口感係幾唔錯的。漂亮的包裝，實用可愛的杯，美味的蛋糕，48蚊原來可以買到咁多嘢的

今日約朋友荃灣食飯等下佢，行下冇野做見到諾亞有款用杯裝住的蛋糕仔，原來係佢地細版的蜂蜜味半熟蛋糕，忍吾住買左一路行一路食，食完仲可以留個杯添…好軟熟的蛋糕，入面好似流心咁，蜂蜜味激濃同香，但覺得甜左少少，幸好蛋糕吾甜，一起食就剛好，食完同朋友講，原來細心睇貓貓係忌簾哥，好搞笑，佢仲有朱古力味，等我下次都買佢回家先。

今日同妹妹途經見到諾亞有個細半熟蛋糕四十多元，仲有佢最愛忌簾，已經叫話要買，見吾太貴仲有杯送就買左杯比佢，返到去已經急住要食，佢附有一隻細匙，沒想到咁軟熟同堅半熟感覺，中間勁多流心和好香朱古力味，妹妹食得勁興奮，但我就覺甜左少少，但蛋糕夠軟熟同香蛋味。妹妹已經問幾時再去買另一杯蜜糖味貓貓....細細地份量剛好又新鮮

今日行過諾亞見到新出左杯裝半熟蛋糕，重點係..杯上印有忌廉哥啊即刻心心眼要買杯裝半熟蛋糕有原味蜂蜜同朱古力味，兩款味道既杯係唔同圖案架~$48/1個，$86/2個~杯裝係用呢隻盒裝既，店員係盒入面放左1個鐘乾冰，好細心行埋街先反去都唔怕蛋糕變壞啊~我就為左呢個肥仔忌廉哥卡通圖案而揀左朱古力味原味既卡通圖案係另一款，係忌廉哥個頭，無身杯身另一邊係忌廉哥既寫真照，我就覺得卡通果邊靚啲喇就咁已經聞到濃郁既朱古力香一筆落去，嘩流心效果好好，杰杰地唔會好浠，已熟既蛋糕部分很鬆軟，面層還有點煙un口感，好好味呀朱古力味濃郁甘香，最讚係唔太甜，食哂成個都唔膩！其實係食一個唔夠呢